190
İ
NSANIN HƏYAT TƏRZİ
İnsanın adət etdiyi qidalanma, əmək, istirahət və bu kimi gündəlik fəaliyyəti
hə-
yat tərzi adlanır. İnsan yalnız sağlam həyat tərzi keçirməklə öz sağlamlığını qoruya
bilir. Bunun üçün o, müəyyən gigiyenik qaydalara əməl etməklə bərabər, sağlam-
lığının möhkəmləndirilməsinin qayğısına da qalmalıdır. Bu qaydalara əməl etmə-
dikdə insanın sağlamlığı üçün təhlükə yaranır.
Etil spirtinin insan orqanizminə təsiri
İşin gedişi:
А. Rənglənmiş suya spirt əlavə edin.
– Nə müşahidə edirsiniz? Bu təcrübəyə görə spirtin həll olaraq insanın qanına təsir
etməsi barədə hansı nəticəyə gələ bilərsiniz?
В. İçərisində yumurta ağı olan qaba spirt əlavə edin.
– Nə müşahidə edirsiniz? Bu təcrübəyə əsaslanaraq spirtin orqanizmin zülallarına
(məsələn, fermentlərə) təsir etməsi barədə nə nəticə çıxara bilərsiniz?
Zərərli vərdişlər. İnsanın öz sağlamlığının pozulmasına yönələn fəaliyyəti
zə-
rərli vərdişlər hesab olunur. Onlar insanın şəxsiyyət kimi formalaşmasına mane olur.
Sağlamlığa əsas zərər vuran amillər – siqaret çəkmək, narkotiklərin və alkoqollu
içkilərin qəbul edilməsidir.
Siqaret tüstüsündə nikotin, dəm qazı, sinil turşusu, ammonyak, az miqdarda ra-
dioaktiv maddələr, üzvi turşular, qatran, zəhərli qazlar olur. Siqaretçəkmənin geniş
yayılmasının əsas səbəbi
nikotinin sinir sisteminə oyandırıcı təsir göstərməsi hesab
olunur. Belə təsir insanda yanlış zövqverici hissiyyatın meydana gəlməsinə səbəb
olur ki, bu da siqaretdən asılılıq yaradır.
Nikotinin insan orqanizminə düşməsi zamanı, ilk növbədə, dilin dad reseptorları
sıradan çıxır. Siqaret çəkənlərdə ağızın və qida borusunun epitelisi zədələnir, diş mi-
nası saralır və onda çatlar əmələ gəlir. Siqaret çəkənlərdə damarların daralması
nəticəsində toxumalar qanla yaxşı təchiz olunmur. Uzun müddət siqaret çəkən
adamlarda qastrit və xoralar inkişaf edir.
Orqanizmə zərər vuran vərdişlərdən biri də
spirtli içkilərə aludəçilikdir. Orqaniz-
mə düşən alkoqolun az miqdarı fermentlərin təsirindən parçalanır. Alkoqolun qanda
çoxlu miqdarda olması zamanı ondan daha çox zərərli kənar məhsullar ayrılır.
Alkoqolun təsirinə ən cox həzm sistemi orqanları məruz qalır. Nəticədə mədənin
qıcıqlanması səbəbindən çoxlu miqdarda mədə şirəsi ifraz olunur ki, bu da qastritin
yaranmasına gətirib çıxarır. Həzm sistemində alkoqolun təsirinə ən çox məruz qalan
Fəaliyyət
Praktik iş
50
– İnsanın sağlamlığı hansı amillərdən asılıdır?
191
• VII fəsil •
İnsan sağlamlığına ətraf mühitin
təsiri
•
7
orqan qaraciyərdir. Burada alkoqolun 98%-ə qədəri zərərsizləşdirilir. Bu, qara-
ciyərdə gedən digər mübadilə proseslərinə təsir edir. Nəticədə qaraciyərdə çoxlu yağ
damlalarının toplanması ilə
əlaqədar onun ölçüsü böyüyür,
hüceyrələri tədricən bir-
ləşdirici toxuma hüceyrələri ilə əvəz olunur və
alkoqol hepatiti yaranır ki, bu da
sonda
sirroz xəstəliyinin baş verməsinə səbəb olur. Alkoqoldan xüsusən sinir sistemi
daha çox zərər çəkir. Bu onunla izah olunur ki, alkoqol yağabənzər maddədə yaxşı
həll olur. Belə maddələr sinir sistemində daha çoxdur. Daim spirtli içkilər içən in-
sanların beyin qabığının zədələnməsi nəticəsində əllər əsir, vaxtında müalicə olun-
madıqda
ağ isitmə deyilən kəskin psixi xəstəlik yaranır.
Nikotinin insan orqanizminə təsirini göstərən sxem
Narkotik maddələr bitki mənşəli maddələr və ya dərman preparatları olub güclü
psixi dəyişikliklərə gətirib çıxarır. Onların qəbulu insanda asılılıq yaradır: insan psixi
və fiziki cəhətdən narkotikdən asılı olur. Narkotik maddələrin qəbulu insan orqaniz-
mində pozğunluqlar yaradır. Onu qəddarlığa sövq edir, kəmağıllılığa səbəb olur.
Narkotik istifadəçisi olan insanlarda sifətin dərisi torpaq rəngi alır, dəri qırışır. İnsan
öz sağlamlığını qorumaq üçün sağlam həyat tərzi keçirməlidir.
192
1. Dərslikdən və əlavə məlumat mənbələrindən istifadə edərək cədvəli tamamlayın.
SPİRTLİ İÇKİLƏRİN ORQANİZMƏ TƏSİRİ
Orqan
Yaranan çatışmazlıqlar
Baş beyin
Ürək
Qaraciyər
Mədə
Böyrək
Cinsiyyət hüceyrələri
2. Suallara cavab verin:
Zərərli vərdişlərin yaranma səbəbi nədir?
Zərərli vərdişlərin yaranmasının qarşısını necə almaq olar?
İnkişaf etmiş ölkələrdə zərərli vərdişlərə qarşı nə üçün daha fəal mübarizə aparırlar?
3. Narkotik maddələrdən istifadə və onun fəsadları barədə məlumat toplayın. Mövzu
üzrə 5–6 slayddan ibarət elektron təqdimat hazırlayın.
ÖYRƏNDİKLƏRİNİZİ TƏTBİQ EDİN VƏ YOXLAYIN