ABŞ-da gender m
əsələləri
249
meksikalı, kubalı, puerto rikalı, dominikanlılara qarşı olan diskri-
minativ siyasət) görə inteqrasiyaya çətin getdikləri üçün mövcud
situasiya özü bu cəmiyyəti multikulturalizmə gətirib çıxardı.
1960-cı illərdə (əhalinin əsas hissəsi iki əsr əvvəl
Afrikadan
gətirilən qullardan ibarət idi) ABŞ-ın cənub ştatlarında yaşayan
qaradərililərə qarşı tam diskriminasiya mövcud idi. Belə ki, on-
lar ağdərililərin yaşamadığı kvartallarda yaşayırdılar, onların öv-
ladları ağdərili vətəndaşların övladları ilə birlikdə təhsil ala bil-
mirdilər, hətta onların istifadə etdikləri nəqliyyat da ağdərililərlə
eyni deyildi, ayrı idi. Onlar ağdərililərin yemək yedikləri resto-
ranlara daxil ola bilməzdilər. Bütün bu amillər Amerikada mul-
tikulturalizmə gətirib çıxaran səbəblər idi. Vətəndaş hərəkatının
qələbəsi nəticəsində, yuxarıdakı xalqlar da ağdərili amerikalılar-
la eyni hüquqlar əldə etdilər və onlar da Amerika mədəniyyətinə
öz töhfələrini verdilər. Ona görə də K.Yunq amerikalı vətəndaşı
belə xarakterizə edir: “
Amerikalı, qəlbi hindu və manerası afrika-
lı olan avropalıdır. Bu Amerika cəmiyyətinin nüvə və fundamenti
ağdərili anqlo-sakson və protestantdır. Amerika mədəniyyəti elə
dominant anqlo-sakson mədəniyyətindən başlamışdır.”
Multikulturalizmin yaranmasının digər mühüm səbəbi isə
neoliberalizmlə əlaqəlidir ki, bu da Amerikada bir çox sosial
qrupların təbəqələşməsinə gətirib çıxarmışdı. Bunun nəticəsin-
də, təbəqələrin identikliyi və multikultural meyilləri güclənmiş-
di. Özünüidentifikasiya və özünüdərk məsələləri fərdiyyətçiliyin
artmasına öz təsirini göstərmişdi. O ki, qaldı feminizm hərəkatı-
nın güclənməsinə, bu ondan irəli gəlirdi ki, müharibədən sonrakı
dövrdə qadınların böyük hissəsi ali təhsil almışdı və onlar iqtisadi
müstəqilliyə nail olmuşdu.
ABŞ-da miqrant qadınlar və mövcud problemlər. Miqra-
siyanın miqrant qadınların həyatında neqativ təsiri olduğu kimi,
pozitiv məqamları da çoxdur. Bütün çətinlik və məhrumiyyətlərə
baxmayaraq, miqrasiya qadınlar üçün yeni-yeni imkanlar açır,
Ki̇fayət Ağayeva
250
onların müstəqilliyinə təkan verir və onların həm ailədaxili, həm
də ailədən kənar statusunu yüksəldir. Dünyanın bir çox ölkələri-
ni ağuşuna alan iqtisadi böhranı nəzərə alsaq, yoxsul ölkələrdən
inkişaf etmiş ölkələrə üz tutan miqrant qadınların ailələri üçün
etdikləri fədakarlığın nə demək olduğunu anlamaq çətin olmaz.
Bu baxımdan miqrasiya üçün ən uğurlu ölkələrdən hesab olunan
ABŞ da qadınların işləmək üçün üstünlük verdiyi yerlərdəndir.
Bu gün ABŞ-da təxminən 21 milyon miqrant qadın yaşayır
və bu da ABŞ-da yaşayan qadın əhalinin 13 %-idir. Dünyanın hər
yerindən Amerikaya gələn miqrant qadınlar vardır, lakin
bu siya-
hıda ən çox Meksika (25.6 %), Fillipin (5.3 %), Çin (4.7 %) və
Hindistandan (4.6 %) gələn qadınlar üstünlük təşkil edir. Ameri-
kaya daimi yaşamaq üçün müxtəlif səbəblərlə gələn miqrant qa-
dınların sayı durmadan artır. Amerikaya üz tutan qadınların ara-
sında tələbələr, müxtəlif sahələrin mütəxəssisləri və başqa peşə
sahibləri də çoxdur (UN Population Division, New York, 2013).
Miqrant qadınların arasında Amerikaya ailə qurub yaşamaq
məqsədilə üz tutanlara da rast gəlmək olur. Bu məqsədlə Ame-
rikaya gələn qadınların əksəriyyəti eksplisit və ya implisit gen-
der diskriminasiyasına məruz qalırlar. Ta qədimdən miqrasiya ilə
bağlı qanunlarda miqrant qadınlara qarşı diskriminativ element-
lər mövcud idi və miqrasiya ilə əlaqəli yeni qəbul olunan qanun,
təklif edilən qətnamələr də qadın miqrasiyasının şərtlərini çətin-
ləşdirir. ABŞ sərhədləri daxilində qanuni bir şəkildə çalışmaq, öz
ölkələrində məruz qaldığı şiddət və istismardan xilas olmaq və
Amerika kimi demokratik bir dövlət tərəfindən qanuni şəkildə
dəstəklənmək istəyi onları bu ölkəyə üz tutmağa həvəsləndirir.
Həm Konqres, həm də Amerika ictimaiyyəti pozulmuş miq-
rasiya sistemini yenidən sahmana salmaq, Miqrasiya və Milliyyət
Aktına düzəlişlər etmək, növbəti mərhələlərdə düzəlişlərdə gen-
der bərabərliyini saxlamaq istəyir və bundan ötrü ictimai çağırış
edirlər. Bu düzəlişi etməklə, digər bir nəsil üçün problem yarat-
maq istəməsələr də, buna tam nail ola bilmirlər. Qanunvericilik-