11
1.
Sınaq şüşəsinə 1 ml 5%-li natrium-sulfid və bir o qədər də 5%-li xlorid
turşusu məhlulu tökün. Sınaq şüşəsinin ağzına yaş lakmus kağızı tutun.
2.
Mis(II) sulfat məhlulu ilə sulfidlərin məhlulları və hidrogen-sulfidli su qara
rəngli çöküntü verir.
Təcrübə 2.PO
4
3-
ionunun keyfiyyət reaksiyası.
1.
Məktəb praktikasında fosfatların aşkar edilməsi üçün çox vaxt gümüş- nitrat
məhlulu istifadə edilir ki, bu zaman sarı rəngli çöküntü əmələ gəlir.
2.
Fosfatların aşkar edilməsi üçün dəmir (III) rodanid birləşməsinin natrium-
fosfat məhlulunun təsirindən rəngsizləşməsi reaksiyasından istifadə edilir.
Təcrübə 3.Spirtlərin keyfiyyət reaksiyaları.
a) Etil spirtinin təyin edilməsi. Spiral halında burulmuş mis məftili tutqacın
köməyilə spirt lampasının alovunda, qara rəngli mis(II)-oksid örtüyü əmələ gələnədək
qızdırın. Qızmış məftili etil spirti ilə doldurulmuş sınaq şüşəsinə salın. Məftil al-
çəhrayı rəng alır, sirkə aldehidinin zəif alma qoxusu hiss edilir.
b) Qliserinin təyin edilməsi. Təcrübəni aparmaq üçün əvvəlcə 5%-li mis(II)
sulfat və 5%-li natrium və ya kalium-hidroksidlərinin qarşılıqlı təsirindən mis(II)
hidroksid alınır. Alınan çöküntünün üzərinə qliserin tökün və 1 ml qələvi əlavə edin.
Çöküntü tamamilə həll olur, məhlul intensiv-göy rəng alır.
Təcrübə 4. Zülalların keyfiyyət reaksiyaları.
a) Ksantoprotein reaksiyası. 1 ml zülal məhluluna 5-6 damcı qatı nitrat
turşusu əlavə edin. Qızdırılma zamanı çöküntü alınır və məhlulun rəngi açıq olur.
b) Biuret reaksiyası. 1ml zülal məhluluna bir o qədər qələvi və 2-3 damcı 1%-
li mis(II) sulfat məhlulu əlavə edin. Maye qırmızımtıl-bənövşəyi rəng alır.
Zülal məhlulunu hazırlamaq üçün bir yumurtanın ağını sarısından ayıraraq,
qapalı kolbada həcmi on dəfə çox olan distillə suyu ilə yaxşıca çalmalı. Məhlulu qıfa
yerləşdirilmiş ikiqat cunadan keçirməli.
12
Təcrübə 5. Nişastanın keyfiyyət reaksiyası. Nişasta məhlulu hazırlayın.
Bunun üçün 50 ml-lik stəkanda 10 ml soyuq su ilə 3 q nişastanı qarışdırın və alınmış
qarışığın üzərinə nazik axınla qarışdıra-qarışdıra 50 ml qaynar su tökün. Sınaq
şüşəsində 0,5 ml nişasta məhlulu götürün və yarısınadək su ilə durulaşdırın.
Məhlulu qarışdırın və üzərinə yodun spirtdə məhlulundan 1 damcı əlavə edin.
Xarakter göy rəng əmələ gələcək.
Alınmış məhlulu iki yerə ayırın.
Göy rəngli məhlulun bir hissəsini qızdırın. Rəng tədricən itəcək. Mayeni
soyutduqda rəng yenidən bərpa olunacaq.
Şagirdlərə eksperimental məsələlərin həllinin öyrədilməsi metodikası bir neçə
mərhələdən ibarətdir.
1.
Nəzəri həlli: məsələnin şərtinin analizi, müvafiq keyfiyyət reaksiyalarının
seçilməsi, onların yerinə yetirilməsi ardıcıllığının müəyyənləşdirilməsi. Nəticələr
cədvəldə qeyd edilir (cədvəl 2). Birinci bölmədə reaktivlər təcrübələrin aparılma
ardıcıllığı ilə yazılır, digər bölmələrdə - müvafiq müşahidələr (qaz, çöküntü, rəng,
qoxu və s.) qeyd edilir.
Cədvəl 2.
Maddənin adı
1-ci maddə
2-ci maddə
3-cü maddə
4-cü maddə
2.
Məsələnin praktiki həlli seçilmiş reaksiyaların təyin olunmuş qaydada
aparılmasından ibarətdir. Təcrübələri apararkən şagirdlər bir sıra qaydalara riayət
etməlidirlər. Birinci, quru maddələr əvvəlcə suda həll edilməlidir. İkinci,əmələ gələn
məhlulların rənginə və qoxusuna diqqət etməli, çünki bir çox maddələr məhlulda,
onları fərqləndirən spesifik rəng və qoxuya malikdirlər. Üçüncü, təcrübəni aparmaq
üçün tədqiq edilən sınaq şüşəsindən eyni nömrə ilə nömrələnmiş boş, təmiz sınaq
şüşəsinə 1 ml-dən artıq olmayaraq məhlul tökülməlidir. Dördüncü, nəticələr yenə də
üçüncü cədvəldə göstərilən qaydada qeyd edilir.
13
Cədvəl 3.
Reaktivlər
1
2
3
4
3.Eksperimental məsələlərin həlli keyfiyyət reaksiyaları nəzərdən keçirilən
dərslərdə öyrədilməlidir. Müəllim əvvəlcə bir məsələnin həllini göstərir, digərlərini
isə şagirdlərə müstəqil olaraq həll etməyi təklif edir. Bunu həm nümayiş, həm də
laborator təcrübəsi kimi aparmaq olar.
Hər növ eksperimentin aparılması üçün kimya kabinetində cihaz, qurğu, qablar
və laboratoriya avadanlıqları həmişə istifadə üçün hazır vəziyyətdə olmalıdır.
Məktəb kimya eksperimentinə verilən tələblərdən biri – onun təhlükəsizliyidir
(etibarlılığıdır). Eksperimentin təhlükəsizliliyi əsasən cihaz və qurğuların dəqiq
quraşdırılmasından (konstruksiyasından), onların dərsin mərhələlərinə və tempinə
uyğun düzgün istifadəsindən asılıdır.
1.1.4. Kimya laboratoriyasında işləyərkən təhlükəsizlik qaydaları
Kimya laboratoriyasında maddələrlə işləyən zaman aşağıda göstərilən
təhlükəszlik texnikası qaydalarına ciddi riayət edilməlidir.
Maddələri əl ilə götürmək, onların dadına baxmaq, yaxından iyləmək olmaz.
Maddələrin iyini aydınlaşdırmaq üçün onlardan ayrılan qazı və ya buxarı əlin
yüngül hərəkəti ilə buruna tərəf yönəltmək lazımdır.
Lazım olan reaktivin etiketinə baxıb sonra götürməli, istifadə etdikdən sonra
ağzındakı tıxacları dəyişik salmadan bağlamalı və öz yerlərinə qoymalı.
Təcrübə apararkən, həmişə yalnız təmiz laboratoriya qablarından istifadə
etməli.
Təcrübə zamanı maddələrdən mümkün qədər az miqdarda istifadə etməli.
Dostları ilə paylaş: |