32
E.ə. I minilliyin ortalarında albaniyada sənətkarlığın və ticarətin inkişafı üçün
əlverişli olan yerlərdə salınmış yaşayış məskənləri böyüməyə başlamışdı. Ellinizm
dövründə ölkə dünya ticarətinə qoşulmuşdu. Nəticədə belə məskənlərdən bəziləri
şəhərlərə çevrilmişdi. Strabon alban şəhərlərindən yalnız Uti vilayətində yerləşən
Ayniana və Anariakanın adını çəkmiş, Plini isə Alban dövlətinin əsas şəhəri olan
Kabalakanı (Qəbələ) qeyd etmişdir. II əsrdə yaşamış antiq müəllif Klavdi
Ptolomey Albaniyanın 29 şəhər və böyük yaşayış yerlərinin adını çəkmişdir ki,
bunlardan Teleba, Gelda, Albana və Qaytara Xəzər dənizi sahillərində yerləşirdi.
Antiq qaynaqlarda adı çəkilən şəhərlərdən yalnız Kabalakanın (Qəbələ) və
Şamaxının (Gemaxiya) yeri dəqiq məlumdur.
33
15. Qafqaz Albaniyasında Roma işğalçılarına qarşı mübarizə.
E.ə. IV-III əsrlərdə Makedoniyalı İsgəndərin və Selevkilərin Kaspi dənizi
və onun ətraf bölgələrinə göndərdikləri ekspedisiyalardan sonra Albaniya ərazisinə
hər hansı bir yürüş haqqında mənbələrdə heç bir məlumat verilmir. E.ə. I əsrin 60-
cı illərinə qədər Yaxın Şərqdə baş verən hərbi-siyasi hadisələrdən kənarda qalan
Alban dövləti üçün bu dövr əmin-amanlıq dövrü olmuşdur.
E.ə. I əsrdə romalıların hərbi planlarında Albaniya və qonşu İberiya önəmli
yer tutmağa başladı. Romalılar Albaniyada möhkəmlənməklə Hindistanı Qara
dənizə birləşdirən, bir hissəsi Kaspi dənizindən –Kür çayından və quru ərazidən
keçən ticarət yollarını ələ keçirmək niyyətində idilər.
Albaniyanın ələ keçirilməsi Romaya bu ərazidən Parfiyaya zərbə endirmək
və digər ölkələrə yürüş etmək imkanı verirdi. E.ə. 66-cı ildə Roma sərkərdəsi
Pompey Alban torpaqlarına yürüşə başlayaraq Kür çayı sahilində hərbi düşərgə
saldı. Alban hökmdarı Oroysun başçılıq etdiyi 40 minlik ordu romalılar üzərinə
hücuma keçdi. Həmin ilin dekabr ayında Kür çayı sahilində baş vermiş qanlı
döyüşdə daha güclü və təcrübəli olan Roma ordusu qalib gəldi.
Romalılar İberiyaya yürüş edəndə albanlar onları arxadan təqib edərək
Roma qoşunu üçün təhlükəli vəziyyət yaratdıqlarından Pompey e.ə. 65-ci ildə
yenidən albanlar üzərinə yürüşə çıxdı. Albanlara gözlənilməz zərbə vurmaq üçün
romalılar İori ilə Alazan çayları arasında susuz çöllə hərəkət etməyi qərara aldılar.
Pompey bir neçə albanı əsir alaraq ordusunu daha qısa və rahat yolla aparmaq üçün
onlardan bələdçi kimi istifadə etdi. Lakin ölümündən qorxmayan albanlar düşməni
daha uzun və çətin yolla apararaq xeyli ləngitdilər. Alazan çayı sahilində döyüş baş
verdi. 60 min piyada və 12 min atlıdan ibarət Alban qoşununa Oroysun qardaşı
Kozis başçılıq edirdi. Süvari qoşunda albanlar, piyada qoşunda isə romalılar daha
güclü idilər. Pompeyin düşünülmüş taktikası əsasında Roma ordusunun önündə
34
olan atlı dəstəsi qəsdən geriyə qaçaraq albanları öz arxasınca aparıb mühasirəyə
saldı. Döyüş vaxtı Kozis Roma sərkərdəsi Pompeyə nizə ilə zərbə endirsə də,
möhkəm zireh Pompeyi ölümdən qurtardı. Pompeyin cavab zərbəsi ilə Kozis
ölümcül yaralandı. Döyüş romalıların qələbəsi ilə başa çatdı. Romalılara qarşı
kişilərlə birlikdə alban qadınlarının da qəhrəmanlıqla vuruşması antik Roma
müəlliflərinin heyrətinə səbəb olmuşdu. Döyüşdən sonra Pompeyin tələbi əsasında
onun düşərgəsinə gəlməyən alban hökmdarı Oroys məktub və hədiyyələr
göndərməklə kifayətləndi. Pompey barışığa gəlmək və tabe olmaq haqqında
Oroysun vədlərini qəbul edib, xəzər dənizi sahillərinə çıxmaq üçün ölkənin
içərilərinə doğru irəliləməyə başladı. Ciddi müqavimətlə qarşılanan Pompey bu
məqsədindən əl çəkməyə məcbur olub Albaniyanı tərk etdi.
E.ə. 36-cı ildə Antoninin Atropatenə və Albaniyaya yürüşünün nəticəsi
olaraq Alban hökmdarı Zober romalılardan asılılığı qəbul etmişdi. Roma hökmdarı
Oktavian Avqustun hakimiyyətinin sonlarında tərtib olunmuş məşhur Ankir
kitabəsində Alban hökmdarının Roma ilə dostluq etmək niyyətindən bəhs
edilmişdir. Bu yazı göstərir ki, eramızın I əsrinin əvvəllərində öz ölkəsini müstəqil
idarə edən alban hökmdarları Roma ilə dinc münasibətlər qurmağa çalışırdılar.
Qobustanda bir qaya üzərində Roma imperatoru Demisianın adı ilə bağlı olan
kitabənin qalması eramızın I əsrində Roma-Alban əlaqələrindən xəbər verir. Roma
imperatoru Trayanın (96-117-ci illər) Ön Asiyaya yürüşü zamanı Albaniyanın
ərazisi toxunulmaz qaldı. Belə bir şəraitdə albanlar öz torpaqlarının tam sahibləri
idilər. II əsrdə Roma imperatoru Adrian (117-138-ci illər) Alban dövləti ilə dostluq
əlaqələri saxlanmasına xüsusi əhəmiyyət verirdi.
35
16.Azərbaycanda feodal münasibətlərinin yaranması. Feodal cəmiyyətinin
sinifləri, feodal mülkiyyət formaları, vergilər.
III-V əsrlərdə Azərbaycanda feodalizmə xas olan əsas iqtisadi münasibətlər
bərqərar oldu. Çox təəssüf ki, yazılı qaynaqların yoxluğu üzündən Azərbaycanda
quldarlıq çağı təsərrüfatı və sosial münasibətlərinin feodal ictimai-iqtisadi
münasibətlərinə keçməsini izləmək mümkün deyil. Lakin sonrakı dövrə aid
qaynaqlar və qonşu ölkələrdəki iqtisadi və sosial vəziyyət Azərbaycanda erkən
feodalizm münasibətləri barədə təsəvvür yaratmağa imkan verir.
Məhsuldar qüvvələrin və istehsal münasibətlərinin tədricən inkişafı feodal
istehsal üsülunun bərqərar olmasına şərait yaradırdı. Əmək alətlərinin
təkmilləşməsi və onların hazırlanmasında dəmirin tətbiqi əkinçiliyin və
sənətkarlığın geniş inkişafına səbəb oldu. Hökmdar və onun ətrafındakı istismarçı
sinif nümayəndələri torpaq sahibkarlarına çevrilirdilər. Hökmdar, yaxud dövlət
torpaqları xidmət əvəzi olaraq hərbçilər və dövlət işçilərinə paylanırdı, bəzən də
hədiyyə verilirdi.
Xüsusi xidmət adamlarına paylanmış belə torpaqlar feod, yəni “mülk”
adlanırdı. Feodalizm adı da buradan əmələ gəlmişdi. Feodal torpaqlarında kəndli
əməyindən geniş istifadə olunurdu. Kəndli feodaldan asılı vəziyyətdə idi, çünki o
feodalın torpağını becərməli, məhsulun müəyyən hissəsini ona verməliydi. Kəndli
eyni zamanda müxtəlif mükəlləfiyyətləri yerinə yetirməli idi. Lakin onun əsas
gəliri icarəyə götürdüyü feodal torpağı ilə bağlı idi.
Bəzən onlar torpaqsız kəndliləri feodal torpağını becərmək üçün işə cəlb
edirdilər. Feodal torpağında müflisləşmiş kəndli əməyi tətbiq olunurdu, lakin
kəndlilərin torpağa təhkimləşməsi bərqərar olmadı, yalnız xidmətçilik genişləndi.
Feodalızm dövründə iki sinif-feodal və kəndli sinifi yarandı. Kəndlilər əsas
istehsalçı qüvvəni təşkil edirdilər. kəndli sinifinin daxilində baş vermiş mülki
Dostları ilə paylaş: |