Elmi marağı - dialektoloji araşdırmalardır.
Kazanda ərəbcə və farsca bilik almış Maksimov 1859-cu ildə Peterburq
Universitetinin Şərq dilləri fakültəsini bitirir. Elmi araşdırmalar üçün üç il
Türkiyədə çalışır. 1967-ci ildə Peterburq Universitetində dosent olaraq çalışır.
1868-ci ildə Türkiyədə diplomat kimi fəaliyyət göstərməyə başlayır və elmi
tədqiqatlarını davam etdirir.
1868-ci ildə Sankt-Peterburq şəhərində «Опыт исследования тюркских
диалектов в Худавенджаре и Карамании» adlı əsəri işıq üzü görüb. Əsər
indiyə qədər bu sahədə yeganə araşdırma olaraq qalır.
Maksimov 1900-cü ildə vəfat edib.
MİKKOLA JOOSEFFİ JULİUS
– tanınmış fin slavistidir. 1866-cı ildə
anadan olmuşdur.
Elmi
marağı
-
slavyan
dillərinin
müqayisəli
qrammatikasıdır.
Türkologiyada əski Dunay bulqar türklərinin xronologiyasını araşdırıb. Onun
bu çalışması türkoloq və slavistlər arasında fikir müxtəlifliyinə və mübahisələrə
səbəb olsa da, sağlam bir tədqiqat olaraq qalır. Onun avar dili üzərində də
araşdırmaları vardır.
O, 1946-cı ildə 80 yaşında vəfat etmişdir.
STRAHLENBERQ (STRALENBERQ) FİLİPP JOHANN
– görkəmli
isveçli türkoloqdur. 1676-cı ildə Strasburq şəhərində anadan olmuşdur.
1709-cu ildə Poltava döyüşündə əsir düşən Strahlenberq 10 il Sibirə sürgün
edilmişdir. Bu zaman Sibirdə yaşayan xalqların dillərini və yaşam tərzini
öyrənir.
1726-cı ildə «Vorbericht eines zum Druck verfertigten Werkes von der
Grossen Tatarey and den Koniqreiche Siberben» və 1730-cu ildə «Daş Nord
und Ostliche Theil von Europa und Asia» adlı əsərləri çap olunub.
Strahlenberq 2. 09. 1744-cü ildə Hollandiyada 71 yaşında vəfat etmişdir.
ARİSTOV
NİKOLAY
ALEKSANDROVİÇ
–
görkəmli
rus
türkoloqudur. 1847-cı ildə anadan olmuşdur.
Araşdırmaları «Живая старина» jurnalında yayımlanmışdır. Elmi marağı
etnologiyasıdır. «Заметки об этническом составе тюркских племен и
народностей и сведения об их численности» adlı çalışması bu günə qədər
aktuallığını saxlamışdır.
BARBШER DE MEYNARD CASİMİR-ADRİEN
– görkəmli fransız
türkoloqudur. 1827-cı ildə anadan olmuşdur.
1867-ci ildə Parisdə türk dili professoru adını almışdır. Bir çox yazıların
müəllifidir. Türkologiyada «Supplement aux dictionnaires publies ı'ä ce jour
renfermant les mots d'origine turque et les mots arabes et persans oyes en
osmanli avec leur signifıcation particuliere...» başlıqlı lüğətin müəllifi kimi
tanınmışdır. Onun ikicildli «Fransızca-türkcə lüğəti»nin əlyazması Paris Milli
kitabxanasında saxlanılır.
1908-ci ildə Parisdə 81 yaşında vəfat etmişdir.
DESMAİSONS JEAN JACQUES PİERRE
– məşhur fransız mənşəli rus
türkoloqudur. 1807-cı ildə anadan olmuşdur.
Ərəb və fars dillərindən tərcüməçi kimi tanınır. Elmi maraqları türk
folkloru və türklərin yaşayışı. 1834-cü ildə Buxara mədrəsələrində çalışmışdır.
Türkcə və farsca dərs demişdir. Desmaisons Ebülqazi Bahadır ı «Şecere-i
TürkT» adlı əsərini fransız dilinə çevirmişdir. Desmaisons böyük “Türkcə-
Fransızca lüğəti» də yazmışdır. 1973-cü ildə Parisdə 66 yaşında vəfat etmişdir.
GOMBOTS ZOLTÄN
– görkəmli macar dilçisidir. 1877-cı ildə anadan
olmuşdur.
Budapeşt Universitetində oxumuşdur. Fransa kollecində fonetika
laboratoriyasında çalışmışdır və bu sahədə bir çox məqalələrin müəllifidir.
1905-ci ildə Budapeşt Elmlər Akademiyasının üzvü seçilmişdir. 1906-cı ildə
dosent, 1914-cü ildə isə professor almışdır.
Gombots macar dilçiliyindən başqa, altaistika və xüsusilə türkologiya
sahəsindəki dəyərli çalışmaların müəllifidir. 1906-cı ildə onun kiçik «Çuvaşca
lüğəti çap edilmişdir. Bu lüğətdə çuvaş ağızlarında rast gəlinən sözlərin çuvaş
ədəbi dilindəki qarşılıqları verilmişdir.
Gombots macar dilindəki əski türk sözlərini araşdırmışdır. Bu araşdırma
1908-ci ildə macarca «Honfoglalas elötti török jövevenyszavaink», 1912-ci ildə
isə almanca Die bulgarisch-türkischen Lehnwörter in der ungarischen Sprache»
adı ilə nəşr edilmişdir. Alimin Altay dillərinin səs tarixinə aid «Zur
Lautgeschichte der hen Sprachen» adlı əsəri 1912-1913-cü illərdə çapdan
çıxmışdır.
Gombotsun ən böyük əsəri “Macar dilinin etimoloji lüğəti”dir. 1935-ci ildə
Budapeştdə 58 yaşında vəfat etmişdir.
KENESBAYEV SMET KENESBAYEVİÇ
– məşhur qazax
türkoloqudur. 1907-cı ildə anadan olmuşdur.
1944-cü ildə doktorluq dissertasiyasını müdafiə etmişdir Elmlər
Akademiyasının təsisçilərindəndir. Akademiyanın müxbir üzvü və
vitseprezidenti seçilmişdir. Qazax dilinin fonetikası, leksikası və
frazeologiya əsərləri var. Bir neçə dərsliyin müəllifidir. Tərcümə
nəzəriyyəsi, tətbiqi leksikoqrafiya adlı tədqiqatları var.
Əsas elmi istiqaməti frazeologiyadır. 30 ildən artıq frazeologiya
sahəsində çalışıb. 1977-ci ildə Kenesbayevin 88 çap vərəqi həcmində
«Frazeologiceskij slovar kazaxskogo jazyka» adlı əsəri işıq üzü görmüşdür.
Sovet Türkoloqlar Komitəsinin «Советская тюркология» jurnalının
redaksiya heyətinin üzvü idi.