1 Ramiz Də
Yüklə 2,51 Mb. Pdf görüntüsü
|
58 Həmin gəmilərin bəziləri Lepanto (1571) döyüşündə iştirak etmişdilər. Lepanto döyüşü İspaniyanın qalibiyyəti ilə başa çatmışdı. İspaniya, Roma papası və Venetsiya ilə ittifaqa girib, 1572-ci ildə Balkan yarımadası sahilinə birləşmiş hərbi dəniz donanması göndərir. Sayı 200-dən çox olan iri gəmilər, Lepanto körfəzində ağır döyüşdən sonra türk donanmasını tamamilə darmadağın edirlər. Sonradan həmin donanmanın bəzi gəmilərinin aqibəti belə acınacaqlı olur və ispanlar heç vaxt özlərini La-Manşdakı məğlubiyyətlə bağışlamayacaqlar. Bundan sonra ingilis gəmiləri uzun müddət dünyanın bütün okeanlarında ağalıq edib hökmranlığı əldən verməyəcək. Həmin döyüşdə ingilis donanmasına, kraliça Yelizavetanın sevimlisi, keçmiş dəniz qulduru və məşhur korsar, Magellandan sonra ikinci dəfə dünya dəniz səyahətində (1577-1580) iştirak etmiş, Frensis Dreyk başçılıq etmiş və böyük müvəffəqiyyət qazanmışdır. II Filipp onu qanundan kənar elan etmişdir. F. Dreyk bütün İspan imperiyasının qəti düşməni sayılırdı. Qoca səyyahın bağında şirin-şirin söhbət edən bu üç yoldaş, həmin armadanın tərkibində olmuş və Qravelin sahilində ingilislərə qarşı qəhrəmancasına döyüşmüşdülər. Məğlubiyyətə və keçirdikləri sarsıntıya görə, onlar heç də fəxr etmirdilər ki, “Məğlubedilməz armada”nın tərkibində La-Manş boğazındakı amansız döyüşdə iştirak ediblər.
59 - Sebastyan, dünən sən harada idin? - deyə Osvaldo müəmmalı tərzdə dostundan soruşdu. - Gərək mən sizə xəbər edəydim haradayam. - deyə Sebastyan bir anlığa başını aşağı salaraq, təmkinlə dilləndi. - Bilirsiniz, elə səhər tezdən Silviya özünü pis hiss edirdi. O, gecədən xəstələnmişdi və bunu məndən gizlətmək istəyirdi. Mən də məcburiyyət qarşısında qalıb Silviyanın yanına həkim gətirdim. Bir sözlə, narahat olmağa dəyməz. Silviya bir-iki günə tamamilə sağalıb ayağa qalxacaq. - Sebastyan, heç də çəkinib eləmə, pul lazımdırsa de. - deyə Migel açıq ürəklə dilləndi. - Əgər lazımdırsa, gedək Silviyanı bura gətirək. Mənim tanış həkimim də var. O, təmənnasız Silviyanın müalicəsi ilə məşğul ola bilər. Bizim evdə... - Çox sağ ol, Migel, dedim axı qorxulu bir şey yoxdur. - deyə Sebastyan əlini Migelin çiyninə qoydu, sözünü üzrxahlıqla kəsərək, təqdirediçi tərzdə davam etdi. - Silviya sağalandan sonra hökmən onunla bir yerdə bura gələcəm. Sonra hər üç dost kamandan ox atmaqla məşğələlərini davam etdirməyə başladılar. Lakin bir saatdan sonra, Silviya xəstə olduğuna görə Sebastyan evə yollandı. Tövlədə olan on iki atdan biri şəxsən Migelin, o birisi Osvaldonun, üçüncüsü isə Sebastyanın sayılır və bu atlar şəxsən qoca səyyah tərəfindən hər üç dosta bağışlanıl-
60 mışdır. İndi də Osvaldo ilə Sebastyan həmin atlardan öz atları kimi istifadə edirdilər. Axşama yaxın Osvaldo da öz evinə yollandı. O, bildirdi ki, gecəni öz evində qalacaqdır. Özünü yorğun hiss edən Migel yorğunluğunu almaq üçün, bağdakı skamyaların birində əyləşərək dincəlməyə başladı. Çiçəklərin xoş ətri, quşların nəğməli cəh-cəhi adamı lap məst edirdi. Çərhovu- zun fəvvarəsi suda canlanma yaradırdı. Yarım saata kimi Migel də evə yollandı. Elə hündür olmayan pilləkən ilə qalxıb evin qapısına çatmışdı ki, birdən həyət qapısı döyüldü. Migel bir anlığa pilləkənin başında dayandı və qapını açmaq üçün həyət qapısına tərəf yollanmaq istədi. Bu dəmdə evin qapısı açıldı və həmişə hazır olan Sanços cəld həyətin qapısına tərəf üz tutdu. Migel bu dəfə kimin təşrif gətirdiyini görmək üçün burada dayınıb gözlərini qapıya zillədi. Sanços qapının ağzına çatanda, birdən qapının o üzündə karet səsi eşidildi və bir anda da həmin səs yoxa çıxdı. Görünür, karet qapının ağzında dayanmışdı. Sanços qapını açıb oradakılara mərhə- mətlə təzim edərək onlarla sorqu-sual etdi. Heç iki dəqiqə keçməmiş, Sanços içəri keçib darvazanı açır. Qapının ağzında bir atlı və iki ata qoşulmuş karet göründü. Qapı açılan kimi onlar içəri daxil oldu, atlı kareti qabaqlayıb, düz Migelin yanında atdan düşdü. Migel dərhal atlını tanıdı. O,
61 “sinyor Odovaldo” - deyə pilləkənlərdən enərək təbəssümlə ona yaxınlaşdı. Bu zadəgan Yeni Dünya sahillərində konkistador kimi tanınan kapitan Xuan Odovaldo de Kamaço idi. Zadəganlar bir-birləri ilə görüşənə kimi karet gəlib onların yanında dayandı. Kapitan Xuan cəld karetin qapısını açdı və içəridə olan cavan sinyoranın əlindən tutub, karetdən düşməyə ona kömək etdi. Sinyoranın ardınca karetdən orta yaşlı bir zadəgan düşdü. Zadəgan o qədər hündür olmayan, dolu bədənli, yaxşı qamətli, otuz beş yaşında ciddi baxışlı bir adam idi. O, yumrusifət, təmkinli, sifətində qalın bığdan başqa tük saxlamırdı. Başının qara rəngli tükü qara şlyapanın altında idi. O, karetdən duşəndə təzim etmədən yanındakı sinyo- ranın əlindən tutdu. Kapitan Xuan Migeli təqdim edəndən sonra əli ilə sinyoranı göstərib ehtiramla dedi: - Migel, tanış ola bilərsən, bu bizim gəlinimiz sinyora Mursiya de Xuanitadır. “Vanquardia” gəmisinin şturmanı Xuanita Floresin ikinci qızıdır. - Sonra əli ilə orta yaşlı zadəganı göstərib həmin tərzdə sözünə davam etdi. - Mənim ortancıl qardaşım “Vanquardia” gəmisinin kapitanı Filipp Odovaldodur. O, Filipp Mursiyanın həyat yoldaşıdır. Onların iki ay bundan əvvəl oğlu olub. Yüklə 2,51 Mb. Dostları ilə paylaş:
|