35
mastiklər yaxılma temperaturu intervalında lazımi istifadə rahatlığını
təmin etməlidir;
mastiklər lazımi axıcılıq müqavimətinə malik olmalı və yaxılma və
istismar prosesində qovşaqda dayanmalıdır;
bərkidici mastiklər dağılma anında 0,1MPa-dan az olmayan şərti
möhkəmliyə malik olmalıdırlar; dağılma anında nisbi uzanma 150-300%-
dən az olmamalıdır; ikikomponentli bərkidici mastiklərin bərkimə müddəti
iki saaydan az olmamalıdır;
bərkidici olmayan mastikalar bircinsli olmalıdır; en kəsiyi 60-30 mm olan
nümunədə ölçüsü 1mm-dən çox olan ikidən artıq qarışıq olmamalıdır;
bərkiməyən mastiklərin minimal yol verilən istismar temperaturunda nisbi
uzanması 7%-dən aşağı olmamalıdır.
Quruyan mastiklər aşağıdakı tələblərə cavab verməlidirlər:
tozdan quruma müddəti 60 dəqiqədən artıq olmayaraq təmin olunmalıdır;
quru qalığın miqdarı 50%-dən artıq olmamalıdır;
tərkibində zəhərli həlledicilər olmamalıdır.
Poqonaj məmulatlar aşağıdakı tələblərə cavab verməlidirlər:
calaq və qovuşaqların izolyasiyası üçün nəzərdə tutulan poqonaj
məmulatlar istifadəyə hazır formada buraxılmalıdır. Yarıqlara yapışdı-
rılması nəzərdə tutulan məmulatlar yapışqanla dəstləşdirilməlidir. Lakin
istehlakçı ilə razılaşdırılmaya əsasən məmulatlar satışa yapışqansız da
çıxarıla bilər;
poqonaj məmulatlar yarıq, qovuşaq və calaqların mümkün ölçü
variasiyalarını nəzərə almaqla müxtəlif tipik ölçülərdə buraxılır;
poqonaj məmulatlar tərkibində kənar qarışıqlar olmamaq şərtilə bircinsli
struktura malik olmalıdırlar; məsaməli aralıqlar bərabərsəviyyəli məsa-
məliliyə və bütöv səthi örtük təbəqəsinə malik olmalıdırlar.
36
2.2. Ticarətə daxil olan polimer inşaat materiallarının bəzi istehlak
xassələrinin tədqiqi və keyfiyyət göstəricilərinin standarta uyğunluğunun
yoxlanması
Polimer inşaat materialları onlara qoyulan istehlakçı tələbini ödəmək üçün
istehlak xassələrinin kompleksinə malik olmalıdırlar. Polimer inşaat materiallarının
istehlak xassələri göstəricilərinə sıxlıq, möhkəmlik, bərklik, konusteruksiya
keyfiyyəti, temperatura davamlılıq, şaxtaya davamlılıq, kimyəvi təsirlərə qarşı
davamlılıq, uzunömürlülük və s. aiddir.
Aparılan təhlillər göstərir ki, polimer inşaat materialları bir çox xassə
göstəricilərinə görə digər inşaat materiallarından üstündür. Bu müqayisəli təhlili
aşağıdakı kimi xarakterizə etmək olar.
Polimer materiallarının ən qiymətli xassələrindən biri onların sıxlığının az
olmasıdır. İnşaatda ən geniş tətbiq olunan plastiklərin, o cümlədən məsaməli
plastiklərin sıxlığı 1-dən 2200kq/m
3
-ə qədər dəyişir. Xüsusi plastiklər, məsələn,
rentgenkeçirməyən, barium-sulfat dolduruculu plastiklər daha yüksək sıxlığa malik
ola bilirlər. Məsaməli plastikləri çıxmaq şərtilə plastik kütlələrin orta sıxlığı
alüminiumla müqayisədə 2 dəfə, polad, mis və qurğuşunla müqayisədə isə 5-8 dəfə
azdır. Buradan aydın görünür ki, hətta slikat materiallarının bir hissəsinin belə
plastik kütlə ilə əvəz olunması bina və qurğuların kütləsinin əhəmiyətli dərəcədə
azalmasına səbəb olur.
Laylı doldurucuya malik plastik kütlələrin möhkəmlik xarakteristikası xüsu-
silə yüksəkdir. Məsələn, şüşətekstolitin dartılma zamanı möhkəmlik həddi 280
kq/sm
2
(poladda 3800-4500 kq/sm
2
), ağacda 3500 kq/sm
2
və şüşə lifli anizotrop
polimer materialında 4600 kq/sm
2
-dir. Qeyd olunanlardan göründüyü kimi, təbə-
qəli plastiklər binaların yük düşən konustruktiv elementlərinin hazırlanmasında
tətbiq edilə bilər.
Bu materialların sıxılmada möhkəmlik həddi də kifayət qədər yüksəkdir, daha
dəqiq desək, bu göstərici ağacda 200 kq/sm
2
, şüşətekstolitdə 1600 kq/sm
2
və
təbəqəli plastiklərdə isə 4000 kq/sm
2
-dir.
37
Beləliklə, plastik kütlə materiallarının dartılmada və sıxılmada möhkəmlik
həddi göstəricisi əsas möhkəmlik xarakteristikası kimi silikat qrupuna daxıl olan
bir çox inşaat materiallarından daha yüksəkdir. Məsaməli plastiklərdə möhkəmlik
xarakteristikası o qədər də yüksək deyil, lakin, qoyulan tələbləri qane edir.
Polimerdən olan konustruksiya materialları üçün vacib göstərici materialın
konustruktiv keyfiyyəti, başqa sözlə materialın möhkəmliyinin onun sıxlığına olan
nisbətindən alınan əmsaldır. Yüksək konustruksiya keyfiyyəti əmsalına malik olan
materialların tikintidə geniş tətbiq olunması müasir inşaatın qarşısında duran əsas
vəzifənin – bina və qurğuların kütləsinin azaldılması məsələsinin düzgün həll
olunmasına şərait yaradır. Məhz bu baxımdan plastik kütlələrin göstəriciləri birinci
yeri tutur.
Konustrukiv keyfiyyət əmsalı kərpiclər üçün 0,02, adi markalı betonlar üçün
1,50-0,06, polad üçün 0,5, düralüminium üçün 1,6, təbəqəli polimer materialları
üçün 2,2 və nəhayət ağac materialı üçün 2,5-dir. Beləliklə konustruktiv keyfiyyət
əmsalına görə təbəqəli plastiklər əvəzedilməzdir, onlardan ən möhkəm və ən
yüksək keyfiyyətli konustruksiyalar yaratmaq olar.
Sıx plastik kütlələrin istilikkeçirməsi 0,2-0,6 kkal/msaat dər. hədlərində
dəyişir. Ən yüngül məsaməli plastiklərin istilikkeçirmə əmsalı 0,026-dır, başqa
sözlə onların istilikeçirmə əmsalı havanın istilikeçirmə əmsalına yaxındır.
Tamamilə aydındır ki, plastik kütlələrin aşağı istilikeçirməyə malik olması
onların inşaat texnikasında geniş istifadəsinə imkan verir.
Polimer materiallarından inşaatda ən geniş tətbiq olunanlardan biri də üzvi
şüşədir. Üzvi şüşələrin şəffaflığı maksimum qəbul olunmuş 100 vahidlə (almaz
üçün) müqayisədə 83-94 hüdudlarında dəyişir. Üzvi şüşələr asan formaya düşməsi
ilə də fərqlənir. Kifayət qədər möhkəmlik xarakteristikasına malik olması üzvi
şüşələrin tikintidə tətbiqini daha da genişləndirir.
Plastik kütlə materiallarının ən qiymətli xassələrindən biri də onların asan
emal edilərək müxtəlif, hətta ən mürəkkəb formanı almasıdır. Bu materialların
yonulmadan emal edilməsi hazırlanan məmulatın maya dəyərini də aşağı salır.
Dostları ilə paylaş: |