Metafizika – Cild 1, Say 2, 2018
gəlmiş düzgün inamlar idrak hesab edilə bilməz. Bu təqdirdə hansı amilləri düzgün
inama əlavə etmək lazımdır ki, dərk (idrak) əldə edilsin, sualının cavabında onu
qeyd etmək lazımdır ki, bu barədə müxtəlif nəzəriyyələr irəli sürülmüşdür. Bu nə-
zəriyyələr, əsasən, iki əsas qrupa bölünür: İnternalistlər
1
və Eksternalistlər.
2
İnter-
nalistlərdə ənənəvi və yeni fundamentalizmə əsaslanan epistemologiya və məntiqi
uyğunluq və vəhdət
3
təmayüllü nəzəriyyələr geniş yayılmışdır. Eksteranistlərdə
mövcud olan nəzəriyyələrin əksəriyyəti müxtəlif izahları ilə birgə güvənə əsaslanır.
Qeyd edilənlərə əsasən, bu hissəyə aid sonuncu eksteranist nəzəriyyə
4
Alvin Plan-
tinqa
5
tərəfindən irəli sürülmüş zəmanət
6
nəzəriyyəsidir.
Epistemologiya barəsində digər məsələ onun növləridir. R.Dekart bütün elmi
gücünü yəqinliyə əsaslanan elm sistemini yaratmaq məsələsinə həsr etmişdi. Devid
Yum da
7
bu düşüncə ilə işə başlamış və elə bir nəticə əldə etmişdir ki, onun dava-
mını U.Kuaynın
8
məqalələrində müşahidə edirik. Amma burada dini mövzularda
idrak məsələsini daha ətraflı araşdırmaq yerinə düşər.
Dini epistemologiya
Epistemologiya iki növdür: ümumi və xüsusi. Ümumi epistemologiya sırf id-
rak barəsində informasiya verir və nəzəriyyə yaradır. Ümumi epistemologiya xüsu-
si epistemologiya barəsində fikir irəli sürmür, əksinə, əsl idrakı axtarır. Özünün
əsas mövzusunu xüsusi varlıq deyil, əsl və ümumi varlıq fəlsəfəsi təşkil edir. Epis-
temologiya idrak məsələsində xüsusi mövzu barəsində fikir irəli sürdükdə xüsusi
epistemologiya hesab olunur və təbii ki, epistemologiyanın aposteriori növünə aid
edilir. Məsələn, elmi epistemologiya elmi maarifləndirmə, ürfani epistemologiya
mistik təcrübələr və idraklara, dini epistemologiya isə inamlar və dini inanclar ba-
rəsində söhbət açır.
Xüsusi epistemologiyanın, yaxud ikinci dərəcəli epistemologiyanın mövzusu
1
İnternalistic.
2
Externalistic.
3
Coherentizsm.
4
The Theory of External Proper functiuon.
5
Alvin Plantinga (1932- …). Amerikalı müasir epistemoloq.
6
Warrant.
7
David Hume (1711- 1776). İngilis filosofu. D.Yuma görə səhih biliyin yeganə
predmeti riyaziyyatın obyektləridir.
8
W. V Quine (1908- 2000). Məntiq elminin əsaslarını, xüsusilə semantikanı
genişləndirmiş müasir Amerikalı filosof.
26
Ələddin Məlikov. Epistemologiyada ağıl və iman münasibətlərinin təhlili,
s. 23-53
o idraklardır ki, xüsusi sahədə bəyan edilir. Bu növ epistemologiya aposteriori və
yaxud ikinci dərəcəli idraka aid edilir. Burada aposteriori və xüsusi sifəti “idrakdan
sonra” mənasını daşıyır. Daha dəqiq desək, əsl idrakın mahiyyəti həmin mövzu
üçün aprioridir. Bir növ digər idrakların təhlil və analizi barəsində danışır və bura-
da aposteriori İ.Kantın terminoloji cəhətdən istifadə etdiyi “təcrübədən sonra” mə-
nasını daşımır.
Ümumi epistemologiya xüsusi idraka malik deyil, o özü idrak barəsində nə-
zəriyyə irəli sürür. Belə demək olar ki, ümumi epistemologiya istehsal edən elm və
aposteriori, ikinci dərəcəli epistemologiya isə ümumi epistemologiyanın istifadə
edilən predmetidir. Burada nəzəriyyə irəli sürülməlidir. İstifadəçi epistemologiya
xüsusi idrak sahəsində ümumi epistemologiyada verilən nəzəriyyə və baxışları tət-
biq edir. Buna görə, yolun başlanğıcı ümumi epistemologiyadan başlayır. Nəticə və
məqsədi isə xüsusi epistemologiyadır. Xüsusi, yaxud ikinci dərəcəli epistemologiya
üç hissəyə şamil edilir:
- Elmi epistemologiya;
- Ürfani epistemologiya;
- Dini epistemologiya.
Buradan anlaşılır ki, dini epistemologiya ikinci dərəcəli epistemologiyanın
tərkib hissəsidir ki, idrakın ümumi qanunlarına əsaslanır. Ümumiyyətlə, dini episte-
mologiya inanclar, əqidə və dini maarifi əsaslandırmaqla məşğuldur.
1
Başqa sözlə,
dini epistemologiyanın mövzusu dinin özü deyil, dini idrakdır. Din insanın düşün-
cəsinə gəldikdə dini epistemologiya səhnəyə daxil olaraq dini maarifin hökm və
qaydalarını yenidən tanıtdırmaqla məşğul olur. Dini epistemologiya dini təlimlərin
ağılla izahıdır. Dini epistemologiya dini idrak sahəsində baş verənlərə xaricdən ba-
xışdır. Dini epistemologiya nə dinə, nə imana, nə də dini inanca aid deyil. Yalnız
dini idrakdır ki, din alimləri və mütəfəkkirləri buna nail olmuş və dindən əldə et-
mişlər. Dini idrak fəlsəfə, kəlam, təfsir və bunun kimi güclü elmi sahələrə malikdir
və bütün dini sahələr dini idrak hesab edilirlər və müxtəlif əsrlərdə din alimlərinin
düşüncələrində yaranmışlar. Din alimi dini idrakı anlamaq və əldə etmək üçün çalı-
şır və öz zəhmətinin nəticəsini dini epistemologiyanın ixtiyarında qoyur. Əvvəldə
deyildiyi kimi, dini epistemologiya ikinci dərəcəli idrak növüdür, yəni digər idrakın
vəziyyət və sifətlərindən xəbər verən idrakla bağlıdır. Dini epistemologiya dini
1
Contemporary Perspective on Religous Epistemology, ed: Geivett R. D and Sweetman
B. pp. 3-16.
27
Metafizika – Cild 1, Say 2, 2018
maarifdən qaynaqlanır və qidalanır. Bu, onlardan asılılığın göstəricisidir. Dini epis-
temologiyanın aposteriori və ikinci dərəcəli olmasının izahı və mənası budur.
Dini epistemologiya xaric və yüksəkdən dini maarifi müşahidə etməkdir. Di-
ni epistemologiya yalnız dini maarif sahəsinin bir hissəsi ilə kifayətlənməmişdir. O,
dini maarifin bir-iki sahəsindən daha da geniş dünyaya malikdir. Xüsusi epistiomo-
logiyanın məşğul olduğu sahə dini maarif toplusudur. Dini epistemologiya dini
maarifləri təsvir edir, yəni dini maarif aləmində baş verənləri təhlil edir və onlara
hakimlik etməyə çalışır. Onlar dini epistemologiyada xüsusi müasir meyarlardan
istifadə edirlər. Dini epistemologiyanın predmeti dini təlim və hökmlərdən ibarət-
dir. Burada, təbii ki, Allaha inanc xüsusi əhəmiyyətə malikdir. Allahın mövcudlu-
ğuna inam ağlasığandır, yoxsa yox? Bu və bu kimi suallar bütün dini epistemoloq-
ları düşündürən əsas mövzulardan hesab olunur.
Anlayışlar
Bildiyimiz kimi, hər sahədə ilk növbədə anlayışlar və ifadələrin hərfi və ter-
minoloji tərifini vermək zərurət daşıyır. Bu zərurət oxşarlıq və fərqli cəhətləri ay-
dın etməkdən yaranır. Əks halda, anlayışları tam qavramaq mümkün olmur və bö-
yük səhvlərə səbəb olur. Sözlərin hərfi cəhətdən oxşarlıqları ədəbiyyat və şeir dün-
yasında çox mühüm rol oynayır, fəlsəfədə isə bir çox problemlər yaradır. Bəzi si-
nonimlər bir-birilərinə o qədər yaxındırlar ki, onların fərqləndirilməsi çox çətindir.
Fəlsəfədə bir çox səhvlər bunun nəticəsində baş verir. Bəzən bir çox filosof və mü-
təfəkkirlərin bu tələyə düşməsinin şahidi oluruq. Məsələn, “top” və “kök” sözləri
Azərbaycan dilində bir neçə mənada işlədilir.
Bu problemlər o zaman daha da güclənir ki, bir elmdə bir söz müxtəlif mə-
nalı terminlərdə işlədilsin. Bizim mövzumuza aid olan ağıl və iman terminləri kə-
lam, fəlsəfə və təsəvvüf elmlərində müxtəlif mənalarda işlədilmişdir. Bu da onların
hərfi və terminoloji cəhətdən müxtəlif məna kəsb etməsinə səbəb olmuşdur. Bu sə-
bəbdən bu terminlərin hərfi və terminoloji cəhətdən araşdırılması zərurəti yaranır.
Ağlın terminoloji mənası
“Ağıl” sözü ərəb dilində “əql” kəlməsindən götürülmüşdür. Onun kökü
“əqail” sözü “dəvənin diz bağı” mənasını verir, yəni ağıl həvəslərə doğru addım-
28
Dostları ilə paylaş: |