15
nəvazişinə nail olmaq istəmiş, eyni zamanda Qara Osmanı məğlub edə bilməsi ilə
öz hərbi gücünü də sultan qarşısında nümayiş etdirmişdir.
II Sultan Murad da, öz növbəsində, sanki Şahruxa yazdığı ―Qara İsgəndərin
Ruma tərəf qaçmağından fikrə düşdük və fərman verdik ki, əgər ondan bir xəbər-
ətər bilsələr dərhal ona hücum etsinlər‖ sözlərini unutmuş, özünə xas olan
diplomatik xüsusiyyətlə bu Qaraqoyunlu şahzadəsinə ―kama çatmış adlı-sanlı Qara
İsgəndər‖ deyə müraciət edərək, onu bu ―şad müjdə‖ münasibəti ilə təbrik etmiş,
atası Qara Yusifin qəfil vəfatından kədərləndiyini bildirmişdir.
57
Qeyd etmək lazımdır ki, Osmanlılarla Qaraqoyunlular arasında XIV əsrin
sonu – XV əsrin əvvəllərində olan dostcasına münasibət Sultan Bayazidin
vəfatından sonra da davam etmişdir. Heç də təsadüfi deyil ki, I Sultan
Məhəmmədin vəfatından sonra, Cavanşah taxtına cülus edən II Sultan Muradı
təbrik edərək, ona bu iki sülalə arasında qədimdən bəri dostluq və qarşılıqlı
anlaşma münasibətləri olduğunu bir daha xatırlatmışdır: ―Bu şad xəbər gəlib çatan
kimi canımızda elə həzz və sevinc yarandı ki, (onun şərhi) yazıya belə sığışmır‖.
58
II Sultan Muradda cavab məktubunda bu fikri təsdiq edərək, ―əzəmətli padşah
əbülmüzəffər Mirzə Cahanşah‖a belə yazır: ―Aydındır ki, bizim aramızda olan
qədim məhəbbət heç bir bəyana sığmır. Bu qoy belə davam etsin və heç bir
dəyişiklik baş verməsin‖.
59
II Murad Amasya valisi Yürgüc paşaya İsgəndərə onun layiq olduğu
hörmətin olunmasını tapşırmış, özü isə ona on min altun pul və paltarlar, silahlar,
atlar, kölə və cariyələr yollamışdır (Məğrizi, İbn-Həcər). Lakin baharda
Qaraqoyunluların həmin əraziyə qarətə başlamaları II Murada bəlli olan kimi, o,
Anadolu bəylərbəyisi Teymurtaş paşanın oğlu Umur bəyi İsgəndərin üzərinə
yollamış, İsgəndər Osmanlı ölkəsini tərk etmişdi.
60
Qara İsgəndərin məğlubiyyəti uğratdığı Qara Yuluq Osman da II Sultan
Murada məktub göndərib, öz məhəbbətini ona bildirir: ―Qəlbimizdəki məhəbbətin
çoxluğundan Tərxan ağanı sizin yanınıza göndərdik ki, özümüzü sizin yadınıza
salaq. Yazışma qapılarının həmişə üzümüzə açın ki, ürəyimiz təsəlli tapsın‖.
61
Qara Osman həmin məktubda fürsətdən istifadə edərək Osmanlı sultanına
―Qara Yusifin övladları‖ndan şikayət etməyi də unutmur: ―Qara Yusifin övladları
tamamilə məğlub olmuşlar. Rəcəb ayının 1-də Şərqin və Qərbin padşahı əmirzadə
Şahrux bizə cürbəcür hörmət və izzət göstərdi, soyurqal,
*
qılınc, kəmər, çoxlu qızıl
və gümüş verdi‖. O, hədsiz inayət, şəvqət və lütfkarlıq etdi ki, heç bir şərhə sığmır.
[İndi] vacibdir ki, baş verən bu hadisələr dost və yaxın adamlara çatdırılsın ki,
dostlar şad, düşmənlər pərt olsunlar‖.
62
Şahrux yalnız cəhd edirdi ki, bu ölkələrdə Qara Yusif yaratmış olduğu
Qaraqoyunlu dövləti kimi güclü dövlətlər yaranmasın və buna görə də, Azərbaycan
* Soyurqal - torpaq, malvə pul şəklində əsasən hərbçilərə bəxş edilən ənam.
16
feodal hakimləri tərəfindən özünün siyasi üstünlüyünün qəbul edilməsi ilə
kifayətlənirdi.
63
Heç bir mənbə, yaxud elmi ədəbiyyatda Azərbaycanın Şahrux
tərəfindən, yuxarıdakı məktubda göstərildiyi kimi, Qara Yuluq Osmana verilməsi
faktı yoxdur. Belə ki, bu Teymuri hökmdarı Azərbaycan taxt-tacını Qara Yusifin
ölümündən sonra əvvəlcə Əbu Səid Qaraqoyunluya, sonra isə Cahanşaha
vermişdi.
64
Qara Yuruq Osmana cavab yazan II Sultan Murad, görünür ki,
Azərbaycandaq və müvafiq qonşu ölkələrdə hakimiyyətin bu Ağqoyunlu əmirinə
verildiyinə inanmadığı üçün onun məktubuna nisbətən soyuq tərzdə cavab verir:
―Şahruxun fütühatı haqqında yazdığınız [sözlər] şadlığa səbəb oldu. Xaqanın sizə
iltifatı yetdiyi üçün gərək hər iki tərəfin din və dayiq hərəkət edəsiniz. Əgər bizim
yazışmamışda bir qədər ləngimə olsa, bunun səbəbinin bizim bərk məşğul
olmağımızda görün.
65
Cahanşah Qaraqoyunlu ilə II Sultan Murad arasında müntəzəm olaraq
yazışma davam etmiş, Osmanlı sultanı Macarıstanın yenidən Osmanlılar tərəfindən
fəth olunduğunu böyük sevinclə Cahanşaha xəbər vermişdi.
66
Cahanşahda onu
ürəkdən təbrik edərək, özünün siyasi əqidəsini belə ifadə etmişdi: ―Mən həmişə öz
sələflərim kimi, islam dininə müxalif olanlarla müxalif edəcəyəm və onların
rəfiqlərinə qarşı belim cahad və müharibə kəməri bağlayacağam‖.
67
Cahanşah hələ
gənc yaşlarından uzaqgörən bir hökmdar olmuşdur. O, özünü Şərq regionunda
müvəffəq görmək üçün Osmanlıları ən yaxın arxa bilmiş, onlarla xoş keçinməyi
münasib hesab etmişdi. ―O, Sultan Məhəmməd Fatehə elçi göndərərək Sivasa
qonşu olan Qaraqoyunlu torpaqlarına hücum etməyəcəyi təqdirdə ona 4 min kental
(? - Ş.F.) təryağı (kərə yağı – Ş.F.) və min baş dəvə verəcəyini bildirmiş və
Osmanlı hökmdarı da bu təklifi qəbul etmişdi‖.
68
Osmanlı sultanı özünün ―məhəbbətnamə‖ adlandırdığını həmin məktubunda
Qaraqoyunlu hökmdarına yazırdı: ―Bursadan sizin diyarınıza öz kəsbkarklığını
etmək üçün Əhməd Musa adlı bir tacir getmişdi. Onun əlindən bütün bütün nəğd
pullar və cins mallar sizin dərgahınızın ümənası (əmin-amanlığı qoruyanlar – Ş.F.)
tərəfindən alınmışdır. Onun fərzəndi olan Şeyx Məhəmməd Bursəvi onun varisi
kimi oraya gəlir. O, çatan kimi, [gərək] valilərə və nəvvabe-südura (cənab sədrlərə
- Ş.F.) işarə olunsun ki, şəri qohumluq hökmünə riayət edərək, alınmış şeyləri
Məhəmmədə qaytarsınlar‖.
69
Məlum olduğu kimi, II Sultan Məhəmmədin ―məhəbbətnamə‖sində irəli
sürülən xahiş tezliklə Cahanşahın fərmanı ilə yerinə yetirilmiş, həmin məktubun
cavabı kimi sultana Qaraqoyunlu hökmdarlarının yeni bir fəthnaməsi yola
salınmışdı. Orada deyilirdi: ―Maleke-məmalike-Rum və Yunan[ıstan] Sultan
Məhəmməd! Biz fərman verdik ki, Şeyx Məhəmməd Bursəvidən (Əhməd Bursəvi
olmalıdır – Ş.F.) alınan şeyləri Təbriz darüs-səltənəsinin zabitləri (zəbt edən
məmurları – Ş.F.) Əhməd ibn Musa Bursəviyə (Məhəmməd ibn Əhməd Musa
Dostları ilə paylaş: |