82
Xanəli Kərimlinin adı çəkiləndə gözlərimiz önündə
zəh mətkeş və istedadlı alimin, yaradıcı zıyalının, fəal icti-
mayyətçinin, xeyirxah və qayğıkeş insanın surəti canlanır.
O, həm də çox sadiq və mehriban dost, xeyirxah həmkar,
ailəcanlı, qayğıkeş atadır. Ən əsası odur ki, insanlara ina-
mın, etibarın azaldığı bir zəmanədə ona arxalanmaq, ona
güvənmək, ona etibar etmək olar. Çünki yeri gələndə əməl-
ləriylə mərdliyini, bütövlüyünü, dönməzliyini dəfələrlə
təsdiq edib Xanəli Kərimli.
Şair üçün dünyanın naz-nemətləri ağuşunda çörək həs-
rətiylə yaşayanların əzab və mərhumiyyətləri böyük dərddir.
Şair üçün əyilməz vicdanların ucuz tutulması, var-dövlət və
sərvətin haradan, hansı yolla qazanıldığı daim şübhə döğuran
pula sahib olanların əli, ayağı, vicdanı təmiz, ömrünü-günü-
nü insanlar üçün sönməz məşələ çevirənlərin üstün tutulması
çəkilməsi fil hünəri tələb edən dərddir. Fəqət o, çiyinlərinin
belə bir yükü daşımağa qadir olması ilə fəxr edir. Son illərin
hadisələri, bir çox haqsızlıqlar, düşmən tapdağı altında
inləyən torpaqlarımızın harayı, sönmüş ocaqların nisgili,
didərginlik dərdi şairi möhkəmləndirdi, mətnləşdirdi, bəlkə,
bir az da ucaltdı. Ən ağır gündə belə dərddən ucada dayandı
Xanəli Kərimli. Çünki əsl şairlər xalqın həmişə dərdçəkənləri
olublar, heç vaxt dərdə boyun əyməyiblər ki, əbədiyaşarlıq
qazanıblar.
Əsasən insanı iki şey danışdırır - sevinc və dərd. Ataların
söz xəzinəsindən ikiliyin hərəsi ayrılıqda öz halına uyğun bir
aforizm tapa bilər. Dərd haqqında deyilən kəlam isə daha
çox işlənir. Vaxtilə kimsənin dediyini o vəziyyətə düşən öz
dilindən təkrarlayır: “Məni dərd danışdırır”. Demək olar ki,
həmişə söz yükünün ağırlığı dərdin üzərinə düşüb. Dərdin
mənbəyini isə itkilər təşkil edir. Şair deyilən kəs ikiqat itki
müəllifidir. Özününkü bir yana, özgənin itkisini də öz itkisi
sayır.
Kimi yurdunu, kimi ümidini itirir. Heç kim istəməz ki,
yurdu itsin, ümidi itsin. Mən də..
83
Kimi məhəbbətini, kimi övladını, kimi sağlamlığını, kimi
dostunu, kimi arxasını, kimi çörəyini… itirir. Şair böyük nara-
hatçiliqla itkiləri axtarır. Bütün itkilərin başında isə ümid da-
yanır. Birinci növbədə onu qorumaq lazımdı. Bəs irili-xırdalı
qalan itkilər necə olsun? Səsvermə keçirilsəydi, yəqin ki, coxu
tapılmaya tərəfdar çıxardı. Mən isə fərqli mövqeyimlə qınaq
hədəfinə çevirlməyə hazıram. Xanəli Kərimlinin narahatlığı,
şairliyi naminə mən bütün itkilərin tapılmasını, iynədən tut-
muş sapa kimi hər şeyin yerli yerində olmasının əleyhinə səs
verərdim. Ona görə ki, bir ümid itəndə, bir də hər şey tapılan-
da şairlik bitir.
Şeirləri, taleyi və şəxsiyyəti bütövlük təşkil edən şairin no-
yabr ayında 65 yaşı tamam olur. Şairin həyatına, yaradıcılığı-
na bələd olan bir insan kimi deyirəm: geriyə baxmalı və fəxr
olunası şərəfli bir ömür yaşayıb Xanəli Kərimli.
40 ilə yaxındır ki, şeirin, sənətin əzablı və əzablı olduğu
qə dər də şərəfli yolu ilə uğurla addımlayaraq, minlərlə oxucu
qəlbinə yol tapan Xanəli Kərimli ömrünün kamillik dövrü-
nü yaşayır. Onun indiyə qədər çap olunan kitabları da kamil
bir şair ömrünün təsdiqidir. Azərbaycan ədəbi mühitində
özünəməxsus dəsti-xətti və yeri olan Xanəli Kərimliyə daha
böyük yaradıcılıq uğurları arzulayır, 65 yaşın mübarək olsun
deyirəm! Azərbaycan naminə yaşanan bu ömrün işığı gur,
ocağı sönməz olsun Xanəli müəllim!
84
Qənirə Əsgərova,
filologiya üzrə fəlsəfə doktoru, dosent
XANƏLİ KƏRİMLİNİN ƏDƏBİ DİLİ
Bütün zamanların tozanağında
Nə sənət görünüb,
nə də sənətkar.
Ancaq –
Hər şeyi yerinə qoyub
Tarix dediyimiz
Müdrik ixtiyar.
Xanəli Kərimli
Azərbaycanda müxtəlif ədəbi mühitlər və onları təmsil
edən onlarla söz sənətkarları vardır. Ədəbi aləmdə onların
hər biri öz izi, öz imzası ilə seçilir. Ədəbi mühitlər içərisində
çağdaş Naxçıvan ədəbi mühitinin də özünəməxsus özəllikləri
vardır. Bu mühitin nümayəndələrindən biri də Xanəli
Kərimlidir. İsti şair ürəyi və qabiliyyətli qələmi ilə xalqına
xidmət edən bu sadə şair dilimizə, onun sözlərinə yüksək
qiymət verən sənətlkarlardandır. O, sözə təkcə fikirlərini ifadə
etmək vasitəsi kimi yanaşmır, həm də onun haqdan gəldiyinə
inanaraq müqəddəsliyini qəbul edir və yaradıcılığı boyu bu
müqəddəsliyi qorumaq uğrunda mübarizə aparır. Şairin
fikrincə, sözün ölçüsünə, anlamına xələl gətirmək olmaz:
Haqdan gələn bir sözün də
Mizanını pozmaq olmaz.
Sözə qiymət verməyin tarixi çox qədimdir. Sözün uca
taxtında bərqərar olan dahi Füzulidən qabaq da, sonra da
sözün mahiyyət və mənasını dərk edənlər onu həm ehtiyat-
la, həm sevə-sevə işlətmişlər. Sözün gücü böyük qüvvədir.
Təsadüfi deyildir ki, ulularımız onun gücünü qılıncın gücü
ilə müqayisə etmiş və üstünlüyü sözün gücünə vermişlər.
“Söz yaddaşı – qan yaddaşı” deyiblər, xalqımızın ağzında “sözü
85
yerə at, sahibi götürər”, “söz var dağa qaldırar, söz var, dağdan
endirər”, “söz var, başı, söz var, savaşı kəsər” kimi çox sayda de-
yimlər var. Bu, bizim xalqımızın mənəviyyatını təyin edən
göstəricilərdən biridir. Xanəli Kərimli düşünür ki, Tanrı hər
adama söz göndərmir, gərək bunun üçün Haqqa düz olasan:
Gərək haqqa düz olasan,
Haqq da sənə söz göndərə.
Ürəyinə ilham odu,
Ocağına köz göndərə.
Sözə yüksək dəyər verən Xanəli Kərimli sözün insana
həm dəm olmağında ürəyin də düzlüyünü və təmizliyi əsas
sayır:
Nə vaxt ki qəlb xıltlı olur,
Söz də qaçaq düşür səndən.
Təmizlənib durulduqcan
Tər-tər sözlər çırtır dən-dən.
Sözün gücü elədir ki, həm insanı sevindirir, həm də kədər-
ləndirir. Söz sənətkarlarının həyatı sözlə bağlıdır. Söz hökm-
randır. Söz deyəni zirvəyə qaldıran da odur, zirvədən uzqlaş-
dıran da. Söz sənətkarı həm yaddaşlardan silməyə, həm də
ölümündən sonra yaşatmağa qadirdir. Bu fikri tarix çoxdan
təsdiq edib. Nizamiləri, Füzuliləri, Vaqifləri bizdən uzun bir
zaman – neçə-neçə yüzilliklər ayırır, lakin onlar mənəviyə
çevrilib indi də yaşayırlar. Həyatda maddiyyatın ömrü qısa,
mənəviyyatın ömrü uzundur. Bu baxımdan, mənəviləri yaşa-
dan söz əvəzedilməz bir qüvvədir. Xanəli Kərimli söz haqqın-
dakı bu həqiqəti belə ifadə edir:
Odur səni səndən sonra
Ağladan da, güldürən də.
Səni min il yaşadan da,
Səni vaxtsız öldürən də.
Dostları ilə paylaş: |