_________Milli Kitabxana_________
48
Millətin oyanması üçün elmin, mədəniyyətin inkişafına daha çox
əhəmiyyət verməyə səy göstərirdilər. Belə uzaqgörən və vətən
övladlarını qəflətdən ayıltmaq ideyasına hər vasitə ilə çalışanlar-
dan biri də Məmmədqulubəy Kəngərli idi.
Məmmədqulubəy Kəngərli. “Həyat” qəzetinin 1905-ci il 23
sentyabr tarixli 71-ci nömrəsində Məhəmmədqulubəy Kəngərli-
nin tərcümeyi-halını (Əxirən həyatına facianə bir surətdə xatimə
çəkilən sabiq topçu ofiseri Məmmədqulubəy Kəngərli) əks etdi-
rən nekroloqda göstərilir ki, [95] “Bu il avqust ayının (yəni 1905-
ci ilin – Z.M.) 29-da Batum şəhərində məşhur Məmmədqulubəy
Kəngərlinin erməni komitəsi tərəfindən göndərilən ermənilər tə-
rəfindən şəhid edildiyini duyub qəlbən ağlamıyan qafqazlı bir
müsəlman yoxdur. Zənn edirəm, məhz millət yolunda qurban
olan böylə bir vücudi-müqəddəsin tərcümeyi-halını yazmaq, bil-
məyənlərə tanıtmaq, onu bilən hər sahibqələmimizin, əlbəttə, ən
birinci borcu idi. Nə fayda ki, indiyə qədər bu borcu yerinə yeti-
rən bir kəs meydana çıxmadı. Doğrusu, bu hal bu ğədrnaşünaslıq
ümumi-millətin üstə bihədd naşükürlük töhməti qoyacağından
qorxdum. Sevgili millətimə öylə böyük bir təqsiri rəva görmədim.
Bu səbəblədir ki, sahibqələm olmaya-olmaya, mərhumun vətənin-
dən minlərcə verst uzaqda ola-ola qəlbim razı olmadı ki, öylə bir
mücəssəmi-həmiyyətin, fədakari-millətin tərcümeyi-halı yazılma-
mış qalsın. Buna görə millətin qədrşünaslığı naminə mərhumun
tərcümeyi-halından bildiyim qədər yazıram.
Mərhum Məmmədqulubəy Kəngərli İrəvan quberniyasında
Naxçıvan şəhərində 1864-cü səneyi-miladidə təvəllüd edib. Atası
Naxçıvan bəyzadələrindən mayor Şəfi ağadır.
Ən birinci, ən əsaslı təhsil demək olan “tərbiyayi- əvvəliy-
yə”ni maarifpərvər atasından gördü. İkinci təhsil olan ibtidayi
oxumağı xüsusi müəllimdən öyrəndi. Ən birinci məktəbi-təbii
olan “Ev tərbiyəsi”ni lazımınca qurtarıb, xaricdə oxuyacaq sinni-
nə çatan vaxt atasının silkinə daxil oldu. Yəni Tiflisdə hərbi mək-
təbənə – Kadeskki korpusuna girdi. Buranı tamam edəndən sonra
Peterburqdakı hərbi Mixaylovski topçu məktəbi-alisinə keçdi.
_________Milli Kitabxana_________
49
Burada 1882-ci ildə ünter-afiserlik mənsəbi-əvvəlisini aldı. 1884-
cü ildə topçu məktəb-alisini kamali ləyaqətlə qurtarıb, afiserlik
mənsəbilə çıxdı. Xeyli illər afiserlik qulluğunda bulunub dövlət
və vətəninə xidmətlər göstərdi. İstedad və əhliyyəti sayəsində az
vaxtda hər kəsin nəzəri-təhsinini qazandı. Dirayət və iqtidarına
görə ştabs-kapitanlıq mənsəbinə çıxarıldı. Dövlət və vətəninə dai-
ma sadiqanə, qəyuranə xidmətindən bir an geri qalmadı. 1893-cü
ilə qədər əsgəri qulluğunda xidmət elədi.
Dövlət və vətəninə elm və seyf ilə (qılınc vasitəsi ilə) göstər-
diyi xidmətləri bir az da elm və qələmlə göstərmək fikrinə düşdü.
Ştabs-kapitan mənsəbində olduğu halda istefa verdi. Bir iki il və-
təni-əslisi olan Naxçıvanda qaldıqdan sonra İrəvan şəhərinə gəldi.
Canından əziz sevdiyi millətinin ziyadə nəyə möhtac olduğunu
təhqiq etdi. Bildi ki, İrəvan quberniyasının müsəlmanları dilsiz-
likdən, elmsizlikdən, dövlətin qanununu, məmurların ixtiyarlarını
bilməməklərindən hər an bir müsibətdən digər bir bəlaya düçar
olurlar. Bildi ki, ən əvvəl müqtədir vəkil (advakat) olub millətə
xidmətə buradan başlamaq lazım. Bu səbəblə bütün iqtidarını sərf
edib, vəkillik imtahanına hazırlandı. Az vaxtdan sonra qanuni və-
killik ixtiyarını aldı. Bir az əvvəl nə cür mükəmməl bir topçu za-
biti idisə, indi də müxtədir bir vəkil oldu. Qılınc və qələmi birləş-
dirdi. Fəzl və qeyrəti, sidq və nəcabəti sayəsində az vaxtda çox
ziyadə kəsb şöhrət elədi. Peterburqdakı adlı, təcrübəli advakatlara
müraciət edəcək olanlar məhrumun qüdrəti-nitqiyyəsindən, məlu-
mat ədliyyəsindən istifadə etməyə başladılar. İş və iqtidar söz və
qövldə qalmadı. Qeyri vaxtda fəhlə meydanə çıxdı. Şəhidi-mər-
hum İrəvanda şöhrətli, diplomalı böyük advakatların qarşısında
öhdəsinə götürdüyü böyük-böyük işləri ardı-arası kəsilmədən
müttəsil qazanırdı. Fəzl və iqtidarına əlavə edilən alicənablığı,
millətpərvərliyi, rəhimdilliyi mərhumun namını hər kəsin yürə-
yində yer etdirdi. Bir çox advakatlar kimi pula, dövlətə əsla ta-
mah etməzdi. Özü təbən, cinsən nəcibzadə nəcib idi. Könlü qəni,
niyyəti ali, ümidi böyük, fikri rəsmi idi. O, nitqində, fəzl və ür-
fanda nə mərtibə şayani-imtisal idisə, qeyrət və həmiyyədə, səy
_________Milli Kitabxana_________
50
və ictihadda, millət və həmiyyətpərvərlikdə o dərəcə şayisteyi-
təqdir idi. Hər gün evində bir çox faqır, biçiz müsəlmanlar bulu-
nub, ərzi-hallarını pulsuz yazdırardılar. Dərdlərinə pulsuz dərman
və çarə alardılar. Bu qədər məşğuliyyətlə bərabər, heç bir camaat
işi olmazdı ki, mərhumi-cənnətməkan o işin ən atəşli məhəllində
olmasın. Heç bir gün olmazdı ki, millət üçün xeyirli bir işin təd-
biriylə məşğul olmasın. Bu səbəblədir ki, şəhid ali məqam böylə
ciddi, əhəmiyyətli bir xidmətilə məşğul ola-ola tərbiyə və təhsili-
ni əsla yaddan çıxarmazdı. Millətin səlamət və tərəqqisi üçün ən
birinci qapı, ən birinci vasitə zamanənin təqazasına görə açılacaq
“məktəb” olduğunu çox yaxşı bilirdi. Axırda vəkilliyin ağırlığına
baxmayıb, Qafqazda birinci dəfə müsəlman leyli məktəbi (pan-
sion) açdı. Zabitliyi, vəkilliyi ilə bərabər “pedaqoq” silkinə də
girdi. Ömürlərini müəllimlikdə çürüdüb, Qafqazın bu qədər bö-
yük şəhərlərində bir müsəlman pansiyonu aça bilməyin müəllim-
lərə ən ibrətbəxş bir nümunə və bir müəllim oldu. Pansiyonun az
vaxt dərəceyi-tərəqqinin ən üst mərtəbəsinə çıxardı. Günlərinin
bütün saatlarını gah vəkillikdə, gah məktəb müfəttişliyində, gah
millət müşavirliyində keçirirdi.
Axırda keçən mart ayında Irəvan müsəlmanlarına vükalətən
Peterburqa getmək iqtiza etdi. Bu əhəmiyyətli və böyük əhəmiy-
yət dərayətli bir sahibi-ürfanə möhtac idi. Bu xüsusda öylə bir
şəxs gərək idi ki, bu nazik və məsuliyyətli işi öhtəsinə götürüb,
vəzifəsini layiqincə ifa edəydi. Irəvanlılar bu barədə əsla zəhmət
çəkmədilər. Çünki gözlərinin önündə dağ kimi sabatlı, aslan kimi
cəsur, Xızr kimi mədariz, kəsifi-həqiqət kimi zəhmətkeş Məm-
mədqulubəy qəlbi var idı. Ümum camaatın ittifaq və ittixasıyla
mərhum bir neçə yoldaşla Peterburuqa getdi. Millətin hər növ
dərd və ehtiyacını bizzat sərdari-əkrəm qraf Voronsov cənabla-
rına və daxiliyyə nazirinə ərz etdi.
Biçarə miilətin hüququnu mühafizəyə, idarəyi-hökumətdə ix-
tiyar sahibi olmağın şəfahən-təhrinə çalışdı. Mərhumun ən ziyada
çalışdığı cəhət müsəlımanların hüququnu erməni və özgə vətən-
daşlarla bir etmək idi. Mərhumun bu ali xahişi Qafqaziyada təkcə
Dostları ilə paylaş: |