24.İTTİHAMNAMƏ AKTI
Rus dilində. Yazılış tarixi 19 oktyabr, 1913-cü il, Tiflis. Saya qoşa vərəqin hər iki üzünə qara rəngdə makina çapı ilə yazılmışdır. Surətdir. Akt Mətbuat işləri üzrə Tiflis Komitəsinin üzvü Mirzəyev və katib köməkçisi Pavlov tərəfindən təsdiqlənmişdir.
Məzmunu: «Molla Nəsrəddin» jurnalının 23 iyul, 1913-ci il, 20-ci nömrəsində bəhailərin dini rəhbəri Əbdül Bəhanı tənqid edən bir səhifəlik karikaturaya verilən şərhdə onun əxlaqsızlığına işarə edildiyinə görə C.Məmmədquluzadə və Əliqulu Nəcəfovun məhkəməyə verildiyi bildirilir.
Ölçüsü: 22x35 sm; həcmi: 1+1 (boş) vərəq; fond 6, s.v. 327*.
25.KURORT KİTABÇASI
Rus dilində. Yazılış tarixi 31 dekabr, 1930-cu il, Yesentuki. Qara, qırmızı mürəkkəb və qırmızı karandaşla yazılmışdır. RSFSR Xalq Səhiyyə Komissarlığı tərəfindən C.Məmmədquluzadəyə verilmişdr.
Məzmunu: Kitabçada xəstəliyinin qısa xülasəsi, müalicə üsulları, ağciyərinin rentgen şəkli və s. haqda qeydlər vardır.
Ölçüsü: 10,5x13,5 sm; həcmi: 8 vərəq; fond 6, s.v. 268.
Kitabçanın içində ayrıca vərəqlər vardır:
1) 19 aprel 1926-cı ildə qulaq, boğaz, burun həkimi İvan İvanoviç Lukov tərəfindən rus dilində qara mürəkkəblə yazılmış resept. Ölçüsü: 11x19,5 sm;*
2) 21 noyabr 1930-cu ildə rus dilində qara karandaşla yazılmış resept. Ölçüsü: 17x8 sm;*
3) 10 fevral 1931-ci ildə «Semaşko» xəstəxanasına göndəriş vərəqəsi. Ölçüsü: 21x11,5 sm.*
4) 29 aprel 1931-ci ildə qara karandaşla yazılmış resept. Ölçüsü: 8,5x14,5 sm;*
5) Rus dilində bənövşəyi mürəkkəblə yazılmış elektrokardioqrammanın nəticəsi. Ölçüsü: 21x10 sm;*
26.LÖVHƏ
Rus dilində. Saya vərəqin bir üzünə qara mürəkkəblə yazılmışdır. «Molla Nəsrəddin» jurnalı redaksiyasının lövhəsidir.
Məzmunu: Lövhənin üzərində «Redaküiə i Kontora Jurnala «Molla-Nasreddin»» qeyd olunmuşdur.
Ölçüsü: 42,5x32,5 sm; həcmi: 1 vərəq; fond 6, s.v. 333.
27.MANDAT
Rus dilində. Yazılış tarixi 27 iyun, 1921-ci il, Bakı. Saya vərəqə bənövşəyi rəngdə makina çapı ilə yazılmışdır. ASSR Xalq Maarif Komissarlığı tərəfindən C.Məmmədquluzadəyə verilmişdir.
Məzmunu: C.Məmmədquluzadənin Xalq Maarif Komissarlığının məsul nümayəndəsi olması təsdiqlənir.
Ölçüsü: 17x10,5 sm; həcmi: 1 vərəq; fond 6, s.v. 251*.
28.MANDAT
Vərəqin bir üzündə Azərbaycan dilində latın əlifbası ilə, digər üzündə isə həmin mətn rus dilində. Yazılış tarixi 2 sentyabr, 1924-cü il, Bakı. Saya vərəqə bənövşəyi rəngdə makina çapı ilə yazılmışdır. Azərbaycan Mərkəzi İcraiyyə Komitəsi tərəfindən C.Məmmədquluzadəyə verilmişdir.
Məzmunu: C.Məmmədquluzadə Yeni Türk Əlifba Komitəsi nümayəndəsi kimi AMİK sədri Ağamalı oğlu ilə bərabər türk əlifbasını yaymaq məqsədilə Türküstana ezamiyyətə göndərilməsi üçün verilmişdir.
Ölçüsü: 22,5x17,5 sm; həcmi: 1 vərəq; fond 6, s.v. 255.
29.MANDAT
Rus dilində. Yazılış tarixi 7 sentyabr, 1924-cü il, Bakı. Saya vərəqə qara rəngdə makina çapı ilə yazılmışdır. Azərbaycan Mərkəzi İcraiyyə Komitəsi tərəfindən C.Məmmədquluzadəyə verilmişdir.
Məzmunu: C.Məmmədquluzadənin Az.MİK-nin üzvü kimi Azərbaycan MİK-nin sədri Ağamalı oğlu ilə bərabər türk əlifbasını yaymaq məqsədilə ezamiyyətə (Krım, Tatarıstan və Türküstan) göndərilməsi üçün verilmişdir.
Ölçüsü: 21,5x33 sm; həcmi: 1 vərəq; fond 6, s.v. 256.
30.«MOLLA NƏSRƏDDİN» JURNALININ
PROQRAM VƏ QURULUŞU
Rus dilində. Yazılış tarixi 24 yanvar, 1931-ci il, Bakı. Saya vərəqin bir üzünə qara rəngdə makina çapı ilə yazılmışdır. Jurnalın redaktoru C.Məmmədquluzadə tərəfindən Azərbaycan Mərkəzi Komitəsinin Mətbuat şöbəsinə, bir surəti isə Xalq Komissarlar Şurasına göndərilmişdir. I vərəqdə C.Məmmədquluzadə tərəfindən bənövşəyi mürəkkəblə rus dilində «Kop. Sovnarkomu» qeyd olunmuşdur. Smeta, məsarif və ştat haqda olan vərəqələrin hər biri 2 nüsxədədir.
Məzmunu: I vərəqdə «Molla Nəsrəddin» jurnalının 1931-ci ildə proqram və quruluşu, II vərəqdə smetası, III vərəqdə məsarifi, IV vərəqdə isə ştatı barəsində məlumat verilir.
Ölçüsü: 21x29,5 sm; həcmi: 7 vərəq; fond 6, s.v. 330.
31.MÜQAVİLƏ
Rus dilində. Yazılış tarixi 27 oktyabr, 1928-ci il. Harada yazıldığı qeyd edilməmişdir. Saya vərəqin hər iki üzünə qara rəngdə makina çapı və bənövşəyi mürəkkəblə yazılmışdır. Müqavilə M.Əzizbəyov adına Birləşmiş Mənzil Kooperativ İdarəsi ilə «Molla Nəsrəddin» jurnalının redaktoru arasında bağlanmışdır.
Məzmunu: 1 oktyabr 1928-ci ildən 1 oktyabr 1929-cu ilə kimi Poçtovaya küçəsi, ev № 64-də bir otaqlı mənzilin kirayəsi barəsindədir.
Ölçüsü: 22x35 sm; həcmi: 1 vərəq; fond 6, s.v. 329*.
32.MÜQAVİLƏ
Rus dilində. Yazılış tarixi 25 iyun, 1936-cı il, Bakı. Saya vərəqin hər iki üzünə qara rəngdə makina çapı ilə yazılmışdır. Müqavilə Az. SSR Elmlər Akademiyası nəşriyyatının direktoru Abdulla Hüseyn oğlu Vəliyevlə C.Məmmədquluzadənin varisi Həmidə xanım Əhməd qızı Məmmədquluzadə arasında bağlanmışdır. Sənəd sonda Həmidə xanım və nəşriyyatın direktoru tərəfindən təsdiqlənir.
Məzmunu: Müqaviləyə əsasən C.Məmmədquluzadənin üçcildlik seçilmiş əsərlərinin nəşri işini nəşriyyatın ixtiyarına buraxır. Əvəzində isə nəşriyyat 27 m.v. həcmində olan işin hər müəllif vərəqi üçün Həmidə xanıma qonorar verməlidir.
Ölçüsü: 20x29 sm; həcmi: 1 vərəq; fond 6, s.v. 332*.
33.NAMİZƏD BİLETİ
Vərəqin bir üzündə Azərbaycan dilində latın əlifbası ilə, digər üzündə isə həmin mətn rus dilində. Yazılış tarixi 1927-ci il, Bakı. Ayı və günü qeyd edilməmişdir. Bilet qara mürəkkəblə yazılmışdır. Tünd qırmızı rəngdə qalın cildi var. Azərbaycan Mərkəzi İcraiyyə Komitəsi tərəfindən C.Məmmədquluzadəyə verilmişdir.
Məzmunu: 5-ci Ümum Azərbaycan Şuralar Qurultayı C.Məmmədquluzadənin Mərkəzi İcraiyyə Komitəsi üzvülüyünə namizəd seçilməsini təsdiqləyir.
Ölçüsü: 11,5x8 sm; həcmi: 2 vərəq; fond 6, s.v. 260.
34.NİKAH KAĞIZI
Vərəqin bir üzündə Azərbaycan dilində ərəb əlifbası ilə, digər üzündə isə həmin mətn rus dilində. Yazılış tarixi 15 iyun, 1907-ci il. Harada yazıldığı qeyd edilməmişdir. Saya vərəqin hər iki üzünə qara mürəkkəblə yazılmışdır. Sənədi rus dilinə Zaqafqaziya Şiə Ruhani İdarəsinin katibi tərcümə etmişdir. Bir fotosurəti əlavə olunmuşdur.
Məzmunu: 15 iyun 1907-ci ildə C.Məmmədquluzadənin Həmidə xanım Əhməd bəy Cavanşir ilə evlənməsi təsdiqlənir.
Ölçüsü: 33,5x35,5 sm; həcmi: 1 vərəq; fond 6, s.v. 247*.
35.ÖLÜM FİTVASI
Azərbaycan dilində ərəb əlifbası ilə. 1907-ci il. Yazılış tarixi və harada yazıldığı qeyd edilməmişdir. Fotosurətdir.
Məzmunu: Təbriz müctəhidlərinin Mirzə Cəlil haqqında ölüm fitvası.
Ölçüsü: 10x14,5 sm; həcmi: 1 vərəq; fond 6, s.v. 274*.
36.ÖLÜM HAQQINDA ŞƏHADƏTNAMƏ
Rus dilində. Yazılış tarixi 5 yanvar, 1932-ci il, Bakı. Vərəqin bir üzünə bənövşəyi mürəkkəblə yazılmışdır. Bakı Şəhər Zaqs Bürosu tərəfindən C.Məmmədquluzadəyə verilmişdir.
Məzmunu: C.Məmmədquluzadənin yanvarın 4-də beyninə qansızma nəticəsində vəfat etdiyi bildirilir.
Ölçüsü: 19x14,5 sm; həcmi: 2 ədəd; fond 6, s.v. 275*.
37.PASPORT
Rus dilində. Yazılış tarixi 6 iyun, 1911-ci il, Naxçıvan. Qara mürəkkəblə yazılmışdır. Rusiya İmperiyasının ştampı ilə təsdiqlənən pasport Naxçıvan Şəhər İctimai İdarəsi tərəfindən C.Məmmədquluzadəyə verilmişdir. Əlavə bir fotosurəti vardır.
Məzmunu: Rusiyanın ərazisində şəhər və kəndlərinə pulsuz gediş üçün verilmiş bir illik (1911-ci ilin iyunundan 1912-ci ilin iyununadək) pasportda C.Məmmədquluzadənin adı, familiyası, yaşı, vəzifəsi və ailə üzvlərinin (Həmidə, Münəvvər, Midhəd, Ənvər) adları haqda məlumat vardır.
Ölçüsü: 30x25 sm; həcmi: 1 vərəq; fond 6, s.v. 248*.
38.PROQRAM
Azərbaycan dilində ərəb əlifbası ilə. Bakı. Saya vərəqin bir üzünə qara rəngdə makina çapı ilə yazılmışdır.
Məzmunu: H.Zeynalabdin Tağıyev teatrında müsəlman artistlərinin iştirakı ilə C.Məmmədquluzadənin 10 may, 1916-cı ildə keçiriləcək «Ölülər» əsərinin tamaşası barəsindədir. Proqramın sonunda mayın 13-də «Aşıq Qərib» operasının tamaşaya qoyulması haqda elan vardır.
Ölçüsü: 12,5x42 sm; həcmi: 1 vərəq; fond 6, s.v. 328*.
39.PROQRAM
Rus dilində. Mahaçqala. Saya vərəqin bir üzünə qara rəngdə makina çapı ilə yazılmışdır. Proqramın sonunda «Tipo-Lit. A.M.Mixaylova Petrovsk-Daqestanskiy» qeyd olunmuşdur.
Məzmunu: Şəhər teatrında Tiflisdən gəlmiş artist Əliqulu Nəcəfovun və yerli aktyorların iştirakı ilə C.Məmmədquluzadənin şənbə günü, 23 iyul, 1916-cı ildə «Ölülər» əsərinin tatar dilində oynanılacaq tamaşası barəsindədir.
Ölçüsü: 14,5x29,5 sm; həcmi: 1 vərəq; fond 6, s.v. 328*.
40.PROQRAM
Azərbaycan dilində latın əlifbası ilə. Bakı. Saya vərəqin hər iki üzünə qara rəngdə makina çapı ilə yazılmışdır. Proqramın sonunda «Azərnəşr tərəfindən basıldı» qeyd olunmuşdur.
Məzmunu: Bünyadzadə adına Dövlət Türk Bədayi Teatrosunda C.Məmmədquluzadənin 1932-1933-cü il mövsümündə keçiriləcək «Ölülər» əsərinin tamaşası barəsindədir.
Ölçüsü: 15x22,5 sm; həcmi: 1 vərəq; fond 6, s.v. 328*.
41.ŞƏHADƏTNAMƏ
Rus dilində. Yazılış tarixi 15 fevral, 1917-ci il, Tiflis. Saya vərəqin bir üzünə qara rəngdə makina çapı ilə yazılmışdır. Tiflis Qubernatorluğunun möhürü ilə təsdiqlənmişdir.
Məzmunu: Tiflisdə həftəlik satirik «Molla Nəsrəddin» jurnalının proqrammı və onun nəşrinə icazə verilməsi barəsindədir.
Ölçüsü: 21x35 sm; həcmi: 1 vərəq; fond 6, s.v. 249.
42.ŞƏHADƏTNAMƏ
Rus dilində. Yazılış tarixi 29 aprel, 1930-cu il, Bakı. Saya vərəqin bir üzünə bənövşəyi mürəkkəblə yazılmışdır. Şəhadətnamə «Molla Nəsrəddin» jurnalının redaktoru C.Məmmədquluzadənin imzası və redaksiyanın möhürü ilə təsdiqlənmişdir.
Məzmunu: Azəri Əli İsmayıl oğlunun 1920-ci ildə Təbrizdə müəllimlik etməsi, Təbrizdə «Ölülər» əsərinin tamaşası zamanı baş rolun ifaçısı olduğuna görə onun avam xalq tərəfindən təqiblə qarşılanması, C.Məmmədquluzadənin məsləhəti ilə Bakıya gəlməsi, 1921-1924-cü illərdə Batumidə yaşaması və eyni zamanda «Molla Nəsrəddin» jurnalının müxbiri və təmsilçisi kimi çalışması göstərilir.
Ölçüsü: 20,5x24 sm; həcmi: 1 vərəq; fond 6, s.v. 508.
43.ÜZVÜLİK BİLETİ
Rus dilində. Yazılış tarixi 4 oktyabr, 1928-ci il, Moskva. Bilet qara mürəkkəblə yazılmışdır. Tünd yaşıl rəngdə qalın cildi var. Moskva Dramatik Yazıçılar və Kompozitorlar Cəmiyyəti tərəfindən C.Məmmədquluzadəyə verilmişdir.
Məzmunu: Həmin cəmiyyətin üzvü olduğunu bildirir.
Ölçüsü: 8x11 sm; həcmi: 1 vərəq; fond 6, s.v. 262.
44.ÜZVÜLİK BİLETİ
Rus dilində. Yazılış tarixi 5 iyun, 1929-cu il, Bakı. Bilet bənövşəyi mürəkkəblə yazılmışdır. Tünd yaşıl rəngdə qalın cildi var. Sosialist Şura Cümhuriyyəti İttifaqı Poliqraf İstehsalı işçilərinin Həmkarlar İttifaqının Azərbaycan şöbəsi tərəfindən C.Məmmədquluzadəyə verilmişdir.
Məzmunu: Jurnalist olduğunu bildirir.
Ölçüsü: 7,5x10 sm; həcmi: 16 vərəq; fond 6, s.v. 265.
45.VƏSİQƏ
Vərəqin bir üzünün yarısında Azərbaycan dilində ərəb əlifbası ilə, o biri yarısında isə həmin mətn rus dilində. Yazılış tarixi 2 sentyabr, 1922-ci il, Bakı. Rus dilində olan mətn saya vərəqin bir üzünə qara rəngdə makina çapı ilə, Azərbaycan dilində olan mətn isə qara mürəkkəblə yazılmışdır. ASSR Xalq Komissarlar Şurası tərəfindən C.Məmmədquluzadəyə verilmişdir.
Məzmunu: C.Məmmədquluzadənin yaşadığı və radaktoru olduğu «Molla Nəsrəddin» jurnalı redaksiyasının yerləşdiyi ünvanın müsadirə edilməyəcəyi barəsindədir.
Ölçüsü: 22,5x18 sm; həcmi: 1 vərəq; fond 6, s.v. 252.
46.VƏSİQƏ
Vərəqin bir tərəfində Azərbaycan dilində latın əlifbası ilə, digər tərəfində isə həmin mətn rus dilində. Yazılış tarixi 20 iyun, 1923-cü il, Bakı. Saya vərəqə bənövşəyi rəngdə makina çapı ilə yazılmışdır.
Məzmunu: Yeni Türk Əlifba Komitəsi C.MəmmədquLuzadənin «Yeni yol» qəzetinin baş mühərriri olmasını təsdiq edir.
Ölçüsü: 22x18 sm; həcmi: 1 vərəq; fond 6, s.v. 253.
47.VƏSİQƏ
Rus dilində. Yazılış tarixi 25 noyabr, 1926-cı il. Harada yazıldığı qeyd edilməmişdir. Kitabça qara mürəkkəblə yazılmışdır.
Məzmunu: Poçt və Teleqraf Xalq Komissarlığı tərəfindən C.Məmmədquluzadəyə radiostansiyadan fərdi istifadə üçün verilmişdir.
Ölçüsü: 8,5x12 sm; həcmi: 2 vərəq; fond 6, s.v. 259*.
48.VƏSİQƏ
Rus dilində. Yazılış tarixi və harada yazıldığı qeyd edilməmişdir. Göy və bənövşəyi mürəkkəblə yazılmışdır. Azərbaycan Mərkəzi İcraiyyə Komitəsi tərəfindən C.Məmmədquluzadəyə verilmişdir.
Məzmunu: Dəmiryol və su nəqliyyatından pulsuz istifadə müddəti Şuranın 6-cı iclasına qədər qüvvədə olduğu haqdadır.
Ölçüsü: 11x7,5 sm; həcmi: 1 vərəq; fond 6, s.v. 260*.
49.VƏSİQƏ
Rus dilində. Yazılış tarixi və harada yazıldığı qeyd edilməmişdir. Qara və bənövşəyi mürəkkəblə yazılmışdır. Azərbaycan Mərkəzi İcraiyyə Komitəsi tərəfindən C.Məmmədquluzadəyə verilmişdir.
Məzmunu: Dəmiryol və su nəqliyyatından pulsuz istifadə müddəti Şuranın 7-ci iclasına qədər qüvvədə olduğu haqdadır.
Ölçüsü: 10,5x7 sm; həcmi: 1 vərəq; fond 6, s.v. 260*.
50.VƏSİQƏ
Rus dilində. Yazılış tarixi 1 iyul, 1928-ci il, Bakı. Saya vərəqə bənövşəyi rəngdə makina çapı ilə yazılmışdır. «Kommunist» qəzetinin Yerli Komitəsi tərəfindən C.Məmmədquluzadəyə verilmişdir.
Məzmunu: Həmidə xanım, oğlanları Midhəd və Ənvər, qohumu Pakizənin C.Məmmədquluzadənin himayəsində olması təsdiq edilir.
Ölçüsü: 20,5x23,5 sm; həcmi: 1 vərəq; fond 6, s.v. 261.
51.VƏSİQƏ
Rus dilində. Yazılış tarixi 16 noyabr, 1929-cu il. Harada yazıldığı qeyd edilməmişdir. Saya vərəqə qara rəngdə makina çapı ilə yazılmışdır. Surətdir. Azərbaycan SSR Xalq Komissarları Soveti tərəfindən C.Məmmədquluzadəyə verilmişdir.
Məzmunu: Staropoçtovıy kuçəsi № 64 ünvanı yaşayış yeri kimi və redaktoru olduğu «Molla Nəsrəddin» jurnalının redaksiyası üçün C.Məmmədquluzadəyə verildiyi bildirilir.
Ölçüsü: 17x22 sm; həcmi: 1 vərəq; fond 6, s.v. 266*.
52.VƏSİQƏ
Rus dilində. Yazılış tarixi 30 dekabr, 1931-ci il, Bakı. Qara rəngdə makina çapı ilə yazılmışdır. Qara rəngdə qalın cildi var. Vəsiqəyə C.Məmmədquluzadənin şəkili yapışdırılmışdır. Bakı Elektrik Dəmir Yolları İdarəsi tərəfindən C.Məmmədquluzadəyə verilmişdir.
Məzmunu: Bakı-Sabunçu elektrik dəmir yolundan təqaüdçü kimi pulsuz istifadə etməsi üçün verilmişdir.
Ölçüsü: 8x11,5 sm; həcmi: 2 vərəq; fond 6, s.v. 271.
53.VİZİT VƏRƏQİ
Azərbaycan dilində ərəb əlifbası ilə və rus dilində. Saya vərəqin bir üzünə qara mürəkkəblə yazılmışdır.
Məzmunu: Adı, familiyası və «Molla Nəsrəddin» jurnalının redaktoru olduğu məlum olur.
Ölçüsü: 10x6,5 sm; həcmi: 1 vərəq; fond 6, s.v. 272.
54.VİZİT VƏRƏQƏSİ
Azərbaycan dilində ərəb əlifbası ilə və rus dilində. 3 müxtəlif ölçülü saya vərəqlərin bir üzünə qara mürəkkəblə yazılmışdır.
Məzmunu: Adı, familiyası və «Molla Nəsrəddin» jurnalının redaktoru olduğu məlum olur.
Ölçüsü: 9x5,5–11x6,5 sm; həcmi: 3 ədəd; fond 6, s.v. 273*.
HƏMİDƏ MƏMMƏDQULUZADƏYƏ
AİD SƏNƏDLƏR
1.AKT
Azərbaycan dilində latın əlifbası ilə. Yazılış tarixi 28 iyul, 1939-cu il. Harada yazıldığı qeyd edilməmişdir. Naməlum əsərin makinada çap olunmuş 134-cü səhifəsinin arxasına bənövşəyi mürəkkəblə yazılmışdır. «Revolyusiya və kultura» jurnalının katibi Əsədovun imzası ilə təsdiqlənmişdir.
Məzmunu: Həmidə xanımdan Molla Nəsrəddin haqqında yazdığı xatirənin makinada çap olunmuş bir nüsxəsini «Revolyusiya və kultura» jurnalında istifadə üçün aldığı bildirilir.
Ölçüsü: 20,5x20,5 sm; həcmi: 1 vərəq; fond 6, s.v. 399*.
2.ARAYIŞ
Rus dilində. Yazılış tarixi 20 mart, 1942-ci il, Bakı. Saya vərəqin bir üzünə bənövşəyi rəngdə makina çapı ilə yazılmışdır. Azərbaycan Rabitə Stansiyasına təqdim edilmək üçün verilmiş arayış Azərbaycan Sovet Yazıçılar İttifaqının prezidentinin məsul katibi S.Vurğunun imzası və möhürlə təsdiqlənmişdir.
Məzmunu: Azərbaycan Sovet Yazıçılar İttifaqı tərəfindən Ostrovski küçəsi, ev 56 ünvanında yaşayan Həmidə xanımın işlərilə əlaqədar 3-76-26 №-li telefonu olduğu bildirilir.
Ölçüsü: 16x18,5 sm; həcmi: 1 vərəq; fond 6, s.v. 402*.
3.BAĞIŞLAMA AKTI
Rus dilində. Yazılış tarixi 1915-ci il, Şuşa. Ayı və günü qeyd edilməmişdir. Saya vərəqin hər iki üzünə qara mürəkkəblə yazılmışdır.
Məzmunu: Həmidə xanımın Şuşa qəzasının Kəhrizli kəndində mülkiyyəti olan torpaq sahəsini 7 bənddən ibarət şərtlə tədris idarəsinə verməsi barəsindədir.
Ölçüsü: 22x34,5 sm; həcmi: 1 vərəq; fond 6, s.v. 406.
Bu sənədlə yanaşı üzərində müxtəlif məzmunlu mətnlərdən olan daha bir cizgili qoşa vərəq vardır. Vərəqin I səhifəsində Həmidə xanım tərəfindən 3 rayonun Xalq Texnikumlarının inspektoruna rus dilində qara mürəkkəblə yazılmış məktubdur. Yazılış tarixi və harada yazıldığı qeyd edilməmişdir.
Məzmunu: İpək toxuculuq emalatxanasının eni, uzunu, sənədləri və Kəhrizliyə köçürülməsi barəsindədir.
II və III səhifələrdə Həmidə xanım tərəfindən yuxarıda göstərilən «Bağışlama aktı» qaralama şəklində qara karandaşla rus dilində yazılmışdır.
IV səhifədə isə Həmidə xanım tərəfindən Yelizavetpol Qubernatoruna rus dilində qara mürəkkəblə ərizə yazılmışdır. Şuşa. Yazılış tarixi qeyd edilməmişdir.
Məzmunu: Kəhrizlidə mülkiyyəti olan torpaq sahəsinin bir hissəsinin tədris idarəsinə verilməsi barəsində natoriat kantorunda təsdiqlənmiş sənədlərin bu yaxınlarda hazır olacağını bildirir.
Ölçüsü: 22x35 sm; həcmi: 2 vərəq; fond 6, s.v. 406*.
4.ƏRİZƏ
Azərbaycan dilində latın əlifbası ilə. Yazılış tarixi yanvar, 1928-ci il, Şuşa. Saya vərəqin bir üzünə bənövşəyi mürəkkəblə yazılmışdır. H.Məmmədquluzadə tərəfindən Azərbaycan Mərkəzi İcraiyyə Komitəsinə yazılmışdır.
Məzmunu: Şuşada yerli hökumət tərəfindən oxunan siyahıda onun səs hüququndan məhrum olduğunu bildirir. Səs hüququnun ona qaytarılmasını xahiş edir.
Ölçüsü: 19x20 sm; həcmi: 1 vərəq; fond 6, s.v. 395*.
5.ƏRİZƏ
Azərbaycan dilində latın əlifbası ilə. Yazılış tarixi 22 dekabr, 1928-ci il, Şuşa. Cizgili vərəqin bir üzünə bənövşəyi mürəkkəblə yazılmışdır. H.Məmmədquluzadə tərəfindən Şuşa Rayon Seçki Komissiyonuna yazılmışdır.
Məzmunu: Seçki Komissiyonunun onu seçki hüququndan məhrum etdiyini bildirir və səs hüququnun ona qaytarılmasını xahiş edir.
Ölçüsü: 13x23 sm; həcmi: 2 vərəq; fond 6, s.v. 395*.
6.ƏRİZƏ
Rus dilində. Yazılış tarixi və harada yazıldığı qeyd edilməmişdir. Dama-dama vərəqin bir üzünə bənövşəyi mürəkkəblə yazılmışdır. H.Məmmədquluzadə tərəfindən Azərbaycan Dövlət Muzeyinin direktoruna yazılmışdır.
Məzmunu: C.Məmmədquluzadənin əlyazmalarının, sənədlərinin, kitablarının, digər əşyalarının muzeydə saxlanıldığını bildirir. Onun 371966 №-li brauninq tipli tapançasının vəsiqəsi ilə birlikdə həmin muzeydə qorunması üçün müvafiq orqanların vasitəsilə şərait yaradılmasını xahiş edir.
Ölçüsü: 21x34 sm; həcmi: 1 vərəq; fond 6, s.v. 395*.
H.Məmmədquluzadə həmin revolverin Mirzə Cəlilin həyatındakı tarixi əhəmiyyətini qısa şəkildə yazaraq («Kratkaə istoriə revolğvera») ərizəyə əlavə etmişdir. Rus dilində. Dama-dama vərəqin hər iki üzünə bənövşəyi mürəkəblə yazılmışdır.
Məzmunu: C.Məmmədquluzadənin «Molla Nəsrəddin» jurnalının 19 may, 1907-ci il, 20-ci №-də «Molla Nəsrəddin» imzası ilə «Erməni və müsəlman qadınları» məqaləsini və 20 yanvar, 1908-ci il, 3-cü №-də Nəcəf şəhərinin müctəhidlərinin karikaturalarını dərc etdirdiyinə görə onun ölümünə fitva verənlərdən özünümüdafiə məqsədilə silah alıb gəzdirməyə məcbur olması barəsindədir.
Ölçüsü: 22x34 sm; həcmi: 2 vərəq; fond 6, s.v. 395*.
7.ƏRİZƏ
Rus dilində. Yazılış tarixi 23 noyabr, 1934-cü il. Harada yazıldığı qeyd edilməmişdir. Saya vərəqin bir üzünə qara rəngdə makina çapı ilə yazılmışdır. H.Məmmədquluzadə tərəfindən Azərbaycan Dövlət Nəşriyyatının direktoruna yazılmışdır.
Məzmunu: C.Məmmədquluzadənin əsərlərini, sənədlərini, kitablarını, digər əşyalarını muzeyə təqdim etdiyini bildirir. Onun 371966 №-li brauninq tipli tapançasının həmin muzeydə qorunması üçün vermək istədiyini bildirir. H.Məmmədquluzadə həmin tapançanın Mirzə Cəlilin həyatındakı tarixi əhəmiyyətini də qısa şəkildə yazaraq ərizəyə əlavə etmişdir.
Ölçüsü: 22x30 sm; həcmi: 2 vərəq; fond 6, s.v. 398*.
8.DƏVƏTNAMƏ
Rus dilində. Yazılış tarixi 25 may, 1940-cı il. Harada yazıldığı qeyd edilməmişdir. Saya vərəqin bir üzünə qəhvəyi rəngdə makina çapı ilə yazılmışdır. Üz vərəqində «XX Az. SSR» qeyd edilmişdir. Azərbaycan Sovet Yazıçılar İttifaqı tərəfindən Həmidə xanıma verilmişdir.
Məzmunu: 1940-cı il, mayın 25-də axşam saat 10-da «Moskva» mehmanxanasının Mərmər zalında Azərbaycan Ədəbiyyatı Dekadası nümayəndələri ilə keçiriləcək görüşə dəvətnamədir.
Ölçüsü: 12x7 sm; həcmi: 2 vərəq; fond 6, s.v. 401*.
9.QƏBZ
Rus dilində. Yazılış tarixi 5 iyun, 1916-cı il. Harada yazıldığı qeyd edilməmişdir. İki qatlanmış saya vərəqin bir üzünə qara mürəkkəblə yazılmışdır. Əsgər Deputatlar Şurasının sədri tərəfindən H.Məmmədquluzadəyə verilmişdir.
Məzmunu: Sənəddə Həmidə xanımın 24 fevral, 1916-cı ildən silah saxlamaq hüququ olduğu bildirilir.
Ölçüsü: 17,5x11 sm; həcmi: 1+1 (boş) vərəq; fond 6, s.v. 393*.
10.QƏBZ
Rus dilində. Yazılış tarixi və harada yazıldığı qeyd edilməmişdir. Saya vərəqin bir üzünə qara rəngdə makina çapı ilə yazılmışdır. Qəbz muzeyin direktoru Salamovun imzası və möhürlə təsdiqlənmişdir. Azərbaycan Dövlət Muzeyi tərəfindən Həmidə xanıma verilmişdir.
Məzmunu: Sənəddə brauninq tipli 7 kolibrli 371966 №-li tapança, 8 güllə, kabura və həmin silahın 12 aprel, 1926-cı il tarixli 116 №-li vəsiqəsinin Muzeyə təqdim edildiyi bildirilir.
Ölçüsü: 15,5x19 sm; həcmi: 1 vərəq; fond 6, s.v. 399*.
11.QƏBZ
Rus dilində. Yazılış tarixi 20 aprel, 1932-ci il, Bakı. Cizgili vərəqin bir üzünə bənövşəyi mürəkkəblə yazılmışdır. Qəbz AZOZFAN-nın sədri Ə.Nazim tərəfindən təsdiqlənmişdir.
Məzmunu: Həmidə xanımdan C.Məmmədquluzadənin 59 adda əlyazmasının, sənədlərinin və «Molla Nəsrəddin» jurnalının 1906, 1909, 1922, 1924-1928-ci illərin komplektlərinin alındığı bildirilir.
Ölçüsü: 22x17 sm; həcmi: 1 vərəq; fond 6, s.v. 399*.
12.QƏBZ
Rus dilində. Yazılış tarixi 22 oktyabr, 1935-ci il, Bakı. Saya vərəqin bir üzünə qırmızı mürəkkəblə yazılmışdır. Qəbz Azərbaycan SSR Elmlər Akademiyası Zaqafqaziya filialı Azərbaycan şöbəsinin rəhbəri tərəfindən təsdiqlənmişdir.
Məzmunu: C.Məmmədquluzadənin H.Məmmədquluzadə tərəfindən yazılmış 62 səhifəlik tərcümeyi-halının Ədəbiyyat şöbəsində saxlanıldığı bildirilir.
Ölçüsü: 14,5x21 sm; həcmi: 1 vərəq; fond 6, s.v. 399*.
Dostları ilə paylaş: |