____________Milli Kitabxana____________
329
olmasını xalqımız M.İbrahimov şəxsiyyətində yazıçı-dövlət
xadimi obrazının müsbət nümunəsi olaraq qiymətləndirmişdir.
M.İbrahimov bir çox hekayələrin, povestlərin, dram
əsərlərinin, elmi əsərlərin müəllifi olsa da, fikrimizcə, onun
bədii yaradıcılığı üç romanı – “Gələcək gün”, “Böyük dayaq”
və “Pərvanə” ilə qüdrətlidir. 1948-ci ildə yazılan “Gələcək gün”
romanı ədəbiyyatımıza bu janrı yeni mükəmməl mərhələyə
qaldıran istedadlı romançının gəldiyini bəyan etdi. Dünya
romançılıq təcrübəsindən səmərəli istifadəsi, dil və üslub
xüsusiyyətləri, struktur mükəmməlliyi, poetikasının digər
özəllikləri ilə seçilən bu romanda tipik və canlı həyat
materialları, zəngin surətlər qalereyası, kamil insan xarakterləri
vardır.
Qulu Xəlilov yetmişinci illərin əvvəllərində yazırdı ki,
“Gələcək gün” romanında hadisələr “ehtiraslı-patetik üslubda
təhlil və təsvir” edilmişdir. “M.İbrahimov insan xarakteri, onun
təbiəti barədə güclü təsəvvirə malikdir. Buna baxmayaraq, o,
qələmə aldığı surətləri, onların öz təbiətlərini, istək və
arzularını, xarakterini, həyat yolunu, məsələn, S.Rəhimov kimi,
dərin və canlı müşahidə əsasında yaratmır. M.Hüseyn kimi,
qüvvətli yaradıcı təsəvvürün köməyi ilə canlandırır, ətə, qana
gətirir” (50, 152-153). Q.Xəlilov romanda həyat müşahidəsinin
____________Milli Kitabxana____________
330
zəifliyi, buna görə də obrazlarda sxematikliyin özünü
göstərməsi qənaətində olmuşdur. “Bizə elə gəlir ki,
M.İbrahimov romanlarında real həyat müşahidəsinin zəifliyi
canlı-epik lövhələr və tam, mükəmməl bədii surətlər yaratmağa
mane olur. Elə bil yazıçının özü də bu səbəbdən geniş epik
təsvirlər verməyə cəsarətsiz girişir. M.İbrahimov romanlarının
roman-epopeya səviyyəsinə qalxmasına mane olan qüsurlardan
biri də məhz budur” (50, 153).
Romana çağdaş ədəbiyyatşünaslıq müstəvisində yanaşsaq
belə, Q.Xəlilovun bu fikirləri ilə razılaşmaq olmaz. Əvvəla,
“Gələcək gün” romanında həyat müşahidəsinin zəifliyindən
danışmağa əsas yoxdur və tənqidçi də belə əsasları göstərə
bilmir. İkincisi, obrazların sxematikliyindən danışan müəllif
monoqrafiyanın digər səhifələrində həmin obrazların canlı
olmasından, “realistcəsinə ümumıləşdirilərək” yaradılmasından
bəhs edir. Üçüncüsü, “Gələcək gün” (həmçinin M.İbrahimovun
digər romanları) niyə də roman-epopeya səviyyəsinə
qalxmalıdı? Buna nə ehtiyac var ki? Yəqin ki, nə M.İbrahimov,
nə də onun oxucusu bu əsərlərin roman-epopeya kimi araya
çıxması istəyində olmamışlar.
M.İbrahimov yaradıcılığının tanınmış
tədqiqatçısı
A.Hacıyev “Gələcək gün” romanının “xalq qəhrəmanlıq
____________Milli Kitabxana____________
331
epopeyası”, həmçinin “sırf siyasi roman” adlandırılmasına qarşı
çıxaraq, bunu “ifrata varmaq” hesab etmişdir ( 40, 99).
Əsərdə bədii publisistikanın güclü olduğunu qeyd edən
A.Hacıyev yazır ki, “Gələcək gün” ehtirasla, zövq və həvəslə
yazılan romandır” (40, 96).
Romanda canlı-epik lövhələr də qədərincədir və əsərin
ölçüləri daxilindədir. Əlbəttə, “Gələcək gün”də ictimai-siyasi
pafosun, kommunist təbliğatının, siyasi motivlərin üstün olduğu
inkar edilə bilməz. Lakin oxucu bu siyası xəttin fərqində
deyildir, romandakı siyasi istiqamət onu demək olar ki,
maraqlandırmır və siyasi məsələlərin, siyasi söhbətlərin
üstündən tələsik ötüşüb, aparıcı və cəlbedici hesab etdiyi əsas
canlı hadisələri izləməyə can atır. Hərçənd ki, saray
münasibətləri, saray söhbətləri, səfirliklərin siyasi “oyunları” da
müəyyən maraq doğurur. Ədəbiyyatşünas alim H.Ənvəroğlu
yazır ki, “ıctimai-siyasi roman” anlayışı romanın sadəcə olaraq
ictimai-siyasi mənaya meyl etməsidir. Məsələn, romanda Musa
kişinin ailəsinin, xüsusilə, böyük övladı Gülnazın taleyi ilə
bağlı hadisələr daha təbii, emosional və səmimi təsir bağışlayır,
nəinki Firudinin, Rza Qəhrəmaninin, Kərimxan Azadinin, Kürd
Əhmədin və başqalarının siyasi-inqilabi fəaliyyəti” (33, 157).
____________Milli Kitabxana____________
332
Baş obraza gəldikdə: romanın qəhrəmanı Firudin obrazında
ikiləşmə vardır – kənddə gördüyümüz, Tehrana gələrək öz
yolunu axtaran, mərd və qorxmaz təbiətli, nəhayətdə milli
azadlıq düşüncəsi ilə yaşayan Firudin və sinfi mübarizədən
danışan, “Ana” romanının təsiri altına düşən, partiya təbliğatçısı
kimi görünən Firudin. Hətta uzun müddət axtardığı, taleyi üçün
narahat olduğu dayısı Musa kişi ilə həbsxana kamerasında
rastlaşan Firudinin ağlını itirmiş bu ağır xəstə insanla partiya
təbliğatçısı kimi danışması, patetik nitq söyləməsi, fikrimizcə,
romanın məziyyətlərinə xələl gətirən epizodlardandır. Bütün
bunlara baxmayaraq, Firudin oxucunun yaddaşında milli
azadlıq yolunu özünə ideal seçən bir obraz kimi yaşayır.
“İctimai mübarizənin, istibdad əleyhinə mübarizənin
başqa bir səhifəsi də vardır. Milli istiqlal hərəkatı !..
Azərbaycanın azadlığı !” (52, 374). – Bu,
Firudinin həbsdə olarkən, bütün əzabların, fiziki və mənəvi
təzyiqlərin, mərhumiyyətlərin müqabilində qəbul etdiyi qəti
qərarın ifadəsidir.
Müəllif istər “müsbət”, istərsə “mənfi” obrazları – Musa
kişini, Səriyyə xalanı, Gülnazı, Hikmət İsfəhanini, Sərhəng
Səfaini, Həkimülmülkü, Şəmsiyyəni, Qəmərbanunu, Hüseyn
Məhbusini xarakter cizgiləri ilə, təbii verə bilmişdir. Hərçənd
Dostları ilə paylaş: |