Azərbaycan xalqı çox qədimlərdən qonaqpərvər olmuşdur və
bu adət indi də öz ənənvi xüsusiyyətlərini saxlamaqdadır. Qonaqlıq
süfrələri xüsusi əndazə ilə bəzədilir, qonaq evin ən əziz adamı hesab
olunurdu. Gələn əziz qonağın ayağının altında heyvan kəsmək, isti yuxa
və təndir çörəyi bişirmək elin ən müqəddəs adətlərindən idi.
Azərbaycanda qonaqlıq süfrələrinin böyük əksəriyyəti ətli
xörəklərlə zəngin olurdu. Qonaqlar üçün döşəməyə xalça-palaz döşənir,
döşəkcə və mütəkkələr verilir, ayrıca nazbalış qoyulurdu. Yeməkdən
əvvəl dəstərxan (açma) süfrəyə verilən pürrəngi çay, müxtəlif çeşidli
yeməklər iştah artırırdı. Daha sonra ətli xörəklər (kabab, dolma, plov,
toyuq çığırtması, balıq qızartması, ləvəngilər, bozbaş, ət qızartması və
s.) süfrəyə növbə ilə gətirilirdi. Ev sahibi özü şəxsən süfrəyə nəzarət
edər, gətirilməsinə göstəriş verərdi. Belə qonaqlıq süfrələri ayrıca
kasalarda çalınmış qatıq (kasamas) və soyuq dovğa çıxarmaq da adətə
çevrilmişdi. Ayrı-ayrı etnoqrafik bölgələr qonaq qarşısına çıxarılacaq üz
ağardan yeməkləri ilə məşhurlaşmışdı. Məsələn, Abşeronda qonağa
düşbərə və ya qutab; qərb bölgələrində xəngəl; Şəki-Zaqatala
bölgəsində qırs və piti; Naxçıvan bölgəsində küftə; Qarabağda və
Şirvanda sacarası qovurma; Lənkəran bölgəsində toyuq və balıq
ləvəngisi bişirmək ona edilən hörmət və diqqətin göstəricisi idi.
Qonaqlıq süfrələri adətən, çay dəstgahı ilə sona çatırdı.
Beləliklə, bayram və mərasim yeməklərinin geniş çeşidi,
hazırlanma qaydaları, təyinatı, bu sahədə qazanılmış böyük əməli
vərdişlər xalqımızın qida mədəniyyətinin zənginliyini təsdiq edir. Xalq
özünün şad günündə də, matəm məqamında da, “süfrə yaymağı”,
çörəyin bərəkətini el-obası ilə bölüşdürməyən unutmamış, qapısına
gələnə səxavət göstərmişdir. Təsadüfi deyildir ki, bölgələrimizə məşhur
olan, adla söylənilən səxavət sahibləri “çörək verən adamdır”,
“qonaqlı-qaralı adamdır”, “öz çörəyinin düşmənidir”, “qapısı el
yığnağıdır”- ifadələri ilə daha da müdriklik və el ağsaqqalları
səviyyəsinə qaldırılmışlar.
Ehtiyat ərzaq tədarükü və saxlanılması. Dünyanın bütün
xaqlarnda olduğu kimi, Azərbaycanda da hər bir ailənin məişətində
ehtiyat ərzaq tədarük qayğısı mühüm yer tuturdu. Ehtiyat ərzaq
məhsularınını saxlanılması və hazırlanması qaydaları uzun əsrlər boyu
formalaşmışdır. Aparılan arxeoloji qazıntılar zaman ortaya çıxan iri
küplər, təsərrüfat quyuları və ehtiyat ərzaq saxmalaq üçün nəzərdə
tutulan tikililər xalqımızın hələ çox qədimlərdən ehtiyat məhsullar
tədarükündə səriştələrdən soraq verir.
Əhali baharın son aylarından başlayaraq payızın axırlarına
qədər gündəlik tələbatından artıq olan məhsulu müxtəlif üsul və
vasitələrlə qışda istifadə olunmaq üçün hazırlayırdılar. Dənli bitkilər,
maldarlıq məhsulları, müxtəlif yabanı bitkilər, bostan-tərəvəz
məhsdulları və tərəvəzdən hazırlanmış qax, doşab, motal, qurut,
mürəbbə, riçal, rub, lavaşana, eləcə də çay və çörəklərdə işlədilən ətirili
ot dəstləri əhalinin tədarük gördüyü əsas qida məhsulları idi.
Taxılı (xüsusilə buğdanı) hələ xırman vaxtında seçərək, xüsusi
hörmə və gil qablara doldurur, taxil quyularına vururdular. Dənli
bitkilərdən (buğda, arpa, darı və s. ) un tədarük etmək əhalinin başlıca
məişət qayğısı idi. Ölkəmizdə taxılın un şəklində istifadəsi tarixi çox
qədimdir. Arxeoloji qazıntılar zamanı ələdə edilmiş primitiv dənüyütmə
vasitələri (həvəngdəstə, sürtgəc, kirkirə-dəsət və s.) belə bir fikir
söyləməyə imkan verir ki, ölkəmizin sakinləri əkinçiliyin ilk
dövrlərindən başlayaraq un əldə etməyi bacarmışlar, XIX-XX yüzilliyin
əvvəllərində taxıl başlıca olaraq su dəyirmanlarında üyüdülürdü.
Dəyirmanlar adətən bolsulu çaylar üzərində və kəndlərarası yollar
ətrafında tikilirdi ki, ondan bir neçə kəndin əhalisi istifadə edə bilsin.
Taxıl payızda üyüdülürdü. Yazda üyüdülən taxıldan alınan un
“ağnağaz” adlanırdı. Az miqdarda olan bu un əhalinin yalaq zamanı
çörəyə olan ehtiyacını ödəyirdi.
Dənli bitkiləri sünbül halında saxlamaq üsulu da əhali arasında
qismən məlum idi. Bunun üçün qırpma” üsulu ilə yığılan sünbülün 20-
25-ni bir yerə bağlayıb təsərrüfat tikilisinin tavanından asır, lazım
gəldikdə ondan hədik, qovurğa, qovut hazırlayır, səməni qoyurdular.
Azərbaycanın bütün çəltikçilik çöllərində hazır düyü və
çəltik dəni çubuq, gil və taxta anbarlarda, kəndi və çəlləklərdə, küplərdə,
kisə və çuvallarda saxlanırdı. Lənkəran bölgəsində bu məqsədlə həsir
kosaradan (kisə) istifadə edilirdi.
Ehtiyat ərzaq tədarükü içərisində maldarlıq məhsulları (ət,
yağ, şor, pendir, qurut və s.) mühüm yer tuturdu. Pendir və ya şoru
əsasən, cılğı və motalda, yağı isə qarın və külərdə saxlamağa üstünülk
verirdilər. İçərisinə yağ doldurulmuş küplərin (bərninin) ağzına qalın
parçadan və ya heyvan qarınından sələ bağlayır, təxminən 1 m
dərinliyində qazılmış quyularda basdırmaqla qışa saxlayırdılar. Qış
ehtiyatından başqa, yağ və pendir həm də əmtəə səciyyəli məhsul kimi
Cənubi Qafqaz barlarına da çıxarılırdı. Tiflisdə Qarayazı və Ceyrançöl
pendiri (təzə pendir) pudu 2 manatdan satılırdı. Burada çəkisi 2-2,5 pud
olan motal isə 6 manata xırıd edilirdi. Tərsçay bazarında yayda tədarük
olunan yağın pudu 6-8 manata, qızda isə yağın pudu 10 manata verilirdi.
[27]
Qış üçün tədarük olunmuş qurut mal-davar süddən soğulan
vaxtlar əhalinin ağartıya olan tələbatını ödəyirdi. Onu xırda-xırda
doğrayıb, isti suda əllə “həll edərək” isti xörəklərin tərkibinə qatır,
xəngəlin üstünə tökürdülər.
Azərbaycan xalqı arsında bütün qış dövrü üçün ət tədarükü kimi
ənənə daim davam etdirilmişdir. Ət tədarükü qaxac, qovurma, cızdaq
etmə və bağrısağa doldurma kimi dörd üsulla həyata keçirilirdi. Ehtiyat
ərzaq üçün nəzərdə tutulan heyvanlara xüsusi qulluq edilir, bordağa
bağlayır, kökəlməsinə şərait yardırdılar. Ətlik-qaxaclıq (qovurmalıq)
heyvanı payızın son anında kəsirdilər. Qaxacı adətən bütöv heyvan
cəmdəyindən hazırlayırdılar. Təzə soyulmuş heyvan bir neçə saat açıq
havada saxlanılırdı ki, ətin suyu qurusun. Sonra döş və quyruq hissələri
kəsilib götürülür, ayrıca qaxac edilirdi. Qalan cəmdəyi bel sütunu
boyunca astaca çarpır və onu tam ayırmırdılar. Əti yerdə möhkəm
duzladıqdan sonra bir neş gün yerdə saxlayır, nəhayət evin tavanına
bərkidilmiş “qaxac ağacına” keçirirdilər. Ötən yüzilliklərdə tikilmiş
aran kəndləri evlərində qaxac ağacı son dövrlərədək qalırdı. Kifayət
qədər duzlanmış ət orada bir neçə ay qalır, “duz onu tam yeyəndən
sonra” istifadəyə yararlı olurdu. Qaxac edilmiş ətin hissələri bir-birinə
yapışmasın deyə aralarına simmterik şəkildə lələkləri təmizlənmiş
qarğıdan və ya çubuqdan çiliklər qoyulurdu. Qaxacı adətən kölgədə
qururdurdular. İsti iqlim şəraitinə malik aran kəndlərində ətin qaxac
edilərək uzun müddət saxlanılması ən yaxşı vasitə idi. Mal cəmdəyini
qaxac etdikdə isə onun ətini şaqqalayıb, alınan parçaların üzərində
şırımlar açır və yetərincə duzlayırdılar. Mal əti qoyun ətinə nisbətən
Dostları ilə paylaş: |