118
(që është medimumi digjital, i cili përmban veprën) në hard diskun ose çdo pajisje tjetër
informatike të përdoruesit. Kjo do të thotë se, si rezultat final, nuk do të kemi më vetëm një
kopje digjitale të veprës, por dy ose më shumë, në funksion të shkarkimeve që do të bëhen.
Në këtë kuptim, rezultati i shkarkimi është kryerja e një kopjeje të veprës, e cila tashmë e ka
folenë e saj në hard diskun e përdoruesit. Debati që lind është, për sa i përket veprave që
shkarkohen nëpërmjet internetit, lidhet me regjimin juridik që ato kanë: përdoruesi bëhet
pronar i tyre apo ai gëzon një titull tjetër mbi to. Nëse ai do të bëhej pronar i mediumit digjital
në të cilin përmbahet vepra, domethënë se ai e ka blerë atë, ai do të gëzonte të gjitha tagrat që
lidhen me pronësinë
373
. Mirëpo, kjo nuk është e vërtetë: përdoruesi gëzon tagrat shumë të
kufizuara mbi të: ai mund ta konsultojë atë për përdorimin e tij, por ai nuk gëzon të drejtën që
ta shpërndajë atë, ose të bëjë kopje dhe t’i shesë
374
. Një praktikë e tillë nuk është e autorizuar
nga pronarët e vërtetë të të drejtës së autorit mbi veprën, e gjendur ne mediumin digjital. Pra,
duhet gjetu rnjë kualifikim tjetër, një kualifikim që ndoshta nuk gjendet në Kodin Civil, por
që reflekton më së miri pozitën juridike të veprave të shkarkuara. Regjimi juridik duhet të
përqëndrohet te përdorimi efektiv që përdoruesi i bën kësaj vepre. Në këtë kontekst, duhet
presupozuar se përdoruesi gëzon të drejtë përdorimi të kufizuar të sendit të patrupëzuar, e cila
nuk përputhet as me qiradhënien as me huapërdorjen, sepse mediumi digjital do të mbetet, në
fund të fundit, në kompjuterin e përdoruesit, derisa ai ta hedhë në “koshin e plehrave”.
Kemi gjithashtu të drejtën e shpërndarjes së veprës
375
. Është e drejta që ka një lidhje
më të fortë me të drejtën e riprodhimin, pasi riprodhimi i një vepre bëhet, në radhë të parë, me
qëllimin për ta shpërndarë atë në publik. Shpërndarja e veprës është një e drejtë ekskluzive e
autorit dhe me këtë kemi parasysh mënyrën e shpërndarjes së saj dhe territorin ku kjo vepër
do të përhapet. Megjithatë, një skemë origjinale i të drejtës së shpërndarjes në hapësirën e
komunitetin evropian është sanksionuar në Direktivën 2001/29/EC si dhe nga jurisprudenca e
Gjykatës evropiane të Drejtësisë. Gjykata e Drejtësisë, nëpërmjet jurisprudencës së saj ka
vënë theksin në mënyrë të vazhdueshme në qarkullimin e lirë të mallrave brenda hapësirës
komunitare, me kusht që malli të jetë hedhur në tregun komunitar për herë të parë në mënyrë
të ligjshme
376
. Në këtë mënyrë, Direktiva 2001/29/EC ka sanksionuar një parim që
jurisprudenca e Gjykatës së Drejtësisë nuk ka rreshtur së përsërituri. Kështu, sipas saj "e
drejta e shpërndarjes brenda Komunitetit në lidhje me origjinalin apo kopjen e një vepre
shteron vetëm pas shitjes së parë ose pas transferimit të parë të pronësisë mbi të në Komunitet
nga titullari i të drejtave ose me pëlqimin e tij"
377
. Rezulton prej kësaj dispozite se së pari
373 Vincent Varet, La qualification juridique de la distribution de musique en ligne, Legicom 32, 2004/3, f. 9.
374 Po aty.
375 Direktiva 2001/29/EC http://eur-
lex.europa.eu/LexUriServ/LexUriServ.do?uri=CELEX:32001L0029:EN:HTML;
Konventa e Bernës http://www.wipo.int/treaties/en/text.jsp?file_id=283698.
376 Gjykata Evropiane të Drejtësisë (CJUE), 20 shkurt 1979, aff. 120/78, Rewe-Zentral.
377 Neni 4 i Direktivës 2001/29/EC: “1. Member States
shall provide for authors, in respt
of the original of their
works or of copies thereof, the exclusive right to authorise or prohibit any form of distribution to the public by
119
autori nuk mund t'i kundërvihet shitjes veprës ose kopjes së veprës së tij në një shtet të
caktuar, që nga momenti që ky shtet gjendet brenda hapësirës së komunitetit dhe së dyti, e
shterimi i të drejtës që ka autori për të përcaktuar hapësirën e shpërndarjes së veprës së tij
kufizohet vetëm në ato vepra që gjendet në një suport fizik, ose veprave që gjendet në një
send të trupëzuar, si për shembull CD, DVD etj. Kjo dispozitë nuk prek veprat që gjendet në
format të patrupëzuar. Kjo bëhet për arsye se shpërndarja e veprës nëpërmjet Internetit i
bindet një logjike tjetër, për shkak pikërisht të mungesës së kufijve në përhapjen e veprave
nëpërmjet këtij mjeti. Ky përjashtim i të drejtës ekskluzive të autorit për të përcaktuar
territorin ku do të përhapet vepra e tij gjendet vetëm në rastin Komunitetit Evropian. Në rastin
e Shqipërisë, nëpërmjet zbatimit të Ligjit 9380, autori ende ka të drejtën e tij ekskluzive të
përcaktojë territorin ku do të përhapet vepra e tij
378
. Megjithatë, sërish logjika e Direktivës do
të fitojë nëse do të kemi mallra shqiptare që do të futen në hapësirën ekonomike të
përbashkët. Kjo vjen jo për shkak të zbatimit të Direktivës në fjalë, por për shkak të lidhjes së
Marrëveshjes së Stabilizim-Asocimit midis BE-së dhe Shqipërisë, e cila ka për finalitet
bashkimin përfundimtar të hapësirës ekonomike të Shqipërisë me Hapësirën Ekonomike
Evropiane
379
. Mbetet ende për t'u parë në praktikë shpërndarja e veprave artistike që kanë
fillesën e tyre në Shqipëri drejt Hapësirës Ekonomike Evropiane, edhe pse Ligji për të drejtat
e autorit parashikon se "e drejta e shpërndarjes së veprës pushon me shitjen e parë apo
transferimin e parë të pronësisë së veprës origjinale ose kopjeve të ligjshme të saj në territorin
e republikës së Shqipërisë"
380
. Kjo do të thotë se çdo autor, me futjen në mënyrë të ligjshme të
origjinalit ose të kopjes së veprës së tij (në suport fizik), nuk ka më të drejtë të kundërshtojë
ose të vendosë kufizime në lidhje me shpërndarjen e tyre brenda territorit shqiptar, parim që
gjendet i sanksionuar në pikën 3 të nenit 27 të Ligjit për të drejtat e autorit: “me transferimin e
parë të pronësisë së veprës origjinale ose të kopjevetë ligjshme ë tij nga autori ose me
autorizimin e tij tek të tretët, autorit i shuhet e drejta ekskluzive e shpërndarjes së asaj vepre
në Republikën e Shqipërisë.”
Në radhë të dytë, kemi dhënien me hua të veprave artistike, e cila dhe kjo është një
zgjatim i të drejtës së riprodhimit të veprës. Si huaja, ashtu dhe qiradhënia e veprës, që do e
shikojmë më poshtë, kanë pikënisjen e tyre, në formën aktuale që veshin këto mekanizma të
vënies në qarkullim civil të veprës, e kanë nisjen në Direktivën 92/100/CEE të datës 19 nëntor
1992, në lidhje me të drejtën e qiradhënies dhe të huadhënies (ose huapërdorjes) dhe me disa
të drejta fqinje me të drejtën e autorit, në fushën e pronësisë intelektuale ("Direktiva
92/100/CEE")
381
. Për sa i përket huadhënies, zbatimi kryesor i saj do të gjendet në huadhënien
sale or otherwise. 2. The distribution right shall not be exhausted within the Community in respect
of the original
or copies
of the work, except where the first sale or other transfer of ownership in the Community of that object
is made by the rightholder or with consent.”
378 Neni 34 i Ligjit 9380.
379 http://ec.europa.eu/enlargement/pdf/albania/st08164.06_en.pdf
380 Pika 3 e nenit 27 të Ligjit për të drejtat e autorit.
381 http://eur-lex.europa.eu/LexUriServ/LexUriServ.do?uri=CELEX:31992L0100:fr:HTML