Azərbaycan respublikasinin
Yüklə 5,64 Mb. Pdf görüntüsü
|
- Bu səhifədəki naviqasiya:
- I X f ə s i l
- Mədəniyyət sahəsində beynəlxalq mübadilə
- Mədəniyyət sərvətlərinin mühafizəsi sahəsində əməkdaşlıq
- Xaricdə yaşayan azərbaycanlılarla mədəni əlaqələr
- Heydər ƏLİYEV, Azərbaycan Respublikasının Prezidenti
- Heydər ƏLİYEV, Azərbaycan Respublikasının Prezidenti
- I f ə s i l
118
Müvafiq icra hakimiyyəti orqanının qərarı ilə zərərli iş şəraitində işləyən mədəniyyət işçilərinin əmək haqlarına müvafiq əlavələr müəyyən edilir. Mədəniyyətin inkişafında yüksək xidmətləri olan pensiyaya çıxmış mədəniyyət işçilərinin sosial təminatı Azərbaycan Respublikasının qanunvericiliyi ilə müəyyən edilir. I X f ə s i l MƏDƏNİYYƏT SAHƏSİNDƏ BEYNƏLXALQ ƏMƏKDAŞLIĞIN HÜQUQİ ƏSASLARI
M a d d ə 4 8 . Mədəniyyət sahəsində beynəlxalq əməkdaşlıq Müvafiq icra hakimiyyəti orqanları, mədəniyyət təsisatları, mədəniyyət işçilərinin həmkarlar ittifaqları, yaradıcılıq ittifaqları Azərbaycan Respublikasının qanunvericiliyi ilə müəyyən edilmiş qaydada başqa dövlətlərin hüquqi və fiziki şəxsləri ilə, beynəlxalq təşkilatlarla mədəniyyət sahəsində əməkdaşlığı həyata keçirə bilərlər. Azərbaycan Respublikasının qanunvericiliyinə uyğun olaraq Azərbaycan Respublikası ərazisində beynəlxalq mədəniyyət fondlarının və təşkilatlarının filialları və nümayəndəlikləri yaradıla bilər. Hər bir mədəniyyət təsisatının müvafiq beynəlxalq təşkilatlara daxil olmaq, habelə öz sıralarına əcnəbi üzvlər cəlb etmək hüququ vardır. Azərbaycan Respublikasının qanunvericiliyində nəzərdə tutulmuş hallar istisna olunmaqla mədəniyyət sahə- sində beynəlxalq əlaqələrin hər hansı şəkildə məhdudlaşdırılmasına yol verilmir. M a d d ə 4 9 . Mədəniyyət sahəsində beynəlxalq mübadilə Azərbaycan Respublikası mədəniyyət sahəsində beynəlxalq mübadilənin inkişafına, milli mədəniyyətin xaricdə yayılmasına, o cümlədən peşəkar yaradıcı işçilərin və kollektivlərin, mütəxəssislərin və tələbələrin qarşılıqlı səfərlərinə köməklik göstərir, mədəniyyət sərvətlərinin və mədəniyyət fəaliyyəti nəticələrinin, habelə mədəniyyətin müxtəlif sahələrində iş təcrübəsinin mübadiləsinə yardım edir. M a d d ə 5 0 . Mədəniyyət sərvətlərinin mühafizəsi sahəsində əməkdaşlıq Azərbaycan Respublikası mədəniyyət sərvətlərinin mühafizəsinə dair beynəlxalq əməkdaşlığı inkişaf etdirir, milli mədəniyyət sərvətlərinin mühafizəsi rejiminin Azərbaycan xalqının xaricdə olan nadir mədəniyyət sərvətlərinə şamil edilməsi və onların qaytarılması üçün mümkün olan bütün tədbirlərdən istifadə edir. M a d d ə 5 1 . Xaricdə yaşayan azərbaycanlılarla mədəni əlaqələr Müvafiq icra hakimiyyəti orqanları xaricdə yaşayan azərbaycanlılarla mədəni əlaqələr yaradır və inkişaf etdirir, o cümlədən onların mədəniyyət və informasiya mərkəzlərinin, fondlarının, təsisatlarının məqsədyönlü fəaliyyətinə köməklik göstərir, bu qurumların Azərbaycan Respublikasında nəşr olunan kitabları əldə etmələri, qəzet və jurnallara abunəçi olmaları üçün şərait yaradır. Heydər ƏLİYEV, Azərbaycan Respublikasının Prezidenti Bakı şəhəri, 6 fevral 1998-ci il № 430-IQ
AZƏRBAYCAN RESPUBLİKASININ QANUNU
Azərbaycan Respublikasının Milli Məclisi qərara alır: 1. Azərbaycan Respublikası Hökuməti ilə Polşa Respublikası Hökuməti arasında Mədəni və Elmi Əməkdaşlıq haqqında 1997-ci il avqustun 26-da Varşava şəhərində imzalanmış Saziş təsdiq edilsin. 2. Bu qanun dərc edildiyi gündən qüvvəyə minir.
Bakı şəhəri, 13 fevral 1998-ci il
№ 435-IQ 119
21 Azərbaycan Respublikası Hökuməti və Rusiya Federasiyası Hökuməti arasında Azərbaycan Respublikası və Rusiya Federasiyası vətəndaşlarının vizasız gediş-gəlişi haqqında Sazişin və ona əlavələrin təsdiq edilməsi barədə AZƏRBAYCAN RESPUBLIKASININ QANUNU
Azərbaycan Respublikasının Milli Məclisi qərara alır: 1. Azərbaycan Respublikası Hökuməti və Rusiya Federasiyası Hökuməti arasında Azərbaycan Respublikası və Rusiya Federasiyası vətəndaşlarının vizasız gediş-gəlişi haqqında 1997-ci il iyulun 3-də Moskva şəhərində imzalanmış Saziş və ona əlavələr təsdiq edilsin. 2. Bu Qanun dərc edildiyi gündən qüvvəyə minir.
Bakı şəhəri, 10 aprel 1998-ci il
№ 465-IQ 22 Tarix və mədəniyyət abidələrinin qorunması haqqında
AZƏRBAYCAN RESPUBLIKASININ QANUNU Bu Qanun tarix və mədəniyyət abidələrinin qorunması, öyrənilməsi və onlardan istifadə ilə bağlı münasibətləri tənzimləyir.
ÜMUMİ MÜDDƏALAR M a d d ə 1 . Tarix və mədəniyyət abidələrinin qorunması Azərbaycan Respublikası Konstitusiyasının 77-ci maddəsinə görə tarix və mədəniyyət abidələrini qorumaq hər kəsin borcudur. Tarix və mədəniyyət abidələri xalqın milli sərvətidir. Dövlət tarix və mədəniyyət abidələrinin qorunmasına təminat verir, onların elmi tədqiqi və təbliği üçün zəruri olan qurumların yaradılmasını, fəaliyyətini və inkişafını təmin edir, abidələrdən səmərəli istifadə üçün şərait yaradır. Qanunvericilik, icra və məhkəmə hakimiyyəti orqanları, yerli özünüidarə orqanları, siyasi partiyalar, ictimai birliklər, həmkarlar ittifaqları təşkilatları, hüquqi və fiziki şəxslər tarix və mədəniyyət abidələrini qorumalı, onları qorumaqla məşğul olan müvafiq icra hakimiyyəti orqanlarına, yerli özünüidarə orqanlarının yaratdığı təsisatlara və qeyri-dövlət təşkilatlara yardım göstərməlidirlər. Bu maddənin dördüncü hissəsində göstərilən subyektlər tarix və mədəniyyət abidələri yerləşən ərazidə torpaq və ya inşaat işləri görərkən Azərbaycan Milli Elmlər Akademiyasının rəyi nəzərə alınmaqla müvafiq icra hakimiyyəti orqanlarından qabaqcadan icazə almalı və belə icazə alındıqdan sonra torpaq və ya inşaat işlərini görərkən müvafiq icra hakimiyyəti orqanlarının və mütəxəssislərin abidələrin qorunması barədə göstərişlərini icra etməlidirlər. Azərbaycan Respublikasının dövlət sərhədinin sərhədboyu zona və sərhədboyu zolaqlarında, silahlı müna- qişələr zamanı döyüş əməliyyatları zonalarında, hərbi qurumların ərazilərində istifadəsində olan torpaq sahələrində yerləşən daşınmaz tarix və mədəniyyət abidələrinin qorunması müvafiq icra hakimiyyəti orqanları tərəfindən həyata keçirilir.
Yüklə 5,64 Mb. Dostları ilə paylaş:
|