223
məzhəkə oyunçusu kimi çox ustalıqla anladırdı. “Hamm!” - deyərək, dişlərini qovurmalı çörəyə keçirdi,
amma iyrənc bir şəkildə sifətini qırışdırdı, sanki meyit əti yeyirdi. Onların içində ən mənfur olanlar isə, -
deyə Salvator davam etdi, - müqəddəs torpağı qazıb, çıxardıqları qida ilə kifayətlonməyənlər idi. Onlar
qəddar quldurlar kimi meşələrdə pusqu qurub yolçulara basqın edirdilər”. “Kırrt!” - deyə Salvator bıçağı
boğazına yaxınlaşdırdı, sonra da “Hamm!” dedi. Lakin mənfurların içində ən mənfurlarsa uşaqlara
yaxınlaşıb bir yumurta, ya da alma ilə onların başını tovlayır, sonra da zərif ətlərini dişlərinə çəkib
yeyirdilər. “Amma əvvəlcə qaynadırdılar”, - deyə Salvator ciddi-ciddi dedi. Kəndə gəlib, ucuz qiymətə
qaynadılmış ət satan bir adamdan söhbət etdi; amma camaat bu xoşbəxtliyə inanmaq istəmirdi; sonra keşiş
bunun insan əti olduğunu söyləmiş və qəzəbdən vəhşiləşmiş kütlə bu adamı parça-parça etmişdi. Lakin
elə həmin gecə kəndlilərdən biri gedib məqtulun qəbrini qazmış və bu yamyamı yemişdi. Kənd camaatı
bunu öyrənincə, onu da öldürmüşdü.
Salvator yalnız bu vaqeəni danışmadı. Qırıq-qırıq sözlərlə məni italyan dili və əyalət ləhcələrindən az
da olsa bildiklərimi xatırlamağa məcbur edərək doğma kəndindən qaçıb, dünyanın dörd bir tərəfində
sərsərilər kimi dolaşmasından bəhs etdi. Onun hekayəsi daha əvvəl yol boyunca eşitdiyim bir çox
əhvalatlara bənzəyirdi. Sonralar da belə hadisələr haqqında çox eşitdim. Buna görə də indi, geridə qalmış
illərin ardından baxarkən Salvatordan həm əvvəl, həm də sonra yaşamış başqa insanların macəralarını və
törətdikləri cinayətləri onun adına yazmadığımdan əmin deyiləm. İndi mənim tutqun xatirəmdə qalan
bütün hadisələr vahid bir hekayədə birləşmişdir. Doğrudan da, buna səbəb, dağ anlayışını qızıl anlayışı ilə
birləşdirib, qızıl dağ məfhumu yaradan təxəyyülün gücüdür.
Yol boyunca “avam insanlar” sözünü Vilhelmdən tez-tez eşitmişdim; bəzi rahiblər yalnız xalqı deyil,
biliksiz insanları da belə adlandırırlar. Bu, həmişə mənə geniş əhatəli bir anlayış kimi görünmüşdür, çünki
italyan şəhərlərində biliklərini xalq dili ilə izhar etsələr də, kilsə mənsubları olmayan, amma savadsız da
olmayan tacir və sənətkarlarla rastlaşdım. Eyni zamanda, yarımadanı idarə edən zorakı tiranların bir çoxu
ilahiyyatı, təbabəti, məntiqi və latıncanı bilmirdilər, amma avam və maymaq da deyildilər. Buna görə də
ustadım avam insanlardan söz edəndə, bu məfhumu ifrat dərəcədə sadələşdirdiyinə inanıram. Bununla
belə, Salvatorun avam olduğuna şübhə yox idi. Yüz illər boyunca aclığa və ağaların istibdadına boyun
əymiş bir bölgədən çıxmışdı. O avam idi, amma axmaq deyildi. Başqa bir dünyanın mövcudluğunu
təsəvvür edə bilirdi. Evdən qaçdığında bu dünya ona gövdəsindən bal süzülən ağaclarda yumru pendirlər
və xoş ətirli kükülərin yetişdiyi sehrli Kukanlar
113
ölkəsi kimi görünürdü.
Öz ümidlərinin dalınca qaçan Salvator bütün dünyanın
məşəqqətlərlə dolu olduğunu, hətta mənə
öyrədildiyi kimi haqsızlığın da xüsusi niyyətlə: ilkin başlanğıcların tarazlığını qorumaq üçün Tanrı
tərəfindən göndərildiyini qəbul etməyərək, doğma Monferratodan Liguriyaya, sonra yuxarıya, Provansdan
keçib, Fransa kralının torpaqlarınadək çoxlu ölkələrdə gəzib-dolaşmışdı.
113
Kukan (fr. Kokan) - orta əsrlər əfsanəsinə görə axmaqlar və tənbəllərin yaşadığı nağıllar ölkəsi
224
Salvator dilənərək, oğurlayaraq, özünü şikəst kimi apararaq dünyanı dolaşmış, müxtəlif ağaların
yanında nökərçilik etmiş, sonra yenə qaçıb meşələrə çəkilmiş, ya da sonu görünməyən yollara rəvan
olmuşdu. Onun yaddaşı sonrakı illərdə Avropada getdikcə çoxaldığını gördüyüm sərsəri qaragüruhla dolu
idi. Saxta rahiblər, cüvəllağılar, fırıldaqçılar, əliəyrilər, yoxsullar və dilənçilər, cüzamlılar və şikəstlər,
qəriblər, didərginlər, tüfeylilər, səyyahlar, ozanlar, kimsəsiz keşişlər, avara tələbələr, haramzadalar,
soyğunçular, qulluqdan çıxmış muzdlu əsgərlər, kafirlərin əlindən zorla qaçmış qəlbi-qırıq yəhudilər,
dəlilər, qanundan qaçan canilər, qulağı-kəsik dustaqlar, xonsalar və onlara qarışmış köçəri sənətkarlar:
culfalar, misgərlər, dülgərlər, oy-
225
maçılar, toxucular, bənnalar; onların ardınca hər cür hiyləgərlər: gopçular, kələkbazlar, cibgirlər, oğrular,
yolkəsənlər, səfillər, xainlər, qumarbazlar, fitnəkarlar, şarlatanlar, məhbuslar, ovçular, kilsələri çapıb-
talayan keşişlər və hesabdarlar və hər cür müftəxor yaramazlar: saxta bullalar və papalıq möhürü düzəl-
dənlər, saxta əfv fərmanları ilə alver edənlər, kilsə qapılarında yatan yalançı ifliclər, monastırlardan
qovulmuş rahiblər, kilsələrdəki müqəddəs təbərrükləri satanlar, saxta tövbəkarlar, kahinlər, falçılar,
rəmmallar, cadugərlər, şəfadarlar, loğmanlar, ara həkimləri, ovsunçular, tilsimçilər, əllərində kilsə parçı
tutaraq sədəqə yığan saxta dilənçilər, hər cür zinakarlar: yalanla, yaxud zorla rahibələrin və namuslu
qızların bəkarətini pozanlar; qıcolmadan, babasildən, xoralardan, oynaq xəstəliyindən, su yığılmadan,
irinli süzənəkdən əzab çəkənlər, ya da əzab çəkirmiş kimi görünən saxtakarlar. Onların arasında
övliyalann sədəqə vermək çağırışına cani-könüldən əməl edən xeyirxah kəndlilərdən sədəqə, yaxud
yemək qoparmaq üçün bədənlərində irinli çibanlar varmış kimi dolaq sarıyanlar, qan qusmaq üçün
ağızlarını tünd-qırmızı rəngli maye ilə dolduranlar, şikəst görünmək üçün qoltuqağacından yumaq kimi
asılanlar və istəklərindən asılı olaraq özlərini hər cür mərəzə - üzgünlüyə, qotura, qıcolmaya, keçəlliyə,
köklüyə - düçar olduqlarını göstərməyi bacaranlar da vardı. Onlar sarğılara bürünərək, bədənlərinə zəfəran
boyası çəkərək, əllərində əsa, başlarında dolaq üfunət iyi verərək sürünə- sürünə kilsələrə girir və
meydanların ortasında iztirab içində yerə yıxılır, köpük qusur, gözləri hədəqəsindən çıxır, burunlarından
tut və böyürtkən şirəsindən hazırlanmış qanlar fışqırır və əllərini açaraq sədəqə umurdular: çörəyinizi
açlarla bölüşün, evsizləri evinizə aparın; Məsihə yaxınlaşırıq, Məsihi geyindiririk, Məsihə sığınacaq
veririk; zira su alovu söndürdüyü kimi, sədəqə də günahlarımızı təmizləyir.
Danışdığım hadisələrdən on illər sonra, Dunay çayı boyunca uzanan hamar yollarda əcinnəyə oxşayan
bu yaramazlardan çox gördüm; şeytanlar kimi alaylara bölünmüş və hər birinin öz adı olan bu fitnəkarları
indi də görürəm: dayçalar, bələdçilər, baş təbiblər, möhtərəm dilənçilər, səbatsızlar, aclar, paxıllar, sakitcə
vird oxuyanlar, fəndgirlər, təbərrük satanlar, dilxorlar, qoltuqağaclılar, dələduzlar, küfrbazlar, cındır və
yırtıq, çılpaq və yalın ilahi ruhla yaşayanlar, Lazarı mədh edənlər, pozğunlar, darıxanlar, yol üstündə
duranlar, dəstəçilər, hamaşlar...
Onlar Avropanın minlərlə yolları və cığırları boyunca iyrənc çirk kimi axıb gedirdilər və zaman-zaman
aralarından gah möminlərə səslənən vaizlər, gah zəifləri tora salan bidətçilər, gah da asayişi pozanlar
çıxırdı. Buna görə də təsadüfi deyil ki, əvvəllər müqəddəs Yoxsulluğa pərəstiş edən avam insanların itti-
faqından çəkinməyən papa İohann dilənçi vaizlərə amansızcasına hücum etdi. Çünki bunlar üzərinə
rəngbərəng rəsmlər çəkilmiş bayraqlar gəzdirərək və ucadan nitqlər söyləyərək zəifləri yoldan çıxarıb öz
tərəflərinə çəkir və zorla pul toplayırdılar. Yoxsulluğa pərəstiş edən dilənçi rahibləri vəhşi qaniçənlər və
oğrular dəstəsi ilə bərabər tutan papa, mənə təlqin edildiyi kimi, doğrudanmı müqəddəs dəyərləri satan
günahkar və əclaf idi? O uzaq illərdə italyan yarımadasını çox gəzib-dolaşmış olsam da, bu suala nə hə,
nə də yox deyə bilirdim; eşitmişdim ki, Altopaşyolu rahiblər kimilərini qovmaqla hədələyir, kimilərinə də
əfv fərmanı satırdılar; verilən pul müqabilində adam öldürən, qardaş qanı tökən və müqəddəsləri təhqir