Yaqub məĞrur vəTƏn namiNƏ Bakı
Yüklə 3,01 Kb. Pdf görüntüsü
|
- Bu səhifədəki naviqasiya:
- MÜƏLLİF LİRİKA 22 Yaqub Məğrur Vətən naminə
19 Yaqub Məğrur Vətən naminə dəftərləri sağ-salamat sənə qaytaracağam. Qalib müəllim dəftərləri qəzetə büküb götürdü və sağollaşıb bizi tərk etdi. O, dediyi kimi düz dörd gündən sonra dəftərləri qaytarıb gətirdi. Hələ üstəlik yazdığı altı səhifəlik “VƏTƏN HƏSRƏTİNDƏN DOĞULAN ŞAİR” başlıqlı redaktor sözünü də təqdim edib dedi: - Şair qardaş, sənin şeirlərinin 80 % - dən çoxu çapa hazır vəziyyətdədir. Qalanlarının üzərində də yüngülvari əl gəzdirsən, onları da çap etdirmək olar. Odur ki, ilk kitabının redaktorluğunu tam məsuliyyətlə öz üzərimə götürürəm. Bu da mənim redaktor sözüm, buyur! - Qalib müəllim, doğrudan da mənim kitab çıxarmaq fikrim yox idi. Ancaq bizim bu gözəl xanımlarla birlikdə siz məni ruhlandırdınız. Buna görə hər üçünüzə çox sağ olun! - deyirəm. “Redaktor sözü”nüzə görə isə xüsusi təşəkkür edirəm. Beləliklə şeirlərimi “ARAZ” nəşriyyatında yığılmağa verdim və 2006-cı ilin yanvar ayında “ÖZÜMÜ AXTARIRAM” adlı ilk şeirlər kitabım çapdan çıxdı. Sevincimin həddi-hüdudu yox idi. Üstəlik qələm dostlarım ilk kitabım barədə qəzetlərdə məqalələr dərc etdirdilər. Hətta “AZƏRBAYCAN” nəşriyyatının iclas zalında kitabımın təqdimatı da keçirildi. Bu, yeni poeziya nümunələri yaratmaq üçün mənə stimul verdi və ədəbi aləmə ikinci qayıdışım oldu. Yeri gəlmişkən, bu keşməkeşli yolda mənə dəstək verən, yuxarıda adlarını qeyd etdiyim şəxslərin hamısına – Haqq dünyasına köçənlərə rəhmət, bu dünyada qalanlara isə hörmət və sayğılarımı çatdırıram. Həmin vaxtdan keçən on il ərzində altı kitabım çapdan çıxıb. “VƏTƏN NAMİNƏ” kitabı isə sevimli oxucularla yeddinci görüşümdür. Üstəlik yeddi al- manaxda şeirlərim dərc olunub. Hətta bir çox iri şeir və poemalarımın bəndlərinin sayını ifadə edən rəqəmlərin cəmi də təsadüfən yeddiyə bərabər olur. Çapdan çıxmış kitablarım yeddi fəxri diploma layiq görülüb. Müxtəlif mənbələrdə müqəddəs hesab edilən 7 rəqəminin taleyimdə belə rol oynaması, artıq onu mənim simvolik rəqəmimə çevirib. Bir azdan qədəm qoyacağım yeddinci ömür onilliyimdə də oxucularla daim təmasda olmaq arzusuyla ”hələlik!”– deyir və inanıram ki, “VƏTƏN NAMİNƏ” də onların stolüstü kitabına çevriləcək. Sonda isə xatirəyə çevrilmiş kövrək duyğularımı yeni yazdığım “QƏLƏM” şeirinin üç bəndi ilə bitiri - rəm: ...Mənim sadiq dostum qələmdir, bilin! Yazır tarixini hər ayın, ilin. Bağlı qapıları kükrəyən selin Coşqun dalğası tək açandır qələm, Zülmətə gur işıq saçandır qələm. Təblə xəyallarda süzən bir kəsəm, Sözləri sıraya düzən bir kəsəm, Bəzən tək özüməm, bəzən hər kəsəm. Hər kiməm, xalqımın mahir oğluyam, Qələmlə yol gedən şair oğluyam... 20 Yaqub Məğrur Vətən naminə 21 Yaqub Məğrur Vətən naminə ...Daim fəxr edirəm, doğma elimlə, Canımdan da əziz Ana dilimlə. Şeir yaza – yaza “QIZIL QƏLƏM”lə Yaqub Məğrur söz dünyası qurmuşam, Keşiyində alnı açıq durmuşam. MÜƏLLİF LİRİKA 22 Yaqub Məğrur Vətən naminə 23 Yaqub Məğrur Vətən naminə SALAM (yeni variantda) Uca Yaradanın vardır yüz adı, Həmin o adlardan biridir Salam. Onunla başlayır, hər toy büsatı, İlahi sehridir, sirridir Salam. İstər məclislərdə, istər yürüşdə, Vacibdir ilk salam vermək görüşdə. İstər həm çıxışda, həm də girişdə, Sözlərin mehrabı, zəridir Salam. Kiçiyə salam ver, görüş anında, Özünü kiçik tut, böyük yanında! Çünki sultanın da, bəyin-xanın da, Dilinin ilk sözü, səridir Salam. Gedirəm Vətənin hər bir elinə, Salam ərz edirəm məclis əhlinə. Təbrik söyləyirəm bəylə gəlinə, Tanrı məhəbbəti, mehridir Salam. Yaqub, seç sözləri, sıra ilə düz, Ərz elə, boylanıb oxusun hər göz! Salamın ardınca deyilir hər söz, Çünki SÖZ OCAĞI, piridir Salam! ANA (yeni variantda) Oğul-qız yolunda çəkirsən cəfa, Çətin günlərini görürəm, ana! Çəkdiyin zillətin əvəzində mən, Sənə söz çələngi hörürəm, ana! Gözümün nurusan, başımın tacı, Canımın canısan, həm də əlacı. Sənsiz hər bir anım acıdan acı, Yoluna gül-çiçək sərirəm, ana! Sevinsən, mənim də qəlbim çağlıyar, Kədərə əyilsən, köksüm ağrıyar. Məni tənha qoysan, könlüm ağlıyar, Dərdinə sinəmi gərərəm, ana! İstəsən canımı verərəm, ana! MÜƏLLİM (yeni variantda) Məni insan kimi formalaşdırıb, Ülvi arzulara çulğalaşdırıb, Əlifba öyrədib, yollar aşdırıb, Müstəqil, düz yola salıb müəllim. Mələk çöhrəsiylə, nurlu üzüylə, İnci saflığıyla, zərli gözüylə, Şirin ləhcəsiylə, dürlü sözüylə, Əbədi qəlbimdə qalıb müəllim. 24 Yaqub Məğrur Vətən naminə 25 Yaqub Məğrur Vətən naminə QƏLƏM İllərdir yurdumdan köçkün düşmüşəm, Bəxtsiz taleyimdən küskün düşmüşəm, Səmadan torpağa çiskin düşmüşəm. Tez-tez çarpışmışam dərdlə, ələmlə, Təskinlik tapmışam yalnız qələmlə. Mənim sadiq dostum qələmdir, bilin! Yazır tarixini hər ayın, ilin. Bağlı qapıları, kükrəyən selin Coşqun dalğası tək açandır qələm, Zülmətə gur işıq saçandır qələm. Təblə xəyallarda süzən bir kəsəm, Sözləri sıraya düzən bir kəsəm, Bəzən tək özüməm, bəzən hər kəsəm. Hər kiməm, xalqımın mahir oğluyam, Qələmlə yol gedən şair oğluyam. Kəlmələr birbəbir verilir Haqdan, Şeirlər süzülüb gəlir uzaqdan. Qələmin ucuyla keçib yazmaqdan Vərəqlər içində “yatab” olurlar, İrili-xırdalı kitab olurlar. Daim fəxr edirəm doğma elimlə, Canımdan da əziz Ana dilimlə. Şeir yaza-yaza “Qızıl qələm”lə Yaqub Məğrur söz dünyası qurmuşam, Keşiyində alnı açıq durmuşam. Yüklə 3,01 Kb. Dostları ilə paylaş:
|