- 24 -
zoobaytar mütəxəssislərinin və arıçıların diqqətindən yayınmamalıdır.
Bölgəmizdə yayılma ehtimalı olan arı xəstəliklərinin vaxtında aşkarlanması, yaranma
səbəblərinin aydınlaşdırılması, xəstəliklərə qarşı mübarizə tədbirlərinin görülməsi hər il minlərlə arı
ailəsinin məhv olmasının qarşısını alır. Nəticədə ailələrdə məhsuldarlıq aşağı düşmür və arıçılıq
gəlirli bir sahəyə çevrilir. Arıçının zəhməti hədər getmir. Lakin xəstəliklərə görə profilaktik
tədbirlər vaxtında aparılmazsa təsərrüfatda məhsuldarlıq aşağı düşər və arıların kütləvi tələfatına
səbəb olar. Belə xəstəliklərdən biri də Arıların Kolibakteriozudur
Arıların kolibakteriozu
– yaşlı arıların infeksion xəstəliyi olub, bağırsaqların zədələnməsi,
uçma
qabiliyyətinin itməsi, ailənin zəifləməsi bəzən də bütöv bir ailənin tələf olması ilə nəticələnir.
Tarixi məlumat.
Xəstəliyin törədicisi olan patogen bağırsaq çöpü bakteriyaları 1893-cü ildə
K.A. İensen tərəfindən xəstə uşağın kalında tapılmışdır. Kolibakterioz bütün növ heyvanların
cavan nəslində, xüsusən də baytar-sanitar vəziyyəti qeyri – qənaətbəxş olan təsərrüfatlarda qeydə
alınır. Kolibakteriozun müxtəlif heyvan növləri üçün patogen qrupları müəyyən edilib. Son
dövrlərdə bu xəstəliyə arılar arasında təsadüf edilməsi varroa gənəsinin yayılması ilə əlaqədardir.
Bu gənələr arıların rezistentliyini zəiflədir, və hətta xəstəliyin törədicisini yoluxdura bilir.
Kolibakteriozdan dəyən iqtisadi zərər arıların kütləvi tələf olması və xəstəliyin ləvğ edilməsinə
çəkilən xərc ilə ölçülür.
Törədicisi.
Enteorobaktericeae
fəsiləsinin Escherichia cinsinə daxil olan Escherichia coli
balıq, quş, məməli heyvanlar, cücələr və insanın bağırsağının daimi sakinləridir. Xəstəliyə
Escherichia coli
-nin invazion və toksigen xassəyə malik ayrıca patogen tipləri törədir. Morfoloji
göstəricilərinə görə E. Coli
hərəkətli, qram mənfi, ucları əyilmiş, 1-3; 0,3- 0,6 mkm ölçüdə, spor
əmələ gətirməyən, bəzi serotipləri kapsulalı bakteriyalardır. Eşerixalar seçici qida mühitində Endo
və Levində 37-38
0
c temperaturada, 7,0 -7,4 pH-da yaxşı inkişaf edir.
Qidalı mühitə əkdikdən 24 saat sonra sulu, dairəvi, bərabər kənarlı, saya səthli ağ-boz
koloniyalar görünür. Əkmədə intensiv bulanma, az miqdarda çökmə olur və çalxaladıqda dağılar.
Endo mühitində xarakter tünd- albalı rəngində metal parıltılı yaxud qırmızı -moruğu rəngli,
qızılgül haşiyəli koloniyalar əmələ gəlir. Levin mühitində tünd-bənövşəyi, yaxud qara koloniya
yaranır.
Patogen eşerixiyalar 3 növ antigenə malikdir.
-- O (somatik) antigen: törədicinin seroloji spesifikliyini, toksikliyini, və immunogen
xassəsini yaradır;
-- K antigen: yarım
şəkərli təbiətə malik olub, nekroz yaratmaq xassəsinə malik
Olmaqla, eritrositlərin hemolizini yaradır.
-- H antigen: seroloji xüsusiyyətlə xarakterizə olunur.
Xəstəliyin törədicisi ətraf mühitə kifayət qədər dözümlüdür. Torpaqda və nəcisdə 11 aya,
suda 300 günə , balda 4-20
0
C- də 7 günə qədər qalır. 60
0
C-ə qədər qızdırdıqda 10 dəqiqəyə,
100
0
C-də isə həmin an ölür. Bakteriyalar dezinfeksiyaedici maddələrin təsirindən ( xlorlu əhəng,
natrium əsası, formaldehid, karbol turşusu) tez dağılır.
Epizootoloji göstəriciləri. Kolibakteriozla yalnız yaşlı arılar xəstələnir. İnfeksiya mənbəyi
patogen eşerixiyalari nəcislə ətrafa ifraz edən xəstələnmiş arılar hesab olunur. Xəstəlik törədicisini
bir arıdan başqasına varroa gənələri də ötürür. Arıxana əhatəsində xəstəlik həmçinin azmış və oğru
arılar vasitəsilə də yayıla bilir. Törədicinin ötürülmə amili xəstə arı nəcisi ilə çirklənən su, yem, şan,
çərçivə, həmçinin arıçılıqda istifadə edilən avadanlıq da ola bilər.
Arıxanada kolibakterioz qışlamanın sonunda, yaxud yazda özünü göstərərək arıların rezistentliyinin
kəskin aşağı düşməsinə və törədicinin qeyri-sağlam pətəklərdə əhəmiyyətli dərəcədə toplanmasına
səbəb olur. Xəstəliyin inkişaf və yayılmasına pətəyin soyuması, yem çatışmazlığı, ailələrin zəifliyi
geniş şərait yaradır. Xəstəliyin kəskin gedişli formasında hətta bütün ailənin tələf olması
mümkündür.
Patogenezi.
Xəstəliyin törədicisi yem, yaxud su ilə bağırsağa düşərək artıb çoxalır,
hemolimfaya keçir, sepsis və ağır intoksikasiya yaradaraq arını öldürür.
Klinik əlamətləri.
Qışın sonunda arılar sürünərək pətəkdən çıxır, çox zəif, şişkin qarıncıqla görünür
və uça bilmirlər . Xəstə arılar
bir çoxu ölür, şan çərçivələrinin altında, həmçinin uçuş bacasına yaxın
- 25 -
yerdə toplanırlar, xoşa gəlməyən iyli arı ifrazatı ilə çirklənir. Ölmüş arıları yardıqda bağırsaqlarında
bozumtul-ağ rəngdə nekrotik zədələnmələr görünür.
Diaqnozu.Xəstəliyin diaqnozu Klinik əlamətlərinə ,törədicinin təmiz kulturasının ayrılması və
fərqləndirilməsini yerinə yetirən laboratoriya müayinələrinin nəticələrinə əsaslanır. Laborator
diaqnostikası bakterioloji və bioloji müayinələri ,ayrılmış eşerixa kulturasının antibotik və
sulfanilamid preparatlarına həssaslığının təyin edilməsini özündə birləşdirir. Müayinə üçün
laboratoriyaya ikiqat tənziflə örtülmüş şüşə bankada ən azı 50 ölmüş arı göndərilir.
Profilaktika və mübarizə tədbirləri.
Kolibakterioza görə qeyri-sağlam arıxanada arılara müvafiq
qulluq və saxlama şəraiti yaradılmalı, arıxana quru ,küləkdən qorunan ,heyvandarlıq binalarından
uzaq və su axarı olmayan yerdə yerləşdirilməlidir. Ailəni xüsusən payızda və yazda yaxşı isitmək
lazımdır. Qışda pətəkdə nəmişliyin yaranmasına yol verilməməlidir. Yuvanı qışlamaya hazırladıqda
arılar lazımi miqdarda yalnız yaxşı keyfiyyətli möhürlü bal ilə ,yaxud şəkər şərbəti ilə təmin etmək
lazımdır. Arı ailəsinə törədicini keçirən varroa gənəsinin məhv edilməsi ilə əlaqədar olan tədbirə
xüsusi diqqət edilməlidir.
Arıxanada yalnız güclü ailələr saxlanılmalı ,arılara bütün il boyu düzgün qulluq edilməli,
eşerixiyaların uzun müddət pətəkdə qalmasının qarşısının alınması məqsədilə tədbirlər görülməlidir.
Arı yuvalarını xəstəlik törədicidən təmizlənməsi istiqamətində sanitar tədbirlərin aparılması yalnız
xəstəliyin miqdarının azalmasına yox , eyni zamanda arıxanada xəstəliyin tam ləvğ edilməsinə də
imkan verir. Arıların qişlamaya hazırlanmasında payız dezinfeksiyasının aparılması da
kolibakteriozla mübarizədə səmərəli nəticə verir.
Yazda arılar aktiv fəaliyyətə başladıqdan sonra bütün qeyri-sağlam ailələr 3%-li isti (70
0
C)
natrium qələvisi ilə 2 saat ,yaxud tərkibində 3%-li formaldehid və 3%-li natrium qələvisi olan isti
(30
0
C) məhlul qarışığında 3 saat dezinfeksiya edilmiş isti ,quru pətəklərə köçürülür. Pətəklərin
səthləri dezinfeksiyadan əvvəl su ilə yuyulur və qurudulur. Arı nəcisi ilə çirklənmiş şanların
mumları əridilir. Xüsusi geyim ,dəsmal , üz örtüyü suda 10 dəqiqə qaynadılır, yaxud 1%-li xloramin
məhlulunda 4 saat ,ya da 2%-li formaldehiddə 2 saat saxlanılır. Xəstəlik ləvğ edildikdən 1 il sonra
son yoxlamalar aparıldıqda arıxana kolibakterioza görə sağlam hesab edilir.
Müalicəsi.Törədicinin antibiotik və sulfanilamid preparatlarına həssaslığını müəyyənləşdirdikdən
sonra həmin preparatların qarışdırıldığı müalicə yemi ilə xəstə arı ailələrinə verilir.Müxtəlif
preparat
qarışıqlarının istifadə edilməsi daha səmərəli nəticə verir.
-
levimisetin 0,1q + neomitsin 100000 TV;
-
biomitsin 0,2q +oksitetrasiklin 400 000 TV
-
norsulfazol natrium 1-2 q +kanamitsin 400 000 TV
Antibiotiklərin şərbətlə istifadəsi də yüksək nəticə verir: neomitsin, tetrasiklin, eritromitsin,
kanamitsin, monomitsin- 400 000 TV, streptomitsin – 500 000 TV, tetrasiklin, yaxud xlortetrasiklin
300 000 TV 1l şərbətə qatılmaqlatətbiq edilir. Əvvəlcə müalicə preparatının sulu məhlulu hazırlanır,
sonra 1l isti şərbətlə qarışdırılır və hər pətəyə 100-150 ml hesabı ilə 5-7 gündən bir, arıları tam
sağalana qədər verilir.
ƏDƏBİYYAT
1.Bal arılarının xəstəlikləri və zərərvericiləri. Saleh Məhərrəmov,
Elsevər Əsədov, Həbib
Hüseynov,
Əli Tahirov, Yunis Rüstəmli.
2. Qulam Hüseynli. Arı xəstəlikləri və onlarla mübarizə. Bakı 1999.
ABSTRACT
Vali Novruzov
This topic found wide reflection mixing on the spread, treatment and prevention of the pathogen of
infectious diseases colibacillosis bees. In our region, the likelihood of the spread of infectious bee
diseases and timely dealing with them to prevent the deaths of thousands of bee colonies. As a
result,
the families, the productivity falls and beekeeping becomes profitable field.