Üç aylıq ədəbiyyat dərgisi
133
Bilirdi ki, bu “zəngdən” sonra onun
qulağına sözlər pıçıldayan bir varlığın
səsi eşidiləcək. Hə, hə. Zaman-zaman
onun qulağına qəribə bir adamın
(adamınmı???) səsi gələrdi. Uşaqlıqdan
vardı bu. Qardaşı Nizami şahmat üzrə
respublika çempionu olanda da o bu
səsləri eşidirdi, özü ali məktəbə qəbul
olanda da, müdafiə edəndə də... Amma o
bu
səslərə arxa çevirirdi,
o səsin sahibinə
həqarət edir, lağa qoyur, ələ salırdı.
Amma o səs kəsib-kirimək bilmirdi.
Bude, yenə doldu qulaqlarına.
(Əslində
SƏS sahibinin söylədiyi bu pritçanı
hardansa oxumuşdu. Amma unutmuşdu.
İndi o SƏS həmin pritçanı radiosəs kimi
onun qulağında səsləndirir, pıçıldayırdı.
Qabaqlar bu SƏS-dən qaçsa da, indi
ona tapınır, ona yıxılırdı. Ki, bəlkə
zaman-zaman arxa çevirdiyi SƏS, bu
ağır anda onu ovuda.)
Titrədi.
Yayın bu istisində
titrətmə gəlmişdi ona. Az qala sükanı
buraxacaqdı.
Beləydi:
o
SƏS-i
eşidilməzdən qabaq, titrəyir, elə bil
başqa adam olurdu. O SƏS bəlkə heç
eşidilmirdi: onun beyin yaddaşına yazı
və SƏS şəklində ötürülürdü? Hər
nəydisə, İmirin bütün bədəni titrəyir,
tərləyib yumşalır, sonra o SƏS-ləri
qəbul edirdi. Qədim türk abidələrində
necə deyilirdi? “EY TÜRK, TİTRƏ VƏ
ÖZÜNƏ DÖN.” O da titrəyirdi, amma
özünə dönə bilmirdi.
Bude,
yenə
o
YAZI-SƏS
ötürüldü ona.
Səs
“Bir quş Sülüyman peyğəmbərə
bir dərvişdən şikayət etdi. Dedi ki, bu
dərviş mənim qanadımı qırıb.
“Niyə qırdın?” deyə dərvişdən
sordu peyğəmbər.
Dərviş dedi: ”Ya Süleyman, mən
acmışdım, bu quşu ovlayıb yemək
istədim. Yaxınlaşanda o qaçmadı. Mən
də qanadından tutandan sonra dartınıb
əlimdən çıxdı, onda bir qanadı qırıldı.
Əgər ona yaxınlaşanda qaçsaydı, qanadı
da qırılmazdı. Günahkar özüdür.”
Süleyman quşa dedi: ”Sən niyə
qaçmadın?”
Quş cavab verdi: ”Ya Süleyman,
bu adam dərviş libasındaydı, ona görə
qaçmadım. Dərvişlər allah adamı olur
axı, kimsəyə zərər verməzlər. Mən də
onu elə bildiyimçün qaçmadım.”
Süleyman əmr etdi ki, dərvişin bir
qolunu qırsınlar.
Quş çırpına-çırpına dedi: ”Ya
Süleyman, onun bir qolunu qırsalar,
sağalandan sonra yenə biz quşların
qanadını qıracaq. Yaxşısı budur, sən əmr
et, onun dərviş libasını soyundursunlar
ki, mənim kimi quşlar onun bu zahiri
görkəminə aldanmasınlar...”
Bu səs kəsilən kimi bir az əsəbi,
bir ay yumşaq, bir az boğucu, bir az
çəkici və bunların hamısından betər səni
buraxmayan İKİNCİ SƏS eşidildi.
Nədənsə o bu səsi daha çox gözləyirdi,
ona daha çox tapınırdı.
İkinci Səs
“Sən ona çox da qulaq vermə.
Eşit, amma inanma. O Süleyman da, o
Dərviş də, o quş da it ilində olub keçib.
Sən önünə bax. Ye, iç, kefini çək.”
134
№ 4 (20) Qış- 2016
Bir-birinə qarışmış digər səslər o
biri səsləri batırdı. QAZ-31 yenə lap
qulağının dibindəydi. Bir az qabaqda isə
polis maşınındakı ratsiya bağırırdı:
-Dəvə, dəvə! Dəvə əməliyyatı,
dəvə əməliyyatı! Diqqətli olun, diqqətli
olun!!!
Çaşıb qalmışdı, qabağa sürsə,
polis maşını ilə, arxaya qalsa QAZ-31-lə
üz-üzə qalacaq. Bəs nə etsin? Üzünü
qeyri-müəyyən səmtə - sanki bayaqkı
səsə sarı tutub ağlamsındı:
-Allahım, bu nə bəladı mən
düşdüm? Başıma nə iş gəldi?! Mənə bir
çıxış
yolu göstər, ey kərəm sahibi!
Səs
“Bir az qabaqda balaca bir kənd
var, orda bütün yolçular düşüb çay
içəcək. Sən də maşınını sür o
çayxanaya.”
Ömründə qulaq asmadığı bu
səsdən hörümçək tordan yapışan kimi
yapışdı və bir də gördü ki, qarşıda
doğrudan da bir kənd görünür. Maraqlısı
oydu ki, yol maşınlarının hamısı burda
dayanıb əl-üzlərini yuyur, kimi çay içir,
kimi çörək yeyir, kimi də tualetə gedirdi.
O da “ya allah” deyib bu çayxanaya
döndərdi maşını.
Qəribədir ki, nə polis maşınını
gördü, nə də “KQB” maşınını. Hara isə
yoxa çıxmışdılar. “Bəlkə məni qara
basırdı. Bu nə iş idi mən düşdüm? “
Çay sifariş versə də içə bilmədi.
Sinəsi od verib yanırdı. Ürəyinin
döyüntüsü azalsa da, sinəsindəki od onu
qarsırdı. Ürəyi ağzına gəlirdi.
Çay dolu stəkana baxa-baxa
gözü önünə qəribə kadrlar gəldi... Küçük
Allahverdi
deyilən
adam anasının
süzdüyü çayı içib qadını yatağa çəkir. O
da yalvarır:”Alış, uşaqlar yatmıyıb hələ.
Qoy yatsınlar sonra.” Amma kişi
qadının xalatını çəkib əynindən çıxardır,
qadının ağ maya bədəni qalır düzdə.
“Gəl, gəl görüm!” deyə sərxoş kişi onu
yatağa sürüyür. Bir az sonra onların
yataq otağından kəhiltiləri eşidilir.
Qardaşı yatsa da, o yata bilmir. Başını
qaldırıb yorğanın altından bu əcaib
mənzərəyə baxır və and içir ki, nə qədər
qadın, qız var, hamısını belə eləyəcək
Küçük Allahverdinin acığına. Sanki
Azərbaycandakı bütün qızlar Küçük
Allahverdinin qızları idi...
***
Çayxanadan bir kilometr
aralanmamışdı ki, güzgüdə həmin QAZ-
31 göründü. Dişini dişinə sıxıb qazı
basdı.
Səs
“-Sən
şərin
şəklini
çəkə
bilərsən?
-Hə.
-Necə?
-İri gözlü, qələm qaşlı, gözəl
üzlü, uzun saçlı, incə belli, şux baxışlı
bir nazənin...
-Şər qadındır?
-Hə.
-Niyə axı, kişi də ola bilər...
-Yox. Mənimçün şər anam və
nənəmnən başladı. Sonra dərs dediyim
qızlarla bitdi...”
Səs bu dəfə elə gücləndi ki,
onun qulaqları küyüldədi.
Səs
“-Mənim Şərimin şəkli isə
qıvrım saçlı, gen alınlı, hərdən