Lakin, qeyd etmək lazımdır ki, yemək öynəsini üç bölgüsü şərti
xarakter daşıyırdı. Çünki, mövsüm dəyişmələri, iqlim, təsərrüfat
məşğuliyyəti, xüsusuilə də bəzi dini bayramların (Orucluq bayramı)
keçirilməsi yemək öynələrində ciddi dəyişikliklərə səbəb olurdu.
Orucluq günlərində, ümumiyyətlə, gündüzlərim yemək rejimi, iftar,
yastılıq və obaşdanlıq (imsaq) süfrələri ilə əvəzlənirdi.
Maddi cəhətdən az təmin olunmuş rəiyyət-rəncbər
süfrəsindəki yeksənəqlikdən fərqli olaraq, varlıarın hər bir yemək
öynəsi müxtəlif çeşidli yağlı-ətli xörəklər, bal, qaymaq, şirniyyat və
çərəzlə bol olurdu. Sosial qeyri-mütənasiblik, sinfi fərqlər həm gündəlik,
həm də bayram yeməklərində özünü büruzə verirdi.
Azərbaycanın cənub bölgələrində səhər yeməy “nəştab” , Bakı
və Abşeronda “qəlyanaltı”, qərb bölgələrində “naştoyluq” adlanırdı.
Adətən, səhər yeməyini nəştabı- “naharın açarı” hesab edirdilər. Bütün
Azərbaycan bölgələrində səhər yeməyinin süd-ağartı məhsulları ilə başa
vurulması ümumi qayda idi. Lakin bunula belə süfrəyə bal, yumurta
qoymaqla, soyuq fəsillərdə isti xörəklər çıxarmaq da məqbul hesab
edilirdi.
Səhər yeməyinin dəqiq zaman ölçüsü müəyyən edilməmişdi.
Kəndli ailələrində çöl-təsərrüfat işləri (həyətin sahman salınması, mal-
davarın örüşə çıxarılması və s.) yerinə yetirləndən sonra səhər
yeməyinə başlanırdı. Bu müddət ərzində qadınlar çörək-çörək hazırlayır,
süfrəni nizamlayır, çay tədarükü görür, “Allah verəndən” süfrəyə
çıxarırdılar.
Günorta yeməyi (nahar) şəhər müddətində varlı ailələrdə mütləq
kalorili yeməklərlə (plov, bozbaş, piti, küftə, lənəvgi-plov, balıq
yeməkləri və s.) qeyd olunurdu. Nahar yeməyində də sosial fərqlər
aydın görünürdü. Çöl-təsərrüfat işləri ilə məşğul olan rəiyyət-rəncbər
əhalinin və maldar elatların bu yemək öynəsi də süd-ağartı məhsulları
(qatıq, pendir, şor, atlama) nadir hallarda isə isti xörəklərlə başa çatırdı.
Naharın vaxtını çöl-təsərrüfat işləri ilə məşğul olanlar günorta
kölgəsinin itməsi ilə, şəhər və kəndlərdə isə məscidin günorta azanı ilə
müəyyən edirdilər.
Səhər və nahar yeməyindən fərqli olaraq şam yeməyinə ailə
bütün ailə üzvləri evə yığılandan sonra başlanırdı. Şam yeməkləri əksər
hallarda isit çörəklərlə keçirilirdi. Bunu üçün əvəlikli umac, südlü dıyıq,
qaşıqxəngəli, əriştəli isti (tumac), qındı, yarma-sıyıq və s. bişirilirdi.
Varlı ailələrdə də ət yeməyi ətli-yağlı yeməklərlə başa çatırdı. Uzun
əsrlər boyu formlaşan qaydaya görə, şam yeməyinin az və tez yeyilməsi
məsləhət idi. Şam yeməyi, bir qayda olaraq, şər qarşıandan, “çöl-
bayırdan əl-ayaq yığışandan” sonra icra olunurdu. Lakin azyaşlı uşaqlar
tez yatdığına görə onları tez də yedizdirirdilər. Bütün yemək
öynələrində süfrəyə çörək yetərincə qoyulurdu.
Uzun əsrlərin sınağından çıxan, öz mühafizkarlığına bu
günümüzə qədər qoruyub saxlayan, daim yeni-yeni yazılmamış
qaununlarla zənginləşən süfrə mədəniyyətimizin bütün qafqaz hətta
dünya xalaqlarına örnək ola biləcək dəyərli ənənələri mövcud olmuşdur.
Hər şeydən əvvəl, keçmişdə Azərbaycanda yemək öynəsi döşəməyə
salınmış həsir, palaz və ya xalça üzərinə süfrə salmaqla və süfrə
ətrafında bardaş qurub oturmaqla həyata keçirilirdi. Ailədə
mövqeyindən və yaş fərqindən asıl olaraq hər kəsin süfrədə öz yeri
vardı. Evin “dörd başı” adlanan yuxarı başında buarı ətrafında ailə
başçısı üçün mütəkkə və balış qoyulurdu. Süfrə ətrafına düzülmüş nalça,
(nimdər) üzərində isə evin digər üzvləri nüfuz və mövqeylərinə görə
yerləşirdilər. Yemək və istirahət zamanı ailə başçısının yanında
uzanmaq, dirsəklənmək, artıq hərəkətlərə yol vermək, yersiz danışmaq
qəbahət sayılırdı. Yemək-süfrəyə əl uzatmaq ailə başçısının “bimillah”
kəlməsindən sonra çörəyi kəsməsi ilə başlanırdı. Bu faktlar, bütövlükdə,
Azərbaycan ailələrində ata nüfuzunun, ata hörmətinin nə dərəcədə
böyüklüyünü bir daha təsdiqləyir. Şörək süfrəyə bütöv qoyulur, onu əllə
kəsməyə üstünlük verilirdi. Evə qonaq gəldikdə isə yemək süfrəsinin
arxasında qadınlar və uşaqlar oturmazdılar.
Qonaqlıq süfrələri xüsusi təmtəraqla hazırlanırdı. Hər bir
qonaq üçün mütəkkə və nazbalış qoyular, ortalığa açma (dəstərxan) və
ya qələmkar süfrə salınar, yeməkdən əvvəl və ya sonra qonağın əlini
yuması üçün aftafa-ləyən gətirilərdi. Şəhər yerlərində bundan əlavə,
yeməkdən sonra əli yumaq üçün ayrıca bir kasada gülablı suda
qoyulurdu. Qonaqlıq süfrələrində az yemək və yaxud da heçnə yemək
süfrə sahibinə hörmətsizlik kimi qəbul edilirdi.
Yeməyin süfrəyə verilməsində də müəyyən qaydalara əməl
olunurdu. Süfrəyə plov yeməkləri iri məcməyidə verilirdi. Orta əsrlərin
məhəbbət dastanlarında aydın olduğu kim, kübar ailələr də yemək
rejimi müəyyən olunmuş qaydalarda, saray hücrələrində, adətən, yerdə
süfrə salmaqla həyata keçirilmişdir. Xörək məcməyilərdə düzülmüş,
qul-qaravaşlar və ya dayələr vasitəsilə şahzadələrin otaq hücrələrinə
aparılmışdır. Uşaqlara isə “şərbəti” adlanan balca mis qablarda yemək
verilirdi. Bir qayda olaraq, plov və xəngəl kimi yeməklər məcməyi və
sinilərdə, duru və isti yeməklər isə kasalarda (mis, saxsı, büllur) süfrəyə
verilirdi. Kababı şiş üstündə süfrəyə çıxartmaq adət halını almışdı. Çox
zaman ailə başçısının və digər nüfuzlu ailə üzvlərinin xörəyi ayrıca
qablarda çəkilirdi.
Yeməyi əllə və ya taxta qaşıqla yemək ənənəsi uzun əsrlər boyu
davam etdirilmişdir. Adətən, bozbaş, qovurma, bozartma, kələpır,
ağsoğlaq, plov, xəngəl, ləvəngi və s. quru və ya azsulu xörəklər əllə və
ya çörəyi batırmaqla (doğramaqla) yeyilir, əriştə istisi, qaşıqxəngəli,
xəmiraşı, düşbərə, tumac kimji yeməklər üçün qaşıq işlədilirdi. Evdə
qonaq olmadıqda yemək əvvəlcə ailə başçısını qabağına qoyulurdu. Hər
kəsim öz yeməyi axıra qədər yeməsi vacib idi. Boşqabı, kasası yeməklə
buşalıqlı qalmış oğlan və qızları “nişanlın çirkin olacaqdır” deyə
yaşlılar zarafatla tənqid edirdilər. Nişanlı oğlan və qızları qazanın
dibində qalan yeməyi də yeməyə qoymazdılar. Buna əməl etməyənin,
xalq inamına görə, “toyunda qar yağacağı” gözlənilirdi.
Əsrlər boyu yeməklərin qəbulunda yaş daim nəzarətə alınmışdır.
Belə ki, azyaşlı uşaqların yeməkləri, ahılların yeməkləri, cavan ailə
üzvlərinin yeməkləri çox zaman ayrıca hazırlanmışdır. Uşaq
yeməklərində süd-ağartı məhsulları üstünlük təşkil etmişdir. Süd və
qatıq doğramacı, yağ yaxması və dürməyi, pendir dürməyi, bal yaxması
uşaqların sevimli yeməyi hesab olunurdu. Qocların yeməkləri isə
başlıca olaraq duru və isti yeməklərdən, quymaq, xəşil, halva, hədik,
qındı, südlü sıyıq və s. kimi dış tələb etməyən və tez həzm olunan
yeməklərdən ibarət olmuşdur. Onlar üçün dəqiq müəyyən olunmuş
öynə də gözlənilmirdi. Aclıq hiss edən hər bir qoca və ya uşaq vaxt-
bivaxt yeməyə başlayırdı.
Dostları ilə paylaş: |