|
1 Hümayi rş e
H Ü M A Y İ - Ə R Ş
163
deməz, deyən adamın doğruluğuna etimad etmək üçün də zahirdə bir səbəb göstərilə
bilməz. Odur ki, bu iddianı zahirdə möhkəmləndirəcək istinad nöqtəsi tapıla bilməz.
Bu halda məsələnin keçərsizliyi (batil olması) ortaya çıxar.
Halbuki, bu heç də belə deyildir. Təcrübədə elm və yəqin ifadə edər, çoxlu təcrü-
bələr qüvvətli qənaət, tam əminlik, sağlam iman vücuda gətirir. Bu halda irfan
feyzindən faydalanmış zatlara da şahid olaraq istinad edilə bilər. Bu sayədədir ki,
təsəvvüf ariflərinin sirlərlə dolu lədünni elmlərinə vüquf hasil olmasına imkan əl
vermişdir. Nəticəyə getmək istənilərsə, türbəyə gedib səhərdən saat səkkizə qədər ayaq-
da durması, o gün günortadan sonra Rüşdü paşanın İstanbula teleqrafla istənilmə-
si heç də bir mənası olmayan “təsadüf ”ə yüklənilə bilməz.
Paşanın gecə yarısına qədər görüşməsini, Həzrəti Pirin oturduğu məhəl ilə
türbənin arası üç çeyrək saatdan artıq olmasına baxmayaraq sübh namazından əvvəl
oraya getməsini, səkkiz saat sonra geri dönməsini nəzərə alsaq, həm Taha əfəndi
kimi (öz rəvayətinin təhlili nəticəsində öz sözünün qüvvədən düşəcəyini ətraflıca
qavraya bilməyən) bir zatın bəyanatını təsdiq və həm də ruhani təsirləri qəbul etmək
məcburiyyətində qalarıq. Bununla yanaşı, mənim gəldiyim nəticə bu rəvayətin eynən
baş verməsi yönündədir. Hər nə qədər mənim ağlım da mənəvi təsirləri qavraya
bilməyənlərdən isə də; Yalnız əsərlərindən çox böyük həzz duyduğum və mütəəssir
olduğum mütəsəvviflər qütbü Şeyx Mühyiddin ibn Ərəbi Həzrətləri buna bənzər
qəribə hekayələr nəql etməkdə olduğundan öz əhvalından bəhs edən “Futuhati-
Məkkiyyə” adlı kitabında qeyd etdiyi bir hekayəni bu rəvayətə əlavə edim. Mühyiddin
bin Ərəbi (q.s) həzrətləri (Bir zamanlar məzarlıqda gəzərmiş və bir qəbrə çox gedib-
gələr, bunu bu haldan uzaqlaşdıra bilməzlərmiş. Ustadına şikayət etmişlər, nəsihət
etmiş isə də fayda verməmiş. Bir gün yenə məzarlıqda ikən ustadı olan zat gəlmiş,
ancaq Mühyiddin heç dönməyərək öz halında davam etmiş, Mühyiddinin halı, o zata
əks etməyə başlayınca, son dərəcə mütəəssir olmuş və hətta, həyatından usanmağa
başlamış. Bunu idrak edən zat, bəşərilik aləminə rücu edərək ustadında hasil olan
vəhşəti aradan qaldırmaq üçün danışdırmağa başlamış, ustadı, məcburi etiraf edərək
(Əgər bir dəqiqə də məni danışdırmasydınız, həlak olacaqdım) dedikdə Mühyiddin:
Mənə bu ölülərdən nə anlayırsan, dirilərlə danış və ünsiyyət qur deyirdin, indi ölü
kim, diri kim, anladınmı? Əbazeyd Bistaminin “Siz elmlərinizi bir ölüdən, o da
digər bir ölüdən, bu surətlə siz elminizi “meyyitən badə meyyitin” aldınız. Biz isə bir
diridən, o da özündən əvvəlki diridən bu surətlə almış olduğumuz elm bizə “hayyən
badə hayyin” intiqal etmişdir” deyə söylədiyi sözün sirrini öyrəndinmi? İndi ölülər
arasında “Sənmisən, mənmiyəm” deyə ruhani aləmi canlı, cismani aləmi cansız
olaraq səciyyələndirir. Bu rəvayət bizlərə real olaraq bir dəlil təşkil etməməklə yanaşı,
burası da var ki, bu kimi mənəvi əsrarı da inkar etmək qüdrətim yoxdur. Bu kimi
rəvayətlərdə həkimlərdən (hikmət əhli) birisinin sözünə uymağı özümə düstur qəbul
etdim ki, məncə çox insaflı bir hərəkətdir.
Hükəmadan birisi “Qəribə məsələlər və əcaib əhvaldan hər nə eşidərsən –ağıl
üçün qəbul namümkün olsa belə– onu yenə mümkünsüz hesab etməməlidir.
Kainatın əsrarı kimsənin ağlı miqyasına görə tərtib edilmiş deyildir. Hər
namümkün hesab edilən şey, həqiqətən, elə olsa idi xarici varlıqların heç mənası
olmaması lazım gəlirdi” demişdir.
ﺭﺎﺼﺑﻻﺎﺑ ﻩﻭﺃﺭ ﺱﺎﻧﻻ ﻢﻠﺴﻓ ﻝﻼﻬﻟﺍ ﺮﺗ ﻢﻟ ﺍﺫﺈﻓ
Hilalı görməz isən eylə təsdiq,
Xəbər verdikdə sənə əhli-əbsar
164
H Ü M A Y İ - Ə R Ş
Mühyiddinin bu rəvayəti qəbul ediləcək olursa, Həzrəti Pirin ruhani nüfuzuna,
kamalının qüdrətinə, ruhi istedadına bu rəvayətlə dəlil gətirilə bilər. Lövh və qələmin
xaliqi, şübhələri və zülməti aradan qaldıran, bu ali, müqəddəs tayfaya məhəbbət
etməkdən məni ayırmasın. Seyyidəl-mürsəlin hörmətinə, amin.
Qəribə xatirələr
Bu kitabı adətən axşam yeməyindən sonra otağıma çəkilərək yazırdım. Necə
oldusa, kanunu-saninin iyirmi ikinci bazar günü yeməkdən sonra vücuduma bir
ağırlıq çökdü. Nəsə yaza biləcəyimə inana bilmədim. Yemək otağında bir müddət qal-
dım. Bu zaman ağlıma, bu kimi qiymətini itirmiş keçmişin dərinliklərinə gö mül müş
əlavə məşğələlərlə məşğul olmağın münasib olmadığı tərzində qəribə, əcaib xəyallar
gəlməyə başladı. Bu kitabın necə olursa-olsun, tamamlanmasının müvafiq olduğunu
düşündükcə, bunun ziddinə üstünlük verməyə başladım, çünki tamamlasam da, nə
olacaq ki, unudulub bir küncdə qalacaq, iştə o qədər...
Buna səbəb isə bir kərə çap və nəşri üçün lazım olan sərmayəni tapa bilməyəcəyim
düşüncəsi idi. Tapsam belə, bu kitabın çapından irəli gələn məsrəfin qarşılanması
müm kün olmayacaqdı. Bu hala görə əməklərim boşa gedəcək və yazdığım yazılar da
itib gedəcəkdi. Odur ki, boşuna çalışmış olacağam, deməkdir. Ən yaxşısı, bu məşğələni
tərk etməyə qərar verdim. Və qalxıb qonşulardan birinin evinə getməyi düşündüm.
Bu sırada xatirimə bir neçə dost gəldi ki, hər gecə birisinin evində otururdular. O gecə
sıra Şirvani Hacı Vəli Əfəndizadələrin evində idi. Mən də yatsı vaxtı oraya getdim.
Məclisin özünəməxsus bir idarə tərzi və müsahibəsi vardı. Bu dostların bir-birilə olan
xoş söhbəti və müsahibəsi illərin əmələ gətirdiyi səmimiyyətlə əlaqədər görünürdü.
Mən təbii biganə bir tövr ilə müsahibəyə diqqət edirdim. Birdən-birə məclis dostları
sözü mənqibə sahibi olan zata intiqal etdirdilər. İntiqalın nə şəkildə hüsula gəldiyindən
qafil olmuşam. Ancaq Şamlar məhəlləsindən Oltulu Məhəmmədbəyzadə Lütfi bəyin
“Həzrəti Pirin neçə dəfə Hicaza getdiyini” soruşduğunu və iştirakçıların mənə
baxdığını gördüm. Təbii mən də məlumatsızlığımı bəyan etdim. Daha başqa bir şey
söyləmədim. Lütfi bəy sözü uzadaraq bir mənaqib yazılması lüzumundan bəhs etməyə
başladı. Yenə bu müsahibəyə də əlaqədarlıq göstərmədim. Ancaq doğrusunu söyləyim
ki, bu sözlər can damarlarımı təhrikə başladı. Özümü ələ almağa çalışdım. Bu məcrada
cərəyan edən sözlər mənə “Mənaqib yazılsa nə olacaq ki” dedirtməyə məcbur etdi. Bu
xüsusda hər kəs bir cür fikir bölüşdü. Artıq sözümü gizləməyib, “Mən yazıram, fəqət
nəşr etdirməyəcəyəm. Təmizə çəkdiyim nüsxəsini ümumi kitabxanaya vermək fikrində
olduğumu” söylədim. Bu mənaqibin yazılmasına ən hərarətlə tərəfdar görünən Hacı
Vəli Əfəndizadələrlə Lütfi bəy tərəddüd etmədən “Nəşrini biz öhdəmizə götürürük”
dedilər. Bu vəd digər yoldaşlar (ki, Oltulu Mədəd Ağazadə Əhməd, Oltulu Nədim
bəylərlə Təmiz Əlizadə, tacirlərdən Məhəmməd əfəndi, Şəkinin Dodu məhəlləsindən
Hacı İbrahim əfəndi, yegəni Hacı Yaqub əfəndilər idilər) tərəfindən dəstəkləndi.
Həqiqətən də bu vədə əsasən əvvəlki fəallıq hissim baş göstərdi. Çox təsirləndim. Və
yaxında təmizə çəkib verəcəyimi söylədim. Doğrusu, bundan sonra yazılacaq qismdə
onların təsirini inkar edə bilmərəm. Ancaq əvvəlcə sərmayəsizlik dolayısıyla məşğul
olmaqdan əl çəkərək getdiyim qonaq evində heç əlaqəsi yox ikən belə bir hal qarşısında
qalmağım təəccübümə səbəb oldu. Sanki bir mənəvi rəhbər digər bir vasitə ilə bu işi
tamamlamağımı əmr edirmiş kimi bir düşüncə meydana gəldi.
Bu gözlənilməz hallar qarşısında bu vədin əsli çıxsa da, çıxmasa da tamamlamağa
qərar verdim. İnayət vermək Cənabi-qadiri-mütləqdəndir. Bu vaqeəni, Həzrəti Pirin
Dostları ilə paylaş: |
|
|