TƏHSİLİN İNFORMATLAŞMASININ NƏZƏRİ VƏ METODOLOJİ ƏSASLARI
Təhsildə İKT
23
uyğunlaşmaq üçün, hər bir mütəxəssis öz ixtisasına aid olan yenilikləri, yeni informasiya və
bilikləri əldə etməyi və onu öz işində tətbiq etməyi bacarmalıdır. Hazırda isə elmi biliklərin
90% - ə yaxını, o cümlədən də elektron mühitdə dövr edən informasiyanın çoxu ingilis
dilindədir. Bu baxımdan, Azərbaycanın təhsil sistemində, ümumtəhsil məktəblərindən
başlamış ali məktəblərədək, xarici dillərin, xüsusən də, ingilis dilinin öyrənilməsinə diqqəti
artırmaq vacibdir. SSRİ dövründə rus dilinin öyrənilməsinə xüsusi fikir verildiyi üçün, o
dövrdə təhsil alanlar rusdilli elmi ədəbiyyatdan istifadə edirlər, lakin ingilis dilində olan elmi
yeniliklərdən istifadə etməkdə çətinlik çəkirlər, bir çox hallarda isə, ümumiyyətlə, istifadə edə
bilmirlər. Bu baxımdan, insanın informasiya mədəniyyətinə malik olmasının əsas
göstəricilərindən biri də, hansı dildə təqdim olunmasından asılı olmayaraq, həmin
informasiyanı əldə etmək, emal etmək və ötürmək qabiliyyətinin olmasıdır. Ona görə də
insanın informasiya mədəniyyətinin səviyyəsi həmçinin müəyyən mənada onun linqvistik
mədəniyyətinin səviyyəsindən asılı olacaq.
Bundan başqa, informasiyanın həcminin artması insanların davranışına, psixologiyasına,
sağlamlığına zərər vurur. İnformasiya mənbələrinin sayı artdıqca, bir tərəfdən, düzgün qərar
qəbul etmək imkanları artır, digər tərəfdən, qərar qəbul etmək üçün böyük həcmdə
informasiyanı emal etmək, təhlil etmək, informasiya mənbələrinin mötəbərliyini müəyyən
etmək, informasiyanın doğruluğunu və s. xüsusiyyətlərini araşdırmaq lazım gəlir. İnformasiya
artıqlığı, informasiya ilə həddindən çox yüklənmə isə insanlarda stress vəziyyətinin
yaranmasına gətirib çıxardır. Belə bir vəziyyətdə insan təfəkküründə “informasiya yorğunluğu
sindromu” adlanan psixi pozğunluq və xəstəlik yaranır.
İnformasiyalaşdırmanın və informasiya stresinin simptomlarının mənfi sosial-psixoloji
nəticələrini ilk dəfə tanınmış informasiya cəmiyyəti nəzəriyyəçisi E.Toffler öz əsərlərində
(“Üçüncü dalğa” və “Futurşok”) təsvir etmiş və əsaslandırmışdı.
E.Tofflerə görə, informasiyanın istehsalının və yayılmasının yüksək tempi insandan
yeni uyğunlaşma səviyyəsi tələb edir ki, bu da hələ müasir insanın imkanları xaricindədir.
İnsan və bütövlükdə, cəmiyyət etibarlı adaptasiya mexanizmlərinə, bu informasiya
böhranından çıxmaq üçün səmərəli strategiyalara malik olmasa, onun tibbi-psixoloji
problemlərlə üzləşməsi qaçılmazdır. “Hədsiz stimulyasiyaya insan reaksiyasını” özündə əks
etdirən bu problemi E.Toffler futurşok adlandırılmışdır [11].
E.Toffler qeyd edirdi ki, yaranmış vəziyyətdə yeni yaşama strategiyalarının
hazırlanması vacibdir. O, yeni strategiya dedikdə, informasiya mədəniyyətinin inkişaf
etdirilməsini nəzərdə tuturdu.
TƏHSİLİN İNFORMATLAŞMASININ NƏZƏRİ VƏ METODOLOJİ ƏSASLARI
Təhsildə İKT
24
Son zamanlar informasiyalaşdırmanın inkişafı ilə əlaqədar meydana çıxan və müzakirə
olunan problemlərdən biri də İnternet-asılılıq sindromudur. Artıq İnternetin xidmətlərindən
istifadə edən insanların sayı getdikcə artır. İnternetdən insanlar müxtəlif məqsədlərlə istifadə
edirlər: kitab almaq, gündəlik xəbərləri oxumaq, yeniliklərlə tanış olmaq, hansısa hesaba pul
ödəmək, məktub göndərmək və s. Onlar burada müxtəlif insanlarla ünsiyyət qururlar,
söhbətləşirlər, forumlarda iştirak edirlər, şəbəkə oyunlarına aludə olurlar və beləliklə, saatlarla
İnternetdən ayrıla bilmirlər. Uzun müddət İnternetdə - informasiya labirintində ilişib qalmaq
“İnternetdən asılılıq sindromu”nun yaranmasına gətirib çıxarır və bu öz hərəkətləri üzərində
nəzarətin itirilməsi, vaxtın çox hissəsinin kompüter arxasında, İnternetdə keçirməklə
xarakterizə olunur. Bunun psixoloji nəticəsi isə sosial izolyasiyaya (digər insanlarla
ünsiyyətdən qismən və ya tamamilə imtina etmək, dostluq əlaqələrinin kəsilməsi, emosional
reaksiyaların zəifləməsi, maraq dairəsinin azalması və s.), iş yerinin itirilməsinə, ailədə ciddi
problemlərin yaranmasına səbəb olur. Mütəxəssislər bu halı “kompyuter narkomaniyası” və
ya “İnternet-narkomaniya” da adlandırırlar.
İKT-nin geniş tətbiq olunduğu və İnternet istifadəçilərinin sayı çox olan ölkələrdə
internet-asılılıq problemi ciddi fəsadlar törətdiyindən, həmin ölkələrdə bu təhlükənin qarşısını
almaq üçün hökumət səviyyəsində müxtəlif tədbirlər görülür. Məsələn, Çin, Finlandiya, ABŞ
və digər ölkələrdə İnternet-asılılıq rəsmən klinik xəstəlik kimi tanınır [12].
Çin hökuməti 2007-ci ildə bu xəstəliyin profilaktikası üzrə milli proqram qəbul edib.
Bu proqram əsasında qəbul edilən müvafiq qanuna görə, yeniyetmə və gənclərin İnternet-
kafelərə, bar və diskotekalara daxil olması qadağan olunub. Həmçinin Çin parlamenti
müvafiq əhali təbəqələri arasında İnternet-asılılıq sindromunun inkişafının qarşısını almaq
məqsədi ilə tədqiqatların aparılmasını və texnologiyaların işlənməsini təşviq edən qərar qəbul
edib.
Finlandiyada isə Müdafiə Nazirliyi həmin xəstəlikdən əziyyət çəkənləri hərbi xidmətə
çağırmamaq haqqında qərar qəbul edib və bu qərarın qəbul edilməsinə səbəb kimi
mütəxəssislər öz kompyuterləri ilə vidalaşmağa məcbur olan belə gənclər üçün ayrılıq
dövrünün olduqca çətin keçdiyini göstəriblər. Bu xəstəlik aşkar edilən gənclərə müalicə
prosesi keçmək üçün 3 il möhlət verilir.
Bizim ölkədə İnternet-asılılıq problemi hələlik təhlükə həddinə çatmasa da, yaxın
gələcəkdə bizim də həmin problemlə üz-üzə gələcəyimiz istisna deyil. Çünki ölkəmizdə
informasiya cəmiyyətinin formalaşması, İKT sektorunun inkişaf etdirilməsi üçün dövlət
səviyyəsində həyata keçirilən tədbirlər nəticəsində kompyuterlərin qiymətinin getdikcə
Dostları ilə paylaş: |