40
Başçı.
Türk
dövlətçilik
tarixində bəy,
elbəy,
yabğu, tanhu//şanyü,
yanzi, xaqan, xan, sultan və sair başçı ünvanları vardır. Bu sırada geniş
yer tutan
baş
//
başı sözləri daha çox dini və hərbi rütbələrlə bağlı termin-
lərdə görünür: baş-qam, baş-qan, baş-buğ, on/yüz/min-başı
və
sairə.
Son
vaxtlar Turkmən elinin başçısı anlamında
türkmənbaşı ünvanının rəsmən
işlənməsi
baş sözünün yenidən turk
dövlətçilik terminologiyasına qayıtma-
sını sərgiləyir. KDQ-da «altı başı»,
«doqquz qoca başı»
ünvan
vardır.
Baş sözünün leksik anlamı və fonetik variantları bir neçə tarixi bəl-
gənin yozulmasına yardım edir. Belə ki, azər dilində başlıq sözü başdığ
şəklində tələffüz oluna bildiyi kimi, başlaq, başluq
sözlərinin də başdaq
(maşdak),
başduq (maşduk) deyimləri
mümkündür.
Bu baxımdan, Mana
çağında bəzi bölgəbəyi adının mixi yazıda Maşdaku və Maşduku şəklində
yazılması təbiidir.
97
Burada asur dilindəki adlıq
hal
-u
şəkilçisini çıxanda
yerdə
maşdak (başlaq) və
maşduk (başluq) sözləri aydın görünür.
Rus dilinə keçib başka («baş») şəklində işlənən baş sözü yunanlara
da keçmişdir.
Avestada ev,
ailə,
uruq və boy başçılarını bildirən sözlərin
sonuna pati sözü qoşulduğu kimi, hindavropa
dillərində başçı anlamında
pater, patrik sözlərinin işləndiyi bəllidir.
Mütəxəssislərin
yazdığına
görə,
basileus yunan dilinə başqa xalqların dilindən keçmişdir.
98
Qədim türk
dövlətçilik terminologiyasına aid olan
elbaşı (il-başı) ünvanı yunan dilində
bas-il (baş-il) formasında ortaya çıxmış, «başçı» anlamında
basileus şək-
lində işlənmişdir. Basileus yunan xalqı və ya xalqın seçdiyi bir qurum
tərəfindən seçilirdi.
99
F.
Engels qeyd edir ki, basil ilkin tutumunu dövlət
qurulandan sonra itirdi, dövlət başına soylu arxontlar seçildi
.
100
Bağa. Göytürk yazılarında «
kanım baqa tenrikən» deyimi və yazılı
bəngü daşların bağa üzərində dikəldilməsi, Azərbaycanda isə basırıqlara
97
Дьяконов, 1956, 221.
98
«Güman ki, Asur çarları adətən yunan dilindəki basileus kimi, akad dili üçün yad söz
olan şarru terminini könülsüz qəbul edirdilər» (Оппенхейм, 1960, 79).
99
Basiley sözünü
patriê adlandıran Fukidid onun soy qurumunda yarandığını və bu titu-
lu daşıyanın sınırlı imtiyazları olduğunu qeyd edir. Aristotelə görə, alplıq (bahadırlıq)
çağlarında basileya azad insanların öndərliyi idi, basiley isə hərbi başçı, hakim və baş
kahin idi; bu sözdə sonrakı hakimiyət çaları hələ yox idi. Herodot Saqa çarlığını quran
boyu «οι βασιλειοι Σκυθαι» (bas-il saqalar) adlandırır.
100
F.
Engels alman dilində «uruq başçısı» anlamını bildirən köniq (kuninq) termininin
kuni//künne sözündən
törədiyini və çağdaş köniq sözündəki «korol» (kral) anlamının
qədim yunanlarda işlənən basiley (basil) ilə uyğun gəlmədiyini vurğulasa da, basiley
sözünün köniq ilə tərcüməsini mümkün sayır (Энгельс, 120, 125).
41
bağa (tısbağa) qoyulması, m.ö. I minilin başlarından yazılı qaynaqlar
baq
və baqa
sözünü
teonim
(Baq-Maştu,
Baq-Bartu) kimi qeyd etməsi,
burada
Arbaq (ər-baq) və Subar bəyliyində Baq-Teşub (m.ö.VII əsr) adları, tanrı
yurdu anlamında işlənən Baqa dağadı (Baqastan
>
Bisutun) aydın göstərir
ki,
öncə teonim (iyəadı), totem, kahin, etnonim və etnotoponim kimi
işlə-
nən
baq
//
baqa sözü sonradan titula çevrilmişdir.
Göytürklərdə
Kutluq
bağa
tarkan,
Tonyukuk boyla bağa tarkan, uyğurlarda xaqan olan
Tun
bağa tarkan (779-789), türkişlərdə
bağa tarkan, bulqarlarda
baqan titulu
vardı. Beləliklə,
dövlət
adamlarının
ünvanında «baqa tarkan» deyimi-
nin işlənməsi dövlətçilikdə
bağa sanının önəm daşıdığını göstərir.
Qədim türk yazılarındakı bağa titulu qədim türk inanc sistemindən
qalma
söz idi
.
101
Sonralar onun bayat variantı da türk yazılarında teonim
anlamında işlənmişdir. Ön Asiyadan baqa teonimini doğu və quzey yön-
lərə aparan türk boylarından bu sözü alan slavlar onu boq (tanrı) şəklində
işlətdiyi kimi,
bu
sözdən törəyən baqatur
(bahadır),
bayan,
boyla,
boyar
(bayər), boyarin sözləri də bir çox xalqın dilinə keçmişdir.
Bəy. Başçı ünvanları sırasında bəy sözünün özəl yeri vardır. Belə
ki, prototürk çağından *baq sözü ilə homogen olan beq sözünün sonralar
dialektlər üzrə bay, bəy, bey, biy fonetik variantları və «başçı», «varlı»,
«kübar» anlamları ortaya çıxmışdır. Görünür, bu sözün ilk başçı anlamı
boy (bod) sosial qurumunda yaranmışdır.
Türk dövlətçilik terminologiyasında bəy sözünün iştirakı ilə elbəyi
(elbeq), atabəy, bəylərbəyi kimi xeyli başçı titulu bildirən söz yaranmış-
dır. KDQ-da Qazan xan «bəylərbəyi»,
Yegnək isə «bəylərbaşı» titulu ilə
verilir. Elxanilər dövlətində
bəylərbəyi ən böyük vəzir rütbəsi idi.
Öğuz,
Alp Ər Tunqa kimi türk böyükləri
acun bəyi (dünya hökmdarı) titulu ilə
yaddaşlarda yaşayırdı. Böyükbəy, kiçikbəy, qalabəyi kimi titullarda da
görünən
bəy sözü həm də siyasi qurumun adında (bəylik)
iştirak
edir,
heç
kimə tabe olmayan «siyasi qurumsuz» bölgə isə
dərəbəylik adlanır.
101
İlk forması baq olan bu söz öncə teonim (baqa), totem (bağa), kahin (bağıçı, maq),
etnonim (
baq//maq) kimi işlənmiş, sonralar onun
bayat,
baxşı, bahadır, baxıcı, mağ, bəg,
kimi çoxlu fonetik və semantik variantları yaranmışdır (Azər xalqı, 2000, 241-242).
İranşünas
E.
A.
Qrantovski yazır:
«(Ümumiyətlə)
tanrılar
anlamını
verən qədim
fars
for-
mulu
baqaha idi.
Lakin daha qədim çağda
yaranan baqa- sözü
(irandilli)
midiyalıların
və perslərin İrana gəlişindən öncə işlənmişdir» (Грантовский, 1970, 156).