87
iki qəhrəman qeyri-adi gücə malikdir və onlara sehr təsir et-
mir. “Qaraqaşın nağılı”nda da Qaraqaşa sehr təsir etmir. La-
kin bu nağılda qəhrəmanın məğlubedilməzliyi onun qeyri-adi
mənşəyə malik olması ilə deyil, dərvişin ona verdiyi sehrli su
ilə motivləşdirilir. Məğlubedilməzliyin bu şəkildə motivləş-
dirilməsi sehrli köməkçinin alınması ilə qeyri-adi doğuluşun
sərhədində dayanır. Belə ki, qəhrəmanın məğlubedilməzlik
xüsusiyyəti ona sehrli hədiyyə kimi verilir (7, 20). Məlumdur
ki, qeyri-adi gücün möcüzəli su ilə motivləşdirilməsi “Koroğ-
lu” eposunda da mövcuddur. Bu motiv “Koroğlu” eposunun
müxtəlif variant və versiyalarında özünü göstərir. M.H.Təh-
masib və M.Seyidov bu motivi türk xalqlarının inamları ilə
əlaqələndirir (4, 473; 30, 193).
Qəhrəmanın məğlubedilməzliyi həmişə onun qeyri-adi
mənşəyi ilə əlaqələndirilmir. Yuxarıda qeyd etdiyimiz motivdə
qəhrəmanın qeyri-adi gücə malik olmasının möcüzəli su ilə
əlaqələndirilməsi bunu təsdiq edir. Bu fikir sehrli qəhrəmanlıq
nağıllarında özünü göstərən digər nümunələrlə də təsdiq olu-
nur. “Simanın nağılı”nda Simanın Nil dəryasında çimdirilməsi-
ni onun məğlubedilməzliyinin səbəbi kimi qəbul etmək olar
(Müqayisə et: yunan mifologiyasında Fetida oğlu Axillesi Stiks
çayında çimdirəndən sonra Axilles məğlubedilməzlik qazanır).
Simanın məğlubedilməzliyi ilə bağlı nağılda əks olunan digər
bir motiv də maraqlıdır. Siman Simurq quşunun balalarını ye-
mək istəyən əjdahanı öldürür. Simurq quşu əjdahanın ətinin
yaxşı yerlərindən balalarına, ürəyini isə Simana verir (7, 37).
Bu motivdə heyvanların müəyyən bədən üzvlərini yeməklə on-
ların uyğun xarakterlərinin mənimsənməsi inamı öz əksini ta-
pır. Qəhrəmanın məğlubedilməzliyi “Cantiq” nağılında onun
ruhunun gizli saxlanması ilə bağlıdır. Nağılda qəhrəmanın ruhu
onun döşündə yerləşən damarda olur. Qəhrəmanın adı onun ru-
hunun yerləşdiyi yeri nişan verir. Nə qədər ki, qəhrəmanın adı-
88
nın mənası gizli saxlanır, o, məğlubedilməz olur. Qəhrəman
adının mənasını açandan sonra onun ruhunun yerləşdiyi yer
məlum olur. Qarı onun sinəsində olan damarı götürür və bu-
nunla qəhrəman ölür (7, 90). “Paslı qılınc” nağılında qəhrəma-
nın məğlubedilməzliyi paslı qılıncla bağlıdır. Yuxarıda göstər-
diyimiz kimi, bu nağılda kiçik qardaş qılıncı belinə bağlayanda
ona gec gəlir. Məhz buna görə də o, düşmənlərinə qalib gəlir.
Qarı qəhrəmanın gücünün harada yerləşdiyini onun arvadından
öyrənir və qılıncı qəhrəmanın belindən açır. Bundan sonra qəh-
rəman “yuxudan ayılmır”. Qeyd edək ki, bu nağılda qılınc ikili
funksiya daşıyır. Qılınc sehrli əşya kimi qəhrəmanın atasından
qalır. Lakin nağılda qılınc sehrli əşya səviyyəsində realizə
olunmur. İrəlidə qılıncın sehrli əşya kimi özünü necə göstərdi-
yini qeyd edəcəyimizdən burada bu məsələyə toxunmuruq. Bu
nağılda qılınc qəhrəmanın ruhunu simvolizə edir. Belə ki, qı-
lınc qəhrəmanın belindən açılandan sonra o ölür. “Cantiq” na-
ğılında damarın Cantiqin sinəsindən götürülməsi ilə bu nağılda
qılıncın qəhrəmanın belindən açılması simmetrikdir. Qeyd
edək ki, bu motiv “Kılıç-batır” adlı özbək nağılında da möv-
cuddur. Bu nağılda qəhrəman ruhunun qılıncda olması haqqın-
da arvadına danışır. Arvad sirri qarıya açır. Qarı isə Kılıç-
batırın qılıncını çıxarıb suya atır. Bununla da Kılıç-batır huşsuz
vəziyyətdə yerə yıxılır. (184, 241). (Müqayisə et: demonik su-
rətlərin ruhunun tutulması ilə onların öldürülməsi).
Bahadır uşaqlıqdan qeyri-adi gücü ilə ətrafdakıların diq-
qətini cəlb edir. “Naxırçı oğlu Eyvaz” nağılında bahadır doğu-
landan üç gün sonra dil açıb danışır. O, atası ilə bərabər naxır
otarmağa gedir. Uşaq atasının ona verdiyi balaca çomaqları
qırıb ataraq əlinə tir alır və sürüyə hücum edən canavarları
təkbaşına qovur. Padşahın onu tutmaq üçün göndərdiyi pəhlə-
vanlara qalib gəlir (11, 118-119). “Simanın nağılı”nda qəhrə-
manın əjdaha ilə vuruşub ona qələbə çalması da erkən qəh-
89
rəmanlıq kimi özünü göstərir. “Kəl Həsənin nağılı”nda doqquz
yaşlı qəhrəman adamlara hücum edən ayıları öldürür. Uşağın
qeyri-adi gücü hər yerə yayılır (7, 189). “Uşaq pəhləvan” nağı-
lında isə bahadırın əsas qəhrəmanlıqları uşaqlıq dövründə baş
verir. Bahadır yeddi yaşında qeyri-adi gücə malik olur. (O,
“hansı uşaqla zarafatlaşsa, ya belini, ya da qolunu sındırır”).
Uşaqdan padşaha şikayətə gedirlər. Padşahın adamları çətin-
liklə uşağı padşahın yanına gətirirlər. Yolda hansı ağaca əl atır-
sa, onu kökündən çıxarır. Padşah uşaqda bu gücü görüb pəhlə-
vanlarına tapşırır ki, uşağa təlim keçsinlər. Firəng padşahı on-
ların torpağına hücum edəndə padşah uşağı müharibəyə gön-
dərmək istəyir. Uşaq müharibənin mənasını bilmədiyi üçün
müharibəyə getmək istəmir. Onu hiylə ilə döyüşə göndərirlər.
Firəng padşahı məğlub olacağını görüb cadugər qızına uşağı
tutmağı tapşırır. Firəng padşahının qızı onu tilsimə salıb aparır.
Uşaq da on dörd yaşına çatandan sonra qolundan zənciri qırıb
azad olur (10, 130-135). Sehrli nağıllarda qəhrəman on dörd-on
beş yaşında fəaliyyətə başlayırsa, “Uşaq pəhləvan” nağılında
qəhrəman on beş yaşında öz fəaliyyətini bitirir (”Reyhanın
nağılı”nda qəhrəman qeyri-adi gücü ilə yoldaşlarından fərqlə-
nir və onları oyun zamanı incidir. Maraqlıdır ki, bu motiv
başqırd nağıllarında da mövcuddur (104, 7).
Erkən qəhrəmanlıq türk, eləcə də digər xalqların baha-
dırlıq nağılları və eposunun əsas struktur elementlərindən
biridir (101, 247-249; 136, 87; 137, 87; 138, 130). Eposda er-
kən qəhrəmanlığı araşdıran S.Y.Neklyudov erkən qəhrəman-
lığın arxaik folklorda müşahidə olunmaması ilə bağlı olaraq
bu motivin eposa sonradan daxil olması və bahadırın əsas
fəaliyyətə icazə alması kimi ilkin sınaqla bağlı olması qəna-
ətinə gəlmişdir (137, 138-139).
Sehrli qəhrəmanlıq nağıllarında bahadır qeyri-adi bədən
ölçüsünə malikdir. Məhz buna görə də onun yemək imkanları
Dostları ilə paylaş: |