161
dakı bütün şeylər öz ideyalarının maddiləşməsindən iba-
rətdir. Deməli, bütün maddi varlıqların mahiyyəti ondan
kənarda olan, qeyri-maddi, əbədi mövcud kamil substan-
siyadır. Fəlsəfənin ontoloji problemini bu yolla həll edən
Platon qnesioloji problemə də özünəməxsus həll variantı
tapmışdır. Mütləq ideyaları dərk etmək mümkündür və
bu dərketmə prosesi insan Canının hələ maddiləşməmiş
vəziyyətdə olduğu zaman seyr etdiyi qeyri-maddi ideya-
ları bu dünyada hansısa konkret insanda maddiləşəndən
sonra “yada salma”sından ibarətdir. Başqa sözlə, insanın
içində mövcud olan qeyri-maddi Can ideyalar aləminin
məhsuludur və o, bir zamanlar eyni dünyada olduğu hə-
min ideyaları “xatırlamaqla” hər bir insanın mücərrəd
şüurunda dərketmə prosesi baş verir. Bu o zaman baş
verir ki, insan hissi qavranılan maddi predmetlərin ara-
sından öz ideyasına ən yaxın olanı, yəni predmetlərin ən
gözəlini görür və bu zaman mücərrəd şəkildə onun ma-
hiyyətini – ideal etalonunu, ideyasını, ideyalar dünyasın-
dakı nümunəsini “xatırlayır”.
Bu cür yanaşmada biz eyni zamanda Platon estetika-
sının mahiyyətini görürük. Deməli, Platon üçün ən gözəl
predmet özünün qeyri-maddi və ideyalar dünyasındakı
etalonuna ən çox bənzəyən, ona ən yaxın olandır. İnsan
ən gözəl predmetlərdə məhz həmin etalonun “işartısını”
gördüyü üçün həmişə gözəlliyə doğru can atır. Lakin Pla-
tonun ideyalar dünyası yalnız eydoslardan ibarət deyil.
Belə ki, real dünyanın yaranması üçün həmin mütləq
qeyri-maddi varlıqların maddi varlıqlarda təcəssüm et-
162
məsi tələb olunur
ki, bu işi digər bir
əbədi, qeyri-mad-
di varlıq olan De-
miurq (yunanca
“demiourgos”
–
“xalq üçün yara-
dan”, yəni sənət-
kar, usta mənasını verir) görür. Demiurq obrazı daha ön-
cəki naturfilosoflar tərəfindən kosmogenezin bir ünsürü
kimi istifadə edilsə də, Platonda o, bütün ideal varlıqları
birləşdirən qüvvə kimi çıxış edir. Demiurq özündən heç
nə yaratmır, yalnız maddi aləmi qeyri-maddi, mütləq ide-
yalarla canlandırır, həmçinin kosmosda nizam yaradır,
onu strukturlaşdırır. Naturfilosoflar ətraf aləmin vahid
substansiyasını təbiətin özündə, onun müxtəlif stixiyala-
rında (su, od, hava və s.) axtarırdılarsa, Platon ilk dəfə
Sokratın ifadə etdiyi ilkin yaradıcı fikrini inkişaf etdirə-
rək, fəlsəfi sistemə qeyri-maddi, mütləq, əbədi varlıqlar
dünyası və vahid, əbədi “qurucu”, “canlandırıcı” ideyasını
gətirdi. Məhz bu ideya daha sonralar xristian və yəhudi
teoloqlarının, dini mütəfəkkirlərinin (məs., e.ə.28/21 –
b.e.41/49 illəri arısında, yəni köhnə ilə yeni eranın ayrı-
cında yaşayıb-yaratmış yəhudi mənşəli antik mütəfəkkir
İskəndəriyyəli Filonun) yaradıcılığında monoteizmin Ya-
radıcı-Allah ideyası ilə rastlaşaraq, onun dolğun təkallah-
lılıq dini-fəlsəfi konsepsiyasına çevrilməsində əhəmiy-
yətli rol oynadı.
Platon Aristotel
163
Antik fəlsəfədə güclü monoteist təmayülləri müşahi-
də olunan digər böyük mütəfəkkir Aristoteldir (e.ə.384–
322). Antik dünyanın “ən universal zəka sahibi” (Hegel)
olan Aristotel Platonun Akademiyasında təhsil almasına
və bir müddət dərs deməsinə baxmayaraq, onun fəlsəfi
təliminə tənqidi yanaşmışdır. E.ə. 335-ci ildə özünün Pe-
ripatetik (yunanca “peripatoi” – örtülü qalereya, bağ), ya-
xud Likey məktəbini yaratmaqla, filosof həm öz müəllimi
və dostu Platonun fəlsəfə məktəbinə alternativ fəlsəfə
tədrisinin, eyni zamanda fəlsəfi təlimin əsasını qoymuş-
dur. Platonun idealist təliminə tənqidi yanaşması bəzi
tədqiqatçılara Aristoteli materialist filosof kimi nəzərdən
keçirməyə bəhanə vermişdir. Xüsusilə, sovet dövründə
ideoloji basqı altında elmi araşdırmamalarını aparmaq
məcburiyyətində qalan klassik filologiya mütəxəssisləri
əksər hallarda onu materialist filosof kimi təqdim edirdi-
lər. Lakin vəziyyət heç də göründüyü qədər sadə deyil...
Doğrudur, Aristotel materiya, onun mövcudluq for-
maları, hərəkət prinsipləri haqqında antik filosoflar ara-
sında bir sıra diqqətəlayiq fikirlər bildirmişdir. Bununla
yanaşı, filosof vahid “təkanverici” qüvvə - ideya, Allah,
can və digər idealist, monoteist anlayışlar haqqında da
geniş şərhlər vermişdir (Aristotel də Sokrat kimi politeist
dinin “allahlarına hörmətsizlik”də ittiham olunduğuna
görə, Afinanı tərk etmək məcburiyyətində qalmışdı). “Fi-
zika”dan sonra gələn və 14 kitabdan ibarət “Metafizika”
(yunanca “meta” – sonra) traktatında o, öz təlimini “bi-
rinci fəlsəfə” adlandıraraq, tədqiqat predmetini “öz-özlü-
164
yündə varolan” kimi təqdim edir. Filosofa görə, varolanın
4 “səbəb”i var: forma (Aristotelin “forma” anlayışı ilə Pla-
tonun “ideya” anlayışı eynidir), materiya, hərəkət başlan-
ğıcı və məqsəd. Bu səbəblər isə “mümkün” (potensial) və
“gerçək” (real) anlayışları ilə müəyyənləşirlər. Materiya
və hərəkət başlanğıcı mümkün, forma və məqsəd isə ger-
çək anlayışını ifadə edirlər. Aristotel məhz bu “səbəblər”
konsepsiyasından çıxış edərək, Platonun “ideyalar dün-
yası”na qarşı çıxır, hesab edirdi ki, əbədi və dəyşməz ide-
yalar heç vaxt maddi dünyada varlığın və hərəkətin mən-
bəyi, səbəbi rolunda çıxış edə bilməzlər. Filosof hərəkə-
tin və varlığın səbəbini “ilk təkanverici”də görürdü. O,
“son forma”, yaxud “materiyasız forma”, yuxarıda sada-
lanmış 4 səbəbdən üçünün – forma, hərəkət başlanğıcı və
məqsədin özünəməxsus vəhdətidir. Ona qarşı duran isə
4-cü səbəb olan materiyadır. Materiya bütün əksliklərin
əsasıdır və bu əksliklər təbiətdəki 4 elementi – odu, ha-
vanı, suyu və torpağı yaradır. Bu 4 elementin müxtəlif
formada birləşməsindən və ayrılmasından isə bütün ət-
rafımmızdakı maddi aləm yaranır. Canlı varlıqların can-
sız predmetlərdən fərqi onlarda Canın olmasıdır. “Can
hərəkətin gəldiyi yerə aid səbəbdir, canlı bədənlərin
məqsədi və varolmasıdır” (“Metafizika”). Aristotel canın
3 növünü fərqləndirir: nəbatat canından (qidalandıran)
heyvanat canı (hiss edən), ondan isə insani can (dərk
edən) inkişaf edir. Yalnız dərk edən can – ağıl ölümsüz,
əbədidir. Əbədi varlığın əsas əlaməti hərəkətdir, o hər
şeyi hərəkətə gətirdiyi halda özünün hərəkətə gətirilmə-
Dostları ilə paylaş: |