1 vaqif aslan
Yüklə 5,01 Kb. Pdf görüntüsü
|
- Bu səhifədəki naviqasiya:
- Tofiq Əliyev
91 də qəbul edirdi. O, klassik Şəkili olduğundan yaxşı bilirdi ki, haçan və harada doğulmağın mənası olduğu kimi hansı ailədən və hansı nəsildən gəlməyin də mənası vardır. O, əslinə və nəslinə söykənən bir adam idi. Övladları da onun süddən və sümükdən gələn fitriliyini yaşadırdılar. Məcid Rəsulovun qızı Zemfira xanım Universitetin “Ərəb dili” şöbəsini ailə şərəfinə uyğun olan yüksək bir səviyyədə bitirmiş, Əlyazmaları İnstitutunda işə başlamışdı. “Mənim qızım-millətimin anası” deyən Məcid müəllim həmişə Zemfiraya qarşı diqqətli və qayğıkeş olmuşdur. Onun düşüncəsində qız taleyi talelərin ən incəsi və ən zərifi idi. Onun nəzərində qız nəsillərarası körpü, genlərarası bağ idi. O yaxşı bilirdi ki, qız uşağı necə bir firəvanlıq içərisinə düşsə da, gözləri həmişə ata evində olur. Məcid müəllim qız və qadın taleyi haqqında düşünərkən şairləşirdi. Qızın ata evi ilə necə salamatlaşdığını, salamatlaşarkən necə kövrəldiyini, gələcək taleyindən necə nigaran oolduğunu, axır-axırda qətiyyətlə və inamla necə hökm verdiyini məhz belə təsəvvür edirdi. Bu körpünü quran qurdu... Mən də ondan keçər oldum. Küsmə məndən, atam yurdu! Özümə yurd seçər oldum. Əlbəttə ki, alim atanın qzına hədiyyəsi Məcid müəllimin hədiyyəsi kimi kitabından və xəttindən ibarət olur. Məcid Rəsulovdan kürəkəni Azərə və qızı Zümfiraya xatirə Məcid müəllim üçün düşərli illərdən biri də 1980-ci il olmuşdu. Həmən il oğlu Toviq Rəsulov artıq “Dəyişkən sərhədli oblastlarda parabolik sistemlər üçün eyniölçülü qarışıq məsələlərin həlli” mövzusunda namizədlik işini müdafiə etmişdi. Yenə 3 oktyabr 1980-ci ildə Məcid Rəsulov SSRİ Ali Soveti Rəyasət 92 Heyətinin fərmanı ilə “Sosializm quruculuğu və SSRİ-ni müdafiə sahəsində xüsusi xidmətlərinə görə” “Qırmızı Əmək Bayrağı Ordeni” ilə təltif edilmişdi. İrsiyyətdən söhbət düşəndə AMEA-nın Birinci İdarəetmə Sistemləri İnstitutunun böyük elmi işçisi, riyaziyyat üzrə elmlər doktoru Tofiq Əliyev tələbəlik illərindən Məcid Rəsulovun, sonralardan isə iş yoldaşı olan Tofiq Rəsulovun şəxsiyyətinə heyranlığını belə ifadə edir: “Akademik Məcid Rəsulov o qədər sadə insan, gözəl xasiyyətli, xoş məramlı alim idi ki, biz tələbələr onun elmi məharətinə heyran olmuşduq. Bəzən dərsin gedişi zamanı o elə duzlu-məzəli lətifələr deyərdi ki, yorğun beyinlər dincələrdi. Dahi alman alimi Karl Qaus deyir ki, əsil riyaziyyatçı şair təbiətli olmalıdır. Məcid müəllim də şair təbiətli idi. 1980-1982-ci illərdə ADNA-da Məcid müəllimin oğlu Tofiq Rəsulovla tanış oldum. Adaşım da atası kimi gülərüz və savadlı müəllim idi. Qazandığı hörmətin və izzətin sayəsində o hamının istəklisinə çevrilmişdi.” Bəli, irsiyyət özünü xaraker və xasiyyətdə də göstərir. Sonrakı illər də ona sevinc gətirmişdi. 1983-cü il iyunun 30-da Məcid Rəsulov Azərbaycan SSR EA-nın həqiqi üzvü seçilmişdi. 1968-ci ilin 24 dekabrından - Azərbaycan SSR EA-nın müxbir üzvü olmasından keçən bu on beş il ərzində elm üçün bir çox töhfələr verən alimi sevindirən hadisələr bununla bitməmişdi. Məhz həmən o 1983-cü ildə ataəvəzi qardaşı oğlu Mahir fizika-riyaziyyat elmləri namizədi alimlik dərəcəsinə layiq bilinmişdi. Riyaziyyat üzərində köklənmiş bir nəslin nümayəndəsi kim Mahir Əbdüləli oğlu Rəsulov da 1992-ci ildə doktorluğunu müdafiə etmiş, 1993-1997 ci illərdə BDU- da “Riyazi fizika tənlikləri” kafedrasının professoru kimi fəaliyyət göstərmişdir. 1997-2000-ci illərdə Trabzonda – Qara Dəniz Texniki Universitetində çalışmış, 2000-ci ildən ta bu günədək İstanbul Beykent Universitetində çalışmaqdadır. ABŞ, Bolqarıstan, Rumıniya, Rusiya, Yunanıstan və s. ölkələrdə elmi konfranslarda məruzələr oxumuşdur. Məqalələrinin çoxuABŞ-da elmi jurnallarda çap edilmişdir. Professor Mahir Rasulov iki elmi monoqrafiyanın müəllifidir. Bunlardan sonuncusu “Süreksiz Fonksiyonlar Sınıfında Korunum Kurallari” (“Sürəksiz funksiyalar sinfində qorunma qanunları”) adlanır və Türkiyənin nüfuzlu ”Seçkin” Yayınevi tərəfindən nəşr edilmişdir. Haqqında danışdığımız “Kitab qeyri-xətlilikdən qaynaqlanan özəllikləri də diqqətə almaqla fiziki- riyazi problemlərin sürəksiz funksiyalar sistemində riyazi həllərin tapılmasında ilk qaynaqlardan biriditr.” Məcid müəllimdən söz düşəndə Mahir Rəsulov həmişə kövrəlir. Deyir ki, o çox qayğıkeş və çox diqqətli adam idi. Mən müdafiə ərəfəsindəydim. İşim 93 Mahir Rəsulov “Nümerik matematik” (“Sayısal matematik-ədədi üsullar”) mövzusunda idi. Əmim dedi: -Dissertasiyanı bir mənə gətirsənə. Dissertasiyamı gətirib verdim. Aradan bir az keçdi. Onu mənə qaytaranda aramızda elə bir dialoq alındı ki, mən onun dissertasiyamı tam oxuduğuna əmin oldum.Əmim əlini dissertasiyamın vərəqlərinə toxundurub razı halda bildirdi: - Bunun içində əməlli şeylər var. Bu, mənim işimə verilən çox böyük qiymət idi. Mən o qədər ruhlanmışdım ki, müdafiəmdə heç nədən çəkinmədim. Əmim elmdə o qədər ciddi idi ki, ən nüfuzlu riyaziyyatçılar onun qənaətlərinə isnad etməyi üstün tuturdular. Bir dəfə “Differensial tənliklər” jurnalının baş redaktoru redaksiyaya daxil olan məqalələrin birindən şübhələnir. O, məqaləni bir neçə dəfə oxusa da, səhvin harada olduğunu dəqiqləşdirməyə hövsələsi çatmır. Məqaləni Məcid müəllimə göndərib səhvin harada olduğunu tapmasını ondan xahiş edir. Məcid müəllim 3-4 ay bu məqalənin üzərində çalışıb səhvin harada olduğunu göstərir. Sən demə, potensial yanlış qurulubmuş. Beləliklə, Məcid Rəsulov dünyanın ən nüfuzlu jurnallarından birini biabırçılıqdan xilas edir. Yüklə 5,01 Kb. Dostları ilə paylaş:
|