460
20-ci, həm də 30-cu illəri vahid tipologiya xarakterizə edir;
əlbəttə, tipoloji vahidlik, yekcinslik dialektik məzmunda
anlaşılmalıdır, belə ki, 1920-ci 1940-cı illərdə Azərbaycan
ədəbi dili lüğət tərkibinin normativ prinsipləri (struktur
əsasları) müəyyənləşir və həmin əsaslar sonrakı mərhələdə
ancaq funksional istiqamətdə təkamül prosesi keçirir,
normativ dəyişmə müşahidə olunmur.
40-cı illərdən etibarən lüğət tərkibində nisbi sabitlik
var, həmin keyfiyyət 80-ci illərə qədər qalır,
deməli, elə bu
sabitlik keyfiyyətinə görə 40-cı illərdən etibarən ədəbi dilin
lüğət tərkibinin sovet dövründəki inkişafında II mərhələ
başlanır və bizim günlərə qədər davam edir; 30-cu illərin
sonuna doğru faktlaşan aşağıdakı əlamətlər II mərhələ üçün
xarakterikdir: 1) ədəbi dilin lüğət tərkibinin inkişafında
daxili imkanların maksimum aktivliyi; (leksik-semantik
artım daha çox ifadə – söz birləşməsi yaradıcılığı hesabına
gedir); 2) rus-Avropa alınmalarının ədəbi dilə milli söz
yaradıcılığı prinsipləri əsasında qəbul edilməsi (həmin
sözlərin işlədilməsindəki hərc-mərclik 50-ci illərdən
etibarən aradan qalxır); 3) ərəb-fars mənşəli sözlər həm
məzmun, həm də forma planında daxili imkanlar tərəfindən
idarə olunur, onun keyfiyyət göstəricisinə çevrilir.
II mərhələdə iki yarımmərhələnin – 1940-1960-cı illər
və 1960-1980-ci illərin avtonomluğu diqqəti cəlb edir; 40-
cı, 50-ci illərdə I mərhələyə məxsus bəzi əlamətlər qalır,
eyni zamanda II mərhələnin tipologiyası aşkarlanır, 60-cı,
70-ci illərdə isə II mərhələ bütün keyfiyyəti ilə özünü
təsdiq edir – bu, lüğət tərkibində funksional-stilistik
diferensiasiyanın dərinləşməsi ilə əlaqədar olaraq normanın
sabitləşməsindən ibarətdir. 40-cı, 50-ci illərdə lüğət
tərkibində gedən proseslərin hər bir funksional üslub üçün
avtonomluğu meydana gəlir; nəticədə hər bir üslubun öz
461
kontekstində və ictimai-linqvistik funksiyasına müvafiq
olan axtarışlar aparılır – lüğət tərkibinin üslubi diferen-
siasiyası onun mənzərəsini də müəyyən edir. 60-70-ci
illərdə iki mühüm meyil lüğət tərkibinin diferensi-asiyasını
gücləndirir: bunlardan birincisi bədii üslubdan başlayıb
sonra başqa üslublara yayılan demokratikləşmə (xalq
danışıq dilinə, dialektlərə meyiletmə), ikincisi isə ETİ ilə
əlaqədar elmi-texniki terminologiyanın axınından ibarətdir.
Əslində, bu meyillər bir-birini kompensasiya edir; belə ki,
demokratikləşmə prosesi ədəbi dili milli zəminə bağlayır,
elmi-texniki terminologiya axını isə onu müasirləşdirir,
nəticədə ədəbi dil elmi-mədəni inkişafın müasir tələblərinə
cavab verməklə yaşamaq hüququnu təmin edir.
Əlbəttə, sovet dövrü Azərbaycan ədəbi dili lüğət
tərkibinin bir keyfiyyət faktı kimi dərk edilməsi iki sinxron
mərhələnin tarixi-dialektik münasibəti ilə də təsdiq olunur;
normalaşma elə bir linqvistik-qneseoloji prosesdir ki, o
həm ilkin normalaşmanı, həm də üslubi diferensiasiyanın
sabitləşməsini ehtiva edir, – bu baxımdan, yəni geniş
mənada normalaşma prosesi ədəbi dilin lüğət tərkibinin
sovet dövründəki inkişafını bütövlükdə xarakterizə etmiş
olur. Ona görə də sovet dövrü Azərbaycan ədəbi dili lüğət
tərkibi eyni zamanda ikinci aspektdən – bütöv bir tam
halında nəzərdən keçirilməklə sintetik-diaxron aspektdən
tədqiq edilir; bu cür tədqiqat üçün metodiki baxımdan daha
əlverişli sahə lüğət tərkibinin zənginləşməsindən ibarətdir –
zənginləşmə lüğət tərkibinin strukturunda baş verən əsas
proseslərin diaxron mənzərəsini açır, tarixi-mədəni inkişa-
fın leksik-semantik sistemdə faktlaşma tərzini aşkara
çıxarır.
Azərbaycan ədəbi dilinin lüğət tərkibi başlıca olaraq
daxili imkanlar hesabına inkişaf edir, bu isə o deməkdir ki,
462
təbii-tarixi zənginləşmədə dil öz daxili potensiyasına
dayanır, eyni zamanda lüğət tərkibinin inkişafına şüurlu-
elmi müdaxilə də bu cəhəti nəzərə alır, mümkün olan
nəzarəti qeyd edilən istiqamətdə (dilin öz daxili poten-
siyasına əsaslanmaqla) həyata keçirir. Daxili imkanlar
hesabına lüğət tərkibinin zənginləşməsi – inkişafı,
şübhəsiz, birinci növbədə arxaikləşmə prosesi ilə yeni
sözlərin yaranması prosesinin məntiqi əlaqəsində özünü
göstərir; sovet dövründə xeyli miqdarda söz köhnəlir
(inqilabın məhv etdiyi ictimai-mənəvi münasibətlərin bütöv
bir sisteminin tarix səhnəsindən çıxması ilə əlaqədar
olaraq), eyni zamanda bundan da tat-qat çox söz (ifadə)
yaranır – hər iki proses bilavasitə ekstralinqvistik amillərlə
– sosialist inqilabı, ETİ ilə bağlıdır. Lakin ədəbi dilin lüğət
tərkibindəki köhnəlmə-yeniləşmə hərəkatının (əslində,
köhnəlmə və yeniləşmədən ibarət iki prosesin müstəqilliyi
şərtidir, biz bu şərtilikdən çıxış edib həmin prosesləri
məntiqi əlaqədə – vahid hadisə kimi alırıq) linqvistik tərəfi
mövcuddur – buraya aşağıdakıları daxil edirik:
– lüğət tərkibində köhnəlmə-yeniləşmə hərəkatının
faktlaşma imkanı, yəni köhnəlmə-yeniləşmə prosesini
ictimai-psixoloji hadisə kimi dil hansı intensivlikdə qəbul
edir;
– köhnəlmə-yeniləşmə hərəkatı lüğət tərkibində söz
yaradıcılığı prosesinin hansı istiqamətlərini passivləşdirir,
hansıları isə aktivləşdirir;
– nəhayət, köhnəlmə-yeniləşmə hərəkatı leksik-
semantik sistemə necə təsir göstərir, hansı leksik-semantik
sahələrin həcmini daraldır, hansıların həcmini genişləndirir.
Dil faktlarının ardıcıl olaraq təsdiq etdiyi kimi,
köhnəlmə-yeniləşmə hərəkatı ədəbi dilin lüğət tərkibini
sovet dövründə sosialist təfəkkürünün ifadəsi üçün əlverişli
Dostları ilə paylaş: |