A. A. Axmedov ijtimoiy pedagogika

 
Ijtimoiy pedagog faoliyatining vazifalari: 
1. Tarbiyalanuvchilarning ijtimoiy qarovsiz ahvolga tushishlari 
sabablarini tahlil qilish;
2. Bolalar va o‘smirlarga ko‘nikma olishlari uchun ijtimoiy pedagogik 
yordam ko‘rsatish;
3. Barcha tarbiyalanuvchilarni ularga qiziqishlarini ijtimoiy foydali 
faoliyatga jalb qilish;
4. Tarbiyalanuvchilarning ijtimoiy maqomini tiklashi uchun pedagogik 
kollektiv xarakterlarini tartibga solish; 
5. Turli sotsial institutlar vakillari bilan o‘zaro munosabatga kirishganda 
bolalar huquqlarini himoya qilish. 
 
 

---

106 
Nazorat savollari: 
1. Oilaning bugungi kundagi muammolari haqida fikr yuriting.
2. Demokratik jamiyatda oila funksiyalari nimalardan iborat? 
3. Oila maqomi tushunchasi va uning darajalari?
4. Ijtimoiy pedagogning g‘ayri ijtimoiy oiladagi faoliyati?
5. Oilaga pedagogik yordam ko‘rsatishning asosiy shakllari qaysilar?
6. “Vasiylik”, “bolalikka olish”, “qaramog‘iga olish” tushunchalariga 
ta’rif bering.
7. Qabul qiluvchi oila nima?
8. Ijtimoiy pedagogning qabul qiluvchi oila bilan ishlashining asosiy 
metodlari qaysi? 
9. Ijtimoiy pedagogning go‘daklar uyidagi faoliyatining xususiyatlari.
 
 
 
 
 
REJA: 
1. Me’yor va me’yordan og‘ish: tushuncha va tavsif 
2. Me’yordan og‘ish va deviatsiya turlari
3. O‘smirlarda deviant xulq - atvorning kelib chiqish sabablari 
 
Me’yor va me’yorlardan chekinish(og‘ish) tushunchasi Har qanday 
jamiyatda, u jamiyat qaysi rivojlanish bosqichida bo‘lishidan qat’iy 
nazar, doimiy e’tiborga muhtoj odamlar bor. Bular o‘z jismoniy, ruhiy 
va ijtimoiy rivojlanishida chetga chiqish, og‘ish bor bo‘lgan odamlardir. 
Bunaqa odamlar doim bir guruh bo‘lib ajralishgan, jamiyat va davlatda 
ularga nisbatan alohida munosabat shakllangan.
Zamonaviy AQSH va Yevropa davlatlarida u yoki bu og‘ishlarga 
ega jamiyatga integratsiyalashuvi konsepsiyasi amalga oshirilmoqda. U 
konsepsiyaga ko‘ra bu odamlar ham jamiyatning teng huquqli biroq 
ba’zi bir muammo yoki cheklangan imkoniyatlarga ega a’zosi sifatida 
ko‘riladi. Hozirda cheklangan imkoniyatli shaxslar soni butun dunyoda