14
adətən dəstəklə birlikdə hazırlanır və dəstəyinin üzərinə ağac və ya sümükdən sap bərkidilir. Belə dəmir dəstək
Beyləqandan tapılmışdır
56
.
1938—1939-cu illərdə Şirvanşahlar sarayının həyətində Seyid Yəhya Bakuvinin məqbərəsi yanında
aparılan arxeoloji qazıntılar zamanı 4 metr dərinlikdə aşkar edilən quyudan xeyli metal alətlər tapılmışdır.
Onların içərisində dəstəyi əqiqdən bəzədilmiş qılınc və ya xəncərə aid dəstək də vardır. Onun üzəri parlaqdır.
Dəstəyinin üstü qiymətli daşdan olan bu qılınc və ya xəncər çox güman ki, zadəganlara, ümumiyyətlə, yüksək
rütbəli hərbçilərə məxsus olmuşdur. Tədqiqatçı V. N. Leviatov maddi mədəniyyət qalıqlarına əsasən bu
tapıntıları XIII—XIV əsrlərə aid edir
57
.
Azərbaycanda xəncər və qılınc istehsalının son zamanlara qədər davam etdirilməsi xalqın bu silahlardan
əsrlər boyu geniş istifadə etdiyini göstərir.
Hərbi bıçaqlar. Bakıda aparılan arxeoloji qazıntılardan çoxlu bıçaq aşkar edilmişdir. Bu, heç də təsadüfi
deyildir. Məlum olduğu kimi, universal bir alət olan bıçaqlardan müxtəlif məqsədlər üçün geniş istifadə edilir.
Bakıdan tapılan bıçaqların bir qrupu isə təsərrüfat və məişət bıçaqlarından fərqlənir. Onlar öz formalarına görə
xəncəri xatırladır. Belə bıçaqlardan biri 1967-ci ildə I qazıntı sahəsindən tapılmışdır. Bıçaq ilk baxışda xəncərin
formasını xatırladır. Lakin onun bir tərəfi iti, digəri isə nisbətən qalındır. Bıçağın tiyəsi uca doğru getdikcə eyni
bərabərdə sivriləşir. Onun eni 2,5 sm-dir (V tablo, 3).
1968-ci ildə əldə olunan digər dəmir bıçaq da əsasən əvvəlkinə oxşardır. Yalnız ölçüsünə və ucunun daha
iti olmasına görə fərqlənir. Uzunluğu 19, eni isə 2 sm-dir.
Şəhərdəki 11-ci qazıntı sahəsindən 1969-cu ildə aşkar edilən bıçaq diqqəti xüsusilə cəlb edir (V tablo, 4).
Onun həm tiyəsinin, həm də sulğuncunun ucu qırılmışdır. Əvvəlkilərdə olduğu kimi, bir tərəfi iti, digəri isə
qalındır. Lakin bıçağın tiyəsinin orta hissəsində zolaq şəklində bir az qabarıq formada olması və uca yaxın
tərəfdə konusvarı şəkil alması onu əvvəlkilərdən fərqləndirir. Onun qalmış uzunluğu 16, eni 2 sm-dir. Təsvir
etdiyimiz bıçaqların sulğuncunun en kəsiyi dairəvi olub, uca doğru getdikcə nazikləşir ki, bu da onların sapa
keçirilməsini asanlaşdırır. Bıçaqların sapı ağac və ya sümükdən olmuşdur.
Qeyd etməliyik ki, təsvir etdiyimiz bıçaqların forması xəncərə bənzəyir. Bizə elə gəlir ki, onlardan soyuq
silah kimi istifadə olunmuşdur. Belə bıçaqlar həm Azərbaycanın orta əsr şəhərlərindən
58
, həm də Ermənistanın
Dvin
59
şəhərindən tapılmışdır. Tədqiqatçı K. Q. Kafadaryan da onların hərb bıçağı olduğunu ehtimal edir.
Qeyd etməliyik ki, xəncər tipli hərbi bıçaqların mənşəyi qədimdir. Mingəçevirdən bu növ xeyli bıçaq
tapılmışdır
60
. Tədqiqatçılar həmin bıçaqların xəncər rolu oynadığını göstərərək, xəncərin belə bıçaqların sonrakı
inkişafı ilə əlaqədar olaraq yarandığını göstərirlər
61
.
Toppuzlar. Arxeoloji qazıntılar nəticəsində hələlik Bakıdan toppuz tipli silaha təsadüf edilməmişdir.
Lakin 1964-cü ildə Bakıda Qız qalası yaxınlığındakı arxeoloji qazıntılar zamanı tapılan başdaşıları
62
bu
məsələnin həllinə kömək edir. Qəbirlərin yanında yerləşən bu başdaşılarının üzərində xeyli yazı və zəngin
naxışlar vardır. Başdaşıları Abşeronun əhəng daşından hazırlanmışdır. Müxtəlif naxış və yazılar həkk etmək
üçün bu növ daşlar əlverişli sayılır
63
. Orta əsr ustalarının sənətkarlıq məharətini nümayiş etdirən bu gözəl sənət
əsərləri abidənin dövrünü aydınlaşdırmaq cəhətdən də qiymətlidir.
Qeyd etməliyik ki, haqqında danışılan kişilərə məxsus iki başdaşının üzərində çoxlu, həm də müxtəlif növ
silah rəsmi vardır. Onlardan yəhərli at rəsmi olan daşda qılınc, xəncər, toppuz, digərində isə ox, kaman, qılınc
və qalxan təsvir edilmişdir. Tədqiqatçılar üzərində at və çoxlu silah şəkli olan bu qəbirlərdə dəfn edilənlərin
döyüşçü olduğunu güman edirlər
64
. Biz də belə hesab edirik ki, başdaşılarından biri atlı, digəri isə piyada
döyüşçüyə aiddir. Silahların içərisində toppuzun olması isə orta əsrlərdə Bakıda bu silah növündən də istifadə
edildiyini göstərir. Toppuzun yalnız atlı döyüşçüyə aid olan başdaşında təsviri isə maraqlıdır. Görünür, toppuzu
bütün döyüşçülər deyil, ancaq süvarilər və ya başçılar gəzdirə bilərmiş.
Arxeoloji qazıntılara əsasən məzar daşları XIV— XVII əsrlərə aid edilir
65
.
56
İbrahimov F. Ə. Göstərilən əsəri s. 94; Örənqala çöl qeydi, № 371, 1961: Əhmədov M, Göstərilən əsəri, s. 53.
57
Leviatov V. N. Göstərilən əsəri, s. 131.
58
İbrahimov F. Ə. Göstərilən əsəri, s. 97, X tablo, 1, 2, 6; Örənqala çöl siyahısı № 110, 1963-cü il.
59
Kafadaryan K. Q. Göstərilən əsəri, s. 290.
60
Qazıyev S. M. Göstərilən əsəri, s. 11.
61
Yenə orada, s. 12.
62
İsmizadə Ö. Ş., Ciddi H.Ə. Göstərilən əsər, s. 187.
63
Nemətova M. S. Şirvanın XIV — XVI əsrlər tarixinin öyrənilməsinə dair, Bakı, 1959; yenə onun: Nuxa Xan qəbiristanlığındakı başdaşıların
kitabələri haqqında. «Azərb. SSR EA Xəbərləri», № 6, 1961, s. 19.
64
İsmizadə Ö. Ş., Ciddi H. Ə. Göstərilən əsər, s.196.
65
Yenə orada, s. 187, 197.