36
BP Azərbaycanda Davamlı inkişaf haqqında hesabat 2010
İstixana qazları
2010-cu ildə BP-nin Azərbaycanda istixana
qazları (İXQ) emissiyalarının xalis həcmi cəmi
671 min ton (kte) olmaqla 2009-cu ilə
nisbətdə 6% azaldı.
Bu azalmanın başlıca səbəbi bizim dəniz
platformalarımızın əksəriyyətində, o cümlədən
Mərkəzi Azəri, Şərqi Azəri, Dərinsulu Günəşli
(DərSG), Çıraq və Şahdəniz platformalarında,
eləcə də Səngəçal terminalında qazın
məşəldə yandırılmasının aşağı düşməsi idi.
2010-cu ildə İstiqlal qazma qurğusunda İXQ
emissiyalarının səviyyəsinin aşağı düşməsi
qazma əməliyyatlarının 2010-cu ilin birinci
rübündə dayandırılmasından sonra baş verdi.
Qazın məşəldə yandırılması
2010-cu ildə Azərbaycanda BP və tərəfdaşları
tərəfindən təxminən 423 kte karbohidrogen
məşəldə yandırılmışdır ki, bu da 2009-cu illə
müqayisədə 26% azdır. Bu azalmanın səbəbi
Mərkəzi Azəri platformasında qazın laya
vurulması sistemində edilmiş dəyişiklik və
yeniləşdirmə oldu.
Ətraf mühit
Ətraf mühitin idarə olunması
İl ərzində qazın məşəldə
yandırılmasını əhəmiyyətli dərəcədə azaltdıq və uzun müddətdir hasil
edilmiş lay suyunun utilizasiyasında yaxşı irəliləyişə nail olduq.
Obyektlərimizin bir neçəsində çirkab sularının emalı ilə bağlı
problemlər yarandı.
Ramiz Əliyev
ARDNŞ-nin ekoloji
layihələrin idarə
edilməsi şöbəsinin
müdiri
2010-cu ildə BP tərəfindən Azərbaycan
Respublikası Dövlət Neft Şirkəti (ARDNŞ)
üçün təşkil edilmiş Dəniz əməliyyatları
haqqında məlumatlılıq seminarı konkret
peşəkar mövzulara həsr edilmişdi və bizim
mütəxəssislərimiz üçün alınan məlumatlar və
biliklər çox faydalı oldu. Seminar Xəzərdə
dəniz platformalarının mühəndis-tikinti
layihələşdirilməsi, inşası və istismarı zamanı
BP-nin istifadə etdiyi qabaqcıl ekoloji
standartlar və texnologiyaları əhatə etdi. Bəzi
iştirakçılar üçün Mərkəzi Azəri platformasına
səfər də təşkil edildi.
Səngəçalda məqsədi planlaşdırılmamış
dayandırılmaların sayını azaltmaq olan qazın
məşəldə yandırılmasının təkmilləşdirilməsi
proqramı həyata keçirildi. Bu, qazın məşəldə
yandırılmasının davamlı olaraq azaldılmasına
səbəb oldu. Bundan başqa, növbətçi məşəl
odluqlarının etibarlılığı təkmilləşdirildi və bu,
məşəldə yandırılan qazın həcmini daha çox
azaltmağa imkan verdi. Ümumiyyətlə, terminal
2009-cu illə müqayisədə qazın məşəldə
yandırılmasının təxminən 39% azalmasına nail
oldu.
Enerji istehlakı
2010-cu ildə yanacaq qazının istehlakı 2009-cu
illə müqayisədə 75 kte (təxminən 8%) artdı.
Dizel yanacağının istehlakı 3,4 kte (təxminən
12%), eyni zamanda elektrik enerjisi idxalı
52 296 meqavatt saat artdı. İstehlakdakı bu
dəyişmələr aşağıdakı amillərlə bağlı idi:
•
Artıma baxsaq, 2008-ci ildə baş vermiş
qaz sızmasından sonra 2009-cu ildəki
məhdud iş rejimi ilə müqayisədə Mərkəzi
Azəridəki bütün qaz vurma turbinləri
istismarda idi. Bu, yanacaq qazının
istehlakında artmaya gətirib çıxardı.
Səngəçal terminalında bu artım hasilatın
artması ilə bağlı idi.
•
Azalmaya baxsaq, 2009-cu ildə İstiqlal
qazma qurğusu BP AGT tərəfindən altı ay
müddətində, 2010-cu ildə isə doqquz ay
müddətinə müqavilə əsasında icarəyə
götürülmüşdü. Səngəçal terminalında
dizel yanacağı istehlakının azalması orada
nəqliyyat vasitələrindən nisbətən az
istifadə olunması ilə əlaqədar idi.
BP-nin Azərbaycanda birbaşa CO
2
emissiyaları, 2009-2010
(min ton)
500
1 000
1 500
2 000
2006
571,8
1 686,5
582,8
1 980,1
2007
687,6
3 677,7
2008
668,5
3 827,1
2009
641,0
3 656,8
2010
2 500
3 000
3 500
Ümumi birbaşa karbon dioksid (100%) (BP və tərəfdaşları)
Xalis birbaşa karbon dioksid (ancaq BP)
2010-cu ilin ətraf mühitlə bağlı
mühüm hadisələri
• Məşəldə yandırılan qazın
ümumi həcmi 2009-cu illə
müqayisədə əhəmiyyətli
dərəcədə – 26% azaldı
• İXQ emissiyaları 2009-cu illə
müqayisədə 6% azaldı
• Hasil edilmiş lay suyunun
99,6%-i dənizdə yenidən laya
vuruldu
• İstiqlal qazma qurğusundakı
çirkab suları təmizləyən qurğu
dəyişdirildi
• Çıraq neft layihəsi üzrə ətraf
mühit və sosial sahəyə təsirin
qiymətləndirilməsi ETSN
tərəfindən təsdiq edildi
• Tısbağaların yetişdirilməsi/
təbiətə buraxılması proqramı
başa çatdırıldı
Bu da öz növbəsində qazın laya vurulması
sisteminin dayandırılması hallarının azalması ilə
nəticələnmişdir. Bununla da Azəri yatağındakı
platformaların əksəriyyətində və Çıraq
platformasında qazın yenidən laya vurulması
maksimuma çatmış, qazın məşəldə yandırılması
isə minimuma enmişdir.
2010-cu ildə Çıraq kompressorlarının
izolyasiyası təkmilləşdirildi və dəyişikliklərə
məruz qaldı. Nəticədə qazma alətinin endirilib-
qaldırılma əməliyyatlarının, dayandırmaların sayı
minimuma endirildi və ixrac edilən qazın həcmi
2009-cu ilə nisbətən artdı. DərSG-dəki 3 saylı
laya su vurma turbininin iş saatlarının artması da
daha çox yanacaq qazının istehlakına və qazın
məşəldə yandırılmasının azalmasına gətirib
çıxardı.