33
onun ilin fəsillərindən asılı olmamasıdır. Lakin dəmiryoluyla daşınmanın mənfi
cəhətləri də var. Belə ki, dəmiryolunun tikintisi böyük investisiya qoyuluşu tələb
edir, istismar xərcləri çox olur, xidmət və təmir işlərinə çoxlu vaxt və vəsait sərf
edilir.
Azərbaycan və Türkiyə arasında qarşılıqlı iqtisadi münasibətlərin
genişləndirilməsi nəqliyyat əlaqələrinin inkişafından xeyli dərəcədə asılıdır. Hal-
hazırda iki ölkə arasında mövcud olan hava və avtomobil nəqliyyatı əlaqələri
bahalılıq səbəbindən hər iki tərəfin potensial imkanlarından istifadə edilməsində
müəyyən mənada əngəl kimi dəyərləndirilə bilər. Bakı-Tbilisi-Qars (BTQ)
dəmiryolu xətti layihəsinin gerçəkləşdirilməsi bu istiqamətdə çox mühüm
addımdır.
Şəkil 3. Bakı – Tbilisi – Qars dəmiryol xətti
BTQ 3 dövlətin – Gürcüstan, Türkiyə və Azərbaycanın ortaq layihəsidir və
onlar arasında imzalanmış dövlətlərarası saziş əsasında inşa edilir. BTQ yalnız üç
ölkə arasında iqtisadi və ticari sahədə əməkdaşlıq münasibətlərini möhkəmləndirən
bir layihə deyil, həm də onları Asiya ilə Avropa arasında körpüdür. 2007-ci ildə
Gürcüstanın Marabda kəndində təməli qoyulan Bakı-Tbilisi-Qars dəmiryolu
xəttinin inşası strateji əhəmiyyət kəsb edir. Bu dəmiryolu xətti vasitəsi ilə
Azərbaycan beynəlхalq nəqliyyat dəhlizlərinə və Türkiyəyə birbaşa gediş əldə edir.
34
Dəmiryolu ilə bir günə Qarsa və iki gün yarıma isə İstanbula getmək mümkün
olacaq. Bəzi mütəxəssislərin fikrinə görə, BTQ dəmiryolu Bakı-Tbilisi-Ceyhan
boru xəttindən sonra Azərbaycan iqtisadiyyatını daha da inkişaf etdirəcək ikinci
layihədir.
BTQ layihəsinin ilkin mərhələrində, hələ reallaşdırılmağa başlamamışdan
qabaq Azərbaycanın da planlaşdırdığı kimi, artıq layihəyə Mərkəzi Asiya və Uzaq
Şərq ölkələri də böyük maraq göstərməyə başlayıblar. Qazaxıstanın Aktau və
Türkmənistanın Türkmənbaşı limanlarının da gələcəkdə bu layihəyə qoşulması ilə
Mərkəzi Asiya-Avropa dəmir yolu bağlantısı yaranacaq. BTQ dəmir yolu xətti
Mərkəzi Asiyanın Xəzər üzərindən Türkiyəyə bağlanmasını, Avropa-Mərkəzi
Asiya arasında daha qısa, daha təhlükəsiz və ətraf mühitə daha həssas bir yol
üzərindən daşımaları təmin etmiş olacaq. Eyni zamanda, mövcud Şərq-Qərb
marşrutlarına alternativ yeni bir xətt formalaşacaq. Türkmənistan, Qazaxıstan,
Özbəkistanı və Əfqanıstanın ardınca dəmir yolu ilə yüklərinin daşınmasında
Tacikistan da maraqlı olduğunu açıqlayıb. Tacikistan bu gün Azərbaycan
ərazisindən il ərzində 1 milyon ton yük daşıyır. Bu, ilk növbədə tacik zavodlarında
istehsal olunan qlinoz və alüminiumdur. BTQ dəmir yolu xəttinin açılışı
Tacikistana yüklərin daşınmasını daha operativ və rahat etməyə imkan verəcək.
Dəmiryolu xətti ümumilikdə regionun və regiondakı dövlətlərin tranzit
potensialının yüksəltməklə bərabər, Avropaya inteqrasiya əlaqələrinin daha da
aktiv aparılmasına, Avropa dövlətləri ilə qarşılıqlı əməkdaşlığın artmasına,
Azərbaycanın dövlət suverenliyi və müstəqilliyinin möhkəmlənməsinə, həmçinin
ölkənin xarici iqtisadi münasibətlərinin inkişafına xidmət etməkdədir. Bakı-Tbilisi-
Qars layihəsi iqtisadi həm siyasi, iqtisadi, strateji baxımdan, həmçinin səmərəlilik,
təhlükəsizlik, etibarlılıq, sürət və vaxt tezliyi baxımından Azərbaycan və region
üçün çox əhəmiyyətli layihədir.
Dəmiryolu xəttinin Gürcüstan hissəsinin tikintisini Azərbaycanın
«Azərinşaatservis» şirkəti həyata keçirilir. BTQ dəmir yolu layihəsinin Türkiyə
ərazisindəki 76 kilometrlik hissəsinin tikintisini isə Türkiyənin “Özgün Yapı
35
Çelikler” şirkəti aparır. Türkiyə BTQ dəmir yolu layihəsinin ölkə ərazisindən
keçən hissəsinin inşasına 345 milyon dollar ayırıb. Azərbaycan ərazisinə düşən
hissəsində lokomotiv bazası möhkəmləndirilir, infrastruktur yaradılır və s. işlər
görülür.
Layihənin inşası və reabilitasiya-rekonstruksiyası Türkiyə və Azərbaycan
Respublikalarının maliyyə vəsaitləri hesabına reallaşdırılır. Layihənin
maliyyələşməsi işlərini ölkə prezidentinin müvafiq sərəncamı ilə Azərbaycan
Dövlət Neft Fondu həyata keçirir. Gürcüstan isə Azərbaycandan aldığı kredit
hesabina layihənin xərclərini ödəyir. Azərbaycan Respublikası Hökuməti adından
kreditləşmənin təşkili və bank xidmətinin həyata keçirilməsi üzrə agent bank
“Azərbaycan Beynəlxalq Bankı” Açıq Səhmdar Cəmiyyəti təyin edilmişdir.
BTQ dəmir yolu xəttinin Azərbaycan və Gürcüstandan keçən hissəsi artıq
istismara hazırdır, Türkiyə hissəsindən keçən hissəsi də sona çatmaq
üzrədir. Türkiyə tərəfi gecikməni Gürcüstan ərazisindəki landşaft çətinliyi ilə izah
etsə də, hal-hazırda bütün problemlərin həll olunduğunu bildirilir. BTQ dəmiryolu
magistralını 2015-ci ilin sonunadək istismara verilməlidir.
Layihə çərçivəsində dəmiryolu xəttinin 105 km-lik əlavə yeni xətti də inşa
edilib. Bundan əlavə, Gürcüstanda Axalkalaki-Marabda-Tbilisi dəmir yolu da inşa
edilib. Bu da onun yükartırma qabiliyyətini ilə ərzində 15 mln. tona yüksəldə
biləcək. Axalkalakidə yüklərin Gürcüstan ərazisindən Avropaya daşınması üçün
məntəqə də inşa edilib.
Bu layihəyə Naxçıvan – Qars istiqamətində də xəttin birləşdirilməsi
planlaşdırılır. Bu isə Azərbaycanın blokada şəraitində olan Naxçıvan bölgəsinin
Cənubi Qafqazda fəal iqtisadi bölgəyə çevrilməsinə imkan yaradacaqdır. Həmçinin
2012 – ci il mart ayında Azərbaycan, Türkiyə və İran xarici işlər nazirlərinin
görüşündə Naxçıvan – Qars xəttinin Təbrizə qədər uzadılması da müzakirə
edilmişdir.