9
-
Cavablandırılmamış qalan mühüm sual (məsələ) hansıdır?
Sualların qoyuluşunda müəyyən dəyişikliklərin edilməsi imkanları kifayət qədər genişdir,
məsələn, ən mühümün əvəzinə mövzuda hansı yeni ideya və fikirlərin açıqlandığı barədə sual
verilə bilər.
Tələbələr müəllimin əvvəlcədən hazırlayıb payladığı vərəqdə bu suallara qısa cavab
verirlər. Üsulun təyinatı ayrı-ayrı tələbələri yox, bütöv qrupun və ya qrup birləşmələrinin
qiymətləndirilməsi olduğuna görə, sorğu anonim aparılır. Mövzunun mürəkkəbliyindən asılı
olaraq yoxlamanın keçirilməsi üçün 5-7 dəqiqə ayrılır.
Nəzərə alaraq ki, semestrin əvvəlində tələbələrin fənnə dair bilikləri zəif olur, sualı
sadələşdirilmış formatda qoyaraq onlara öyrəndikləri konkret prinsip və ya konsepsiyaya dair
sual da vermək olar.
Bu və bir sıra başqa formativ qiymətləndirmə üsullarının maraqlı xüsusiyyəti ondan
ibarətdir ki, mütəmadi tətbiq olunduğu halda, onlar tələbələrdə özlərinin biliklərini
qiymətləndirmək bacarığını inkişaf etdirir.
Misal 1
“İkili yazılış” üsulun mahiyyətini öz sözlərinizlə izah edin və mühasibat uçotunda bu sistemdən istifadə
edilməsinin üstünlüyünü açıqlayın.
Misal 2
Nə üçün “şəxsi maraq” həm istehsalçılara, həm də istehlakçılara faydalanmaq imkanı verir?
Üsulun əsas üstünlüyü minimal səylə tədrisin gedişatı barədə semestr boyu əks
əlaqənin əldə edilməsidir. Üsuldan mütəmadi istifadə ediləndə tələbələrdə mühüm
informasiyanı ikinci dərəcəli informasiyadan və xırda detallardan ayırmaq, informasiyanı
süzgəcdən keçirmək, öyrətmə prosesində müəllimin və özlərinin diqqətindən yayınanları üzə
çıxarmaq bacarığı formalaşır. Cavablandırılmamış sualların qalmasının əsas səbəbi ondan
ibarətdir ki, bir çox hallarda ali məktəbdə dərs deyən müəllimlər, xüsusilə təcrübəsi zəngin
olmayanlar, hesab edirlər ki, onlar üçün adi olan baza biliklər tələbələr üçün də məlum bir
şeydir. Tələbələrin verdiyi cavablar müəllimə öyrənmə prosesinin nə dərəcədə məntiqi və
əhatəli olduğunu, öyrətdiklərini tələbələrin necə öyrəndiklərini qiymətləndirməyə imkan
verir. Üsuldan alınan əks əlaqə əsasında ehtiyac olduğu hallarda tədris prosesinə düzəlişlər
edilir, tələbələrə əlavə informasiya çatdırılır, qavramanı sadələşdirmək məqsədilə
informasiyanın formatı dəyişdirilir, tədrisin tempinə düzəlişlər edilir.
10
Qeyd etmək lazımdır ki, üsulun məqsədi analitik bacarıqları - ilk növbədə sistemli
yanaşmanı, “bütövlükdə meşəni və ayrı-ayrı ağacları” görmək qabiliyyətini, təhlil və sintez
bacarıqlarını inkişaf etdirmək; termin, faktlar, konsepsiya və nəzəriyyələri öyrətməkdir.
Üsuldan həm mühazirə, həm də, məşğələ və müzakirələrdə istifadə etmək olar. Tətbiqinə
müəllim və tələbə tərəfindən az vaxt və səy tələb olunduğuna görə üsul müxtəlif ölçülü qrup
və qrup birləşmələri üçün münasibdir. Nəticələr müəllimə tələbələrin fikirlərini, tələbələrə isə
qrup yoldaşlarına nisbətən öz mövqelərini müəyyən etməyə imkan verir.
“Ən çətin və ya aydın olmayan”
Üsulun mahiyyəti ondan ibarətdir ki, tələbələrə “Mühazirədə (mövzuda, müzakirədə,
ev tapşırığında və s.) onlar üçün ən çətin və ya aydın olmayan nə idi? ” tipli sual verilir və
onlar suala tezliklə qısa yazılı cavab verirlər.
Ən çətin və ya başa düşülməyən elementə dair sual müəllimə konkret bir mühazirə və
ya mövzuda tələbələr üçün çaşdırıcı və aydın olmayan hər hansı bir bilik elementi barədə
məlumatı əldə etməyə şərait yaradır. Yeni zamanda, üsul tələbələrə aydın olmayanları, çətin
qavrananları üzə çıxarmağa imkan verir. Əldə olunan məlumat əsasında müəllim öyrətmə
prosesinə gərək olan düzəlişləri edir, tədris vaxtı mövzular arasında, onların qavrama
baxımından nə dərəcədə mürəkkəb olduğundan asılı olaraq, yenidən və daha səmərəli
bölüşdürülür. Qeyd etmək lazımdır ki, üsul çox sadə görünsə də, onun reallaşdırılması
tələbələrdən yüksək səviyyəli analitik düşüncə tələb edir.
Üsul dinləmə, öyrənmə və dərk etmə bacarıqlarını, predmet sahəsinə dair baza
biliklərini inkişaf etdirir.
Üsul əsasən böyük ölçülü qrup və qrup birləşmələri və tədris zamanı tələbələrə böyük
həcmdə məlumat çatdırılan fənlər üçün münasibdir. Belə bir fənn kimi ilk növbədə
riyaziyyatı, təbiət elmlərini, iqtisadiyyatı, sosial və siyasi elmlərı və statistikanı qeyd etmək
olar. Yoxlama sualı tələbələrə dərsin sonunda verilməlidir. Üsulun şərtlərinə uyğun olaraq
tələbələr qısa cavab verdiklərinə görə, cavabların qiymətləndirilməsi və əldə olunan əks əlaqə
əsasında mövzunun tələbələr tərəfindən necə qavrandığı barədə nəticə çıxarmaq asandır.
Üsuldan istifadə etmək üçün müəllim ilk növbədə tapşırıqda əhatə edəcək mövzu və materialı
müəyyən etməlidir. Ayrılan vaxt mövzu və materialın həcminə və mürəkkəbliyinə mütənasib
olmalıdır.
Sorğu, bir qayda olaraq, anonim keçirilir və tələbələrə bu barədə əvvəlcədən məlumat
verilir. Tələbələrin nəzərinə çatdırılır ki, üsulun tətbiq olunmasının əsas məqsədi onlar üçün
ən çətin olanlarını üzə çıxarmaq və bunları bir daha izah etməkdir. Cavabların yoxlanılması
11
nəticəsində üzə çıxarılan çətin bilik elementləri növbəti dərsin əvvəlində bir daha şərh
olunmalıdır.
Üsulun əsas üstünlükləri onun sadəliyi, anonim olması, tədrisin gedişatının cari
mənzərəsini əldə etmək, mövzuya tələbənin gözü ilə baxmaq, sinifdə olan tələbələrin
qavrama bacarıqlarını fərqləndirmək və onların fənn materialına olan diqqətin artırmaq
imkanıdır.
Təcrübə göstərir ki, bir qayda olaraq, müəllimin fikrincə ən yaxşı izah olunmuş
materialı da başa düşməyən tələbələr olacaq, tələbə üçün başa düşülməyəni üzə çıxarmaq o
qədər də asan məsələ deyil və bu vərdiş tədricən inkişaf edir. Mütəmadi olaraq, belə sualın
cavablandırılması tələbələrdə müəllim üçün o qədər də rahat və asan olmayan sualların
verilməsi bacarığının inkişaf etdirilməsi ilə də nəticələnə bilər. Müəllim buna hazır olmalıdır.
Qabaqcadan formalaşmış yanlış fikirlərin yoxlanılması
Məlumdur ki, həyat boyu insanlarda gündəlik üzləşdiyi sahələr barədə (siyası
hadisələr, tarix, iqlim, iqtisadi problemlər və s.) bir sıra yanlış fikirlər və inanclar formalaşır.
Belə yanlış fikirlər, natamam bilik və inanclar öyrənmə prosesində ciddi çətinliklər yaradır.
Necə ki, insanlar mənfi xarakterli vərdişləri çətinliklə tərgidirlər, eynilə, yanlış məlumatı
olanı öyrətmək məlumatı olmayanı öyrətməkdən çətindir.
Yanlış fikirlərin yoxlanılması üsulu öyrənmə prosesinə maneə yarada biləcək əvvəlki
bilik və inancları açıqlayır və tədrisi bunları nəzərə almaqla qurmaq və tələbələrin biliklərini
tədricən transformasiya etmək imkanı verir. Üsul, ümumiyyətlə, tələbələrdə faktları və
subyektiv fikirləri fərqləndirmək bacarığını inkişaf etdirir, predmet sahəsinə dair konsepsiya
və nəzəriyyələrinin öyrənilməsi prosesini dəstəkləyir.
Qeyd etdiyimiz kimi, üsul daha çox sosial, humanitar və insanların davranışına dair
fənlərə uyğundur.
Üsuldan istifadə etmək fikrində olan müəllim müşahidələr və interaktiv ünsiyyət
vasitəsilə tələbələr arasında geniş yayılmış yanlış fikirləri aşkarlamalı və onlardan
başlamalıdır.
Fikirləri açıqlamaq üçün sorğu keçirilir. Sorğuda çoxseçimli və qısa cavab suallar
formatından istifadə oluna bilər. Tələbələrin yanlış fikirlərə inam dərəcəsini müəyyən etmək
üçün Likert şkalasından istifadə olunur. Bu şkalada cavablar tam inamdan tam inamsızlıq
dərəcəsinə qədər beş növə bölünür. Məsələn, “Tam əminəm ki, bu, düzdür”, “Kifayət
qədər əminəm ki, bu, düzdür”, “Bunun düz və ya səhv olduğu barədə heç bir fikrim
yoxdur”, “Kifayət qədər əminəm ki, bu, səhvdir”, “Tam əminəm ki, bu, səhvdir”.
Dostları ilə paylaş: |