Magistrantların XV Respublika Elmi konfransı, 14-15 may 2015-ci il
287
Ekologiya və Təbii Sərvətlər Nazirliyinin Dövlət Hidrometeorologiya Departamentinin
məlumatlarına görə tədqiq olunan region çay suları hidrokimyəvi təmizliyi və mülayim çirklənməsi ilə
Respublikanın digər regionlarının sularından fərqlənir. Çay sularının çirklənməsində əsas mənbələr Quba,
Qusar, Xaçmaz, Xudat şəhərlərinin sənaye obyektləri və həmçinin iri yaşayış məntəqələri, rekreasiya
kompleksləri, məişət və kommunal tullantılarıdır.
Dağlıq Şirvan ölkə ərazisinin 7%-i əhatə edir. İqtisadi-coğrafi rayonun ərazisinin çox hissəsinin
dağlıq zonadan ibarət olması az da olsa təsərrüfatın inkişafında problemlər yaradır. Region seysmik
cəhətdən fəal zonada yerləşir. Sənaye zəif inkişaf etmişdir. Şamaxıda müxtəlif maşınlar buraxan
müəssisələr fəaliyyət göstərir. Kənd təsərrüfatı məhsulları emal edilir. Tikinti materialları istehsalı
(Şamaxı və Qobustan rayonlarında daş karxanaları, kərpic zavodu) müəssisələri vardır. Qobustan
rayonunda beton konteynerlərdə təxminən 8000 ton pestisid saxlanılır ki, onlardan bəzilərində çatlar
yaranıb və ya açıqdır. Bu isə atmosferə uçucu birləşmələrin atılması ilə nəticələnir. Bundan əlavə,
yağışlar düşdükcə kimyəvi maddələri yuyub, yeraltı sulara qatır. Bəzi hallarda, pestisidlər beton
konteynerlərdən kənarda heç bir ehtiyat tədbirləri görülmədən saxlanılır. Bu saxlanma yerlərində
pestisidlərin tərkibi dəqiq məlum deyildir.
Şəki-Zaqatala iqtisadi-coğrafi rayonu Azərbaycanın şimal-qərbində yerləşir. Qafqaz regionunun iri
polimetal yataqlarından olan Filizçay yatağı bu rayonun ərazisindədir. Rayonun əsas ekoloji problem
yaradan mənbəyi Qəbələ RLS-i idi. Texniki parametrlərinə görə dünyada anoloqu yoxdur, 6000 km
radiusdakı məsafəni nəzarətdə saxlamağa qadirdir. 1984-cü ildə "Baku Zerkalo" qəzetinin yaydığı
məlumata görə stansiya 300 MVt gücündə işləyərkən ətrafda bir hektarlıq ərazini tamamilə yandırmışdır.
Radar stansiyası yalnız psixi təsir göstərmir. Kişilərdə impotentlik yaradır, qadınlar ya dünyaya uşaq
gətirə bilmir, ya da dünyaya gələn uşaqlarda çatışmazlıqlar olur. Eyni hal kənd təsərrüfatında da
müşahidə edilir. Məhsuldarlıq 30 faiz aşağı düşüb və bir zamanlar Azərbaycanın ən zəngin sakinləri
yaşayan region indi yoxsullaşıb‖. Radar stansiyasının mövcudluğuna dair hazırki siyasi inkişaflar yerli
sakinlər üçün böyük təhlükədir.
Gəncə-Qazax iqtisadi-coğrafi rayonu Azərbaycanın şimal-qərbində yerləşir. O, iqtisadi
əhəmiyyətinə görə ölkədə ikinci yeri tutur. Naftalan şəhəri – məşhur balneoloji kurort,
Azərbaycanın müalicəvi turizm mərkəzidir. Naftalanda dünyada analoqu olmayan xüsusi iyə malik qara
- qəhvəyi və qonur rəngli qatı maye - naftalan nefti yatağı yerləşir. Naftalanın nadirliyi və yüksək təsiri
bir çox elmi tədqiqat və bir sıra xəstəliyin müalicəsində 100 ildən artıq istifadə təcrübəsilə təsdiq
olunmuşdur. Daşkəsəndə qara və əlvan metallurgiya xammalının hasilatı, onların ilkin emalı müəssisələri
yerləşir. Ağır sənaye rayonun iqtisadiyyatında mühüm yer tutur.
Gəncə Alüminium zavodunun tullantıları güclü küləklər vasitəsilə Bərdəyə qədər, hətta Kür çayı
boyunca yerləşən rayonların əksəriyyətinə yayılır və qrunt sularına hoparaq xəstəliklərə yol açır. Bu
müəssisənin tullantılarının tərkibi çox müxtəlifdir. Burada həm qələvi turşular, hətta ağır metalların
olduğu məlum olub və bu da küləklə ətrafa yayılaraq əkin sahələrinə yayılır. Sonra isə bitkilər vasitəsilə
yenidən insanlara qayıdır, gərgin vəziyyət yaradır. Son dövrlərdə regionda Kür çayı üzərində kaskat su
anbarlarının tikilməsi küləkli günlərin sayını artırıb. Bu da birinci növbədə tənəffüs orqanlarında və
endokrinik xəstəliklərin yaranmasına səbəb olur. Belə sahələrin ətrafında yaşayış
məskənlərinin, binaların
salınması məqsədə uyğun deyildir.
Yuxarı Qarabağ Aran və Kəlbəcər - Laçın iqtisadi-coğrafi rayonları arasında yerləşir. Polimetal
filizləri (Mehmana), tikinti materialları (mərmər, sement xammalı, əhəng daşı), mineral bulaqlar, meşələr
əsas təbii sərvətlərdir. Kür çayının su ehtiyatları, suvarma şəraitində məhsuldar olan torpaqlar kənd
təsərrüfatı işləri aparılması və əhalinin məskunlaşması üçün əlverişli təbii şərait yaradır.
Kəlbəcər-Laçın iqtisadi-coğrafi rayonunun ərazisində qızıl, civə, xromit, mərmər, üzlük tikinti
daşları, koral, perlit və s. faydalı qazıntı ehtiyatları vardır. Burada İstisu, Minkənd, Tutqunçay kimi
mineral bulaqlar, iqlim-balneoloji şərait, dağ meşələri kurort-rekreasiya məqsədləri üçün istifadə edilə
bilər. İqtisadi-coğrafi rayona daxil olan bütün inzibati rayonlar erməni işğalı altındadır.
İqtisadi-coğrafi
rayonun əsas ekoloji problemi Oxçuçaydır. Oxçuçay-öz mənbəyini Zəngəzur dağ silsiləsindən (Qapıcıq
dağı) götürməklə Zəngilan rayonunun ərazisi ilə axır. Ermənistan Respublikası ərazisində yerləşən
Qacaran mis-molibden, Qafan mis filiz saflaşdırma kombinatlarının kimyəvi çirkli suları və Qafan-
Qacaran şəhərlərinin bioloji çirkli suları təmizlənmədən birbaşa Azərbaycan ərazisində Şərikan kəndinin
qarşısında Oxçuçaya buraxılır ki, bu da çay hövzəsini «Ölü zonaya» çevirmişdir.