48
Məzyədilər daxili istiqlaliyyətlərini saxlamaq şərtilə səlcuqların vassalına çevrildi
və hər il sultanın xəzinəsinə 40 min dinar xərac verməli oldu.Şirvanşahlar titulu
ləğv edildi.Məzyədilərin də iki növ qoşunu vardı. Əsas qoşun şahın xüsusi
qvardiyasından ibarət idi. Bundan əlavə iri feodalların və vilayət hakimlərinin
xüsusi qoşun dəstələri olurdu.
Sacilər dövləti. IX əsrdə xilafətə qarşı mübarizə şəraitində Azərbaycanda
meydana gələn feodal dövlətlərdən biri də paytaxtı Ərdəbil şəhəri olan Sacilər
dövləti (889-942-ci illər ) idi. Sacilər mənşəcə türk idilər. Əbu Sac Divdad və onun
varisləri Məhəmməd və Yusif müxtəlif vaxtlarda xilafətin əyalət hakimləri olmuş,
Abbasilər hakimyyətinə qarşı baş baş vermiş üsyanların yatırılmasında fəal iştirak
etmişlər. Sacilərin banisinin Əbu Sac Divdad hesib edilməsinə baxmayaraq, dövlət
onun ölümündən xeyli sonra oğlanları Məhəmmədin və Yusifin dövründə
yaranmışdı. Xidmətləri ilə xəlifənin rəğbətini qazandığına görə 889-cu ildə
Məhəmməd Azərbaycanın hakimi təyin olundu. 901-ci ilin martında Məhəmmədin
ölümündən sonra hakimiyyətə oğlu Divdad keçdi. Həmin ilin avqustunda əmisi
Yusif Divdadı hakimyyətdən salıb özü xəlifənin Azərbaycan hakimi və canişini
oldu. Azərbaycan bütövlüklə onun hakimiyyəti altında birləşmişdi. Yusif hər il
Xilafətin xəzinəsinə 120 min dinar xərac verirdi. 927-ci il dekabrın 27-də Kufə
şəhəri yaxınlığındakı döyüş zamanı Yusifin qoşunu məğlub oldu. O özü yaralandı,
əsir düşdü və öldürüldü. Yusifin ölümündən sonra hakimiyyət əldən-ələ keçdi.
Onun sərkərdəsi Deysəmin dövründə Azərbaycan yenidən müharibə meydanına
çevrildi. 942-ci ildə Sacilər sülaləsinin hakimyyətini Salarilər əvəz etdilər.
Salarilər dövləti. Dövlətin yaradıcısı Mərzuban ibn MəhəmmədGilan
vilayətindəki Salarilər tayfasına mənsub olduğundan dövlət Salarilər
adlandırıldı.O, 942-ci ildə Sacilər hakimi Deysəmi məğlub edərək Azərbaycanı
tutdu. Həmin tarixdən hakimyyət onun təmsil etdiyi Salarilər sülaləsinin (942-981)
əlinə keçdi. Salarilər dövlətinin də paytaxtı Ərdəbil idi. Salari hakimi Mərzuban
ibn Məhəmməd çətin mübarizə şəraitində Sacilər dövlətinin hakimyyəti altında
olan Azərbaycan torpaqılarına sahib olaraq öz səltənətini möhkəmləndirməyə
49
çalışdı. Azərbaycanın şimal-qərb vilayətlərini və Ərməniyəni öz hakimiyyəti altına
keçirdi. Sacilərin dövründə olduğu kimi, Şirvanşahlar Məzyədilərin dövləti
Salarilərə tabe edildi. Bununla da Salarilərin şimal sərhədi Dərbəndə qədər uzandı.
Azərbaycanın cənub-şərq vilayətlərinin, xüsusilə, Zəncanın, Əbhərin və Qəzvinin
İsfahan hakiminin asılılığında qalması Mərzubanı narahat edirdi. Onun məqsədi
Azərbaycanın qədim sərhədlərinin bütövlüyünə nail olmaq idi. O, bu niyyətlə 948-
ci ildə hərbi yürüşə başlayaraq Qəzvinə getdi. Savaş Mərzubarın məğlubiyyəti ilə
başa çatdı. O, sərkərdələri ilə birlikdə əsir düşdü. Lakin Mərzuban anasının və
yaxın adamlarının köməkliyi ilə 953-cü ildə əsirlikdən qaçıb Ərdəbilə gələrək
hakimyyəti ələ keçirdi. Mərzuban vilayətlərdən alınan vergiləri nizama saldı,
maliyyə işlərinə nəzarəti və diqqəti artırdı. Onun dövründə iki cür vergi toplanırdı.
Onlardan biri torpaq və əmlak vergisi idi. İkincisi, asılı ölkələrin hakimlərindən
alınan illik xərac idi. 957-ci ilin dekabrında Mərzuban ibn Məhəmmədin
ölümündən sonra oğlanları və qardaşı Vəhsudan arasında hakimyyət uğurunda
mübarizə nəticəsində mərkəzi dövlət zəiflədi və parçalandı. Mərzubanın oğlu
İbrahimin hakimiyyəti (961-981-ci illər) dövründə Məzyədilər, Dərbənd və Gəncə
vilayəti Salarilər dövlətinin tarkibindən çıxdı. Şəddadilər dövlətinin yaranması ilə
Arranın bir hissəsi və Ərməniyə də onların əlindən çıxdı. Belə bir şəraitdə Əhər və
Təbriz hakimi Rəvvadilər nəslindən olan Əbülheyca 981-ci ildə Salari İbrahimi
məğlub edib əsir aldı və dövlətin paytaxtı Ərdəbili tutmaqla hakimiyyəti öz əlinə
keçirdi.
50
22. Şəddadilər və Rəvvadilər dövlətləri
X əsrin II yarısında Azərbaycanda yaranan müstəqil feodal dövlətlərdən
biri də Şəddadilər dövləti idi. Paytaxtı Gəncə səhəri idi. Ərazisinə əsasən
Kür və
Araz çayları arasındakı torpaqlar daxil idi. Dəbil şəhəri, Ərməniyyənin xeyli
hissəsi Şaddadilər dövlətinə tabe idi:
Şəki və Kxetiya çarlığının bəzi əraziləri müəyyən dövrlərdə bu dövlətdən
asılı olmuşdur.
Şəddadilər dövləti Salarilərin ərazisində meydana gəlmişdi. Bu dövlətin
əsasını Məhəmməd ibn Şəddad qoymuşdu. O, Şəddadilərin zəiflədiyi dövrdə
Dəbili ələkecirib müstəqil əmirlik yaratsa da burada möhkəmlənə bilmədi. Onun
ölümündən sonra oğlanları Fəzl və Ləşkəri Gəncəyə gələrək 971-ci ildə Salarilərin
Gəncədəki naibini qovub hakimiyyəti ələ keçirdilər. Salari hökmdarı İbrahim ibn
Mərzuban Şəddadilər dövlətini tanımağa məcbur oldu. Beləliklə, 971-ci ildə
Şəddadilər dövləti yarandı. Ləşkərinin dövründə Bərdə, Şəmkir, Ərməniyyənin
xeyli hissəsi, Fəzlin dövründə isə Beyləqan Şəddadilər dövlətinə birləşdirildi.
Fəzl uğurlu daxili və xarici siyasət yeritmiş, ticarət və hərbi məqsədlə Araz
cayı üzərində körpü saldırmış, öz adına pul kəsdirmişdir. Əbüləşvər Şavur
hakimiyyəti illərində (1050-1067) iqtisadi, ictimai həyatda, orduda islahatlar
kecirmiş, Gürcüstan və Şirvanşahlarla müharibələri davam etdirmiş, alan
tayfalarından və Səlcuq türklərindən qorunmaq ücün tədbirlər görmüşdür. Onun
tapşırığı ilə Dəmirçi İbrahim 1063-cü ildə Gəncənin dəmir qapılarını düzəltdi.
Şavur hakimiyyətinin sonunda Səlçuqlardan asılılığı qəbul etmişdir.
III Fəzlu (1074-1088) Səlcuqlara tabe olmaq istəmədikdə Səlcuq Sultanı
1088-ci ildə Gəncəni ələ kecirib, III Fəzluni hakimiyyətdən saldı. Beləliklə 1088-ci
ildə Şəddadilər dövləti ləğv edildi. Bu dövlət monarxiya tipli dovlət idi, onun
başçısı əmir titulu daşıyırdı. Məlikşah III Fəzlunu əsir götürərək Bağdada
göndərdi. O, 1991-ci ildə orada əsirlikdə öldü. Məlikşah Gəncəyə öz əmirini təyin
Dostları ilə paylaş: |