11
qatlanmışdır. Oymaqlardan bir neçəsinin oturacağı oval, qalanlarınınkı isə konusvarı formada düzəldilmişdir.
Oturacağı ovalvarı olanlardan birinin həm gövdəsi, həm də üzəri batıq nöqtələrlə (III tablo, 5), digərinin isə
gövdəsi rombvarı, oturacağı isə batıq nöqtələrlə naxışlanmışdır (III tablo, 6).
Ucluğu konusvarı formada düzəldilən iki ədədinin üzəri nisbətən səliqəsiz nöqtələnmişdir (III tablo, 8).
Belə ucluqlu bir oymaq seçilir. Bunun yalnız orta hissəsi batıq nöqtələrlə simmetrik şəkildə düzəldilmişdir (III
tablo, 9). Oymağın həm oturacağı, həm də ağzının qırağı hamardır.
Mis oymaqlar Azərbaycanın başqa orta əsr abidələrindən də tapılmışdır
37
.
37
Örənqala, çöl qeyd siyahısı № 23, 1960-cı il.
12
SİLAHLAR
Orta əsrlərdə tez-tez baş verən xarici basqınlar və daxili feodal ara müharibələri şəhər sənətkarlığında
silah istehsalının xüsusi yer tutmasına səbəb olmuşdur. Silahların hazırlanmasına mahir ustalar cəlb olunur və
kütləvi şəkildə müxtəlif növ silahlar istehsal edilirdi. Ona görə də orta əsr abidələrindən arxeoloji qazıntılar
nəticəsində başqa maddi mədəniyyət qalıqları ilə birlikdə xeyli silah növləri də aşkar edilir.
Bakı qazıntılarından tapılan silah nümunələri şəhər sənətkarlığı və həmin dövrün döyüş texnikası
haqqında müəyyən təsəvvür yaratmağa imkan verir. Bakı silahlarını əsasən iki qrupa bölmək olar: hücum və
müdafiə silahları.
Məlum olduğu kimi orta əsrlərdə hücum silahlarından ox-yay, nizə, xəncər, qılınc, hərbi bıçaq, döyüş
yabası, toppuz; müdafiə silahlarından isə zireh, dəbilqə, qalxan və s. geniş yayılmışdır.
HÜCUM SİLAHLARI
Bu silah növünə aid olan ox-yay hələ ibtidai icma dövründə geniş yayılmışdır. Bəlli olduğu kimi,
qədimdə ovçuluqda istifadə olunan bu silah sonralar əsl döyüş alətinə çevrilmişdir.
Klassiklər ox və kamanın ixtirasını yüksək qiymətləndirmişlər. F. Engels yazır: «Barbarlıq üçün dəmir
qılınc və mədəniyyət üçün odlu silah nə idisə, vəhşilik dövrü üçün də kaman və ox eyni şey idi»
38
.
Məlum olduğu kimi, bu silahın metal ucluğundan başqa qalan hissəsi ağacdan düzəldildiyi üçün uzun
müddət torpaqda qaldıqda çürüyür. Beyləqandan tapılan XII—XIII əsrin əvvəllərinə aid şirli qablar üzərindəki
ox-yayla ov səhnələri bu cəhətdən diqqəti cəlb edir
39
. Təsvirdə kaman və ox qabı aydın seçilir.
Arxeoloji qazıntılar zamanı Bakıdan tapılan ox uclarının çoxunun formasının saxlanılması onların
haqqında müəyyən fikir söyləmək işini asanlaşdırır. Lakin əksər hallarda tiyəsi və bəzən isə sulğuncunun uc
tərəfi qırılmış olur. Görünür, bu hissələr nazik olduğu üçün və uzun müddət torpaqda qaldığından güclü
paslanma nəticəsində ovulub tökülür. Belə vəziyyət Bakıdan tapılan ox uclarının bütöv ölçüsünü söyləmək işini
çətinləşdirir.
Ox ucları formalarına və ölçülərinə görə müxtəlifdirlər. Onların bir qrupunun ucluğu yarpaqvarı (IV
tablo, 2—8), digərininki isə rombvarıdır (IV tablo, 10—12). Yarpaqvarı formalar çoxluğu təşkil edir. Onların en
kəsiyi ovaldır. Sulğunclarının en kəsiyi isə dairəvi olub uca doğru getdikcə sivriləşir. Lakin yarpaqvarı
formaların bir qrupunun sulğuncu əvvəlkilərdən fərqli olaraq qısadır (IV tablo, 3, 4, 5). Tiyəsi rombvarı formalı
olanların da en kəsiyi ovaldır. Yarpaq və rombvarı formalı ox uclarının ən kiçiyi 4, 5, ən böyüyü isə 9 sm
uzunluğundadır.
Bəhs etdiyimiz ox uclarının oxşarları həm Azərbaycanın orta əsr şəhərlərindən
40
və həm də qonşu
Ermənistan
41
, Gürcüstan
42
və Orta Asiyadan
43
da məlumdur.
Bakıdan tapılan silahların içərisində bir qrup ox ucları da vardır ki, onlar öz quruluşlarına görə
əvvəlkilərdən fərqlənirlər (IV tablo, 13—15). Bu növ ox uclarının sulğuncu uzundur. Tiyəsi isə yumru olub
konusvarı formada uca doğru getdikcə sivriləşir. Onların bir neçəsinin həm tiyəsi, həm də sulğuncunun en kəsiyi
dairəvidir. İçərisində sulğuncu tilli olanlar da vardır ki, bu da müasir tüfəng süngüsünün formasını xatırladır.
Bəhs etdiyimiz bu ox uclarının uzunluğu 8,5—14 sm-dir. Qeyd etməliyik ki, sulğuncu uzun olan belə ox
uclarının mənşəyi qədimdir
44
.
Bakıdakı arxeoloji qazıntılar zamanı qalın göndən iki ədəd—yarpaqvarı (IV tablo, 1) və rombvarı (IV
tablo, 11) şəkildə kəsilib düzəldilmiş ox ucu formaları aşkar edilmişdir. Bu tapıntılar çox ehtimal ki, sənətkar
tərəfindən əvvəlcədən nəzərdə tutulmuş şəkildə ox ucu forması hazırlamaq üçün ülgü rolunu oynamışdır.
Qazıntı zamanı ox ucu ülgülərinin tapılması isə həmin dövrdə Bakıda bu növ silahların kütləvi hazırlandığını
təsdiq edir.
Maraqlı cəhətlərdən biri yuxarıdakı təsvirdən aydın olduğu kimi, Bakıdan tapılan ox uclarının göstərilən
ülgülər formasında—yarpaqvarı və rombvarı şəkildə olmasıdır. Bu fakt həmin növ ox uclarının Bakıda
hazırlanmasını söyləməklə bərabər orta əsrlərdə geniş yayıldığını da ehtimal etməyə əsas verir. Bakı
38
Marks K., Engels F. Seçilmiş əsərləri, II c., Bakı., 1953. s.184.
39
Якобсон А. Л. Художественная керамика Байлакана, МИА СССР, № 67, М.—Л., 1959, с. 262, IX табло; Иессен А. А. Пять чаш из Байлакана.
Исследования по истории культуры народов Востока. М.—Л., 1960, с. 94, рис. 5.
40
İbrahimov F. Ə. Göstərilən əsəri. s. 11. Müq. et. Əhmədov Q. M. Göstərilən əsəri, s. 54.
41
Абрамян В. А. Ремесла в Армении в IV — XVIII вв. Ереван, 1956, рис. 23.
42
Gürcüstan materialları ilə Gürcüstan Dövlət Tarix Muzeyində "XI-XIII əsrlərə aid Dmanisi və Qudarexi materialları nümayiş etdirilən zalda tanış olduq.
43
Литвинский Б. А. Среднеазиатские железны, наконец, стрел, СА № 2. 1965.
44
Qazıyev S. M. Mingəçevirdən tapılmış bəzi silahlardan. AMM. II cild. 1951, s. 13, III tablo, 14, 15.