Unibank kommersiya banki 31 dekabr 2011-ci IL tarixinə Konsolidə edilmiş Maliyyə Hesabatları
Yüklə 3,48 Mb. Pdf görüntüsü
|
- Bu səhifədəki naviqasiya:
- UNİBANK KOMMERSİYA BANKI 31 DEKABR 2011-Cİ İL TARİXİNƏ BİTƏN İL ÜZRƏ KONSOLİDƏ EDİLMİŞ MALIYYƏ HESABATLARINA QEYDLƏR (DAVAMI)
- Müştərilərə verilmiş kredit və avanslar
- Maliyyə alətlərinin dəyərləndirilməsi
- Vergi qanunvericiliyi
- Əlaqəli tərəf əməliyyatlarının ilkin uçotu
UNİBANK KOMMERSİYA BANKI 31 DEKABR 2011-Cİ İL TARİXİNƏ BİTƏN İL ÜZRƏ KONSOLİDƏ EDİLMİŞ MALIYYƏ HESABATLARINA QEYDLƏR (DAVAMI) (min Azərbaycan manatı ilə, başqa şəkildə qeyd edilməyənə qədər) 20
Kreditlər və debitor borclarının dəyərsizləşməsi
Qrup dəyərsizləşməni müəyyən etmək məqsədilə müştərilərə verilmiş kreditlər və debitor borclarını mütəmadi olaraq nəzərdən keçirir. Qrupun müştərilərə verilmiş kreditlər və debitor borcları portfelində baş vermiş dəyərsizləşmə üzrə zərərin tanınması üçün kreditlərin dəyərsizləşməsi üzrə ehtiyatlar yaradılır. Qrup müştərilərə verilmiş kredit və debitor borclarının dəyərsizləşməsi üzrə ehtiyatlara dair mühasibat təxminlərini qeyri-müəyyən hesab edir, ona görə ki, (i) onlar gələcək defolt dərəcələri barədə fərziyyələrin, eləcə də dəyərsizləşmiş kreditlər və debitor borcları ilə bağlı potensial itkilərin yaxın keçmişdəki fəaliyyət nəticələrinə əsaslanması səbəbindən dəyişikliklərə çox məruz qalır və (ii) Qrupun hesabladığı zərər ilə faktiki zərər arasında hər hansı əhəmiyyətli fərq müqabilində ondan gələcək dövrlərdə maliyyə hesabatlarına əhəmiyyətli dərəcədə təsir göstərə biləcək ehtiyatların qeyd edilməsi tələb oluna bilər.
Borcalanlar maliyyə çətinlikləri ilə üzləşdikdə və belə borcalanlara dair tarixi məlumat mənbələri az sayda olduqda, Qrup hər hansı dəyərsizləşmə üzrə zərərin məbləğini hesablamaq üçün rəhbərliyin mülahizələrindən istifadə edir. Eyni ilə, Qrup keçmiş fəaliyyət nəticələri, keçmiş müştəri davranışı, qrup daxilində borcalanın ödəniş etmə vəziyyətindəki mənfi dəyişiklikləri göstərən müşahidə oluna bilən məlumatlar, eləcə də qrup daxilində aktiv üzrə öhdəliyin yerinə yetirilməməsi halları ilə əlaqəli olan ölkə və yerli iqtisadi şəraitlərinə əsaslanmaqla gələcək pul hərəkətində dəyişiklikləri hesablayır. Rəhbərlik kredit riski ilə səciyyələnən aktivlər halında əvvəllər baş vermiş zərər üzrə keçmiş təcrübəyə və kreditlər qrupunda olduğu kimi dəyərsizləşməyə sübut edən obyektiv sübutlara əsaslanan təxminlərdən istifadə edir. Qrup tarixi məlumatlarda əksini tapmamış hazırkı şəraitlərin qeyd edilməsi məqsədilə kreditlər qrupu üzrə müşahidə oluna bilən məlumatlara düzəliş etmək üçün rəhbərliyin mülahizələrindən istifadə edir.
Maliyyə hesabatlarına maliyyə aktivlərinin dəyərsizləşməsi üzrə ehtiyat müddəasının daxil edilməsi mövcud iqtisadi və siyasi şəraitlərə əsasən müəyyən olunmuşdur.
31 dekabr 2011-ci və 2010-cu il tarixlərinə müştərilərə verilmiş kreditlərin ümumi məbləği müvafiq olaraq 344,798 min manat və 262,415 min manat, ehtimal olunan zərərin məbləği isə müvafiq olaraq 37,071 min manat və 34,393 min manat təşkil etmişdir.
Rəhbərlik Azərbaycan İpoteka Fondu (“Fond”) ilə müqavilənin məzmununu, xüsusilə də, Bankın fondun agenti qismində və ya bu proqram çərçivəsində kreditorla komitent (principal) qismində fəaliyyət göstərib göstərmədiyini qiymətləndirmişdir. Proqram çərçivəsində verilən kreditlərə dair risk və mükafatları nəzərdən keçirərək, rəhbərlik bu qənaətə gəlmişdir ki, Bank komitent qismində çıxış edir və buna müvafiq olaraq, hazırkı konsolidə edilmiş maliyyə məlumatlarındakı mühasibat uçotu bu mülahizəyə əməl edir. Alternativ nəticə əldə olunsaydı, müştərilərə və Fonda ödəniləcək kreditlərin 31 dekabr 2011-ci il üzrə 19,164 min manat həcmində ümumi məbləği (31 dekabr 2010-cu il üzrə 12,860 min manat) Qrupun konsolidə edilmiş maliyyə hesabatlarından çıxarılardı.
29 saylı qeyddə izah edildiyi kimi, Bank müəyyən növlü maliyyə alətlərinin ədalətli dəyərini hesablamaq üçün müşahidə oluna bilən bazar məlumatlarına əsaslanmayan giriş məlumatlardan ibarət qiymətləndirmə üsullarından istifadə edir. 29 saylı qeyddə maliyyə alətlərinin ədalətli dəyərinin müəyyənləşdirilməsində tətbiq edilən əsas fərziyyələrə dair müfəssəl məlumat, eləcə də belə fərziyyələr üzrə həssaslıq təhlilinin təfərrüatları göstərilir. Direktorlar hesab edir ki, tətbiq olunan seçilmiş qiymətləndirmə üsulları və fərziyyələr maliyyə alətlərinin ədalətli dəyərinin müəyyən edilməsi üçün məqsədə uyğundur. UNİBANK KOMMERSİYA BANKI 31 DEKABR 2011-Cİ İL TARİXİNƏ BİTƏN İL ÜZRƏ KONSOLİDƏ EDİLMİŞ MALIYYƏ HESABATLARINA QEYDLƏR (DAVAMI) (min Azərbaycan manatı ilə, başqa şəkildə qeyd edilməyənə qədər) 21
Müddətli borclar Rəhbərlik hökumət və beynəlxalq maliyyə institutlarından kreditlərin ilkin tanınması zamanı mənfəət və ya zərərin yaranıb yaranmadığını nəzərdən keçirmişdir. Qrup inkişaf etməkdə olan bazarlara belə institutların adətən kredit verdiyi faiz dərəcəsində və Qrupun yerli kreditorlardan aldığı vəsait səviyyəsindən aşağı ola bilən dərəcədə hökumət və beynəlxalq maliyyə institutlarından uzun müddətli maliyyələşdirmə əldə etmişdir. Əməliyyatlar əlaqəsiz tərəflərlə olduğundan rəhbərlik düşünür ki, bu vəsaitlər və aiddiyatlı kreditlər bazar faizi dərəcəsindədir və mənfəət və ya zərərin olduğu təqdirdə heç bir ilkin tanınma mövcud deyildir. Bu mülahizəni yürüdərkən rəhbərlik həmçinin bu institutların ayrıca bazar seqmentini təşkil etməsini nəzərdən keçirir.
Cari və təxirə salınan mənfəət vergiləri Uçota alınmış təxirə salınmış xalis vergi aktivi vergiyə cəlb olunan gəlirdən gələcək çıxılmalar vasitəsilə əldə olunan mənfəət vergisi məbləğlərindən ibarətdir və maliyyə vəziyyəti haqqında konsolidə edilmiş hesabatda qeydə alınır. Təxirə salınmış mənfəət vergisi aktivi müvafiq vergi faydasının realizasiya oluna biləcəyi zaman qeydə alınır. Vergiyə cəlb olunan gələcək mənfəətin və gələcəkdə yaranması ehtimal edilən vergi faydası məbləğinin müəyyən edilməsi rəhbərlik tərəfindən hazırlanmış ortamüddətli biznes planına və onun ekstrapolyasiya nəticələrinə əsaslanır. Biznes-plan rəhbərliyin şəraitə adekvat olan təxminlərinə əsaslanır. Təxminlər və ehtimallar əsasən Qrupun gələcək illər üzrə işgüzar fəaliyyətinin planlaşdırılmasına aiddir. Təxminlər və ehtimallar əvvəlki dövrün təcrübəsinə və mövud vəziyyətdə məqbul hesab edilən digər ehtimallara əsaslanır. Həmin təxminlər və ehtimallar müntəzəm olaraq nəzərdən keçirilir, lakin faktiki göstəricilərdən fərqlənə bilər. 14 noyabr 2008-ci il tarixində Azərbaycan Respublikasında “Bankların, sığorta və təkrarsığorta şirkətlərinin kapitallaşma səviyyəsinin artırılmasının stimullaşdırılması haqqında" yeni qanun tətbiq olunmuşdur. Bu qanuna əsasən bankların, sığorta və təkrarsığorta şirkətlərinin mənfəətinin nizamnamə kapitalının artırılmasına yönəldilmiş hissəsi 1 yanvar 2009-cu il tarixindən etibarən 3 il müddətində mənfəət vergisindən azad olunmuşdur. Rəhbərlik, Bankın bu qanunda göstərilmiş azadolmadan yararlanmaq üçün lazım olan şərtlərdə hər hansı bir boşluğun olub-olmamasını dəyərləndirmişdir.
Azərbaycan vergi, valyuta və gömrük qanunvericiliyi bir çox təfsirlərə yol verir. 28 saylı Qeydə istinad edin.
Təxirə salınmış vergi aktivlərinin bərpa edilmə qabiliyyəti
Qrupun rəhbərliyi hesabat tarixində təxirə salınmış vergi aktivlərinə heç bir yenidən dəyərləndirmə ehityatının zəruri olmadığnı düşünür, belə ki, təxirə salınmış vergi aktivinin tam realizə edilmə ehtimalı mövcuddur. Təxirə salınmış vergi aktivlərinin balans dəyəri müvafiq olaraq 31 dekabr 2011 və 2010-cu illər üzrə 4,713 manat və 2,328 manat təşkil etmişdir.
Qrup öz fəaliyyəti gedişində əlaqəli tərəflərlə əməliyyatlar aparır. 39 saylı BMS-ə uyğun olaraq maliyyə alətləri ilkin olaraq ədalətli dəyərdə uçota alınmalıdır. Lakin, həmin əməliyyatların bazar və ya qeyri-bazar faiz dərəcələrində həyata keçirilməsini müəyyən etmək məqsədilə bu cür əməliyyatlar üçün aktiv bazar mövcud olmadıqda peşəkar mülahizələrdən istifadə etmək lazım gəlir. Mülahizələrin irəli sürülməsinin əsasını əlaqəli olmayan tərəflərlə analoji əməliyyatların qiymətinin müəyyən edilməsi və effektiv faiz dərəcəsinin təhlili təşkil edir. Əlaqəli tərəflərlə əməliyyatların şərtləri haqqında məlumat 30 saylı Qeyddə açıqlanır. Yüklə 3,48 Mb. Dostları ilə paylaş:
|