54
cənub torpağı”nı kəşf etmək üçün cəhd göstərmişdir. Lakin
o, öz məqsədinə nail ola bilməmişdir. Eşitdiymə görə,
Mendanya ikinci dəfə ekspedisiya təşkil etmək istəyir. Mən
əminəm ki, sən bu işin öhdəsindən gələcəksən. Sən yüz
dəfə ölçüb bir dəfə biçməlisən. Gəminin vəsaitini mən
sənin üçün təşkil edəcəm və istəsən münasib şturman da
tapa bilərəm. Təki, sən bu fürsəti əldən vermə. Əgər razı
olmasan, mən bu planı başqa bir dəniz səyyahına təklif
edəcəm. Vaxtilə mən də belə kobud səhvə yol vermişəm,
şimal istiqamətində olan ekspedisiyadan imtina edib 1535-
ci ildə Diyeqo Almaqro ilə Çili yürüşündə iştirak etdim.
- Mən bu haqda fikirləşərəm. - deyə Migel qeyri-
müəyyən təzdə dilləndi və dərindən köksünü ötürərək
təşəxxüsslə sözünə davam etdi. - Təklif etdiyin plan mənim
üçün sərf etsə, ondan istifadə edəcəm. Ancaq cürət edib
sənə deməliyəm ki, mən bu haqqda coğrafiyaşünas Bartolo-
meu ilə məsləhətləşməliyəm. Ancaq bir şeyi yadda saxla ki,
mən səni burada tək qoyub heç yana getməyəcəm.
Rodriges bu haqda nəvəsi ilə söz güləşdirmək istəmədi.
Sadəcə olaraq, tərs baxışlarını nəvəsinə tərəf yönəltdi.
Migel də artıq söz eşitməmək üçün cəld otağı tərk etdi.
55
V fəsil. Daim bir yerdə olan dostlar
Günorta yeməyindən sonra Migel ilə Osvaldo baqa
gedib dünənki kimi ox atmaqla məşğul olmağa başladılar,
Migel bu silahdan lazımi qədər yaxşı atır, Osvaldo isə
cəngavər olsa belə, onun qarşısında zəif idi.
Günorta vaxtı onların üçüncü dostu Sebastyan
gəlməliydi. Nədənsə, o, gecikirdi. Bağdakı məşqlər intensiv
aparılmalıydı. Çünki kapitan Markos hər an qayıda bilərdi.
Onda da Migel qonaq ilə məşğul olmalı idi.
Kapitan Markosun qızı bu şəhərdə, ailənin ikinci qızı
Marqarita isə Barselonada yaşayırdı, mühafizəçi dəstələrin
birində komandir işləyən leytenant Ernando Ramiresin
həyat yoldaşı idi. Elə böyük qızı da bu ailədə ərdə idi.
Böyük qızı Viktoriya leytenant Alonso Ramiresin həyat
yoldaşı idi və onlar hazırda Panamanın Portobelo şəhərində
yaşayırdılar.
Migelgil xeyli ox atmışdılar ki, birdən içəri alçaqboy,
xoşsifəti, iriqamətli, iyirmi üç-iyirmi altı yaşında bir cavan
oğlan girdi. Onun qəhvəyi seyrək saçı başının ortasından
ayrılmış və çiyinlərinin üstünə tökülmüşdü. İncə burnu və
balaca ağzı bənizinə xüsusi gözəllik verirdi. Əynindəki çit
parçadan tikilmiş ağ rəngli qısaqol köynəyinin altından,
onun möhkəm qollarının əzələləri istər-istəməz adamın
56
diqqətinin cəlb edirdi. Hərəkətlərindən və mənalı baxış-
larından müəyyən etmək olardı ki, o, çox ciddi, təmkinli və
qabliyyətli bir adamdır. Çiynindən asılmış uzun qılınc onun
zadəgan olmasını bildirirdi. Bu cavan oğlan Migelin
üçüncü uşaqlıq dostu cəngavər Sebastyan Solinos idi.
O, həyət qapısını bağlayıb, ehtiramla dostlarını salam-
ladı. Sonra isə adəti üzrə evə gedib qoca Rodriges ilə
görüşüb, dostlarının yanına qayıtdı. Sebastyan dostu
Osvaldo kimi katalon idi və on səkkiz yaşlı bacısı Silviya
ilə yaşayırdı. Onun atası və böyük əmisi 1578-ci ilin yanva-
rın 31-də Flandriyanın Jamblu şəhərinin yaxınlığındakı
döyüşdə həlak olmuşdular. Kiçik əmisi və böyük qardaşı
1585-ci ildə Antverpen yaxınlığındakı döyüşdə həlak
olmuş, axırıncı qardaşı isə dayısı ilə birlikdə 1588-ci ildə
“Məğlubedilməz armada”nın tərkibində olmuş və La-Manş
boğazında yoxa çıxmışdılar. Bu yaxınlarda isə anası uzun
sürən xəstəlikdən sonra vəfat etmişdir.
Sebastyan özü iyirmi yaşından Flandriyada idi və orada
respublikaçılara
qarşı
fədakarcasına
vuruşmuşdu.
Osvsldonun on səkkiz yaşı olanda o, da Flandriyaya getmiş
və 1585-ci ildə Antverpenin alınmasında fəal iştirak
etmişdir. 1588-ci ildə hər üç dost “Məğlubedilməz arma-
da”nın tərkibində ingilis donanmasına qarşı döyüşmüş-
dülər. Osvaldonun hər iki qardaşı və atası Flandriyadakı
57
müharibədə iştirak edərək, oradan sağ-salamat çıxırlar,
amma hər üçü 1588-ci ildə La-Manşda ingilislərlə döyüşdə
həlak olurlar.
İspaniya son zamanlar çox müharibələrdə iştirak etmiş
və hər dəfə də demək olar ki, müvəffəqiyyətlər qazanmış-
dır. Bu da ispan silahının və gücünün xeyli üstün olmasını
sübut edirdi. Lakin onun güclü hərbi dəniz donanması
1588-ci ildə İngiltərə sahillərində La-Manş boğazında
ingilis hərbi dəniz donanması ilə toqquşma və təbii fəlakət
nəticəsində məhv olmuşdur. Həmin fəlakət nəinki II Filippi,
hətta bütün İspaniyanı möhkəm sarsıtmışdır. Həmin vaxt
fortuna ingilislərin tərəfində idi.
La-Manş boğazına gələn “Məğlubedilməz armada”
1588-ci ilin iyulun ortalarında İngiltərə sahillərinə yollanır.
“Məğlubedilməz armada”nın tərkibində 130 gəmi, 2400 top
və 19 min əsgər (matrosların sayı nəzərə alınmadan) vardı.
İyulun 21-dən 27-nə kimi ingilislər üç ardıcıl döyüşdə
ispanlara ağır zərbələr endirir. Gözlənilmədən başlanan
qasırğa ispan gəmilərini Orkney adalarına tərəf aparıb,
gəmilərin bir hissəsini orada tələf edir. Fransa sahilində
yerləşən kiçik Qravelin limanı yaxınlığında iyulun 27-də
“Məğlubedilməz armada” və ingilis hərbi dəniz donanması
arasında üçüncü döyüş başlanır. Gəmilərin yalnız yarıdan
az hissəsi İspaniya sahillərinə qayıda bilir.
Dostları ilə paylaş: |