200
İBRƏT Allah Rəsulu (salləllahu əleyhi və səlləm) Abdullah
ibn Cəhşin (radiyallahu ənh) Nəhlədə əsir edib gətirdiyi iki
müşriklə görüşüb onların müsəlman olması üçün xeyli
söhbət aparır. Bəzi səhabələr bu səylərin nəticəsiz olacağını
söyləyib əsirləri öldürməyi təklif edirlər. Lakin çox keçmir
ki, əsirlərdən Hakəm ibn Keysan şəhadət kəlməsini dilə
gətirərək müsəlman olur.
Rəsulullah (salləllahu əleyhi və səlləm) bu duruma çox
sevinərək əshabına buyurur: “Əgər bir az əvvəl sizə qulaq
asıb onu öldürmüş olsaydım, cəhənnəmə gedəcəkdi.”
HAŞİYƏ Hakəm ibn Keysan (radiyallahu ənh) İslamı
qəbul etdikdən sonra saleh bir mömin kimi yaşamış və Biri-
Maunə hadisəsində müşriklər tərəfindən şəhid edilmişdi.
Müşrikə dahi və ya möminə divanə demə
Nur əhli başqadı, od əhlinə pərvanə demə.
Həyat bir axtarışdı, haqq arasan, İslama uy
Dünya öz işindi, amma Dinə əfsanə demə.
Dünya bir qəm evidir, “Son qəmin olsun” deyirəm
Meyə qəmlər dağıdan, dünyaya meyxanə demə.
Nəfsini abad edib əvvəlinə, ey sevinən
Könlünü bərbad edib, axıra viranə demə.
Dini tərk eyləyənə hər nə desən yerindədi
Tərki-dünya olana sən, hətta, biganə demə.
Ey qul, cənnətdə deyərsən “bizim əyyamdı bu gün”
Dünya qulluq yeridir, “Bizimdir zəmanə” demə.
Pisliyə qarşı daha çox pislik zülm, yaxşılığa qarşı daha
çox yaxşılıq ədəbdir. Sənə ziyanı keçməyən birinə zərər və
ya sənə xeyiri dəyməyən birinə xeyir vermək də o cürdür.
201
HƏDİS Səhabələrdən biri: “Ya Rəsulallah! Rastlaşdığım
zaman məni qonaq edib ikramda bulunmayan bir kimsə,
mənə rast gəldiyi zaman mən də ona qarşı eynilə davrana
bilərəmmi?” deyə soruşdu.
Rəsulullah (salləllahu əleyhi və səlləm): “Xeyr! Sən ona ik-
ramda bulun” buyurdu.
Bir insana edilən yaxşılıq və ya yamanlığın ən böyüyü
onun dünyasına deyil, Din və axirətinə yönələndir. Əgər
bir kimsə bunu belə anlamırsa, yəni başqasının yaxşılığın-
dan yalnız dünyası üçün faydalanırsa, itkisi qazancından
çoxdur. Lakin yaxşılıq edən, məsələn, zalimi cəzalandıra
biləcəyi halda bağışlayan tərəf qarşı tərəfin davranışına uy-
mamalı, öz niyyətini Allah üçün etməlidir. Bu zaman ba-
ğışlayan bağışlananın itirdiyi qədər qazanmış olur. Bunu
isə həqiqi elm və ədəb əhli anlar.
İBRƏT Rəvayət edirlər ki, məşhur Azərbaycan ali-
mi Xacə Nəsirəddin Tusi (rahmətullahi əleyhi) “Əhli-beyt”
haqqında bir kitab yazır və Bağdada gələrək onu xəlifəyə
təqdim edir. Xəlifə bu zaman öz vəziri ibn Hacib ilə çay
gəzintisinə çıxıbmış. Kitabı baxmaq üçün ona verir. Vəzir
kitabı bəyənməyib Dəclə çayına atır və Tusidən haralı oldu-
ğunu soruşur. Tusdan gəldiyini eşidəndə istehza ilə deyir:
“Tusun öküzlərindənsən ya eşşəklərindən?”
Tusi: “Tusun öküzlərindən” deyə cavab verəndə vəzir:
“Bəs buynuzların haradadır?” deyə soruşur.
Tusi: “Tusda qoymuşam, gedib gətirərəm” deyir.
Aradan illər ötür. Monqol ordusu Bağdadı işğal, xəlifəni
isə edam edir. Nəsirəddin Tusi Monqol hökmdarı Hula-
ku xanın istəyi ilə onun yaxın çevrəsində yer alır. İbn Ha-
cib bunu bilib gizlənir. Lakin onu tapıb Tusinin yanına
gətirirlər. Tusi vəzirə deyir: “Buynuzumu gətirmişəm.”
Xacənin yaxın adamları İbn Hacibə kitabın aqibətini ya-
şatmağı, yəni onu Dəclə çayına atmağı məsləhət görürlər.
Lakin Tusi razı olmur və ibn Hacibə ehtiram göstərib onu
əzizləyir.
202
Vaxtilə Xacə Nəsirəddin Tusini sevməyən, hər məclisdə
onu aşağılamağa çalışan şəxslərdən biri də tanınmış ast-
ronom və filosof Hacib Nəhv idi. O da Bağdadın işğalın-
dan sonra Nəsirəddin Tusinin intiqamından qorxaraq qa-
çıb gizlənir. Paytaxtda vəziyyət sabitləşəndən sonra Tusi
Hacib Nəhvin yerini müəyyənləşdirir, özü onun yanına
gedərək səmimi iltifatlarda bulunur, müsəlmanların rifahı
üçün birgə fəaliyyətə çağırır, böyük hörmətlə onu Hulaku
xana təqdim edir.
Olmasa Rəbbimizə vəslə qədər xidmətimiz
Əbədi ayrılıqdır haqq və halal qismətimiz?
Təkcə zəhmətlə, könül, qovuşmaz öz Rəbbinə qul
Nəfsi şeytandan ayır, zay olmasın zəhmətimiz.
Kamil əxlaq deyilən, Muhəmmədin əxlaqıdır
Ona uyduqca kamal üzrə olur ümmətimiz.
Hər könül bir kainat, nəzərgahi-ilahidir
O nəzər olmasa, yox zərrə qədər qiymətimiz.
Elə oddur ki, qəzəb, qəlbə ondan düşməz işıq
Atəş artdıqca azalmaz ki, artar zülmətimiz.
Qula təqva zirehi, tövbə tülü qalxan olur
Yoxsa getmişdi tamam əldən abır-ismətimiz.
Alaha xatir olan hər şey nə qədər gözəl buluna bilirsə,
Allaha xatir olmayan hər şey də bir o qədər çirkin hal ala
bilir. Bu durum Allah üçün intiqamla nəfs üçün intiqamın
müqayisəsində daha qabarıq görünür. Bunun nümunələri
Hz.Peyğəmbərin (salləllahu əleyhi və səlləm) sağlığında şirk
ordusu ilə iman ordusu arasında baş verən müharibələrdə
kifayət qədərdir. Onlardan bir neçəsini misal göstərək:
203
İBRƏT Bədr savaşı ərəfəsində şirk ordusunun başçısı
Əbu Cəhl İslam ordusuyla döyüşü gerçəkləşdirmək və qı-
zışdırmaq üçün, qardaşı müsəlmanlar tərəfindən Nəhlədə
öldürülmüş Amir ibn Hadramini təhrik edir, o da yaxası-
nı yırtıb başına-gözünə vurmağa başlayır və “Vay yazıq
qardaşımın halına” deyə-deyə, hətta, qohum-əqrəbaları ilə
savaşa tərəddüd edən bəzi müşriklərdə də intiqam hissi-
ni coşdurur. Halbuki Məkkənin fəthi zamanı Rəsulullah
(salləllahu əleyhi və səlləm) İslam ordusunun bayraqdarların-
dan biri olan Səd ibn Ubadəni (radiyallahu ənh) komandan-
lıqdan çıxarıb yerinə onun oğlu Qeys ibn Sədi (radiyallahu
ənh) təyin edir. Çünki Səd ibn Ubadə fəthdən əvvəl: “Bu
gün qisas günüdür! Bu gün müqəddəs Hərəmdə savaş ha-
lal olacaq və Qureyş zəlil düşəcəkdir” söyləyərək sülhü de-
yil, müharibəni təbliğ etmişdi.
Rəci hadisəsində əsir götürülən Hubeyb ibn Ədiyy
həzrətlərini (radiyallahu ənh) Qureyş dar ağacından asır və
Bədir savaşında öldürülmüş müşriklərin uşaqlarının əlinə
mizraq verərək intiqam adıyla onun mübarək bədənini
dəlik-deşik etdirirlər. Halbuki Rəsulullah (salləllahu əleyhi
və səlləm) Bədrdə əsir edilən müşrikləri öldürməmiş, hətta
savadlılarından fidyə də almayıb əvəzində müsəlman
uşaqlarına yazıb-oxumaq öyrətməyi şərt qoşmuşdu.
Bədr məğlubiyyətindən sonra Əbu Süfyan Əbu Cəhlin
yerinə başçı seçilir və Bədrdə öldürülən qohumlarının inti-
qamını alana qədər yuyunmayacağına və xanımı ilə yaxın-
lıq etməyəcəyinə and içir. Arvadı Hind isə ərindən də irəli
gedərək atasını cəhənnəmə yuvarlamış Hz.Həmzənin (ra-
diyalahu ənh) ciyərini çıxartdırıb yeyəcəyini əhd edir. Uhud
savaşında Hind əhdini gerçəkləşdirir, üstəlik Hz.Həmzənin
qulaqlarını, burnunu ipə keçirib boynuna taxır. Halbu-
ki Məkkənin fəthindən sonra Hz.Peyğəmbərin (salləllahu
əleyhi və səlləm) xanımı Hz.Meymunə (radiyallahu ənhə): “Ya
Rəsulallah! Əgər Allah sənə Məkkənin fəthini nəsib etsə,
Beytul-Məqdisdə (Qüdsdə) namaz qılmağı nəzir demişəm”
söyləyərək getməyə izn istəyir. Rəsulullah (salləllahu əleyhi
Dostları ilə paylaş: |