9
I F Ə S Ġ L
KĠÇĠK QARDAġ SURƏTĠNĠN SƏCĠYYƏSĠ
VƏ MƏNġƏYĠ
Sehrli nağıllarda kiçik qardaş surətinin ideallaşdırılması
məsələsi Sovet folklorşünaslığında müxtəlif şəkildə izah olun-
muşdur. Kiçik qardaş surətinin sehrli nağıllarda ideallaşdırıl-
masına dair ilk elmi konsepsiya E.M.Meletinski tərəfindən
irəli sürülmüşdür. Müəllifin fikrincə, minorat (kiçik qardaşın
varisliyi) ibtidai cəmiyyətdən sinifli cəmiyyətə keçid döv-
ründə mayoratla (böyük qardaşın varisliyi) əvəz olunur. Bu
zaman ibtidai cəmiyyət üçün xarakterik olan böyük ailədən si-
nifli cəmiyyət üçün xarakterik olan kiçik ailəyə keçid prosesi
gedir.Böyük ailədə kiçik qardaş ata mülkünün qanuni varisi
və ata ocağının sahibi idi. Ancaq bu vaxt əmlak qardaşlar ara-
sında bərabər bölünürdü. Böyük qardaş ata mülkündən özünə
çatan payı alaraq ayrılır və özünə ayrıca təsərrüfat qurur.
Kiçik qardaş isə valideynlərin yanında qalaraq onlara qayğı
göstərir və ailə mərasimlərini icra edirdi. Böyük ailədən kiçik
ailəyə keçid zamanı mayorat meydana çıxır və böyük ailənin
dağılmasının təşəbbüskarı olur. Mayorat birgəliyə, bərabərli-
yə əsaslanan böyük ailənin qoruyucusunu, yəni minoratı sı-
xışdırır. Bu zaman, müəllifin fikrincə, hüquqi minorat yara-
nır. Yəni kiçik ailə daxilində kiçik qardaşın varisliyi qanun-
laşdırılır. Ancaq mayorat qeyri-qanuni olaraq kiçik qardaşı sı-
xışdırır və ata mülkiyyətini ələ keçirməyə başlayır. Bununla
bağlı olaraq kiçik qardaş ibtidai cəmiyyətdən sinifli cəmiyyə-
tə keçid dövründə sosial uğursuza çevrilir. Beləliklə, müəllifə
görə, kiçik qardaş haqqındakı nağıllar patriarxal cəmiyyətin
dağılmasını əks etdirir. Ədalətli patriarxal cəmiyyətin qoru-
yucusu olduğuna görə və bu keçid prosesində böyük qardaş
tərəfindən sıxışdırılaraq sosial cəhətdən iflasa uğradığına görə
10
kiçik qardaş “kasıb təbəqə”nin simvolu kimi sehrli nağıllarda
ideallaşdırılır (128, 64-160).
Bu konsepsiyanı sonralar bəzi nağılşünas və etnoqraflar
müəyyən “düzəlişlər”lə qəbul etmiş və ya tamamilə inkar et-
mişlər.
V.N.Anikinin fikrincə, kiçik qardaş sosial uğursuza çev-
rildiyinə görə deyil, məhz böyük ailədə varis olduğuna, ata-ba-
baları üçün xeyrat verdiyinə və tayfa ənənələrinə əməl etdiyinə
görə ideallaşdırılır (52, 151-155). Onun ardınca qazax şərq-
şünası S.Kaskabasov göstərir ki, E.M.Meletinskinin konsep-
siyası qazax materiallarına uyğun gəlmir. Belə ki, müəllifin
fikrincə, XIX əsrin birinci yarısına qədər qazaxlarda böyük ailə
mövcud olmuş, kiçik qardaşın böyük qardaşlar tərəfindən
sıxışdırılması prosesi XIX əsrin ikinci yarısından sonra, yəni
böyük ailənin dağılması prosesi ilə başlamışdır. Bu etnoqrafik
bazaya söykənən müəllif göstərir ki, kiçik qardaşın sehrli nağıl-
larda ideallaşdırılması həm mayoratın yaranmasına qədər, həm
də mayoratın yaranmasından sonra mümkündür. Müəllif kiçik
qardaşın ideallaşdırılmasının mayorata qədərki mərhələsini
onun ailə kultu ilə bağlılığı, mayoratdan sonrakı mərhələsini
isə böyük qardaş tərəfindən sıxışdırılması ilə izah edir (113,
132-139). Beləliklə, müəllif kiçik qardaş surətinin izahında
E.M.Meletinskinin konsepsiyasını diaxronik şəkildə parçalayır.
Başqırd etnoqrafı N.V.Bikbulatov E.M.Meletinskinin ək-
sinə olaraq belə hesab edir ki, türk xalqlarının etnoqrafiyasında
minoratın mayorat tərəfindən sıxışdırılmasına və mayoratlığın
yayılmasına təsadüf olunmur. Ona görə də E.M.Meletinskinin
əksinə olaraq mayoratlığı ilkin, minoratlığı isə sonrakı hadisə
hesab edir. Müəllif inandırıcı şəkildə sübut edir ki, böyük ailə-
də vərəsəlik böyüklük prinsipi ilə gedir. Minoratlıq isə böyük
ailənin kiçik ailəyə parçalanması nəticəsində ata mülkünün
kiçik qardaşa keçməsi ilə bağlıdır. Bu qanunauyğunluğa əsasla-
11
nan müəllif göstərir ki, kiçik qardaş haqqında nağıllar minorat-
lığın “ideya-estetik əsası” və o dövrkü cəmiyyətin nöqteyi-
nəzərinə görə, “ədalətsizlik prinsipi kimi mayoratlığın inkarı,
kəskin mühakiməsi”dir (67, 52-62). Beləliklə, kiçik qardaş su-
rəti N.V.Bikbulatovun interpretasiyasında E.M.Meletinskinin
interpretasiyasının əksinə səslənir.
Qeyd edək ki, minoratlığın tarixi yerinə görə N.V.Bikbu-
latovla qeydsiz-şərtsiz razılaşmaq lazımdır. Ancaq müəllif, biz-
cə, kiçik qardaş surətinin mahiyyətini düzgün izah edə bilmə-
mişdir. Kiçik qardaş surətinin ideallaşdırılması minoratlığın
ideologiyası kimi mayoratlığın inkarı ilə əlaqədar olsaydı, na-
ğıllarda hadisələr kiçik ailə daxilində deyil, böyük ailə daxilində
baş verərdi. Bir halda ki, böyük ailə daxilində kiçiklərin hüquq-
suz olmasına görə böyük ailə və bu ailənin qoruyucusu olan
mayorat (böyük qardaş) inkar olunur, onda bu inkarın kiçik ailə
daxilində gerçəkləşdirilməsi heç bir məntiqə uyğun gəlmir.
Həqiqətən də, kiçik qardaşın ideallaşdırılması böyük ailənin və
buradan da mayoratın inkarıdırsa, bu inkar kiçiklərin vəziy-
yətinin ağır olduğu böyük ailədə baş verməli idi. Kiçik qardaşı
ideallaşdıran sehrli nağıllarda isə hadisə məhz kiçik qardaşın
(N.V.Bikbulatovun fikri ilə desək) müstəqil olduğu kiçik ailə
daxilində baş verir. İkinci halda kiçik qardaşın ideallaşdırılma-
sının N.V.Bikbulatov konsepsiyasına yer qalmır.
E.M.Meletinskinin kiçik qardaşın ideallaşdırılması haq-
qındakı konsepsiyası isə N.V.Bikbulatovun minoratlıq kon-
sepsiyası ilə inkar olunur. Müəllif kiçik qardaşın ideallaşdırıl-
masını əsas etibarilə böyük ailədən kiçik ailəyə keçid döv-
ründə böyük qardaşın kiçik qardaşı sıxışdıraraq ata mülkünü
ələ keçirməsi ilə izah etmişdir. Ancaq bu fikir faktik materiala
qətiyyən uyğun gəlmir.
Asiya köçərilərinin ailə formalarının tarixini tədqiq edən
S.M.Abramzon göstərir ki, bizim eranın I minilliyinin ortala-
Dostları ilə paylaş: |