246
İslamdan qeyri Din yox, Muhəmməddən sonra nəbi
Anlayan tayfaya bu, kafi gələn təşviqatdır.
Hər şeyin haqqı bu dünyada gərək tam verilə
Haqq ölüm bir şəhadət, haqq həyat bir qəzavatdır.
Rəbbimə həmdü-səna, rəsuluna salam olsun
Bizdən eylərsə qəbul, bu nə gözəl bir sovqatdır.
Səhlənkarlıq xəstəliyi bəzi digər mənəvi mərəzlərlə sıx
bağlı olur ki, onların da başında yalançılıq gəlir. Səhlənkar
insan başqalarını aldatmağa çox meyillidir, sözündə və
əməlində bütöv deyil. Məsələn, aylarla uzadacağı bir işi bir
həftədə yerinə yetirəcəyinə asanlıqla söz verə bilər. Özünü
peşəkar kimi təqdim etməyi xoşlasa da gördüyü iş, demək
olar ki, həmişə ala-yarımçıq, nöqsanlı olar. Zatən sözü bü-
töv olmayanın əməlinin tam olacağı düşünülməz. Beləsi
ibadət əhlidirsə, ibadəti də işinə oxşayar. Dini dünyasından
çox fərqlənməz.
HƏDİS Rəsulullah (salləllahu əleyhi və səlləm) buyurdu:
“İnsanların ən oğrusu namazından oğurlayandır.”
Soruşdular: “Namazından necə oğurlayar, ya Rəsulal lah?”
Buyurdu ki: “Rüku və səcdəsini başa çatdırmaz, qiraətini
tam oxumaz.”
Kim girib Din içinə qarət etsə, doğru olur
Amma dünyası üçün qeyrət etsə, oğru olur.
Din və dünyanı calaq eyləyənin cırdır barı
Şeytanın qurduğu bir hiylə olur, qurğu olur.
Elm azdırsa cavab suallardan çox olacaq
Elm artdıqca cavabdan daha çox sorğu olur.
247
Cəhalət cavanlığın, cəsarətin cəmi imiş
Yol azaldıqca artan, qocalıq və qorxu olur.
Ey qələm, hər sətirin üstündə sən əs demirəm
Deyirəm hər hərifin üzərində vurğu olur.
Dünya işində ciddi davranmayanlar Din məsələlərində
də qeyri-ciddi rəftar etdikləri kimi, cahil vaxtı məsuliyyətli
olanlar İslamda da məsuliyyətsiz olmurlar. Yetər ki, Din-
imandan nəsibi olsun. Hədisdə buyuruldu:
“Cahiliyyədə xeyirli olanlar, Dini yaxşıca öyrəndik-
lərində, İslamda da xeyirli olurlar.”
İBRƏT Abdulvahid ibn Zeyddən rəvayət edilmişdir:
“Bir gəmiyə mindik, ruzgar bizi bir adaya atdı. Orada bütə
sitayiş edən birini gördük... Ona Qurandan bir surə oxu-
duq. Biz oxuduqca o ağladı, nəhayət surəni bitirdik.
“Bu kəlamın Sahibinə üsyan edilməz” dedi. Sonra mü-
səl man oldu. Biz də onu gəmiyə götürdük. Ona İslam
şəriətini və Qurandan surələr öyrətdik. Gecə işa namazını
qılıb yataqlarımıza çəkilincə bizdən soruşdu:
“Mənə tanıtdığınız bu Allah gecə olduğu zaman uyu-
yurmu?”
Biz də: “Xeyr, ey Allahın qulu, O ayaqdadır, uyumaz”
dedik.
O da: “Sizlər nə pis qullarsınız, siz uyuyursunuz, Mövla-
nız isə uyumur” deyərək bizi şaşırtdı.
Abadan şəhərinə çatınca, ona yeni müsəlman olma-
sından dolayı yardımda bulunmaq istəyib pul topladıq.
Təqdim edəndə: “La ilahə illallah, mənə göstərdiyiniz yolu
özünüz getmirsiniz. Mən bir adada idim, bütə tapınırdım.
Yenə də O məni ac buraxmadı. İndi onu tanıdığım halda
məni acmı buraxacaq” dedi.
Aradan bir müddət keçdi. Onun ölmək üzrə olduğunu
eşidib yanına getdim. “Bir ehtiyacın varmı?” deyə soruş-
248
dum. “Sizi adaya gətirən bütün ehtiyaclarımı ödədi” deyə
cavab verdi.
Onun yanındaykən məni yuxu basdı. Röyada Abadan
məzarlığını bir bağça olaraq gördüm, içində bir türbə var-
dı. Türbənin içində bir cariyə otururdu ki, ondan gözəlini
görmədim. “Allah üçün onu mənə tez gətirin, artıq dayana
bilmirəm” dedi. Oyandım, baxdım ki, xəstə ruhunu tapşı-
rıb. Onu yudum, kəfənləyib dəfn etdim.
Gecə olunca uyudum, onu türbənin içində cariyə ilə
bərabər gördüm. “Mələklər hər qapıdan yanlarına girərlər:
“Səbir etdiyinizə görə salam olsun sizə! Axirət yurdunuz
nə gözəldir” (ər-Rəd, 23-24) ayələrini oxuyurdu.”
* * *
Bəyazid Bistami dövründə bir sufi bir kafirə: “Müsəlman
ol ki, cəhənnəm əzabından qurtulasan” deyir.
Kafir bu cavabda bulunur: “Yaxşı deyirsən, amma
Bəyazid kimi müsəlman olmaq əlimdən gəlməz, doğrusu,
sənin kimi müsəlman da olmaq istəmirəm. Sizin imanınıza
baxanda adamın imana qarşı sevgisi azalır.”
* * *
Ustad Nəcib Fazil bir dəfə Abidin Dinodan soruşur:
“Nəyə görə Allaha inanmırsan?”
Abidin Dino deyir: “Qorxuram, bir kərə inansam, bir
daha başımı səcdədən qaldıra bilməyim.”
Kişi uymaz bəzəyə, zinət qadın əşyasıdır
Kişiyə ilk yaraşıq Rəbbi üçün əhyasıdır.
Zatən Adəm qızı da fitri boya ilə gözəl
Gəlinə hüsnü verən hənası yox, həyasıdır.
Yox elə bir qərib ki, yurd həsrəti yaşamasın
Sadəcə, az adama Vətən digər dünyasıdır.
249
Fani dünyanı qula xalis iman dar eləyər
Baqi dünyada sıxan, amma, onun riyasıdır.
Yam-yaşıl bir çəmənə bənzəməsi var cahanın
Halbuki qığılcıma bənd quru ot tayasıdır.
Mövzunun sonu olaraq onu da qeyd edək ki, səhlənkarlıq
şüurlu hərəkətdir. Yəni adam ciddi bir işə qeyri-ciddi yana-
şırsa, xətasının fərqindədir. Əgər xəta qeyri-şüuri, ixtiyar-
sız olaraq baş verirsə, səhlənkarlıq sayılmaz. Olsa-olsa bu,
bir ehtiyatsızlıqdır.
HƏDİS Bir səfər zamanı səhabələr bütün gecəni yol
getdiklərindən dincəlməyi təklif edirlər. Rəsulullah
(salləllahu əleyhi və səlləm): “Yatıb namazı qaçırmağınızdan
ehtiyat edirəm” buyurur. Hz.Bilal (radiyallahu ənh): “Mən
sizi oyadaram” deyərək növbətçiliyi öz öhdəsinə götürür.
Bundan sonra fasiləyə qərar verilir.
Lakin sübhə yaxın Hz.Bilalı da yuxu aparır. Rəsulullah
(salləllahu əleyhi və səlləm) oyananda günəşin doğduğunu
görür. Hz.Bilalı oyadaraq azan verdirir. Əshabına sübh na-
mazının qəzasını qıldırır və birlikdə səfərə davam edirlər.
Yolda səhabələr öz aralarında: “Namazımızda səhlənkarlıq
etdik” deyərək üzüntülərini biruzə verirlər. Rəsulullah
(salləllahu əleyhi və səlləm) bunun fərqinə vararaq buyurur:
“Yuxuda olarkən baş verən, səhlənkarlıq sayılmaz.
Səhlənkarlıq oyaq olanda olur. Hansınız qəflətə düşüb bir
namazı qaçırarsa, xatırlayan kimi qılsın.”
Düşünmək üçün suallar
1. Sözdə və işdə məsuliyyətsizliyin məsuliyyətini, yəni
sorğu-suala məruz qalacağınızı anlayır və ya düşünürsü-
nüzmü?
2. Hansına daha həssassınız: hüquqlarınıza, yoxsa və-
zi fələrinizə?
Dostları ilə paylaş: |