METODİKA VƏ TƏCRÜBƏ
43
if X < 6 then
X := X + 3
else if X < 15 then
X := X - 2
else if X = 13 or X = 15 then
X := X * 4
else
X := 10;
Şərt operatorları zəncirinə iç-içə operatorlar qrupu kimi baxmaq olar, ancaq
onun yazılışında növbəti
if açar sözü
else ilə eyni sətirdə yazılmalıdır, çünki bu halda
proqramın strukturu daha sadə və anlaşıqlı olur.
Zəncirdə olan və
else if komandaları ilə ayrılmış icra operatorlarından yalnız biri yerinə
yetirilir.
Seçim operatoru. Şərt operatorları zəncirinin qurulmasında istifadə olunan
yoxlamaların hamısında yalnız bir ifadə iştirak edirsə və o tam qiymət alırsa, belə operatorlar
qrupunu daha sadə şəkildə yazmaq olar. Bunun üçün seçim operatoru nəzərdə tutulub. Pascal
dilində seçim operatoru
case of sətri ilə başlanır. Bu iki sözün arasında yoxlanılası ifadə
yazılır. Seçim operatorundan istifadə etməklə yuxarıdakı şərt operatorları zəncirini belə
yazmaq olar:
case X
of
1..4: X := X + 1;
5..9: X := X - 1;
13,15: X := X * 2;
else
X := 10;
end;
Yoxlanılan qiymətlər ayrıca ədədlər və intervallar şəklində verilir. İntervalı vermək
üçün minimal və maksimal qiymətləri, aralarında iki nöqtə (..) olmaqla göstərmək lazımdır.
Əgər eyni bir operatordan yoxlanılan ifadənin müxtəlif qiymətlərini yerinə yetirmək üçün
istifadə edilirsə, həmin qiymətlər (və intervallar) aralarında vergül qoyulmaqla yazıla bilər.
Qiymətlər siyahısından sonra iki nöqtə (:) qoyulur, ondan sonra isə yoxlanılan ifadənin
qiyməti həmin siyahıdakı qiymətlərin biri ilə üst-üstə düşərsə, növbəti operator icra olunur.
Əks halda ifadənin qiyməti növbəti sətirdəki siyahı ilə müqayisə olunur.
Əgər ifadənin qiyməti siyahılardan heç biri ilə üst-üstə düşmürsə,
else açar
sözündən sonra göstərilən operator yerinə yetirilir (
else bölümü olmaya da bilər). Seçim
operatoru həmişə
end açar sözü ilə bitir.
Əgər eyni qiymət bir neçə siyahıda göstərilibsə,
həmin qiymətin birinci rast
gəlindiyi siyahıya uyğun operator yerinə yetirilir. Sonra idarəetmə seçim operatorunun
ardınca gələn komandaya ötürülür.
Bu nəzəri biliklərin möhkəmləndirilməsi üçün nümunələr gostərirəm. Hər qrupa
aşağıdakı proqramları təqdim edirəm və onların sətirlərlə izahını öyrənib cavab vermələrini
tələb edirəm:
I qrup üçün: x həqiqi ədədi və a, b tam ədədləri verilmişdir. X ədədinin (a,b) intervalına aid
olub- olmadıqını yoxlayan proqram