193
• VII fəsil •
İnsan sağlamlığına ətraf mühitin
təsiri
•
7
R
EPRODUKTİV SAĞLAMLIQ
Reproduktiv sağlamlıq. Ailə qurmaq, sağlam uşaq dünyaya gətirmək, tam
keyfiyyətli şəxsiyyət tərbiyə etmək hər iki valideyndən məsuliyyət tələb edir. Bu
səbəbdən insanların reproduktiv sağlamlıq problemlərinə son dövrlərdə daha çox
diqqət yetirilir. Reproduktiv sağlamlıq insanın əlverişli fiziki, əqli və sosial rifahı
şəraitində çoxalma orqanlarının sağlam olmasıdır.
Cədvəli dəftərinizə çəkin, dölün inkişafına təsir edən amilləri qruplaşdırın və cədvəldə
qeyd edin:
mexaniki təsirlər, alkoqol, qida məhsullarında olan qidalı maddələr,
viruslar, vibrasiya, nikotin, fiziki yük, havanın temperaturu, günəş şüaları,
bakteriyalar, dərman preparatları.
Fiziki
Bioloji
Kimyəvi
– Sadalanan meyarlar insanın reproduktiv sisteminə və dölün inkişafına necə təsir edə
bilər?
İnsanın fiziki və psixi sağlamlığının formalaşması hələ bətn daxilində ikən baş-
layır və müxtəlif amillərin təsiri altında ömürboyu davam edir. Belə amillərə düzgün
qidalanma, gün rejiminə əməletmə, hərəkət aktivliyi və s. aiddir.
Zərərli vərdişlərin reproduktiv sağlamlığa təsiri. Reproduktiv sağlamlığa al-
koqol, nikotin və narkotik maddələr kimi zərərli vərdişlər mənfi təsir göstərir. Zə-
rərli vərdişlərə aludə olan hamilə qadınlarda alkoqolun, siqaretin və ya narkotik
maddələrin tərkibindəki zərərli maddələr dölün orqanizmində güclü dəyişikliklər
yaradır və nəticədə onun normal inkişafı ləngiyir. Bu zaman sinir hüceyrələrinin
formalaşması pozulduğundan müxtəlif çatışmazlıqlara malik fiziki və psixoloji
inkişafdan geri qalan uşaqlar dünyaya gəlir. Məsələn, hamilə qadının siqaret çəkməsi
zamanı qanın plasenta ilə axması zəifləyir. Nəticədə isə döl qida maddələri ilə az
təmin olunur. Bu səbəbdən də doğulan uşaq cılız, zəif və çəkisi az olur.
Reproduktiv sağlamlığa infeksiyaların təsiri. Reproduktiv sağlamlığa həm də
cinsiyyət orqanlarının xəstəlikləri təsir edə bilər. Cinsiyyət yolu ilə keçən xəstəliklər
zöhrəvi xəstəliklər adlandırılır. Bu xəstəliklərə qarşı insanda immunitet yaranmır.
Bədənə daxil olan xəstəliyin törədiciləri, ilk növbədə, cinsiyyət orqanını zədələyir.
Müalicənin vaxtında aparılmaması, adətən, sonsuzluqla nəticələnir.
Fəaliyyət
51
– Hansı faktorlar irsi materiala, hüceyrələrin formalaşmasına, dölün
ikişafına təsir edə bilər?
194
Reproduktiv sağlamlığın və sağlam həyat tərzinin əsas şərtləri. Reproduktiv
sağlamlığın və sağlam həyat tərzinin əsas şərtləri düzgün qidalanma, idman vərdiş-
ləri, əmək və istirahət rejiminin düzgün təşkil olunmasıdır. Qidalanma zamanı qida
normalarına ciddi əməl olunmalıdır. Qida normaları dedikdə insanın normal halda
qəbul etdiyi ümumi qidanın və ya onda olan komponentlərin miqdarı başa düşülür.
Bu normalar insanın yaşından, cinsindən, işin növündən asılı olaraq onun bütün
həyatı boyu dəyişir. Qida normalarına əməl olunmaması insanda müxtəlif
xəstəliklərin meydana çıxmasına şərait yaradır. Məsələn, karbohidrat və yağlardan
sui-istifadə nəticəsində insanda ateroskleroz, piylənmə, şəkərli diabet və s.
xəstəliklər yarana bilər. Bədənin sağlam olması üçün insan daim idmanla məşğul
olmalıdır. İdmanla müntəzəm məşğul olduqda ürəyin fəaliyyəti güclənir, əzələlərə
çoxlu
qan gəlir, tənəffüs prosesi yaxşılaşır.
Reproduktiv sağlamlığın qorunması üçün insan sağlam həyat tərzi keçirməli,
gələcək nəslin sağlamlığının qayğısına qalmalıdır.
1. Aşağıdakı suallardan və əlavə məlumat mənbələrindən istifadə edərək sağlam həyat
tərzinin əhəmiyyəti haqqında referat hazırlayın.
Hansı əsas meyarlar insanın sağlamlığına təsir göstərir?
İnsanın sağlamlığına təsir edən fiziki və kimyəvi amillərin əhəmiyyəti nədən
ibarətdir?
İnsanın sağlamlığına təsir edən sosial amillərin əhəmiyyəti nədən ibarətdir?
Sadalanan amillər gələcək ananın (dölün, yeni doğulmuş uşağın) reproduktiv
sağlamlığına necə təsir edə bilər?
2. Sağlam həyat tərzinə həsr olunmuş “yaddaş kitabçası” hazırlayın. Zərərli vərdişlər-
dən qurtulmaq və sağlamlığınızı qorumaq məqsədilə qaydalar tərtib edin, sonra isə
bu istiqamətdə təbliğat aparın.
3. Ananın qəbul etdiyi alkoqol, narkotik maddələr dölün inkişafını zəiflədir və ana
bətnində onun inkişafını pozur. Belə dölün inkişafı və böyüməsi gec gedir, baş beyinin
həcmi kiçilir, “ağıldankəmlik”, “dovşandodaqlılıq”, “qurdağızlılıq” xəstəlikləri üzə
çıxa bilir.
• Dölün inkişafında belə dəyişikliklərin səbəbini izah etməyə çalışın.
ÖYRƏNDİKLƏRİNİZİ TƏTBİQ EDİN VƏ YOXLAYIN
195
• VII fəsil •
İnsan sağlamlığına ətraf mühitin
təsiri
•
7
1. Aşağıdakı mövzulardan biri barədə radioverilişdə çıxış, yeniyetmələr üçün
jurnalda məqalə, yaxud da reklam çarxı üçün ssenari hazırlayın:
Stress nədir?
Şagird stress vəziyyətindən necə qoruna bilər?
Stress canlılara necə təsir edir?
2. “Zərərli vərdişlərin yaranmasının qarşısını almaq üçün tədbirlər siyahısını tərtib
edin” (məktəbdə, dövlətdə, Yer kürəsində).
3. Siqaret çəkməyə, alkoqollu içkilər qəbul etməyə qarşı reklam xarakterli plakat
düzəldin.
4. Hər hansı zərərli vərdişdən qurtulmağa çalışan insanlar üçün tövsiyələr siyahısı
hazırlayın.
5. İnternetdən aşağıdakı mövzuların biri haqqında məlumat toplayın
və elektron
təqdimat formasında tərtib edin.
Daun sindromlu uşaqların adaptasiyasının bioloji və sosial aspektləri.
Müxtəlif dünya xalqlarının albinoslara münasibəti. Dünyanın müxtəlif
ölkələrində albinosların adaptasiyasının sosial aspektləri.
6. “Ailəmin genealoji ağacı”
Tapşırıq:
1. Qohumlarınızla söhbət aparın, ailə şəkillərinə,
sənədlərinə diqqət
yetirin.
2. Aldığınız məlumatları təhlil edin və sxem şəklində nəsil ağacınızı
qurun.
3. Qohumları birləşdirən xətlərin üzərində oxşar xarici əlamətləri,
xasiyyətləri, qabiliyyətləri və ya sağlamlıq vəziyyətlərini qeyd edin.
4. Bütün qohumlar üçün ümumi (əgər varsa) əlamətləri müəyyən edin.
Nəticələrinizi illüstrasiyalı referatlar, elektron təqdimat, plakatlar
formasında təqdim edin.
L a y i h ə