375
Əsas məktəb – 5-9 siniflərin daxil olduğu ümumtəhsil məktəbinin bir hissəsi.
Əsas məktəbin məzunları natamam orta təhsil alırlar.
Qiymət – kimyadan öyrədilən bilik, bacarıq və vərdişlərin rəqəmlərlə, yaxud
ballarla şərti ifadəsi.
Qiymətləndirmə - kimyadan bilik, bacarıq və vərdişlərin mənimsənilmə
dərəcəsinin təyini.
Əsas düşüncə priyomları – Əqli nəticə çıxarmağın üsulları. Əsas düşüncə
priyomlarına: müqayisə, ən əhəmiyyətlinin aşkarlanması (abstraktlaşdırma),
sistemləşdirmə, müşahidə edilən hallardan nəticələrin formalaşdırılması, sübutların
qurulması,
qanunauyğunluğun
aşkarlanması
və
ehtimalların
qurulması,
ümumiləşdirmə aiddir.
Anlayış – bilik forması, predmet haqqında məntiqlə tərtib edilmiş ümumi fikir.
Məktəb kimya kursunda üç əsas anlayış sistemi formalaşır: maddə haqqında, kimyəvi
reaksiyalar haqqında, məhlullar haqqında.
Dərslər üzrə tematik planlaşdırma – mövzulara görə paylanmış və qoyulan
tədris məsələlərinə görə birləşdirilmiş proqrama müvafiq müəyyən dərslər sistemini
əks etdirən sənəd. Dərslər üzrə təqribi planlaşdırma proqramın müəllifi və ya metodist
tərəfindən tərtib edilir. Müəllimin dərslər üzrə planlaşdırması təqribi planlaşdırmaya
əsasən tərtib edilir.
Dərs proqramı – mövzular üzrə tədrisin məzmununu, məntiqi quruluşunu,
vaxtının paylanmasını, həmçinin mənimsəmə nəticələrinə verilən tələbləri müəyyən
edən əsas elmi-metodiki sənəddir.
İxtisas məktəbi – 10-11-ci siniflərin daxil olduğu ümumtəhsil məktəbinin bir
hissəsi. Burada kimyanın tədrisi baza, ixtisas və dərinləşdirilmiş səviyyələrdə həyata
keçirilə bilər. Fizika, kimya və biologiya kursları əvəzinə ixtisas məktəbində
“təbiətşünaslıq” kursları (həftədə 3 saat) keçilə bilər.
Refleksiya – (lat. Reflexio – geriyə qayıdış, refleksiya) düşünmə,
özünümüşahidə.
376
Dərslərin özünütəhlili – müəllimin pedaqoji ustalığının özünütəkmilləşdirmə
üsulları.
Kimyanın tədrisinin yoxlama vasitələri – müvafiq tədris nəticələrinin (yaxud
ayrı-ayrı nəticə göstəricilərinin) aşkarlanmasına yönəldilmiş müəyyən əməllərin
həyata keçirilməsi üçün nəzərdə tutulmuş tapşırıq və ya tapşırıqlar toplusu (test,
yoxlama işi).
Kimyanın tədris vasitələri – kimyanın tədrisinin məqsəd və məsələlərinin
yerinə yetirilməsinə kömək edən maddi obyektlər.
Kimya dərsinin quruluşu – kimya dərsinin komponentlərinin müəyyən
ardıcıllıqda və bir-biri ilə qarşılıqlı təsirdə nisbəti.
Termin – anlayışı ifadə edən söz.
Test – psixologiya və metodikada – müəyyən məzmunlu və müəyyən statistik
xüsusiyyətlərə malik standartlaşdırılmış tapşırıqlar sistemi. Test tapşırıqlarının yerinə
yetirilmə nəticələrinə əsasən şəxsiyyətin müəyyən xarakteri, bilik və bacarıqların
formalaşdırılması haqqında qərar verilir.
Test tapşırığı – testə daxil olan tapşırıq. Tapşırıqlar qapalı cavab formalı, qısa
cavablı və geniş cavablı olurlar.
Nəzəriyyə - obyektiv reallığın mahiyyətinin dərk edilməsini əks etdirən elmi
prinsiplər sistemi, tədris məzmunu növüdür. Kimyada: atom-molekulyar nəzəriyyə,
atomun quruluşu və kimyəvi rabitə nəzəriyyəsi və s.
Dərsin tipi – dərslərin təsnifatlandırılması elementi. Müxtəlif tip dərslər yeni
materialın izahı, əvvəlcədən əldə edilmiş biliklərin təkmilləşdirilməsi və ya biliklərin
yoxlanması ilə bağlı ən əhəmiyyətli müxtəlif didaktik məsələlərlə xarakterizə edilir.
Ənənəvi kimya kursu – məntiqi maddə haqqında anlayışlar sisteminin
inkişafına tabe olan sistematik kimya kursu. Ənənəvi kimya kursunda həqiqi biliyin
meyarı müəliim və dərslik yox, eksperimentdir. Ənənəvi kursda ümumiləşdirmə
öyrənilən faktlar əsasında baş verir.
377
Tyütor (ing. To tutor – öyrətmək, rəhbərlik etmək, himayə etmək). Adətən
tyütor fəaliyyəti distant təhsil alan professional məşğul adamların öyrədilməsinə
yönəldilir. Çox vaxt tyütora müəllimin dərsdə və ya dərsdənkənar fəaliyyətində
köməkçisi kimi baxılır.
Çalışma - əldə olunmuş bacarığın möhkəmləndirilməsinə istiqamətləndirilmiş
tapşırıq növüdür.
Kimyanın öyrənilmə səviyyəsi – öyrənilən nəzəri materialla müəyyən edilən
kimyəvi hadisələrin mahiyyətinin izahının dərinliyi. Empirik-analitik, atom-
molekulyar, dövri qanun, atomun quruluş nəzəriyyəsi və s. səviyyələrə bölünür.
Kimya dərsi – daimi şagird tərkibinə malik 40-45 dəqiqəlik kimya
məşğələsidir ki, bu proses zamanı müəllim şagirdlərin tədrisi, inkişafı və tərbiyəsi
məsələlərini reallaşdırır.
Dərslik –fənnin əsas tədris vasitəsidir, tədris prosesini modelləşdirən tədris-
metodik kompleksin mühüm komponentlərindən biridir.
Biliklərin qeydiyyatı – şagirdlərin tədris nailiyyətlərinin aşkarlanmasına və
müəllimin metodik təsirinin düzəldilməsinə yönəldilmiş tədbirlər sistemidir.
Məktəbdə kimya – tərkibinə kimyanın əsasları – maddələr, onların tərkibi,
quruluşu, xassələri, çevrilmə prosesləri haqqında elmlər, kimyanın qanunlarının
insanların praktiki fəaliyyətlərində istifadəsi haqqında tədris predmetidir.
Kimyanın məktəbdə öyrənilməsi məqsədləri – məktəb kimya təhsilinin
ümumiləşdirilmiş nəticəsi. Kimyanın öyrənilmə məqsədləri tədris müəssisəsinin
məqsədlərinə müvafiqdir. Kimyanın məktəbdə öyrənilmə məqsədləri, məktəb
predmeti kimi, kimyanın konsepsiyasında, həmçinin təhsil standartında
formalaşdırılmışdır.
Məktəb kimya eksperimenti – məzmun növü və tədris üsulu. Nümayiş
eksperimenti, laborator təcrübələr və praktiki məşğələlərə bölünür.
Kimyadan elektron dərslik – kimyadan tədis materialı və interaktiv test
sistemindən ibarət kompyütor proqramı şəklində tədris vasitəsidir.
Dostları ilə paylaş: |