192
çox zaman
mikrokompüterlər də adlandırırlar. Qiymətləri nisbətən ucuz olduğun-
dan bu nəsil kompüterləri müəssisələrin ayrı-ayrı şöbələri, laboratoriyaları əldə edə
bildi.
Çox böyük inteqral sxemlərə keçid kompüterlərin ölçülərini elə kiçiltdi ki, ayrı-
ayrı iş yerlərini onlarla təchiz etmək imkanı yarandı. Həmin vaxtdan yeni termin –
fərdi kompüter yarandı.
Ötən dövr ərzində fərdi kompüterlərin özləri də o qədər inkişaf edib ki, onların
modellərini bir neçə nəslə ayırmaq olar.
Kompüterlərin beşinci nəsli. Kompüterlərin beşinci nəsli gələcəyin kompü-
terləridir. Onlar süni intellektə malik olacaqdır. Bu kompüterlər insanların təbii dilini
başa düşəcək, informasiyanı əlyazmalardan və ya çap olunmuş mətnlərdən qəbul
edib emal edəcək, istifadəçini onun səsindən tanıyacaqdır. Beşinci nəsil kompü-
terlərdə verilənlərin emalı əvəzinə biliklərin emalı baş verəcək, yəni süni intellektə
malik kompüterlər sərbəst surətdə yeni biliklər yaratmağa qadir olacaqdır.
Dünyanın ayrı-ayrı ölkələrində (Yaponiyada, ABŞ-da və s.) bu istiqamətdə
tədqiqatlar aparılır. Hazırda insanın səsini tanıyan intellektual sistemlər mövcuddur.
Artıq
superkompüterlər yaradılmışdır. Hesablamaların paralel aparılmasına görə
bu kompüterlərin sürəti adi kompüterlərin sürətindən çox-çox yüksəkdir; məsələn,
Çində quraşdırılmış “Sunway TaihuLight” adlanan superkompüterin 40960
prosessoru (cəmi 10.7 milyon nüvə) paralel işləyir. 605 m
2
sahəni tutur. Operativ
yaddaşının həcmi 1.31 petabayt olan bu superkompüterdən, əsasən, "böyük veri-
lənlər"in analizində istifadə olunur.
Sunway TaihuLight
superkompüteri (Çin)
LAYİHƏ
193
Layihəl
ər üç
ün
yardımçı
ma
teri
alla
r
M
ƏNTİQİ ƏMƏLLƏR
Müasir kompüterlərdə
Corc Bul
(
1815–1864) tərəfindən
yaradılmış məntiq sistemi tətbiq olunur. Kompüterdə verilən-
lərin emalı zamanı prosessor riyazi
və məntiqi əməlləri yerinə
yetirir.
Məntiq təfəkkürün qanunları və formaları haqqında
elmdir. "Məntiq" termini ərəb dilindən tərcümədə “söyləmə,
danışma” anlamını verən “nitq” sözündəndir.
Bul məntiqinin əsas obyekti mülahizədir.
Mülahizə doğru,
yaxud yalan ola bilən hər hansı nəqli cümlədir. Mülahizədə
nəsə ya təsdiq, ya da inkar olunur; məsələn: “
a səsi saitdir” doğru mülahizə, “
Araz
çayı Qara dənizə tökülür” isə yalan mülahizədir.
Yalnız iki mümkün məntiqi qiymət vardır: doğru və yalan. Onları çox zaman
"True" və "False" ingilis sözləri ilə göstərir və qısaca "T" və "F" kimi yazırlar.
Məntiqi qiymətləri ikilik hesabın simvolları – sıfır (0) və birlə (1) də ifadə etmək
olar. Bir (1) olaraq doğru, yaxud yalan götürülməsi o qədər də önəmli deyil. Adətən,
"doğru" olaraq "1", "yalan" olaraq isə "0" qəbul edilir.
Mülahizələr
məntiqi əməllər vasitəsilə birləşib
məntiqi ifadələr əmələ gətirir.
Mülahizələr üzərində üç əsas əməl yerinə yetirmək olar:
inversiya (
məntiqi inkar);
dizyunksiya (
məntiqi toplama);
konyuksiya (
məntiqi vurma).
Məntiqi inkar. Məntiqi inkar unar (biryerli) əməldir, çünki onda bir mülahizə
iştirak edir, başqa sözlə, onun bir arqumenti var.
Mülahizələri, adətən, böyük və ya
kiçik latın hərfləri ilə işarə edirlər; məsələn:
A,
B,
C,
x,
y,
z.
Məntiqi inkar əməlini "DEYİL" ədatı (
A DEYİL), "¬" simvolu (¬
A), yaxud
mülahizənin üzərində xətlə (
Ā) işarə edirlər. İnkar əməli nəticəsində mülahizənin
məntiqi qiyməti əksinə çevrilir, yəni doğru mülahizə yalan, yalan mülahizə isə doğru
olur. Bunu aşağıdakı cədvəlin köməyi ilə də göstərmək olar:
Məntiqi inkar
əməlinin doğruluq cədvəli
A
A
Doğru
Yalan
Yalan
Doğru
İlkin ifadələrin bütün mümkün qiymətlərindən və əməliyyat nəticəsində alınan
qiymətlərdən ibarət cədvələ
doğruluq cədvəli deyilir.
Məntiqi toplama (
dizyunksiya).
Məntiqi toplama binar əməldir, çünki onda iki
mülahizə iştirak edir, yəni onun iki arqumenti var. Bu əməli "VƏ YA" bağlayıcısı,
"
" simvolu, bəzən isə "+" simvolu ilə işarə edirlər. Məntiqi toplama əməlinin
nəticəsi o zaman doğru olur ki, ya
A, ya
B, yaxud
A və
B eyni zamanda doğrudur.
Nəticə
o zaman yalan olacaq ki,
A və
B eyni zamanda yalan olsun.
C
LAYİHƏ