75
şair qəlbinin iztirabı poetikləşir, bu şeirlər oxucunu da iztirab
aləminə çəkib aparır. Xanəli Kərimlinin iztirabı poetik izti-
rabdır. Şairin “Şeir yazmazdan əvvəl” adlı şeirini oxuyanda
bunun şahidi oluruq:
…Acından ağrı çəkən
qurd kimi fırlanıram
yazı masamın yanında.
Bir şeirim doğulunca
ya dəli oluram, ya ölü
ömrümün, günümün o anında
Şairin poeziyası yüksək təlqin gücünə malikdir, çünki şair
öz “mən”ini milyonların adından danışmaq vasitəsinə çevirə
bilir. Bu poeziyanın yükü bər-bəzəksiz həqiqətdən tutulub.
O, poetik və estetik zövq verməkdən əlavə oxucusunu düşün-
dürür.
Şairin poeziyasının əsas fikir xəttini insan azadlığı müəy-
yən edir. Azad şüur, azad qəlb, azad vətən, azad torpaqdır
onun lirik qəhrəmanının ali niyyəti:
Qoy bilsin ki, bu zamanın
Neçə-neçə qılınc ağız,
Köksü ümman mərdi vardı.
O mərdlərin “Azad Vətən”
“Azad dövlət” adlı böyük
dərdi vardı.
Torpağı yağmalanmış, milləti didərgin düşmüş şairin kö-
nül fəryadıdır bu misralar. Qəlbi hər zaman vətənin xoş bəxt-
liyi, çiçəklənməsi ideyası ilə döyünən şair öz keçmiş əcdadları;
Dədə Qorqudu, Babəki, Koroğlunu heç zaman unutmur. Onla-
rın qəhrəmanlıqlarından, yüksək mənəviyyatından vətənpər-
vərliklərindən, yenilməzlik lərin dən dərs almağa səsləyir .
Xanəli Kərimli düzlük pərdəsi altında min bir oyun-
dan çıxanlarla, xalqın puluna, varına qənim kəsilənlərlə söz
76
döyüşünə çıxır. Axı şairin, yazarın döyüşmək üçün qələ-
mindən başqa nəyi var? Amma bir məsələni də qeyd etmək
yerinə düşərdi ki, əslində ehtiyac içində yaşayan qələm sa-
hibinin yazdığı xalqa daha yaxındır. Millətin varlığı beş-üç
xalqın sərvətini altına yığıb üstündə oturanlardan ibarət de-
yil. Gündəlik bir qarın çörək üçün həyatı olmazın işgəncə və
əzablarından keçən insanlarımızın aqibəti həqiqi qələm əhlini
düşündürməlidir. Onun “Azərbaycan” şeirində biz bunun bir
daha şahidi oluruq:
Daş-qaşları papağından ağır gələn “kişilərin”,
Alverinə qurban gedən, qurbanı qan Azərbaycan!
“Oğulların” yad ellərdə dollar yığır dar gün üçün,
Ağsaçlı bir ana kimi darda qalan Azərbaycan!
Min illər bəşərin beynində, şürunda yuva qurmuş məkr,
hiylə ağılla çarpışmaqdadır. Neçə-neçə talelərin yolunda sərt
qaya kimi durur, neçə-neçə arzuları puç edir. Şair də “Məni
qınamasın” şeirində bütün bunları dilə gətirir. Bənd–bənd
misralarının ovqatına köklənir:
Əyri xətlər kimi əyri adamlar
Birləşə bilirlər istədiyi an.
Parelel xətlər tək düz adamlarsa
Birləşə bilmirlər heç vaxt, heç zaman.
Şairin “Hələ nələr var”, “Pul”, “Dilək” “Qorumalıyıq”,
“Ləkə gətirmə” və sadaladıqca adlarını sadalamaq istədiyin
şeir lərini oxuduqca göz önündə bugünün mənzərələri canla-
nır. Bugünümüzdə yüklənən beynimizin ağrı-acıları misra-
lar içində ah-ufla boylanır. Şərəfi, namusu, mənliyi, ləyaqəti
misralardan boylanan Xanəli Kərimlinin şeirlərini oxuduqca
oxumaq istəyirsən. Bu sanballı şeirlərin içində məsum insan
taleyindən nigaran şairin məddahlığa, yaltaqlığa, qorxaqlığa,
cəhalətə boyun əyməyən qürurlu ilhamı var.
77
O, şeirlərində ikiüzlü, yaltaq, yalançı, özlərini xoşniyyətli
kimi göstərən, bəzən ziyalı cildinə belə girə bilən insanların
da iç üzünü açıb, onlara inanmamağı tövsiyə edir:
Sən ey mənə gülən bədxah, mənim nədir günahım?
Hər kəsin bir taleyi var, hər kəsin bir qisməti.
Allah sənə bağışlayıb min sifəti, dövləti,
Əvəzində alıb səndən ləyaqəti, isməti.
Şair elə bir cəmiyyət arzulayır ki, orada bu haqsızlıqlar mi-
numuma endirilsin, hər bir insanın potensial intellektual im-
kanları azad bir şəkildə özünü büruzə verə bilsin, millətinə,
xalqına daha çox yararlı ola bilsin. Paklığı, təmizliyi, mərdliyi,
cəsurluğu öz şeirlərində ana xətt kimi götürən şair füsünkar
Şahbuz torpağının buz bulaqlarından, büllur çeşmələrindən
su içib, ana təbiətin mələk baxışlarıyla üz-üzə, göz-gözə qa-
lıb. Halal zəhmətilə dolanan kənd adamlarının ağır həyatı
ürəyində cığır-cığır şırımlar açıb. Onun Musa Yaquba həsr
etdiyi “Şeir yaza bilmirəm” adlı şeirində bu hisslər daha qa-
barıq əks olunur:
Şeir yaza bilmirəm
Şəhərdə olanda mən.
Elə bil çatmır havam,
Boğuluram nədənsə
Heç özüm də bilmədən.
..Aldatmaqdır özünü
Şeir yazmaq şəhərdə.
Şəhərdə şeir yazan,
özün hələ bir yana
şeiri də salma dərdə!.
Nədənsə bölgələrimizdə doğulan yazarlarımızın bir ço-
xu nun yaradıcılığında həyatın çətinlikləri daha qabarıq
şə kildə əks olunur. Bəlkə, kəndin heç kəsi əzizləməyən
ağır zəhmətlərlə yoğrulmuş sərt təbiəti bölgələrdə doğu-
78
lan yazarlarımızın qələmini daha sərt, daha üsyankar edir.
Elə özünəməxsus dəsti-xətti olan Xanəli Kərimli də belə
sənətkarlarımızdandır.
Xanəli Kərimlinin bir çox şeirlərində elmi bilgilərlə, təbiət
hadisələrinə, təbiətin rəngarəngliyinə aid yüksək bədiiliklə
yazılmış misralara rast gəlmək olur. Heç şübhəsiz, bu mis-
raların canlı, inandırıcı olması onun təbiətin vurğunu olma-
sından irəli gəlir.O, eyni zamanda həyatımıza, məişətimizə,
insani münasibətimizə, təbiət hadisələrinə bir araşdırıcı
kimi də baxır. Onun şeirlərində təbiət hadisələrinə, onun
dəyişkənliyinə, bəzən fəlakətlər, bəzən də xoş günlər gətir-
məsinə diqqət çəkir:
Təbiət müqəddəs məhək daşıdır
Bu müqəddəsliyə yol tapmalıyıq.
Hərdən də onunla baş-başa qalıb
Arınıb, durulub saflaşmalıyıq...
Digər bir şeirində də təbiətin gözəlliyi, rəngarəngliyi, in-
sanda xoş əhval-ruhiyyə yaratması fikri bədii bir şəkildə öz
ifadəsini tapır:
Çaylar da kövrəlib, dindirsəm əgər,
Bir giley dastanı bağlayacaqdır.
Mənsiz qəribsəyən məcnun söyüdlər
Əl vursam, hönkürüb ağlayacaqdır.
Burada şair sözlərlə, anlayışlarla təbiət lövhələrini ortaya
qoya bilir və oxucunun xəyalında həqiqətən də bu təsirin canlı
surətini yarada bilir. Burada şairin yaratdığı canlı assosiyalar
vasitəsilə istəyinə nail olur. Bizi təbiətin dəyişkən xarakterini
və ülviliyini, təkrarsız gözəlliklərini görməyə çağırır.
Ümumiyyətlə, təbiilik, səmimiyət şairi oxucularına
sevdirən əsas cəhətlərdəndir. Ömür yolunu, əsərlərini oxu-
duqca bir daha şahid olursan ki, onun həyatı və yaradıcılığı
biri-birini tamamlayır. Artıq dünya ədəbi tənqidində də belə
Dostları ilə paylaş: |