510
şağrısına çevrilə bilərdilər. Şahzadə bu fəlakətdən qurtulmasaydı,
məmləkətin faciəsi qaçılmaz olacaqdı – son görüşümüzdə Mirzə
Mehdiylə bu qənaətə gəlmişdik. Amma bədbəxt Şahzadəni xilas
eləyəcək bir qüvvə vardımı?
504. O qışı ağlar keçirdim, heç vəba ilində də bu cür mənəvi
sıxıntı keçirməmişdim. Günlərim hücrədəki yatağımda fikir-xəyal
içində, keçdiyim yolları əriş-arğac eləyə-eləyə keçirdi, hərdənbir
Kərbəlayı Mahmudla kəlmə kəsirdik, o, Dağıstan tərəfdən gələn
xəbərləri mənə çatdırmağı özünə borc bilirdi. Kərimə həftədə iki
dəfə rüsxət verirdim ki, ailəsinə baş çəksin, adətən günorta na-
mazından sonra gedir, axşam azanı başlamamış qayıdırdı. Bu cür
sıxıntı içində kitab barədəki niyyətimdən müəyyən müddətə əl
çəkdim, fikrimdəkiləri Şahımızın quzey səfərini başa vurmasın-
dan sonraya saxladım, ona görə də yazacaq mirzə axtarışına son
verdim. Hələlik olub-keçənləri xəyalımda ipə-sapa düzürdüm,
yerləri, yolları, adamları, hadisələri xatırlayır, təfərrüatları bərpa
eləməyə çalışır, aralarında bağlar qurmağa cəhd göstərirdim.
Əlbəttə, hər gün eyni şeylə məşğul olmaq məni yorur, darıx-
dırırdı, amma başqa əlacım olmadığını da anlayırdım. Xəyalən
atımı minir, Tiflisə doğru yola çıxır, şəhərin küçələrindən keçir,
tanış məscidi, məbədi, qalanı, meydanı görür, yaddaşımda dip-
diri qalan evimizin eyvanında oturur, şəhərə tamaşa eləyirdim,
sonra atla, arabayla, gəmiylə uzun səfərə çıxır, Firəngistana çatır,
zindan həyatına oxşayan pansion günlərini yaşayır, yenə atla,
arabayla, gəmiylə Vene ziaya, İstanbula, Konyaya, Təbrizə, İs-
fahana, Ərdəbilə… üz tuturdum. O yollarda müsyölər, bəylər,
xanlar, mirzələr, üstəlik, dost, sultan, şah rastıma çıxır, hər kəs
öz yerini tutur, mənim yaddaşımda taleyinə düşən ömrü yaşa-
yırdı. Günəşin, Ayın çıxması və batması, günün başlanıb-bitməsi,
Kərimin çırağı yandırıb-söndürməsi o yolları, adamları, hadisələri
yaddaşımdan silə bilmirdi, çünki artıq hər şeyi öz içimə köçür-
müşdüm, zahiri aləmsə yalnız səslərdən və təmaslardan ibarət
idi. Həmin məqamda yadıma Ömər Xəyyamın bir rəvayəti dü-
şürdü: bir müdrikdən soruşurlar ki, niyə kasıblar varlılardan daha
mehriban, daha səxavətlidilər; müdrik deyir, pəncərədən bayıra bax,
orda nə görürsən; soruşan baxıb cavab verir ki, uşaqların oynadığını
511
görürəm; müdrik deyir, indi güzgüyə bax, de nə görürsən; həmin adam
deyir, özümü görürəm; pəncərə də, güzgü də şüşədəndi, amma şüşəyə
bir az gümüş əlavə eləyən kimi yalnız özünü görürsən. Allahın en-
dirdiyi zülmət elə bil məndən ötrü şüşəyə çəkilmiş təbəqəsiydi,
onun güzgüyə çevirdiyi şüşədə yalnız özümü və öz həyatımı
görürdüm...
512
XVII
ÖZ GÖZLƏRİNİN İŞIĞI
Verdilər o binəvayə təxti-rəxti-şəhvar,
Səltənət təxtində mənsub etdilər divan üçün.
Şakir ŞİRVANİ
( XVIII yüzil)
505. O qışın axır ayı – hicri1155-ci ilin zilhəccə ayı (mila-
di 1743-cü ilin fevralı) başa çatmamış yeknəsəq günlərimə ildı-
rım kimi çaxan bir hadisə baş verdi: karvansaradakı hücrəmin
qapısını Mirzə Mehdi döydü. Bəlkə də kimsə inanmaz, onu
dillənməmiş nəfəsindən tanıdım, bütün vücudum gərildi, bo-
ğazım tıxandı, özümdən ixtiyarsız əlimi irəli uzatdım, sonra
sədaqətli qələmdaşımın («Mirzə Yusif, qonaq istəmirsən?») səsini
eşitdim, o səsdə gizlədilməsi çətin olan əndişə duydum, nələrinsə
baş verdiyini beynimdən keçirəndə qucaqlaşdıq, saqqalımızın
tükləri bir-birinə qarışdı, həmin məqamda onun kövrəldiyini
duydum, özümsə, deyəsən, əməlli-başlı ağlayırdım. Mirzə Meh-
dinin gəlişi Şahımızın quzey səfərinin başa çatdığını bildirirdi,
deməli, bundan sonra daha bir həyanımı da görməyəcəkdim. Elə
bil yaxında olması mənə təpər verir, o təpər bunca ruhi iztira-
bın içində salamat qalmağıma kömək eləyirdi. Amma səsindəki
əndişədən artıq öz haqq-hesabımı götürmüşdüm, əmindim ki,
o qaçılmaz faciə baş verib, Mirzə Mehdinin əndişəsi də daha
çox olmuşlarla yox, olacaqlarla bağlıdı. Şahımızın qəzəb atının
cilovunu Mirzə Zəki kimi bəlkə də yeganə can sirdaşı çəkə
bilməmişdisə, deməli, təhlükə lap yaxındaydı. Mirzə Mehdinin
üzünü, az qala, il yarımdan bəri görməsəm də, səsindən xeyli
qocaldığı qənaətdəydim, ola bilsin, cismən bir elə dəyişməmişdi,
amma ruhən çox dəyişdiyini, sarsıldığını dördcə kəlməsindən
duymuşdum. Azacıq toxtayıb aralanandan sonra da xeyli sus-
duq, elə bil çıxılmazlıqdan çıxış yolu axtarırdıq. Axır ki, Mirzə
513
Mehdi dedi, Xəlifənin Kəbədə beşinci sütun ucaltmaqdan qəti
boyun qaçırması Şahımızı daha bir qəzəb atına mindirib, dağlıla-
ra qarşı Əbdülqəni xan Abdalinin sərdarlığıyla əlli minlik qoşun
qoyub, özü osmanlılarla haqq-hesab çəkməyə gedir. Bunun daha
bir fəlakət olduğunu, şübhəsiz, Mirzə Mehdi gözəl anlayırdı:
qışın bu vaxtında uzaq səfərə çıxmaq onun heç ürəyincə deyil-
di, bundansa «İran-i Xərab»da qalıb dağlılarla qarşıdurmanın
nəticələrini gözləməyə üstünlük verərdi. Amma, şübhəsiz, əlində
ixtiyar olsaydı, heç dağlılara qarşı səfərə də çıxmazdı.
506. Qoşun Şəkinin iki fərsəngliyində dincəlmək üçün dayan-
mışdı, Mirzə Mehdi də rahatlanmaq əvəzinə bircə gözətçiylə at
sürüb məni görməyə gəlmişdi, bu sədaqətini də dəyərləndirməyə
bilməzdim. Kərimin əl-ayaq tərpətməsindən, isti xörək yeyib ra-
hatlanandan sonra xəbərdar adam kimi, dedim, danış, Mirzə Meh-
di, bədbəxt Rzaqulu Mirzənin başına nə gəldiyini söylə. Mirzə
Mehdi köksünü ötürdü, xeyli susandan sonra dedi, o binəvanın
günahı yox idi, səhvi vardısa, bu da cavanlığı üzündəndi,
zənnim aldatmırsa, bu Məhəmməd Hüseyn xan Qacarın usta-
lıqla qurduğu tordu, Şahzadə də o tora düşdü, onu kimsə xilas
eləyə bilmədi; deyilənə görə, Şahımıza güllə atan Nikqədəm adlı
şəxs Dilavər xan Taymanının mühafizəsində olub, guya Şahzadə
onun mahir atıcı olduğunu görüb, şəxsi mühafizəsinə xidmətə
götürüb, bir dəfə Məhəmməd Hüseyn xanın və Rəhim Sultanın
yanında atasını öldürməsini istəyib, guya Nikqədəm də boyun
olub, amma Heratda sözünə əməl eləməyə fürsət tapmayıb, Şa-
hımız məmləkətin naibliyini tapşırdığı oğlunun dəbdəbəli şəxsi
qoşununu buraxandan sonra Şahzadə təzədən Nikqədəmi atasını
öldürmək üçün dilə tutub, o da fürsət axtarıb, axır ki, Mazan-
daran meşəsində o fürsət əlinə keçib, amma Şahın salamat qal-
masını biləndən sonra qorxusundan Herata qaçıb, bununla belə,
Şahımızın «göz-qulaqlarından» qurtula bilməyib, onu yaxalayıb
«İran-i Xaraba» gətiriblər, Şahımız da günahkarı təkcə dindirib;
Mirzə Mehdinin dediyinə görə, əvvəlcə Nikqədəm hər şeyi boy-
nundan atırmış, Şahımızın, sifarişçinin adını söyləsə, günahın-
dan keçəcəyi barədə dedikləri zavallını yoldan çıxarır, elə bilir,
bununla canını qurtaracaq, ona görə də Şahzadənin adını dilinə
gətirir, Şahımız da varından yox olur, elə nərə çəkir ki, çadı-
Dostları ilə paylaş: |