182
copyright-it duke përdorur cilësimin juridik të contributory infrigement
575
. Ky cilësim juridik
lejon që të sanksionohet kontribuesi material i veprimtarisë së paligjshme të një të treti. Dhe
në të vërtetë, shoqëria Napster nuk kreu asnjë riprodhim material të veprave, pasi këto shoqëri
vetëm sa furnizojnë programin e ndarjes (share) së veprave, ndërkohë që riprodhimi, si akt
pozitiv, kryhet nga vetë përdoruesit. Contributory infringement gjen ekuivalentin e tij ne
legjislacione tw huaja, si ai francez. Kështu në Kodin e Pronësisë Intelektuale gjendet një
dispozitë e cila thotë se: “dënohet me tre vjet burgim dhe gjobë 300,000 euro fakti i botimit
dhe vënies në dispozicion të publikut ose të komunikimit drejt publikut, me qëllim ose me
mënyra të tjera, një program që është shërben në mënyrë të dukshme që vë në dispozicion të
publikut në mënyrë të paautorizuar vepra të mbrojtura”
576
. Fakti që ligjvënësi francez e ka
parashikuar së fundi tregon vështirësinë e përkthimit juridik penal të statutit të ofruesve të
shërbimeve P2P. Ky shqetësim shfaqet dhe në rastin e Shqipërisë, pasi sot KP i mungon një
përkufizim i tillë. Ofruesit e shërbimeve P2P janë në njëfarë mënyre bashkëpunëtorë të
shkelësve, pasi ata u ofrojnë mjetet përdoruesve. Megjithatë, përkufizimi i dhënë në nenin 26
të KP është shumë i përgjithshëm që të mund të parashikojë dhe rastet e ofruesve të
shërbimeve P2P.
Nga pikëpamja numerike e çështjeve të trajtuara në gjykatë për shkeljet e të drejtave të
autorit online, vihet re se gjithmonë e më shumë këto çështje tejkalojnë kufijtë shtetërorë, gjë
që tregon mjaft qartë se tashmë shkelja e të drejtës së autorit është një fenomen botëror.
Kryesisht, paditë për shkelje të të drejtës së autorit bëhen kundrejt përoduesve më shumë sesa
kundër ofruesve të shërbimit
577
. Vështirësia që shtrohet në këtë rast është se paditë bëhet
kundër përdoruesve që nuk u njihet as emri dhe as adresa por vetëm Internet Protocol-i i tyre
(IP), identifikuesi numerik i kompjuterit që kryen shkeljen. Edhe në këto raste, ndodh shumë
shpesh që të thuhet se IP vjen nga një shtet i caktuar, për shkak se përdoruesit që kanë pak
dijeni informatike, mund të zgjedhin IP që e bëjnë të pamundur gjeolokalizimin, pra të
përdorin IP që nuk përputhet me lokalizimin fizik të përdoruesit
578
.
Në këtë kontekst, duhet të shqyrtojmë faktet e përmendura më sipër me dispozitat ligjore
penale dhe civile. Titullari i të drejtave ka të drejtë që të kërkojë dënimin e personave që
riprodhojnë, ose përdorin veprat artistike. Komenti i parë në lidhje me nenin 149 KP është
mospërputhja me gjuhën e përdorur në Ligjin për të drejtat e auorit. Ligji parashikon
riprodhimin, komunikimin e veprës në publik, huadhënien, qiradhënien e kështu me radhë.
Natyrisht, të gjitha këto veprime juridike janë një lloj përdorimi të veprës, kësisoj termin e
përdorur “përdorim”, Kodi Penal përfshin të gjitha këto veprime. Megjithatë, një interpretim i
575 Që mund të përkthehet në shqip me “bashkëpunim në shkelje”.
576 Neni 335-2-2 i KfPI.
577 Andrew F. Christie, Private International Law in Online Intellectual Property Infrigement Disputes with
Cross-Border Elements, Melbourne Law School, publikim i OBPI-së, 2012.
(http://www.wipo.int/edocs/pubdocs/en/wipo_rep_rfip_2015_1.pdf).
578 Po aty.
183
tillë mund të bjerë ndesh me parimin e mosdënimit pa ligj për një vepër që më parë nuk është
e parashikuar shprehimisht në ligj si krim ose si kundërvajtje penale
579
. Rëndësia e këtij
saktësimi është shumë i madh në lidhje me përdoruesit e të veprave. Kështu, një përdorues i
një vepre mund të përdorë një vepër pa autorizimin e autorit, brenda kuadrit të përdorimit
vetjak që lejohet nga ligji. Rrjedhimisht, jo çdo përdorim përbën kundërvajtje penale.
Komenti i dytë lidhet me dënimin penal të përdoruesve të veprave muzikore, sidomos atyre që
komunikojnë vepra nëpërmjet sistemit P2P. Nëpërmjet këtij sistemi, përdoruesi është edhe
marrës edhe dërgues i veprës. Mirëpo sistemet e shkëmbimeve P2P bëjnë të mundur
komunikimin e një vepre nga një kompjuter i caktuar në mijëra të tjerë në të njëjtin çast. Në
këtë kuadër, nuk kemi më të bëjmë me përdorim vetjak por për përdorim publik në formën e
komunikimit publik, veprim që duhet ta autorizojë titullari i të drejtës. Elementi material i
veprës penale është i përmbushur, ashtu sikundër dhe elementi subjektiv, pasi është e qartë që
përdoruesit veprojnë me faj
580
: ata nuk mund të injorojnë se po komunikojnë vepra që
mbrojtura nga e drejta e autorit. Rrjedhimisht, jemi në kushtet e kundërvajtjes penale si dhe të
ngritjes së pretendimeve civile të titullarit kundër shkelësve. Intencioni do të provohet për
shkak se gjendet i provuar dhe materialiteti i fakteve: në të drejtën e autorit, të dyja këto
elementë të veprës penale janë të lidhur
581
. I takon shkelësit të të drejtave të vërtetojë
mungesën e intencionit dhe të vërtetojë kësisoj, mirëbesimin e tij
582
, pasi keqbesimi do të
prezumohet. Në lidhje me furnizuesit e programeve P2P që shkarkohen nga përdoruesit e
Internetit, ata kanë një detyrim të përgjithshëm të kontrollit të programit të tyre. Në aspektin
penal, ata janë bashkëpunëtorë të përdoruesve ose të jenë dhe ata kundravajtës në kuptim të
nenit 149 të KP, pasi efektivisht ata përdorin bazën e të dhënave të veprave për të përfituar
ekonomikisht, nëpërmjet banner-ave publicitarë në faqen e tij
583
. Megjithatë, siç u tha dhe më
sipër, është mirë që statusi i ofruesve të programeve ose shërbimeve P2P të qartësohet në ligj
ose në KP, në mënyrë që të ketë një bazë normative të pamohueshme, në rastin e një dënimi të
mundshëm të tyre dhe në Shqipëri.
Për shkak se fusha penale ka një hap kryesisht unilateralist
584
, nëse kemi të bëjmë me
shkelje të natyrës penale të të drejtës së autorit në një kuadër ndërkombëtar, ligji shqiptar do
të jetë automatikisht kompetent, gjykata shqiptare do të konsiderohet automatikisht
kompetente që nga momenti që përmbushet kriteri lex loci delictii, pra vepra të jetë
konsumuar brenda territorit shqiptar.
579 Neni 2 i KP.
580 Neni 14 i KP: “Askush nuk mund të dënohet për një veprim ose mosveprim të parashikuar nga ligji si vepër
penale, në qoftë se vepra nuk është kryer me faj. Quhet me faj personi që kryen veprën me dashje ose me
pakujdesi.
581 Komentar i Kodit të francës të Pronësisë Intelektuale, botimet Dalloz, 2007, f. 307.
582 Po aty.
583
Shembulli i fundit në listë është ai www.piratebay.se (http://www.huffingtonpost.com/entry/gottfrid-
svartholm-pirate-bay-released_us_5609fca9e4b0dd850308e7a4).
584 Michel Vivant, Cybermonde: droits et droits des réseaux, JCP G 1996, nr. 19, Paris.
Dostları ilə paylaş: |