Magistrantların XV Respublika Elmi konfransı, 14-15 may 2015-ci il
315
SOSĠAL ĠDARƏETMƏ VƏ ONUN METODLARI
Tağızadə O.O.
Azərbaycan Dövlət İqtisad Universiteti
İdarəetmədə ən başlıca məqsəd və vəzifə cəmiyyətin obyektiv imkanlarından istifadə olunmasını
təmin etməkdir. İdarəetmə əslində cəmiyyətin potensialından istifadə etməyin mühüm amilidir. Idarəetmə
həm də işçilərin əmək fəaliyyətinin təşkil edilməsi və səfərbərliyə alınmasının başlıca formasıdır.
Cəmiyyət özü də mürəkkəb bir sistemdir. İqtisadi, sosial, mənəvi inkişafın əlaqələndirilməsi, ayrı-
ayrı adamların, kollektivlərin fəaliyyətinin istiqamətləndirlməsi, cəmiyyətdə baş verən bir çox sosial-
iqtisadi münasibətlərin qaydaya salınması müəyyən problemlərin həlli ilə əlaqədardır. Bütün bunlar və
digər məsələlər idarəetmə elmindən istifadə olunmasına, onun öyrənilməsinə olan təlabatı əhəmiyyətli
dərəcədə artırır.Ona görə də bu əsri elmi-texniki tərəqqi əsri adlandırsaq da, onu iradəetmə əsri
adlandırmaq olmaz. Müasir texnika, mürəkkəb texniki sistemlər, qurğular, axın xətləri, habelə müasir
elmi tərəqqi də təşkil olunmağa və idarə edilməyə möhtacdır. Idarəetmə bu baxımdan onun müəyyən
funksiyalarının icra edilməsi ilə əlaqədardır. K.Marksın dediyi kimi döyüş meydanında generalın verdiyi
komanda nə dərəcədə zəruridirsə, ayrı-ayrı müəssisə və cəmiyyətdə, idarəetmə proseslərində həyata
keçirilən müxtəlif idarəetmə funksiyaları da bir qədər zəruridir. Ona görə də müasir cəmiyyətdə
idarəetmə
əsl mənada elmə çevrilməlidir və bu elmə tezliklə və dərindən yiyələnmək lazımdır. İdarəetmə elminin
metodlarına, qanunlarına, prinsiplərinə, bütün müddəalarına yalnız elmi işçilər deyil, hər bir istehsalçı.
Təsərrüfat rəhbəri, menecer eyni dərəcədə əməl etməlidir. Buna idarəetmə sahəsində sözlə işin vəhdəti
demək olardı.
Bazar münasibətlərinə keçidin müvəffəqiyyətli, ardicil və kompleks şəkildə həyata keçirilməsi, bu
gün sosial mədəni sahələrin fəaliyyətində çox mühüm vəzifələr müəyyənləşdirir. Sosial mədəni sahələr –
xalq təsərrüfatının əsas sahələrindən biri olmaqla, insan həyatinin maddi və mənəvi şəraitinin
yaxşilaşdırılmasına yönəldilmişdir.
Bununla əlaqədar sosial yönümlü bazar iqtisadiyyatına keçidlə bağlı, sosial mədəni sahələrin iqtisadiyyatı
nəzəri və praktiki əhəmiyyət kəsb edir. Burada əhalinin həyat səviyyəsinin yüksəldilməsi, ümumilikdə
sosial müdafiəsi,insan hüquqlarının təmin edilməsi, ölkədə milli varlığın qorunması və s. kimi mühüm
problemlər, tələblər dərindən öyrənilməlidir.
Sosial mədəni sahələrin idarə olunma mexanizminin makro və mikro səviyyələrdə öyrənilməsi,
sosial bölmənin maliyyələşdirilməsi və idarə edilməsində, eləcə də dövlət və qeyri – dövlət bölmələrinin
qarşılıqlı fəaliyyətinin optiallaşdırılmasını tələb edir.
Sosial – mədəni sahələr öz mahiyyəti etibarı ilə sosial tələbatı ödəmək üçün fəaliyyət göstərən
sahələdir. Sosial mədəni sahələrin məqsədi və vəzifəsi xidmət tələbatını ödəmək və onu təşkil etməkdən
ibarətdir. Hər bir xidmət sahəsinin özünəməxsus obyektiv məqsədi, resursu, bütövlükdə mövcud
imkanları mövcuddur. Bu imkanların səfərbər olunub istifadə olunması idarəetmənin əsas vəzifəsidir.
Beləliklə, idarəetmənin məqsədi mövcud imkanlar daxilində maksimum səmərəli (effektli) fəaliyyət
formasını təşkil etmək deməkdir. Idarəetmə prosesində olaraq hər bir sosial sahənin özünəməxsus
məqsədi mövcuddur. Məsələn: mədəni xidmət sahələrindən, məişət obyektlərindən, kommunal
sahələrindən, səhiyyə, təhsil, mədəniyyət və digərlərinin hər birinin konkret resursları daxilində məqsədi
formalaşır. Bu məqsədə nail olmaq yolları axtarılır və bu yolların ən yaxşı variantı idarəetmənin optimal
təşkilini müəyyən edir. Idarəetmənin məqsədinə uyğun olaraq idarəetmə obyektinin təşkilatı qurul uşu
formalaşır.
Onu da deyək ki, Azərbaycan iqtisadiyyatının makro iqtisadi-sosial vəzifələri bu gün hər bir sosial
obyektin idarə olunmasının yeni prinsiplərini müəyyənləşdirir.
Idarəetmədə,
az məsrəflərlə minimum vaxt
ərzində məqsədə nail olmaq yolları arasdırılır. Idarəedilən sahələr və idarəetmə funksiyaları ahəngdaşlıq
təşkil etməlidirlər.. Idarəetmə iqtisadi ədəbiyyatda və təcrübədə forma və məzmunca təsnifatlaşdırılır.
Ayrı-ayrı sahələr üzrə idarəetmənin təşkili, ərazilər üzrə idarəetmə və hər hansı konkret əşya, əmtəə və
xidmətə görə idarəetmə sistemləri yaradılır.
İdarəetmə prosesi hansı cəmiyyət olursa-olsun müəyyən sistemlərin, o cümlədən iqtisadi və texniki
sistemlərin, habelə idarəedən və idarəolunan yarımsistemlərin, idarəedici parametrlərin, müəyyən
informasiyanın toplanmasını, işlənib hazırlanmasını, idarəedən və idarəolunan sistemlərdə əks əlaqənin
mövcudluğunu və s. nəzərdə tutur. Bununla belə, idarəetmənin sosial məzmunu ayrı-ayrı ictimai-iqtsadi
Magistrantların XV Respublika Elmi konfransı, 14-15 may 2015-ci il
316
formasiyalarda müxtəlif olmuşdir.Sosial idarəetmə təsirinin üç əsas metodunu fərqləndirirlər:
məqsədyönlü tənzimləmə, özünütənzimləmə və kortəbii tənzimləmə. Bu metodlardan hər biri öz
növbəsində idarəetmə obyektlərinin rəngarəngliyini əks etdirən və daha səmərəli, daha çevik
idarəetmə təsirinə kömək edən daha konkret metodlar sistemini özündə birləşdirir.
Məqsədyönlü tənzimləmə metodu – birbaşa sərəncamları, hökmləri, qadağaları, sanksiyaları və s.
nəzərdə tutur.Bu
metod formal, işgüzar təşkilatlarda geniş tətbiq olunur.
Özünütənzimləmə metodu – cəmiyyətin bu və ya digər özəyində insanların fəaliyyətinin
aktivləşməsinə kömək edən özünütənzimləmə vasitələrinin şüurlu surətdə tətbiqi üçün nəzərdə
tutulmuş təşkilolunma və stimullaşdırma ilə səciyyələnir.
İdarəetmə qərarlarının hazırlanmasında modelləşdirmə getdikcə daha çox əhəmiyyət kəsb
edir.Qeyd etmək lazımdır ki, modelləşdirmənin rolu idarəetmə qərarının hazırlanması, qəbulu və
həyata keçirilməsi mərhələlərində özünü göstərir.
İdarəetmədə mühüm yeri proqnozlaşdırma tutur.Sosial sistemlərin modelləşdirilməsi və
proqnozlaşdırılması bir-biri ilə qarşılıqlı surətdə bağlı olan fəaliyyət növləridir.Müəyyən mənada
proqnoza gələcəyin modeli kimi baxmaq olar.Digər tərəfdən, hər hansı bir sistemin idrakı və
idarəedci rolları, əgər həmin sistem proqnostik informasiyaya əsaslanırsa, labüd surətdə yüksəlir.
İdarəetmədə sosial proqnozlaşdırma – qabaqgörənliyin
konkretləşdirilməsi prosesi,
onun nəticəsi
mühüm əhəmiyyətə malikdir.Sosial proqnozlaşdırmanın məqsədi sistemin keçmişdə vəziyyətinin və
davranışının təhlilindən və nəzərdən keçirilən sistemə təsir göstərən amillərin dəyişməsinin
mümkün meyllərinin öyrənilməsindən ibarətdir.Proqnozlaşdırmada cəmiyyətin gələcək inkişafının
ümumi cəhətləri və xüsusiyyətləri aşkara çıxarılır.Proqnozlaşdırmanın əsasında strategiya işlənib
hazırlanır, onun həll edilməsi vəzifələri və yolları müəyyən edilir, proqnozlar və planlar tərtib
olunur.
Sosial proqnozlaşdırma inkişaf variantlarının müəyyən edilməsini və resurslardan, vaxtdan və
sosial qüvvələrdən çıxış edərək daha münasib, optimal olanın seçilməsini nəzərdə tutur.Sosial
proqnozlaşdırma mümkün olan qərarlarların ehtimallıq dərəcəsinin müfəssəl təhlilini və
çoxvariantlılığını nəzərdə tutur.
Sosial proqnozlaşdırma direktiv xarakter daşımır, yalnız qərarın əsaslandırılması və planlaşdırma
metodlarının seçilməsi üçün informasiya verir, gələcəkdə inkişafın bu və ya digər yolunun imkanını
göstərir.
Ekstapolyasiya – bu metod proqnozlaşdırılan prosesin göstəricilərinin hadisənin bir hissəsinin
tədqiqindən alınmış nəticələrin bu hadisənin başqa hissələrinə və yaxud müasir reallıq-ların tədqiqi
nəticələrinin gələcək hadisələrə şamil edilməsilə dinamik (statistik yaxud məntiqi) sıralarının
qurulmasına əsaslanır.Mürəkkəb ekstrapolyasiya formullarının, müasir riyaziyyatın və kibernetikanın
cəbbəxanasını təşkil edən ehtimalar nəzəriyyəsinin, oyunlar nəzəriyyəsinin nəticələrinin istifadə
edilməsi səmərəlidir.
Ekspert metodları – bu metodlara analitik tədqiqləri, ―dəyirmi masalar‖ın iclaslarını, ekspert
qiymətlərini aid edirlər.
Edip effekti. Onun mahiyyəti proqnozun özünü həyata keçirməsi və yaxud öz-özünü məhv
etməsi imkanından ibarətdir; əgər bu prosesə insanların yaradıcı fəaliyyəti qoşulursa və bu fəaliyyət
prosesində müsbət gözləmələr reallaşırsa və yaxud təhlükə sezmələri aradan qaldırılırsa.
Morfoloji sintez metodu – bu metod öyrənilən problemin bütün parametrləri üzrə müntəzəm
informasoyanın alınmasını nəzərdə tutur.
Proqnoz ssenarisi metodu – bu metod məntiqi ardıcıllıqla səciyyələnir.Bu məntiqi ardıcıllıq
real situasiyadan çıxış edərək tədqiqat obyektinin, sosial posesin və yaxud hadisənin gələcək
vəziyyətinin addım-addım necə baş verdiyini göstərir. Proqnoz ssenarisi inkişaf perspektivlərini
müəyyən edir.
Proqnoz qrafaları – istiqamətləndirilmiş və ya istiqamətləndirilməmiş ola bilər, sikllərə malik
ola bilər və yaxud olmaya bilər, əlaqəli və ya əlaqəsiz ola bilər və s. Bu qrafalar proqnoz
məqsədlərinin, ssenarisinin formulə edilməsində, proqnozların səmərəliliyinin səviyyələrinin və
meyarlarının müəyyən edilməsində iştirak edir.
Modelləşdirmə metodu – bu metod inkişaf alternativlərinin axtarışına əsaslanır; bu da hazırkı
şərait üçün optimal olan variantı seçməyə imkan verir.