24
Avropa Surası Nazirlər Komitəsi kütləvi informasiya vasitələri sahəsində
siyasətin həyata keçirilməsində riayət edilməli olan prinsipləri dəqiq
müəyyənləşdirmək məqsədilə 1982-ci ildə Söz və informasiya azadlığı haqqında
Avropa Bəyannaməsini qəbul etmişdir.
3.3. Qeyri-hökumət təşkilatları ilə əməkdaşlıq
Avropa Şurası QHT qismində cəmiyyətin dinamik elementləri ilə
əlaqələrdən geniş şəkildə faydalanır. Təşkilatın üzləşdiyi əsas çağırışlardan biri
yeni üzv dövlətlərdə QHT-nin və vətəndaş cəmiyyətinin rolunu artırmaq və
Panavropa prinsipi əsasında iştirak demokratiyasını gücləndirməkdir. Avropa
Şurasının əməkdaşlıq proqramları tərəfdaş QHT-lərə etibar edir və demokratik
islahatlar üzrə mərkəzləşir.
Avropa Şurası Beynəlxalq QHT-lərin Konfransı (İN-GOs) Avropa
Şurasında iştirakçı statusu olan beynəlxalq QHT-lərdən təşkil olunmuşdur. Avropa
Şurası bu status vasitəsilə beynəlxalq QHT-ləri hökumətlərarası fəaliyyətlərə cəlb
edir, parlament və mühüm sosial məsələlər üzrə yerli və regional hakimiyyət
üzvləri ilə assosiasiyalar arasındakı dialoqu təşviq edir.
Məsləhətçi və iştirakçı status: Beynəlxalq QHT-lər 1952-ci ildən etibarən
Avropa Şurası yanında məsləhətçi statusuna malikdirlər. 2003-cü ilin noyabrında
beynəlxalq QHT-lərə iştirakçı statusu verildi ki, bu, öz növbəsində, onların Avropa
Şurasının fəaliyyətində mühüm rolunu tanımasından irəli gəldi. Bu status Nazirlər
Komitəsinin Qətnaməsi (2003)8 tərəfindən müəyyən olunur. Bu cür statusa malik
olmaq istəyən beynəlxalq QHT-lər Avropa Şurasının məqsədlərini izləməli və
onun fəaliyyətinə öz töhfələrini verməlidirlər. Bu günə kimi 400-dən çox
beynəlxalq QHT bu cür statusa malikdir. Onlar ümumi tədbirlər planı haqqında
yekun qərar vermək məqsədilə ildə bir dəfə Avropa Şurası Beynəlxalq QHT-lərin
Konfransını keçirirlər.
Əlaqələndirmə Komitəsi: Konfrans tərəfindən seçilən Əlaqələndirmə
Komitəsi Avropa Şurasının Katibliyi və beynəlxalq QHT-lər arasında daimi dialoq
və əməkdaşlığı təmin etmək məqsədilə mütəmadi olaraq iclaslar keçirir. O, Avropa
Şurasının siyasi qurumları — Nazirlər Komitəsi, Parlament Assambleyası, Yerli və
Regional Hakimiyyətlər Konqresi və İnsan hüquqları üzrə komissarla yaxından
əlaqə saxlayır.
Qruplaşmalar: İştirakçı statusuna malik beynəlxalq QHT-lər ildə
üç dəfə Parlament Assambleyasının sessiyaları zamanı iclas keçirən on tematik
qruplaşma (İnsan Hüquqları, Gender Bərabərliyi, Avropa Sosial Xartiyası və Sosial
Siyasətlər, Yoxsulluq və Sosial Birlik, Təhsil və Mədəniyyət, Vətəndaş Cəmiyyəti
və Avropada Demokratiya, Səhiyyə, Ətraf Mühit, Şəhərlər, Şimal-Cənub
Dialoqu və Həmrəylik) təsis edib. Bu qruplar təşkilatın fəaliyyətləri
haqqında ilkin məlumat alaraq və özlərinin kollektiv nouhaudan istifadə
edərək bu fəaliyyətlərin həyata keçirilməsinə öz töhfələrini verməklə, Avropa
Şurasının nümayəndələri ilə mütəmadi dialoq aparırlar.
25
Əməkdaşlığın müxtəlif formaları: Beynəlxalq QHT-lərlə əməkdaşlıq sadə
məsləhət formasından tutmuş, xüsusi layihələr üzrə geniş miqyaslı əməkdaşlıq
daxil olmaqla, müxtəlif forma alır. Beynəlxalq QHT ekspertləri məsləhətçi
qismində müxtəlif layihələrdə iştirak edə, institusional və müvəqqəti əsasda
hökumətlərarası komitələrin işinə öz töhfəsini verə, Baş katib üçün memorandum
hazırlaya, Parlament Assambleyasının komitələrinə və Yerli və Regional
Hakimiyyətlər Konqresinə yazılı və şifahi bəyanatlar verə və Avropa Şurası
tərəfindən təşkil olunan seminar və iclaslarda çıxış edə bilər. İştirakçı statusuna
malik beynəlxalq QHT-lər öz fəaliyyətləri çərçivəsində Avropa Şurasının məqsəd
və fəaliyyətləri haqqında məlumatlar yayırlar.
2003-cü ilin noyabrında beynəlxalq QHT-lərə iştirakçı statusu verilməzdən
əlavə, QHT-lərin bütün üzv dövlətlərdə demokratiya və açıq cəmiyyətin
gücləndirilməsindəki həlledici rolları və onların Avropa Şurasının fəaliyyət
proqramlarına öz konstruktiv töhfəsini verməsini əks etdirən Avropa Şurası və
milli QHT-lər arasında əməkdaşlıq sənədi (Qətnamə(2003)9) əlavə olundu.
3.4. Terrorizmlə mübarizə
Terrorizmlə mübarizə üzrə 1977-ci il Konvensiyası terrorizmə qarşı
mübarizədə əməkdaşlıq məsələlərini nizama salır.
3.5. Canlı təbiət
Avropada canlı təbiətin və ətraf mühitin mühafizəsi üzrə Bern
Konvensiyasının məqsədi təbiətin bütün aspektlərini əhatə edən nadir və
məhvolma təhlükəsi altında olan heyvan və bitki növlərinin, təbii yaşayış
məntəqələrinin mühafizəsindən ibarətdir.
3.6. Təbii fəlakət və texnoloji qəzalar problemləri üzrə elmi əməkdaşlıq
Böyük təbii fəlakətlərin nəticələrinin aradan qaldırılması üçün 1987-ci ilin
may ayında böyük təbii və texnoloji qəzaların qarşısının alınması, müdafiəsi və
yardımının təşkili haqqında açıq razılaşma bağlanmışdır. Sazişin məqsədi elmi-
texniki əməkdaşlığın effektivliyinin artırılmasıdır.
3.7. İdman
İdmanda onun xeyirxah ideyalarının mühafizəsi məqsədilə Avropa Şurası
öz fəaliyyətini iki istiqamətdə həyata keçirir:
hazırda mövcud olan ənənələrdən idmanın "təmizliyinin" mühafizəsi;
həyat səviyyəsinin yüksəldilməsi vasitəsi kimi kütləvi idmanın inkişafı.
3.8. Xuliqanlıq
Beynəlxalq görüşlərdə futbolla bağlı zorakılıqların qarşısının alınması üçün
hazırlanmış Avropa Konvensiyası idman meydançalarında və ətrafda adamların
təhlükəsizliyinin təmin edilməsi məqsədilə hüquqi cəhətdən məcburi tədbirləri
nəzərdə tutur.
3.9. Sərhədyanı əməkdaşlıq
Bu konvensiya sərhədyanı ərazilərdə yerləşən qonşu rayonlar arasında
regional inkişaf, ətraf mühitin mühafizəsi və xidmət sahələrinin yaxşılaşdırılması
istiqamətində müqavilələrin bağlanmasını nəzərdə tutur.
Dostları ilə paylaş: |